Հնարավոր է, գեներալիտետն է կանգնած Վիգեն Սարգսյանի դեմ արշավի հետեւում. Վահան Բադասյան

Վերջին օրերին հասարակության շրջանում բուռն քննարկման թեմա է դարձել պաշտպանության նախարար Վիգեն Սարգսյանի ֆեյսբուքյան կոչը՝ վիրավոր զինծառայող Ալբերտ Դալլաքյանին արտերկրում վիրահատելու դրամահավաքության նպատակով: Ինչո՞ւ ՊՆ-ն իր միջոցներից գումար չի տրամադրում այդ վիրահատության համար. «ՀԺ»-ի այս եւ մի քանի այլ հարցերի պատասխանել է Արցախի Հանրապետության ռազմական եւ քաղաքական գործիչ Վահան Բադասյանը:

- Պարոն Բադասյան, պաշտպանության նախարար Վիգեն Սարգսյանը ֆեյսբուքյան իր էջի միջոցով կոչ արեց միանալ վիրավոր զինծառայող Ալբերտ Դալլաքյանին արտերկրում վիրահատելու նպատակով նախաձեռնված դրամահավաքին: Նախարարի այս կոչը մեծ աղմուկ առաջացրեց. ի՞նչ եք կարծում, նման կոչը պաշտպանության նախարարի կողմից ճիշտ էր:

- Պետք է 1000 դրամների ֆոնդից տրամադրվեր այդ գումարը: Եթե վիրահատությունը հնարավոր է անել Հայաստանում, պետք է այստեղ անել, բայց եթե ծնողը գտնում է, որ Գերմանիայում ավելի ապահով կլինի, ապա դրամահավաքությունը սխալ չէ, բայց դա չպետք է նախարարը անի: Դրամահավաքը պետք է նախաձեռնեին հասարակական կազմակերպությունները, հասարակական գործիչները, նրանք պետք է նախաձեռնեին, որովհետեւ պաշտպանության նախարարը բանակի ղեկավարն է, եւ ինքը պետք է նման հարցերից զերծ մնա:

- Արդյո՞ք հնարավոր չէր այս վիրահատությունը կատարել ՊՆ միջոցներով:

- ՊՆ-ն պարտավոր է կատարել հատկացումները: ՊՆ-ն բնակարան է պարտավոր տալ մարդուն, եթե բոլորը բնակարանը ուզում են Երեւանից, դա պետք չէ, որ լինի, ամեն մեկը իր ապրելատեղի համար պետք է բնակարան ստանա: Եթե նման վիրահատությունը այստեղ կատարվում է, պետք է այդ 1000 դրամներից հատկացվեր, ինչպես որ անցյալ տարի հայտարարվել էր այդ ծրագրով:

- Երբ հասարակությունը բանակի մասին քննադատական բաներ է գրում, ՊՆ-ն միշտ հակադարձում է, որ թշնամին տեսնում է սա: Իսկ Վիգեն Սարգսյանի այս կոչը նույն թշնամին չի՞ տեսնում:

- Ես կարծում եմ, որ եթե նույնիսկ թշնամին տեսնում է նման բաները, դա կարեւոր չի, որովհետեւ մեր բանակի լավ եւ վատ բաները, ինչ-որ կատարվում է, եթե բաց է, եւ բոլորը դա տեսնում են, մեր պետքը չէ, որ դա թշնամին կտեսնի, որովհետեւ ես հաստատ համոզված եմ, իրենց մոտ ավելի վատ է: Հարցը դա չէ, այլ այն, որ մենք ամեն ինչ պիտի անենք, որ մեր համար լավ լինի, ոչ թե ամեն ինչ վատ լինի, բայց մենք ամեն ինչ անենք, որ թշնամին չիմանա: Ես, օրինակ, ամեն ինչ կանեի, որ պաշտպանության նախարարը նման դրամահավաք չձեռնարկեր եւ նման խոսակցության մեջ չընկներ, որովհետեւ նա մեր պաշտպանության նախարարն է, իսկ բանակը շատ կարեւոր կառույց է, հատկապես ինձ համար, որպես առաջնագծում ապրող: Ես ցանկանում եմ, որ բանակը միշտ իր բարձրության վրա լինի, եւ բանակի ղեկավարները ժողովրդի համար հեղինակություն լինեն:

- Պարոն Բադասյան, իսկ արդյո՞ք ծնողները անհանգստություն չեն ունենա, որ եթե հանկարծ մի բան պատահի իրենց երեխային, ՊՆ-ն միջոցներ չի հատկացնի բուժման համար:

- Ես պատերազմի մասնակից եմ առաջին օրվանից, ինքս էլ եմ ծանր վիրավորվել, եղբայրս էլ է ծանր վիրավորվել, եղբորս վիճակն ավելի ծանր էր, որովհետեւ գլուխը բացվել էր, բայց Հայաստանում ստացվել է այդ ծանր վիրահատությունը անել: 90-ականներին այդպիսի վիրահատությունը կարողացել են անել, եղել են շատ եզակի դեպքեր, որ չէր ստացվում Հայաստանում: 98 տոկոսով բոլոր վիրավորվածության դեպքերը Հայաստանում էին վիրահատում, էլ չեմ ասում, որ Արցախում եւ նույնիսկ դաշտային պայմաններում անում էին: Հիմա էլ լինում են եզակի դեպքեր, բայց կարծում եմ, այդ հարցը պետք է լուծվի ոչ հրապարակային եւ ոչ այսպես բանակի ղեկավարին ոտնատակ տալով, ինչպես հիմա արվում է:

- Վերջին շրջանում անգամ պրոիշխանական լրատվամիջոցներով Վիգեն Սարգսյանի դեմ ակնհայտ արշավ է նկատվում, ըստ ձեզ, դա ինչո՞վ է պայմանավորված:

- Չեմ կարող ասել, կարող եմ ենթադրել, որ հնարավոր է գեներալիտետից, որից նախարարն արդեն ուզում է ազատվի. հնարավոր է, դա է պատճառը, որովհետեւ մեծ հաշվով այդ գեներալիտետն այս իշխանության մեջ է:

- Այսինքն՝ գեներալիտե՞տն է կանգնած այս արշավի հետեւում:

- Ես իրավունք ունեմ այդպես ենթադրելու:

- Իսկ ի՞նչ կասեք այն մասին, որ Վիգեն Սարգսյանը ֆեյսբուքյան մեկնաբանություններում մարդուն պատասխանում է «բոշան դու ես» արտահայտությամբ:

- Կարծում եմ, պահի տակ, մարդկային թուլություն է եղել, ես նորից եմ կրկնում՝ ինքը պետք է զերծ մնար այդպիսի բաներից եւ պահի տակ նման վիճաբանությունների մեջ չմտներ:

- Վերջերս բավական շատ է խոսվում նաեւ ՊՆ բարձրաստիճան այն պաշտոնյաների մասին, որոնք մեծ դրամական միջոցներ ունեն, արդյո՞ք զինծառայողի վիրահատության համար գումար չտրամադրելը գալիս է այն հանգամանքից, որ այդպիսի մարդկանց «շնորհիվ» վերջացել են այդ գումարները:

- Ես անցյալ տարի էլ ասել եմ, որ Վիգեն Սարգսյանի բարձրացրած հարցը 1000 դրամների մասին, ճիշտ էր, բայց ոչ արդարացի: Նա ճիշտ է անում, որ նման ֆոնդ է ստեղծում, շատ դեմ խոսողներ կային, բայց ինչո՞ւ էին դեմ, որովհետեւ ասում էին՝ 2000 կարելի էր տալ, բայց եթե իմանան, որ դա նպատակին է հասնում: Մի կողմից Վիգեն Սարգսյանը բարձրացրել է հարց, որ խումբ ստեղծի, վիրավոր եւ զոհված զինվորների ընտանիքները ապահովեն, մյուս կողմից բանակից գողություններ են կատարվում, ինչի մասին ես բազմիցս ասել եմ, գործող գեներալիտետի մասին եւ այլն: Բայց արդարացի չէր, որովհետեւ շարունակվում էր բանակից թալանը: Հիմա եթե միառժամանակ արդեն սկսում են թալանչի գեներալներից կամաց-կամաց ազատվել, ինքը արդեն սկսում է նաեւ այդ ճշմարիտ քայլը արդարացնել դրանով: Եվ ներկայիս գնդապետներ, գեներալներ, որ ինչ-որ գույք են ձեռք բերում, ես չեմ կարծում, որ այդ գումարներից են գողանում: Նրանք, ես համոզված եմ, որ նախկին գողացածներն են օգտագործում, եւ անօրեն բիզնեսներ ունեն, որը, իհարկե, նույնպես արատավոր երեւույթ է, եւ ես համոզված եմ, որ Վիգեն Սարգսյանը այդ հարցում նրանց հետ չէ:

- Պարոն Բադասյան, Վիգեն Սարգսյանին հարցրել են՝ ինչո՞ւ չեք 1000 դրամների ֆոնդից տրամադրում գումարը, նա ասել է, որ «1000 դրամների ֆոնդը 2017թ. հունվարի 1-ից հետո կատարվող դեպքերի համար է ստեղծված», իսկ այս դեպքը եղել է 2016թ. հունիսի 24-ին, արդյո՞ք հնարավոր չէր գոնե այս դեպքում այդ օրենքը շրջանցել:

- Իհարկե, ես կարծում եմ, որ ճիշտ չէ դա, որովհետեւ ինչ-որ մի ժամանակահատվածից առաջ վիրավորված զինվորը պետք է չօգտվի այդ արտոնությունից, իսկ դրանից հետո մեկը օգտվի, արդարացի չէ: Կարծում եմ, որ դա պետք է տարածվեր բոլորի վրա:

- Փաստորեն, 1000 դրամների ֆոնդն այս առումով արդեն իր թերությունը ցո՞ւյց է տալիս:

- Այո, այս հարցում թերություն է: Կարծում եմ, դա պետք է տարածվեր բոլորի վրա: Ինչքանով գիտեմ, ինքը դա չի պատճառաբանել, այլ ասել է, որ այդպիսի վիրահատություն Հայաստանում հնարավոր է անել: Ամեն դեպքում, այստեղ կարծում եմ, թյուրիմացություն էր. Վիգեն Սարգսյանը չպետք է նման դրամահավաքություն կատարեր, եւ Վիգեն Սարգսյանը չպետք է ֆեյսբուքյան վիճաբանության մեջ մտներ:

- Իսկ ի՞նչ եք կարծում, 45 հազար դոլարը ներկայիս իշխանության համար մե՞ծ գումար է:

- Ես գտնում եմ, որ դա պետք է տրամադրեր, օրինակ, ԵԿՄ վարչությունը: Ես գիտեմ, որ պետությունը մեծ գումարներ է տրամադրում այդ կառույցին, եւ Հայաստանի բազմաթիվ մեծահարուստների կողմից մեծ գումարներ են հատկացվում այդ կառույցին, որը փոշիացվում է: Տեսեք ԵԿՄ անդամների շքեղ մեքենաները: Կարելի էր սուսուփուս անել, ում էլ զանգեին, խոսեին, գումարը կտային, կարծում եմ: Մարդիկ նկարում են շքեղ մեքենաներ, նշում են, թե ում են պատկանում դրանք, որ օլիգարխին, եւ հիմա 45 հազար դոլարը այդպիսի գործի համար մեծ գումար չէր, եւ կարելի էր հատկացնել, իհարկե դա մեծ գումար չէր, եւ այսքան խոսակցությունը չէր լինի:

- 2013թ. նախագահական ընտրություններից առաջ մահափորձ կատարվեց Պարույր Հայրիկյանի դեմ, եւ բուժման գումարը տրամադրվել էր պետական բյուջեի պահուստային ֆոնդից, արդյո՞ք հնարավոր չէր նույն կերպ վարվել զինծառայողի դեպքում:

- Իհարկե, այդ տղայի համար ամեն ֆոնդից էլ, եթե գումար հատկացնեին, արդարացված էր, եւ այդ խոսակցությունները չէին լինի, եւ այդ տղայի բուժումը կլիներ, եւ նախարարի հեղինակությունը տեղը կմնար:

                                                                                           Նիկոլայ Ավետիսյան                                                                                                   

Տպել
6887 դիտում

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա