«Իգլան» տարիներ շարունակ պահվել է Էջմիածնում. նախկին քաղաքապետի՝ արտահանձնված որդին խոսեց

ԼՂՀ ՊԲ նախկին հրամանատար, Արցախի հերոս Սամվել Բաբայանի եւ մյուսների գործով այսօր Վերաքննիչ քրեական դատարանում առաջին անգամ ցուցմունք տվեց գործով առանցքային մեղադրյալ Ռոբերտ Աղվանյանը:

Նրան առաջին ատյանի դատարանում հարցաքննելու հնարավորություն չի ընձեռվել այն պատճառով, որ վերջինիս Վրաստանի իրավապահները դեռ չէին արտահանձնել Հայաստանին: Աղվանյանին Վրաստանի իրավապահները ձերբակալել էին Սամվել Բաբայանին եւ մյուսներին ձերբակալելուց հետո՝ 2017 թվականի մարտին: Շատ հետաքրքիր «պատահականությամբ» Աղվանյանը Հայաստանին փոխանցվեց միայն այն ժամանակ, երբ կար արդեն Սամվել Բաբայանի եւ մյուսների վերաբերյալ դատավճիռ. դատավճիռը հրապարակվել է 2017 թվականի նոյեմբերի 28-ին, Աղվանյանը արտահանձնվել է նույն թվականի դեկտեմբերի 25-ին: Այս պահին գործից անջատված մասով ԱԱԾ-ում նրա վերաբերյալ գործ է քննվում, Աղվանյանը գտնվում է կալանքի տակ: Ըստ գործի նյութերի, հենց նա է վաճառել «Իգլա» տեսակի զենիթահրթիռային համալիրը:

Դատաքննության ընթացքում Սամվել Բաբայանը պարբերաբար պետական մեղադրողից եւ դատարանից հետաքրքրվում էր, թե ո՞ւր է Ռոբերտ Աղվանյանը: Վերջինս Էջմիածնի նախկին քաղաքապետ Երվանդ Աղվանյանի որդին է: Չնայած դատարանը պարզաբանեց, որ ինքն իրավունքի ունի հրաժարվելու ցուցմունք տալուց, այնուամենայնիվ, Աղվանյանը պատրաստակամություն հայտնեց հարցեր լինելու դեպքում պատասխանել դրանց:

Պարզվեց, որ Աղվանյանը ամբաստանյալներից ճանաչում է միայն Արմեն Պողոսյանին, նա էլ է Էջմիածնից: Նրա ցուցմունքով պարզ դարձավ, թե ի վերջո որտեղից է ձեռք բերվել «Իգլան»: Նրա ցուցմունքը ո՛չ հօգուտ ամբաստանյալների էր, ո՛չ էլ՝ հակառակը:

Սամվել Բաբայանի պաշտպան Ավետիս Քալաշյանի հարցին, թե որտեղից է ձեռք բերել «Իգլան», եւ ի՞նչ առնչություն ունի դրա հետ, Ռոբերտ Աղվանյանը պատասխանեց, որ այն պատկանել է հորը. «Պատերազմի ժամանակ հայրս մեծ օգնություն է ցուցաբերել, այդ ժամանակվանից մնացել էր մեր տանը։ 2008-10 թվականին հստակ չեմ հիշում. Էջմիածինում տունս վաճառելու ժամանակ եմ հայտնաբերել»: Հարցին, թե որտե՞ղ են հանդիպել Հրաչ Մայիլյանի (Սամվել Բաբայանի եւ մյուսների դեմ ցուցմունք տված անձը, ում շնորհիվ բացահայտվել էր գործը: Նա է «Իգլան» հանձնել ԱԱԾ-ին,-Տ.Խ.) հետ եւ ի՞նչ են զրուցել, նա ասաց, որ հանդիպել են Թբիլիսիում. «Հանդիպել ենք, հաց ենք կերել, զրուցել ենք։ Ես «Իգլան» տվել եմ Հրաչյա Մայիլյանին, իմ գործունեությունն այդքանն է, մնացած հարցերով Հրաչյա Մայիլյանին դիմեք, ես ոչ մի ցուցմունքի, ոչ մի բանի հետ կապ չունեմ, գրողները գրել են, ցուցմունք տվողները տվել են...»,- ասաց նա: Իր ցուցմունքում Աղվանյանը պարբերաբար կրկնում էր, որ մյուս հարցրերն ուղղեն Մայիլյանին: Հիշեցնենք, որ Մայիլյանն առաջին ատյանի դատարանում հրաժարվել է ցուցմունք տալուց:

