Քաղբանտարկյալ չկա. «բրիտանացին» Աժ-ում սայթաքում էր լեզվից, ոտքերին փաթաթված զայրադչնիկից

Լուսանկարները՝ Ֆոտոլուր գործակալության

Փետրվարի 9-ին տեղի ունեցավ ՀՀ նախագահի թեկնածու Արմեն Սարգսյանի հանդիպումը ԱԺ ընդդիմադիր ԵԼՔ խմբակցության հետ: Ավելի քան մեկ ժամ տեւած հանդիպումից հետո Արմեն Սարգսյանը հայտարարեց՝ հանդիպումը պրոֆեսիոնալների հետ էր եւ սրտնեղած չէ, որ ԵԼՔ-ը իր թեկնածությանը դեմ է քվեարկելու: Սարգսյանը նշեց՝ ընտրվելու դեպքում պատրաստակամ է ընդդիմադիրների հետ եւս աշխատել:

«Հանդիպման ընթացքում հարցեր ուղղեցինք իրար երկու կողմից, քննարկումը շատ բաց էր, պրոֆեսիոնալ: Ես իմ կողմից բավարարված եմ զգում, որովհետև շատ բաց զրույց էր եւ ես կարծում եմ, որ այս զրույցը վերջինը չի, մենք խոսեցինք նաեւ հետագա նոր հանդիպումների մասին: Ես հստակ գիտեմ, որ ԵԼՔ-ը հայտարարել է, որ դեմ են քվեարկելու ինձ, ես էլ, իհարկե, հարգում եմ իրենց որոշումը, բայց դա չի նշանակում, որ եթե ես համաձայնեմ թեկնածու լինել, հետո ընտրվեմ նախագահ, իրենց հետ չեմ աշխատելու: Ընդհակառակը` իրենք ընդդիմախոս կառույց են, որոնք արտահայտում են հասարակության որոշակի մասի կարծիքը, այնպես որ ես նայում եմ առաջ, իրենց հետ շարունակելու եմ աշխատել»,- լրագրողների հետ զրույցում ասաց նախագահի թեկնածուն:

ԵԼՔ խմբակցության եւ ՀՀ նախագահի թեկնածու Արմեն Սարգսյանի հանդիպման առանցքում եղել է նախագահի պաշտոնում թեկնածուի տեսլականը: Հանդիպումից հետո այս մասին ԱԺ-ում լրագրողների հետ ճեպազրույցում ասաց ԵԼՔ խմբակցության ղեկավար Նիկոլ Փաշինյանը, որը հերթականությամբ ներկայացրեց իրենց կողմից բարձրացրած հարցերը: ԵԼՔ-ում Արմեն Սարգսյանին անհարմար հարցեր են տրվել՝ երկրի խնդիրներից, Սերժ Սարգսյանի սուպերվարչապետության կառավարումից, նոր նախագահի բացակայող լիազորություններից եւ այլն:

«Հարցրել ենք՝ ինչպես է վերաբերվում այն փաստին, որ ի հեճուկս նրան, որ Սերժ Սարգսյանը հստակ հայտարարել է, որ չի հավակնելու վարչապետի պաշտոնին, բայց պրոցեսները գնում են այնպես, որ առաջադրվում է, որը ներքաղաքական վիճակը սրելու լուրջ պոտենցիալ ունեցող հարց է, և նա, ով լինելու է նախագահ, լուրջ խաչմերուկի և դերակատարման մեջ կարող է հայտնվել: Հարցրել ենք, թե Սարգսյանն ինչպես է վերաբերվում, որ նախագահական նստավայրը պատրաստվում են խլել եւ նաեւ, թե ինչպես է վերաբերվում ներման համակարգի փոփոխությանը, քանի որ Սահմանադրությամբ հստակ նախագահին էր վերաբերում, հիմա այն դե ֆակտո դառնում է վարչապետի լիազորությունը: Ընտրակաշառքների մասին իր գնահատականներից ենք հետաքրքրվել, Մարտի 1-ի հարցով դիրքորոշումները ճշտել, քաղբանտարկյալների հարցն ենք բարձրացրել, նաև խնդրել ենք պարզաբանել իր քաղաքացիության հարցը, որ մամուլում նշվում է»,- ասաց նա:

Արմեն Սարգսյանի պատասխանները Փաշինյանը չհանրայնացրեց՝ կոռեկտության սկզբունքով, բայց դաշինքում այն ընդունել են ի գիտություն:

Հարցին, թե Արմեն Սարգսյանն ինչ-որ կերպ ակնարկե՞լ է, որ ցանկություն ունի նախագահ դառնալ, բայց ձեւական այցեր է կատարում, Նիկոլ Փաշինյանը տեղեկացրեց, որ նա իրենց եւս ասել է, որ վերջնական որոշում կայացնելու է բոլորի հետ հանդիպելուց հետո:

«ՀԺ»-ի հարցին՝ Արմեն Սարգսյանը հայտնե՞ց՝ եթե ընտրվի, ապա պատրաստ է ԵԼՔ-ի հետ աշխատել, իսկ դաշինքը պատրաստ է ՀՀԿ-ի նախագահի հետ աշխատել, Նիկոլ Փաշինյանը նկատեց.

«Մենք ասացինք, որ ինչպես այս հանդիպումը, որը ասել ենք՝ պատրաստ ենք քննարկումների, շփումների, էլի ենք ասում, որ պատրաստ ենք»:

Հարցին՝ արդյո՞ք Արմեն Սարգսյանը մոտեցումներով տարբերվում է գործող իշխանության որդեգրած քաղաքականությունից, ԵԼՔ խմբակցության ղեկավարը պատասխանեց, որ եթե նա ՀՀԿ-ի թեկնածու է, ուրեմն այդպիսով իշխանության թիմի մեջ է:

«Իհարկե, սահմանադրական նոր գործառույթներով, նրա վրա դրված է քաղաքական պարտավորություն՝ լինել չեզոք և անաչառ: Եթե համաձայնվի լինել նախագահի թեկնածու, ուրեմն համաձայն է ստանձնել այդ պարտավորությունները»,- ասաց նա:

Իսկ թե իր համար մտահոգիչ չե՞ն այն հրապարակումները, որ իր ՀՀ քաղաքացիության տարիները բավարար չեն նախագահի պաշտոնում առաջադրվելու համար, Նիկոլ Փաշինյանը նշեց, որ այդ խնդիրը՝ արդյոք նա ունի Մեծ Բրիտանիայի քաղաքացիություն, ստուգելի է: «Եթե թեկնածու է առաջադրվում, ուրեմն, պետք է հոգ տանել և ստուգել այդ փաստը»,- ասաց նա:

Հանդիպումից հետո հանրապետականի եւ մասնավորապես կուսակցապետ Սերժ Սարգսյանի պատկերացրած անկողմնակալ նախագահի թեկնածուն խորհրդարանում առաջին լուրջ սայթաքումը թույլ տվեց: Հարցին՝ Հայաստանում քաղբանտարկյալներ կա՞ն, Արմեն Սարգսյանը պատասխանեց.

«Ես չգիտեմ՝ քաղբանտարկյալներ կա՞ն Հայաստանում, ես գիտեմ, որ կան անհատներ, որոնք հասարակության կողմից գնահատվում են քաղբանտարկյալ: Մեր երկրում այսօր կամ վաղը քաղբանտարկյալներ չպետք է լինեն, բայց ո՞վ է որոշում քաղբանտարկյալ լինելը»,- խուսափողական պատասխան տվեց նախագահի թեկնածուն: Այս հարցը նրան սուր ջղաձգեց, հրաժարվեց խոսել այլ թեմաներով, փորձեց արդարացնել, որ ժամանակ չունի, դեռ պետք է Արցախ մեկնի:

Մինչ այս Արմեն Սարգսյանից հաջողվեց մի քանի հարցերի պատասխաններ ստանալ, մասնավորապես, մեկնաբանեց այն, թե ինչու՞ Բրիտանական ընկերությունների Companies House ռեգիստրում գրանցված Eurasia House International ընկերության փաստաթղթերում Արմեն Սարգսյանը ներկայանում է որպես Բրիտանիայի քաղաքացի:

«Այստեղ, որ դուք խնդիր եք փնտրում, խնդիր չկա: Ես եղել եմ Մեծ Բրիտանիայի քաղաքացի: 2000 թվականին, երբ ազատվեցի դեսպանի պաշտոնից, դրանից հետո դիմել եմ քաղաքացիության համար եւ ստացել եմ 2002 թվականին: Դրանից հետո քաղաքացիությունից հրաժարվել եմ 2011-ին: Հիմա դուք Companies House-ից օրինակներ եք բերում, բայց ես տասնյակ ընկերությունների խորհրդի կազմում եմ: Այդտեղ ինչ-որ տեղեր գրանցված է եղել, որ հայ եմ, իսկ ինչ-որ տեղեր՝ անգլիացի: 2011-ին քաղաքացիություն տալուց հետո չեմ հայտարարել, որ քաղաքացիությունից հրաժարվել եմ: Այդ բոլոր տեղերում ինձ ընդունել են որպես Արմեն Սարգսյան եւ ոչ թե Բրիտանիայի քաղաքացի: Դուք կարծում եք, որ մեկը քաղաքացիությունից հրաժարվեց, ուրեմն Բրիտանիան միանգամից հանեց»,- ասաց նա:

Արդեն վերելակի խցիկից Արմեն Սարգսյանը պատասխանեց իրեն ձեռնտու մեկ այլ հարցի՝ վիրավորված չէ՞ այն հանգամանքով, որ Բաղրամյան 26-ի ճոխ նստավայրը իր համար շատ ճոխ են համարել եւ այլ նստավայր են առաջարկել.

«Ընդհակառակը, եթե ես աշխատեի Բաղրամյան 26-ում, ապա կլինեի 3-րդ հանրապետության 4-րդ նախագահը, իսկ հիմա, որ այլ տեղում է լինելու իմ աշխատավայրը կլինեմ 4-րդ հանրապետության առաջին նախագահը»,- ասաց Արմեն Սարգսյանը:

Այս հարցին պատասխանելիս եւ վերելակ մտնելիս Արմեն Սարգսյանին եւս մեկ սայթաքում էր սպասում, բայց այս անգամ ոչ լեզվի: Բանն այն է, որ ԵԼՔ խմբակցությունից դեպքի վերելակ տանող միջանցքը շատ նեղ էր, լրագրողները՝ շատ, եւ ստացվեց այնպես, որ լրագրողներից մեկի համակարգչի լիցքավորման լարը փաթաթվեց Արմեն Սարգսյանի ոտքերին, նա կընկներ միջացնքում, եթե լրագրողներից մեկը նրան չզգուշացներ եւ ձեռքից չբռներ:

Նյութը տպագրվել է «Հայկական ժամանակ» օրաթերթի փետրվարի 10-ի համարում: 

Տպել
7252 դիտում

Ինչպիսին է Հայաստանում գետերի ջրի մակարդակը, ինչ ցուցանիշեր են առկա

40+10 հազար դրամ աջակցության ծրագրի շրջանակում վճարումները շարունակվում են

Օձունի տներից մեկում հայտնաբերվել է 64-ամյա տանտիրոջ դին՝ գլխի շրջանում վնասվածքներով

Տաշիրի տներից մեկից մոտ 5 տոննա անձրևաջուր է հեռացվել

Կրկին ուժգին ամպրոպ է․ Գագիկ Սուրենյանը տեսանյութ է հրապարակել

Մայր Աթոռը չի՞ ցանկանում Գալստանյանի հետ կապակցվել. ի՞նչը չէր բավարարում նրան հոգևորականի կարգավիճակում

Կապան-Ծավ քարաթափված հատվածի մաքրման աշխատանքներն ավարտվել են

Լոռու և Տավուշի հեղեղված բնակավայրերը կհայտարարվեն աղետի գոտիներ․ խնդիրների լուծման համար 300 մլն դրամ կհատկացվի

Ծեծկռտուք Երևանի դպրոցներից մեկի մոտ, կռվի մասնակիցները անչափահասներ են․ երեխաներից մեկը հիվանդանոցում է

ՀՀ-ն անհրաժեշտության դեպքում կդիմի գործընկերներին՝ Տավուշում և Լոռիում աղետի ազդեցությունը մեղմելու համար․ ԱԳՆ խոսնակ

Պատգամավորին բերման ենթարկած ոստիկանության ծառայողներից մեկի լիազորությունները դադարեցվել են

Երևի փող են վերցրել, հաշվետվություն են տալիս՝ փողոց փակեցինք, գնացինք ամառանոց, տակից պիտի դուրս գան. Ստեփանյան

