ՀՀ տարվա լավագույն մարզիկները մեծարվեցին եւ մեքենաներ ստացան

ՀՀ 2017 թ. 10 լավագույն մարզիկները մեծարվեցին Կարեն Դեմիրճյանի անվան մարզահամերգային համալիրում կայացած միջոցառման ընթացքում: Մրցանակաբաշխությունը տեղի ունեցավ այսօր՝ դեկտեմբերի 27-ին: 10 լավագույնները հայտնի էին դարձել դեկտեմբերի 25-ին հանրության SMS քվեարկության ու հավատարմագրված մարզական լրագրողների ընտրության ամփոփման արդյունքում:

Տասնյակում ընդգրկված Արթուր Ալեքսանյանին (հունահռոմեական ըմբշամարտ), Մաքսիմ Մանուկյանին (հունահռոմեական ըմբշամարտ), Գրիգոր Մխիթարյանին (սամբո), Հովհաննես Բաչկովին (բռնցքամարտ), Սիմոն Մարտիրոսյանին (ծանրամարտ), Էդգար Ստեփանյանին (հեծանվասպորտ), Արթուր Թովմասյանին (մարմնամարզություն), Տիգրան Կիրակոսյանին (սամբո) հանձվեցին խորհրդանշական արձանիկներ: Հայաստանի ազգային օլիմպիական կոմիտեի նախագահ Գագիկ Ծառուկյանի կողմից նրանք որպես նվեր ստացան Hyundai Elantra մակնիշի ավտոմեքենաներ: Սերժ Սարգսյանի ցուցումով՝ 2017 թ. ընթացքում բարձր նվաճումներով աչքի ընկած բոլոր մազիկները (ոչ միայն տասնյակում հայտնվածները) եւ մարզիչները դրամական պարգեւներ ստացան: Այդ նպատակով ընդհանոր առմամբ հատկացվել էր 184 մլն դրամ:

Տասնյակի մարզիկներից 2-ը՝ «Մանչեստեր Յունայթեդի» կիսապաշտպան Հենրիխ Մխիթարյանը եւ հայկական շախմատի առաջատար Լեւոն Արոնյանը, ներկա չէին: Մխիթարյանն իր ակումբի տրամադրության տակ է, իսկ Արոնյանն այս օրերին մասնակցում է արագ եւ կայծակնային շախմատի աշխարհի առաջնությունը: Մխիթարյանի փոխարեն նրա մրցանակը հանձնվեց Հայաստանի ֆուտբոլի ֆեդերացիայի առաջին փոխնախագահ, գործադիր տնօրեն Արմեն Մինասյանին, իսկ Արոնյանինը՝ Հայաստանի շախմատի ֆեդերացիայի գլխավոր քարտուղար Միքայել Անդրիասյանը:

Ֆիզիկական կուլտուրայի եւ սպորտի ասպարեզում ունեցած վաստակի համար Սերժ Սարգսյանը նաեւ պատվավոր կոչումներ շնորհեց մի շարք մարզիկների եւ մարզիչների, դրամական պարգեւներ ու նվերներ հանձնեց նրանց: ՀՀ սպորտի եւ ֆիզիկական կուլտուրայի վաստակավոր գործչի պատվավոր կոչում շնորհվեց ՀԱՕԿ նախագահի խորհրդական Ռուբեն Հակոբյանին, ՀԱՕԿ Շիրակի մարզի ներկայացուչության տնօրեն Արմեն Բադեյանին, Ըմբշամարտի ֆեդերացիայի նախագահության անդամ Ռաֆիկ Խաչատրյանին, ՀՀ վաստակավոր մարզչի պատվավոր կոչում շնորհվեց Գյումրու Ծանրամարտի մանկապատանեկան մարզադպրոցի տնօրեն Իսրայել Միլիտոսյանին, Ծանրամարտի ՀՀ երիտասարդական հավաքականի ավագ մարզիչ Մելիք Ղուկասյանին, Գյումրու օլիմպիական հերթափոխի պետական մարզական քոլեջի հունահռոմեական ըմբշամարտի մարզիչ Արագ Խեբոյանին, Խուլերի հայկական սպորտային կոմիտե ՀԿ նախագահ, հունահռոմեական ըմբշամարտի մարզիչ Գրիգոր Գրիգորյանին, ՀՀ շախմատի ակադեմիայի մարզիչ Ռոման Հակոբովին, ՀՀ բասկետբոլի աղջիկների հավաքականի ավագ մարզիչ Վահագն Հարությունյանին: Սերժ Սարգսյանի կարդագրությամբ՝ օլիմպիական, աշխարհի ու Եվրոպայի չեմպիոն Արթուր Ալեքսանյանը պարգեւատրվեց անվանական զենքով:

Միջոցառմանը ներկա էին հայկական մարզաշխարհի մի շարք ներկայացուցիչներ՝ մարզիկներ, մարզիչներ, մազական տարբեր հաստատությունների ղեկավարներ: Կազմակերպիչը ՀՀ Սպորտի եւ երիտասարդության հարցերի նախարարությունն էր: Առաջին անգամն է, որ մարզիկների տարվա լավագույն տասնյակի ընտրությունը կատարվում է նախարարության կողմից: Մարզական լրագրողների ընտրության ու հանրության SMS քվեարկության համադրությամբ լավագույններին ընտրելու ձեւաչափը նույնպես նորույթ է: Նախկինում լավագույնների ընտրությունն անց է կացրել ՀՀ մարզական լրագրողների ֆեդերացիան:

Տպել
2648 դիտում

Աբովյան քաղաքը շուտով կունենա «loft» ոճի հանրային գրադարան

Ինքնասպանություններ-սպանություններ բանակում, կռիվներ դպրոցում. կրթությունը չի կարողանում չեզոքացնել քրեական բարքերը

Նիկոլ Փաշինյանի որոշմամբ քաղպաշտպանության վիճակի գնահատում է իրականացվել Առողջապահական և աշխատանքի տեսչական մարմնում

Ազգային ժողովի պատգամավորների կողմից «ՈՉ» քարոզչության կողմ ձևավորելու վերաբերյալ դիմում չի ներկայացվել. ԿԸՀ

Հալեպն ամբողջությամբ ազատագրված է, կվերագործարկվի օդանավակայանը. երկրում տոն է (լուսանկարներ, տեսանյութ)

Արայիկ Հարությունյանն ընդունել է Բրիտանական խորհրդի ներկայացուցիչներին

Մեծամորի բնակարաններից մեկում 64-ամյա տղամարդու դի է հայտնաբերվել. ԱԻՆ

Ռուստամ Բադասյանն ընդունել է Ֆրանսիայի դեսպան Ժոնաթան Լաքոտին

Մեդալս Կարեն Գիլոյանին եմ տվել, խոստացել էի. Եվրոպայի հնգակի չեմպիոն Արթուր Ալեքսանյան

Առաջ շունչներս պահած սպասում էինք՝ Սերժ Սարգսյանը վտանգավոր մի բան չասի, Փաշինյանի դեպքում ախորժակը մեծացել է. քաղաքագետ

Արդեն շուրջ 10 օր է՝ 160 բեռնատարներ Լարսի անցակետում խցանման մեջ կանգնած են. նրանց խոսքով՝ խնդիրը վրացական կողմում է

Մհեր Գրիգորյանի նախագահությամբ տեղի է ունեցել միջգերատեսչական հանձնաժողովի հերթական նիստը

Փետրվարի 10-16-ը ոստիկանները հայտնաբերել են ոչ սթափ 102 վարորդ (տեսանյութ)

Խոջալուի մասին Մութալիբովի հարցազրույցն իրական է. Դանա Մազալովան վերահաստատում է, Ալիևը՝ ստում

Քաղաքացին բնակարան գնելու համար List.am-ով գործակալություն է գտել, վճարել 10 միլիոն դրամ, ապա հետքը կորցրել

Արմեն Սարգսյանը խոսք է հղել Զինված ուժերում վերջին օրերին տեղի ունեցած մտահոգիչ դեպքերի կապակցությամբ

Օլիմպիադայից հետո երկուսին էլ ամուսնացնել. Սամվել Բալասանյանն ընդունել է Արթուր Ալեքսանյանին եւ Կարապետ Չալյանին

Ամեն ինչ էլ հնարավոր է. Վահրամ Դումանյանը չհերքեց, որ կարող է առաջադրվել ԵՊՀ ռեկտորի պաշտոնում

Այնպես չէ, որ մեր քաղաքացիների համար գաղտնիք է՝ ով է փորձելու կանգնեցնել այս ժողովրդավարական գործընթացը․ Ալեն Սիմոնյան

Արմեն Սարգսյանը հանդիպել է Հայաստանում ԵՄ պատվիրակության ղեկավար, դեսպան Անդրեա Վիկտորինի հետ (տեսանյութ)