Դատարանի հարցին, եթե զենիթահրթիռային համակարգը Հայաստանում է եղել, ինչո՞ւ է Մայիլյանին ասել, թե այն Վրաստանից է բերելու, Ռոբերտ Աղվանյանը պատասխանեց՝ բարձր գնով վաճառելու համար:

«Զենիթահրթիռային համալիր Վրաստանից չի բերվել, այլապես ինձ Վրաստանից Հայաստան չէին արտահանձնի։ Զենքը տվել եմ Մայիլյանին, նպատակ եմ ունեցել այն վաճառել 25 000 դոլարով, Հրաչյա Մայիլյանն էլ ինձ տվել էր 4000 դոլար՝ պայմանով, որ մնացած գումարը հետո տամ»,- մանրամասնեց մեղադրյալը:

Գործով ամբաստանյալ Սանասար Գաբրիելյանի հարցին, թե ո՞վ է առաջարկել վաճառել «Իգլան», Ռոբերտ Աղվանյանը պատասխանեց. «Առաջարկել եմ նրան տալ «Իգլա»-ն, որ քրդերին փոխանցի՝ թուրքերի հերն անիծելու համար: Դրանից հետո տվել եմ Մայիլյանին, թե նա ինչ է արել այն, հարցերն ուղղեք իրան»:

Ցուցմունք տալիս նա նաեւ հայտնեց, որ Թբիլիսիում ձերբակալվելուց հետո հասկացել է իր սխալը եւ եւս մեկ հրթիռ է ունեցել, որը 2017-ին նվիրաբերել է հայոց բանակին: Նախագահող դատավոր Սեւակ Համբարձումյանը կատակեց՝.«Դե սաղ նվիրեիք պրծնեիք»։

Շարունակելով իր ցուցմունքը՝ Աղվանյանը դատարանին հայտնեց, որ ինքը որեւէ մեկի դեմ ցուցմունք չի տվել. «Ես ոչ մեկի վրա ո՛չ գրել եմ, ո՛չ ցուցմունք եմ տվել: Մինչեւ իմ էստեղ գալը, գրողը գրել ա, սարքողը՝ սարքել»,- ասաց նա հավելելով, որ իրեն ձերբակալել են իր դեմ տված ցուցմունքների հիման վրա:

Սամվել Բաբայանը Ռոբերտ Աղվանյանին հարցրեց՝ ինչու է Հրաչյա Մայիլյանն իր ցուցմունքում նշել, որ զենքը ոչ թե իրենք են տարել, այլ զենքը դրվել է մի տեղում, եւ դա Մայիլյանը վերցրել է, տարել, Աղվանյանը պատասխանեց, որ այդ հարցերի հասցեատերը Հրաչ Մայիլյանն է. «Ես ոչ մեկից վախենալու բան չունեմ, ասում եմ ինչ կա»:

Սամվել Բաբայանն էլ հարցաքննվողին ասաց, որ ինքը տեղյակ է եղել, որ մեկ համալիր Աղվանյանը նվիրել է բանակին, եւ տեղյակ է, որ այդ համալիրը Աղվանյանենց տանը գտնվել է ոչ թե 2010-ից, այլ ավելի վաղ՝ 1990-ականներից։ Ինչին ի պատասխան Աղվանյանն ասաց. «Դե ես փոքր էի»:

Հարցաքննության ավարտից հետո Սանասար Գաբրիելյանը ժպտաց, ինչը նկատեց նախագահողը եւ հարցրեց, թե ինչո՞ւ է ուրախանում. «Ուրախալի է, տեսա՞ք, որ ճիշտ ենք ասում, պարո՛ն դատավոր»։

Նշենք, ոչ ըստ մեղադրանքի, Աղվանյանը 38 հազար ԱՄՆ դոլարի դիմաց պատրաստակամություն էր հայտնել տրամադրել դյուրակիր զենիթահրթիռային համալիրը, ապա պայմանավորվածություն ձեռք բերելով մի շարք անձանց հետ եւ 4 հազար դոլար կանխավճար ստանալով, «Իգլա»-ն հանձնել էր Հրաչյա Մաիլյանին:

Վերաքննիչ բողոքով դատաքննության ավարտ հայտարարվեց, եւ դատարանն անցավ դատական վիճաբանությունների փուլին: Սամվել Բաբայանը եւ մյուսները վերաքննիչ քրեական դատարանում բողոքարկում են առաջին ատյանի կայացրած դատավճիռը: Սամվել Բաբայանը ըստ այդ դատավճռի դատապարտվել է 6 տարվա ազատազրկման:

Հաջորդ՝ փետրվարի 26-ին կայանալիք նիստում ճառով հանդես կգան կողմերը:

Տպել
4595 դիտում

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