Այդպես խոսողը սպորտից հեռու մարդ է. Արթուր Ալեքսանյանը դժգոհ է սպորտի նախարարությունից

Օլիմպիական չեմպիոն, աշխարհի ու Եվրոպայի եռակի չեմպիոն հունահռոմեական ըմբիշ Արթուր Ալեքսանյանը (98 կգ) դժգոհ է 2017 թ. ՀՀ 10 լավագույն մարզիկների ընտրության կարգից: Այս մասին նա ասաց դեկտեմբերի 27-ին Կարեն Դեմիրճյանի անվան մարզահամերգային համալիրում կայացած լավագույն 10 մարզիկների մրցանակաբաշխությունից հետո՝ լրագրողների հետ զրույցում: Լավագույններն ընտրվել են հավատարմագրված մարզական լրագրողների ընտրության եւ հանրության SMS քվեարկության միջոցով: Ըստ մարզիկի՝ ՀՀ Սպորտի եւ երիտասարդության հարցերի նախարարության այս ձեւաչափը սխալ է, իսկ փոխնախարար Արսեն Քարամյանի գնահատականը, թե ընտրությունն արդար է, ոչ օբյեկտիվ:

«Կային արժանի մարզիկներ, որոնք չեն հայտնվել 10 լավագույնների թվում: Աշխարհի առաջնության մրցանակակիրներ կային, ծանրորդ կար օլիմպիական մրցանակակիր, Եվրոպայի մինչեւ 23 տարեկանների մրցանակակիր, որին պարտավոր էին մտցնել 10 լավագույնների թվում: Իմ կարծիքով՝ մեղավորը սպորտի նախարարությունն է: Ու եթե փոխնախարարն էլ ասում է, որ թափանցիկ ու արդար է եղել, չեմ համաձայնվում, որովհետեւ մարզիկներ կան, որոնք դուրս են մնացել, իսկ այդպես խոսողը, իմ կարծիքով, սպորտից շատ հեռու մարդ է»,- ասաց նա:

Ըստ Ալեքսանյանի՝ տասնյակում պետք է լինեին նաեւ օլիմպիական արծաթե մեդալակիր ծանրորդ Գոռ Մինասյանը, որը դարձել է Եվրոպայի 2017 թ. մեծահասակների առաջնության արծաթե մեդալակիր, 2017 թ. համաշխարհային ուսանողական խաղերի չեմպիոն, Եվրոպայի 2017 թ. առաջնության մինչեւ 23 տարեկանների չեմպիոն, ազատ ոճի ըմբիշ Գեորգի Կետոեւը, որը դարձել է աշխարհի 2017 թ. առաջնության բրոնզե մեդալակիր, եւ նույնպես ազատոճային Լեւան Բերիանիձեն, որը դարձել է Եվրոպայի 2017 թ. առաջնության բրոնզե մեդալակիր, աշխարհի 2017 թ. առաջնության բրոնզե մեդալակիր:

Ինչ վերաբերում է իր մրցաշրջանին, ապա Ալեքսանյանը գոհ է: Այս տարի բրոնզե մեդալ է նվաճել Եվրոպայի առաջնությունում, 3-րդ անգամ կարիերայում դարձել է աշխարհի չեմպիոն: Հատկապես իր համար առանձնացնում է աշխարհի առաջնությունում հաղթանակի օրը:

«Բոլորս էլ գիտենք, որ Հայաստանը սպորտային երկիր է, եւ լինել Հայաստանի 10 լավագույն մարզիկների թվում ինձ համար պատիվ է: Այս տարվա ամենահիշվող օրը, երեւի, աշխարհի առաջնության եզրափակիչի օրն էր, երբ դարձա աշխարհի եռակի չեմպիոն»,- ասաց նա:

Ալեքսանյանը, ինչպես տասնյակի մյուս մարզիկները, մրցանակաբաշխության ժամանակ ստացավ խորհրդանշական արձանիկ, Հայաստանի ազգային օլիմպիական կոմիտեի նախագահ Գագիկ Ծառուկյանի կողմից Hyundai Elantra մակնիշի ավտոմեքենա: Սերժ Սարգսյանի կարգադրությամբ՝ նրան նաեւ առանձին պարգեւ հանձնվեց՝ անվանական զենք:

Տպել
8463 դիտում

Աշխատանքային խումբ է գործուղվել Մեղրիի բժշկասանիտարական հսկիչ կետ

Թատրո՞ն, կինո՞, թե՝ համերգ. Երևանի քաղաքապետարանը կանանց միջազգային օրվա առիթով նվեր է պատրաստել (տեսանյութ)

Գրառումներիս պատճառը նոր կառավարության կողմից պաշտոն չստանալն ու, հետևաբար, վրեժխնդիր լինելը չէ. Հասմիկ Պապյան

Դեռ ԽՍՀՄ տարիներին տեխնոլոգիական աշխարհում Հայաստանը համարվել է Խորհրդային միության «Սիլիկոնյան հովիտ»-ը. Հակոբ Արշակյան

Ստեփանծմինդա-Լարս ավտոճանապարհը բեռնատարների համար մնում է փակ

Նախկինների «օբշչակի» պահպանության վերջին բաստիոնը

ՀՀ տարածքում կան փակ և դժվարանցանելի ավտոճանապարհներ

ՀՀ ԱԺ պատգամավորները հանդիպել են Դանիայի խորհրդարանական օմբուդսմեն Քլավս Քիններափ Հեդի հետ

Ոստիկանության կենտրոնական բաժնում արձանագրված գողությունները բացահայտվել են

Կապանում 5000 ՌԴ ռուբլուն նմանվող թղթադրամի նմուշ է իրացվել. բերման են ենթարկվել 17 եւ 19-ամյա աղջիկներ

Ալեն Սիմոնյանը կգործուղվի Մոնտեվիդեո, Լիլիթ Մակունցը՝ Վաշինգտոն. այլ գործուղումներ ևս կան

Երևանի Մյասնիկյան պողոտայում «Կամազ»-ը վրաերթի է ենթարկել քաղաքացուն

Երևանի բնակարաններից մեկում կնոջ դի է հայտնաբերվել. ԱԻՆ

Ապօրինի ծառահատման դեպք Ստեփանավանում. Պուշկինոյի անտառից բոխի տեսակի ծառեր են հատվել

Աղմկահարույց սպանություն Էջմիածնում. 36-ամյա տղամարդու սպանության մեջ կասկածվողը ձերբակալված է

«Բավրա» սահմանային անցակետում հետախուզվող է հայտնաբերվել

Փողն ընդդեմ պետական շահի

Երևանում բուժաշխատողի շուրջ 60 թափուր հաստիք կա. առաջարկվում է 18,000 - 273,000 դրամ աշխատավարձ՝ հարկերը ներառյալ

Արա Շահվերդյան, Ռոբերտ Բեգլարյան. հայտնի են Իրանի խորհրդարան անցած հայ պատգամավորների անունները

Հայաստանն ու Շվեյցարիան կհամագործակցեն Մասնագիտական կրթության և ուսուցման ոլորտում