Հայերը դատի են տվել Թուրքիայի ՆԳ նախարարությանը. պատրիարքի ընտրությունը՝ նոր կրքերի պատճառ

06/02/2018 schedule22:55

 

 

Պոլսո Հայոց պատրիարքի ընտրությունների կազմակերպմամբ զբաղվող նախաձեռնող խումբը դատի է տվել Թուրքիայի ներքին գործերի նախարարությանը։ Այս մասին Sputnik Արմենիային հայտնել է Ստամբուլի «Ակոս» թերթի հայկական բաժնի խմբագրապետ Բագրատ Էստուկյանը։

2017թ-ից սկսած` Թուրքիայի կառավարությունն անտարբերության է մատնում Պոլսո հայոց պատրիարքի ընտրության հարցը»,- ասաց Էստուկյանը` նշելով, որ նոր ընտրություններ կազմակերպելու թույլտվության հարցով Թուրքիայի իշխանություններին ուղղված հայ համայնքի նամակներն անցյալ տարվա օգոստոսից մինչ օրս անպատասխան են մնում։

«Պատրիարքարանն անճարության է մատնված, քանի որ այս պայմաններում ոչ մի բան անել չի կարող»,- ասաց նա` պարզաբանելով, որ այդ երկրի օրենքներով, առանց Թուրքիայի ՆԳՆ թույլտվության հայ հոգևոր համայնքը նոր առաջնորդի ընտրություններ անցկացնելու իրավունք չունի։

Էստուկյանի համոզմամբ` Թուրքիան այսպիսով փորձում է Պոլսո հայոց պատրիարքի տեղապահ արքեպիսկոպոս Գարեգին Բեքչյանին ստիպել հրաժարական տալ, քանի որ իշխանությունների նախընտրելի թեկնածուն Արամ սրբազանն է, որին հայ եկեղեցու կրոնական ժողովը դեմ գնաց և նրա փոխարեն տեղապահ նշանակեց Բեքչյանին։

Բայց Թուրքիայի ՆԳ նախարարության դեմ հայերի ներկայացրած դատական հայցը նոր հետևանքներ է առաջացրել։ Նախ բարձրացած աղմուկի պատճառով հրաժարական են ներկայացրել պատրիարքի ընտրությունների կազմակերպմամբ զբաղվող նախաձեռնող խմբի որոշ անդամներ, ինչի հետևանքով խաթարվել է խմբի աշխատանքը, ապա Թուրքիայի իշխանությունները հանդիպման են հրավիրել հայերին։

«Ստամբուլի կուսակալությունում վաղը ժողով պիտի գումարվի, որին պետք է մասնակցի նաև այսօր հանձնախմբի փաստացի ղեկավար հանդիսացող բանբերը`իրավապաշտպան Սեպուհ Ասլանգիլը»,- ասաց Էստուկյանը։

Նա նաև նշեց, որ հանդիպման թեման և օրակարգն առայժմ չի հրապարակվում, բայց ենթադրվում է, որ հանդիպմանը մասնակցելու է նաև Թուրքիայի ՆԳ նախարար Սուլեյման Սոյլուն։

Հիշեցնենք, որ Թուրքիայի հայ համայնքի պատրիարք Մեսրոպ Մութաֆյանն առողջական խնդիրների պատճառով արդեն շուրջ 9 տարի չի կարողանում կատարել պատրիարքի պարտականությունները: Դրանք ժամանակավորապես իրականացնում էր պատրիարքի փոխանորդ Արամ արքեպիսկոպոս Աթեշյանը։

2017թ-ի մարտի 15-ին պատրիարքական տեղապահ ընտրվեց Գարեգին արքեպիսկոպոս Բեքչյանը, իսկ Արամ արքեպիսկոպոսը ստիպված եղավ հրաժարական տալ։

2017 թվականի օգոստոսից սկսած` Պոլսո պատրիարքարանը պատրիարքի նոր ընտրություններ նշանակելու հարցով պարբերաբար դիմում է Թուրքիայի ներքին գործերի նախարարությանը, բայց արձագանք չի ստանում։

 

Տպել
1909 դիտում

Բարեկարգվել է Բաղրամյան համայնքի մանկապարտեզի բակը

ԱԱՏՄ աշխատակիցները Վանաձորում ստուգայց են իրականացրել պետական մի շարք հիմնարկներում

Հունան Պողոսյանը վաղը կազատվի պաշտոնից․ հարցը ներառված է Կառավարության նիստի օրակարգում

Գուգարքի ոստիկանները ապօրինի ծառահատման դեպք են բացահայտել

Բելգիայի խորհրդարանի արտաքին հարաբերությունների հանձնաժողովն ընդունել է ԼՂ հակամարտության կարգավորման վերաբերյալ բանաձև

Արցախում ռուսերենը երկրորդ պետական լեզու հռչակելու նախագիծ չկա․ առայժմ չկա․ ԱԺ մամուլի պատասխանատու Ռուդոլֆ Մարտիրոսյան

Թմրամիջոցի իրացման դեպք է բացահայտվել․ երկու անձ ձերբակալվել է

Հայաստանի հավաքականի դարպասապահը կարող է կարիերան շարունակել Ռուսաստանում

Հաղթանակը նվիրեցինք ամբողջ հայ ժողովրդին և նրանց ովքեր առաջնագծում էին. Կապառոս

Ամբերդ ամրոց և Քարի լիճ տանող ավտոճանապարհները դժվարանցանելի են

Հայաստանի Պրեմիեր լիգայի 14-րդ տուրն ավարտվեց երկու ոչ-ոքիներով

Արա Այվազյանը և ԿԽՄԿ ներկայացուցիչները քննարկել են գերիների և անհայտ կորածների որոնողական աշխատանքների հարցը

Երևան-Մեղրի ճանապարհին ավտովթար է տեղի ունեցել․ վարորդը տեղում մահացել է

Ադրբեջանը ՄԻԵԴ-ին խնդրել է երկարաձգել 9 հայ ռազմագերու և նրանց փոխանակման մասին տեղեկության տրամադրման ժամկետը

Մեր դպրոցը չկա, ցրիվ են տվել թուրքերը. արցախցի շատ աշակերտներ դեռ հաճախում են հայաստանյան դպրոցներ

ԱՀ նախագահը հանդիպել է անհետ կորած և գերության մեջ հայտնված զինծառայողների հարազատների հետ

Տիգրան Ավինյանն ընդունել է Կարմիր Խաչի Միջազգային Կոմիտեի պատվիրակությանը

Ազատության հրապարակից մեկնարկել է Նիկոլ Փաշինյանի հրաժարականի պահանջով երթ

Գյումրու տներից մեկի տանիքում հրդեհ է բռնկվել․ ԱԻՆ

Հանրապետության հրապարակում այս տարի տոնածառ չի լինի