Ռուսաստանը Ստեփանակերտում գլխավոր հյուպատոսություն կբացի

19-ամյա վարորդը «Տեսլա»-ով մխրճվել է կիսամաշված անվադողերի մեջ և բախվել երկաթե էլեկտրասյանը. կա վիրավոր

Ադրբեջանցի զինծառայողը ջրանցքում խեղդվել է

Վայ, տիրացու, տիրացու, էս ինչ աչքեր բացեցիր, մի ամիս է՝ գիտեինք վերևիս հարևանը ռեմոնտ է անում․ Սաֆարյան

Ավտովթարի հետևանքով Վանաձորի ԲԿ ընդունված տուժածներից մեկը սանավիացիայի ուղղաթիռով տեղափոխվել է Երևան

Հոգևորականների՝ աշխարհիկ պաշտոնների ձգտումը հաճախ համարվում է որպես շեղում աստվածային կոչումից․ Բաբաջանյան

Նախօրոք իր հետ վերցրել է բենզին և լցրել Կապանի համայնքապետի «Lexus»-ի վրա․ քաղաքացին ասել է՝ ինչու է նման քայլի դիմել

Տղամարդը ընկերոջ երեխայի մկրտության ժամանակ վիճաբանել է, կանանցից մեկի հասցեին անպարկեշտ արտահայտություններ արել, կրակել

Գալստանյանն ու համակիրները գնում են Սարդարապատ

Որքանով է առկա նոր վարարումների հավանականությունը․ Գագիկ Սուրենյանը պարզաբանել է

Հայաստան-Իրան միջպետական ճանապարհը բաց է, շրջանառվող լուրերն իրականությանը չեն համապատասխանում

Սահմանապահների տեղակայմամբ Հայաստանի սահմանը դառնում է ԵՄ-ի սահման, ուզում եմ իմանալ՝ էլ ո՞վ կհարձակվի. Սուքիասյան

7 բնակավայրի հետ ճանապարհի վերականգումը շարունակվում է, սնունդն ապահովվում է ամենագնացներով և բեռնատարներով․ Մկրտչյան

Լցվածության ինչ աստիճանում են Շիրակի մարզի ջրամբարները․ աշխատանքային խումբը նոր տվյալներ է ներկայացրել

Դոլարն էժանացել է․ ինչ փոփոխություններ է արձանագրել տարադրամի շուկան մայիսի 27-ին

ԵԽ երևանյան գրասենյակի ղեկավար Մաքսիմ Լոնգանգեն այցելել է Քննչական կոմիտե․ գործակցության զարգացման հարցեր են քննարկվել

Սյուզի Բադոյանը մանիպուլացնում է. ցուցարարները ոչ թե արյունոտված, այլ ներկված են եղել

Հորդառատ անձրևների պատճառով Մեծ Մանթաշում գազատար է փլուզվել․ Շիրակի մարզպետն այցելել է դեպքի վայր

Ընդհանուր առմամբ բերման է ենթարկվել ակցիայի 289 մասնակից, 284-ը ազատ է արձակվել, 1-ը՝ ձերբակալվել, փակ փողոցներ չկան

Որ ճանապարհներն են փակ կամ միակողմանի երթևեկելի

Տավուշի մարզպետը խորհրդակցություն է անցկացրել․ տրվել են նոր հանձնարարականներ

Ռուսաստանի և Հայաստանի միջև առևտրային հարաբերություններում ընդհատումներ չկան․ Օվերչուկ

Հայտնի են հեղեղի հետևանքով զոհվածների անունները

Եթե այլևս հոգևորական չես, ուրեմն հագիդ շորը ոչ թե սքեմ է, այլ՝ դեյրա. Սաֆարյան

Ֆրանսիան մեր առաջնային գործընկերներից է, համագործակցությունը խորացնելու ահռելի ներուժ կա․ վարչապետը՝ Ժորժ Սիֆրեդին

Ժանրի կանոնները պահանջում են, որ հնարավորինս հրատապ Գալստանյանը երդվի զենքի վրա և համալրի ՀՅԴ շարքերը. Թորոսյան

Դուք կո՞ղմ եք, որ պատգամավորը մեր հայհոյի ոստիկանին, չի՛ կարելի. ոստիկանապետը՝ լրագրողներին

Ինչ եղանակ է սպասվում առաջիկա օրերին