Ինչու չկա ՀՀ տարվա միակ լավագույն մարզիկ. սպորտի փոխնախարարը պարզաբանում է

Հայաստանը 2017 թվականին ունի ոչ թե 1 լավագույն մարզիկ, այլ 10 լավագույններ: Այսօր՝ դեկտեմբերի 25-ին, հավատարմագրված մարզական լրագրողների ու հանրության SMS քվեարկության հիման վրա ձեւավորվեց լավագույն տասնյակը: SMS քվեարկությունը սկսվել էր դեկտեմբերի 11-ին եւ ավարտվեց այսօր: 23 լրագրողները քվեարկեցին այսօր՝ ժամը 16:00-18:00-ն: Արդյունքների ամփոփումից հետո ՀՀ Սպորտի եւ երիտասարդության հարցերի փոխնախարար Արսեն Քարամյանը պարզաբանեց, որ որոշվել է ընտրել ոչ թե 1, այլ 10 լավագույն մարզիկ, քանի որ մարզաձեւերը տարբեր են, եւ մեկը մյուսի հետ համեմատելը ու մեկը մյուսից վեր դասելը նպատակահարմար չէ:

«Մենք չենք կարող առանձնացնել մի մարզաձեւը մյուսից, երբ որ դրանք տարբեր տեսակարար կշիռ ունեն ամբողջ աշխարհում: Չեմ կարող համադրելի դարձնել X մարզաձեւը, որը չունի այդքան մասսայականություն, Y-ի հետ»,- ասաց նա:

Լրագրողների ու SMS քվեարկության հիման վրա ձեւավորվել է հետեւյալ տասնյակը.

Հենրիխ Մխիթարյան- ֆուտբոլ- 9897.62 միավոր

Արթուր Ալեքսանյան- ըմբշամարտ- 7686.50

Լեւոն Արոնյան- շախմատ- 6148.59

Գրիգոր Մխիթարյան- սամբո- 4568.93

Մաքսիմ Մանուկյան- ըմբշամարտ- 4377.62

Հովհաննես Բաչկով- բռնցքամարտ- 3953.65

Սիմոն Մարտիրոսյան- ծանրամարտ- 3683.72

Էդգար Ստեփանյան- հեծանվասպորտ- 2503.92

Արթուր Թովմասյան- մարմնամարզություն- 2485.95

Տիգրան Կիրակոսյան- սամբո- 2196.90

Ըստ Քարամայանի՝ թեեւ ՀՀ ֆուտբոլի ազգային հավաքականի եւ «Մանչեստեր Յունայթեդի» կիսապաշտպան Հենրիխ Մխիթարյանը միավորների քանակով առաջ է անցել բոլորից, նա առաջին հորիզոնակը չի զբաղեցրել: ՀՀ հավաքականի ավագը եւ միավորներով տասնյակի վերջին մարզիկը՝ սամբիստ Տիգրան Կիրակոսյանը, հավասարապես լավագույնն են:

Քարամյանը գոհ է քվեարկության եղանակից ու միջոցառման կազմակերպվածությունից: Նշում է, որ նախարարությունը 1 տարի աշխատել է դրա վրա: Նա մեծ ցանկություն ունի, որ հետագայում լավագույն տասնյակի ընտրությունն ավելի մասսայական կլինի:

«Այս միջոցառումը որակապես նոր մակարդակի բարձրացվեց էր, հուսով եմ, որ շարունակությունը կունենա դինամիկ աճ՝ մշակույթ ձեւավորելով մեզանում եւ որոշակիորեն նաեւ ճաշակ թելադրելով»,- ասաց նա՝ շնոհակալություն հայտնելով հանձնաժողովի անդամներին, ֆեդերացիաներին ու լրագրողներին:

2017 թ. տարվա լավագույն մարզիկների տասնյակը կազմվել է հավատարմագրված մարզական լրագրողների եւ հանրության SMS քվեարկության արդյունքների համադրությամբ՝ նույն սկզբունքով, ինչ «Եվրատեսիլ» երգի միջազգային մրցույթը:

Առաջին անգամ է, որ տարվա լավագույն մարզիկների տասնյակի ընտրությունը կազմակերպում է ՀՀ Սպորտի եւ երիտասարդության հարցերի նախարարությունը: Քվեարկության այս ձեւաչափը եւս նորույթ է: Նախկինում տարվա լավագույն 10 մարզիկների ընտրությունը կազմակերպում էր ՀՀ Մարզական լրագրողների ֆեդերացիան: Նախորդ 3 տարիներին լավագույնն էր ճանաչվել Արթուր Ալեքսանյանը:

Լավագույնների պարգեւատրման արարողությունը տեղի է ունենալու դեկտեմբերի 27-ին Կարեն Դեմիրճյանի անվան մարզահամերգային համալիրում:

Տպել
1983 դիտում

Ինչի վրա կծախսվի «Իմ քայլը» հիմնադրամի՝ երեկ հավաքած մոտ 700 մլն դրամը . Լենա Նազարյանը թվարկել է ծրագրերը

Արցախի ՀՅԴ-ն նախագահական ընտրություններին կմասնակցի սեփական թեկնածուով

Այսօր 2700 ստերջացված, պատվաստված ու համարակալված կենդանի կա․Հակոբ Կարապետյան

Երևանում կոտրել են միանգամից մի քանի արագաչափեր

Արժեհամակարգային հակադրություններն արհեստական են

Արագածոտնի Թալին, Ապարան, Աշտարակ քաղաքներում եւ Շիրակի մարզի Լանջիկ գյուղում մառախուղ է

Կապան քաղաքում այրվել է մոտ 1,5 հա բուսածածկույթ

Արմեն Սարգսյանը «Կատար Էյրվեյզ»-ի գործադիր տնօրենի հետ քննարկել է համագործակցության ընդլայնման հեռանկարները

Հայ բռնցքամարտիկները 2 մեդալ են նվաճել միջազգային մրցաշարում

Հայաստանի տարածքում առաջիկա օրերին սպասվում է առանց տեղումների, արեւոտ եղանակ

ՊՆ ծառայողը վրաերթի է ենթարկել 54-ամյա հետիոտնին. վերջինս հիվանդանոցում գիտակցության չգալով մահացել է

Տիգրանաշենի ոլորանների վերջնամասում ավտոմեքենան հայտնվել է ձորում. տուժածներ չկան

Կան գյուղեր, որտեղ ավանդույթի ուժով կանանց արգելված է գնալ գյուղապետարան, հարսներին՝ ծնողական ժողով. Աննա Հակոբյան

Դեկտեմբերի 17-ից ջերմ եղանակին գումարվում են նաև արևի պայծառ շողերը. Սուրենյան

Արմեն Սարգսյանը համագործակցության հնարավորություններն է քննարկել Կատարի գործարարների ասոցիացիայի ներկայացուցչի հետ

Նոր մշակույթ է զարգանում. Նիկոլ Փաշինյանը՝ Աննա Հակոբյանի գործունեության մասին

Ո՞վ է կուլ տալիս Մամեդյարովի նետած քարոզչական խայծը

Կրակոց Աբովյանում. թալանել են «Արեգակ» վարկային կազմակերպությունը

Հրդեհ Գլաձոր գյուղում. այրվել է տանը հարակից անասնագոմի տանիքը. տուժածներ չկան

ԱՄՆ-ում տեղի է ունեցել երգչուհի Լիլուի հարսանիքը (լուսանկարներ)