Բացի փողոցաշինությունից, 2017-ին Գյումրիում սկսված բոլոր շինաշխատանքները մնացել են անավարտ

Գյումրին գալիք տարում շինհրապարակի է վերածվելու: 2018 թվականին «Կումայրի» պատմական միջուկի վերականգնման ծրագրի շրջանակներում փողոցաշինական լայնածավալ աշխատանքներ են իրականացվելու, միանգամից 4 մեծ փողոց է քանդվելու, որ հիմնանորոգվի: Առաջնային է Շիրազի փողոցի պատմական տեսքի ամբողջացումը: Հենց այստեղ, սակայն, լուրջ խնդիր է ծագել: Նախագծերը պատրաստ են, աշխատանքները հստակեցված, շինարարական մրցույթները հայտարարված են, դրանց իրականացման համար, սակայն գումար չկա:

«Իհարկե սա առայժմ չէի ուզում ասել, բայց երեւի թե կառավարությունը  վերջնական ֆինանսավորման հետ կապված հիմա արդեն պայմանավորվածություն է ձեռք բերում  Համաշխարհային բանկի հետ, բայց  եթե նույնիսկ չեղավ, մենք   պետք է կարողանանք ինչ-որ ֆինանսական միջոցներ գտնել: Երեւի կառավարությունը կմտածի ինչ-որ տեղից  ֆինանսավորելու: Մոտավորապես միայն Շիրազի փողոցը 352 մլն դրամ ենք հաշվել առանց երթեւկության նշանների եւ ինչ-որ կահավորանքների»,-տարեվերջյան ասուլիսում խնդիրը բարձրաձայնեց քաղաքապետ Սամվել Բալասանյանը:

Գյումրին նաեւ փակ շուկա է ունենալու: Նախկին տարածքում է այն գործելու, որն այս պահին պարսպապատ է եւ փակ՝ տարեսկզբին  մեկնարկած, հիմա արդեն դադարեցված շինաշխատանքների պատճառով:

Կառուցումը չի շարունակվել., քանի որ սեփականատերը՝ «Լենտեքս» ընկերության տնօրեն Կարեն Գոմցյանն, ըստ Սամվել Բալասանյանի,  գումար չունի: «Կումայրի վերածնունդ հիմնադրամը հիմա աշխատում է, ուզում էն էդ հիմնադրամի ֆոնդի մեջ մտցնել հիմա գումարային խնդիր կար, էս պահին ճիշտն ասած սեփականատերը  չունեցավ, խոստացավ, որ պետք է ունենա, չունեցավ, բայց հիմա եղբորն են սպասում, երեւի թե դա կմտնի ֆոնդ եւ մենք կունենանք շատ գեղեցիկ Շահումյան փողոց, որը որ մեր կույրաղիքն է երեւի»,-ասաց Սամվել Բալասանյանը:

Հանդիպման ընթացքում խոսվեց նաեւ եւս մեկ կիսատ մնացած, սակայն Գյումրու համար կենսական նշանակություն ունեցող շինարարության մասին: Մեծ խոստումներով Գյումրի եկած «Սաստեքս» ընկերության տնօրեն Քրիստիան Գելեջին  ոչ այն է խոսքից ետ է կանգնել, ոչ այն է՝ շարունակելու է սկսածը: Տեւական ժամանակ է բանվորներն աշխատավարձ չեն ստացել, կառույցի շինարարությունը կանգ է առած, Գյումրի չեն բերվել նաեւ կարի մեքենաները: Նշենք, որ 12 մլն ԱՄՆ դոլար արժեք ունեցող այս  ներդրումային ծրագրով  Գյումրիում պետք է  հիմնվեր  կարի ֆաբրիկա՝ մինչեւ  800 աշխատատեղով: Որպես տարածք  կառավարությունը  «Սաստեքս» -ին էր տրամադրել  նախկին մարզային հիվանդանոցի շենքը   հարակից տարածքներով:

«Անձամբ Սրմաքեշի հետ ես եմ խոսել, ինքը ասեց, որ ապրիլին կլինի էստեղ,  շատ լավ են  սարքել, բայց հիմա  չեն  շարունակում,  ես էլ եմ անհանգստացած, որովհետեւ  վերջը, 400 մարդ մենակ ուսումնական կենտրոնում էր աշխատելու, այսինքն սա սկիզբն էր, դրանից հետո նրանք խոստացել են հազարավոր աշխատատեղեր,  որովհետեւ հիմա մանվածքային ֆաբրիկան էլ են վերցրել Մարալիկի,  թել են արտադրելու, այնպես որ իրենք անելու են իրենց ծրագիրը, մի քիչ ուշանում է, բայց   մեզ համար էլ էդ ուշացումը շատ վատ է, էլի»,- մտահոգվեց Սամվալ Բալասանյանը:

2018-ին նախատեսվում  է Գյումրին տնակներից ազատելու գործընթացն առավել ակտիվացնել, նաեւ նպատակ Երեւանից արագընթաց մեկ գնացք բերել Գյումրի՝ ներքին տուրիզմի զարգացումը խթանելու համար: «Մոտ երկու ժամում որ գնացքւ հասնի Գյումրի, բոլորն էլ կօգտվեն, խմբերն էլ դրանով կգան-կգնան»,-ասաց Սամվել Բալասանյանը: Միայն թե պետք է ընդգծել, որ զբոսաշրջիկներն ու քաղաք այցելող հյուրերը առաջին դժվարությունը, որ ունենում են, ոչ թե Գյումրի հասնելու փոխադրամիջոցի հետ է կապված, այլ  տարրական մեկ բացթողման: Գյումրիում չկան հասարակական զուգարաններ:  

Խմբերին քաղաք բերող պատասխանատուներն ամենատարբեր հնարքների են դիմում այս հարցը կարգավորելու համար: Օրինակ՝ Հոկտեմբեր կինոթատրոնի մասին պատմելուց  հետո նաեւ ներսում լինելու հնարավորություն են ստեղծում, ներս մտնելուց հետո էլ  հուշում, որ  պատմությունը լսելուց զատ նաեւ կարող են օգտվել տարածքի զուգարաններից: Լվացվում, թարմանում են մինչեւ հաջորդ հարմար կանգառը:

Տպել
7976 դիտում

«Գազել» մակնիշի ավտոմեքենան ընկել է Ազատի ջրամբարը (տեսանյութ)

Երեւան հասնեմ՝ Հրայր Թովմասյանի ակնկալած օբյեկտիվ, արժանահավատ փաստը կհրապարակեմ. Նիկոլ Փաշինյան

Հասարակության ներսում խնամքով փորվող խրամատները

Շիրակի պետական համալսարանը չի լուծարվի, իսկ ռեկտորի ժպ-ն չի օգտվում նախարարի հովանավորչությունից. ԿԳՄՍ նախարար

Գեորգի Կուտոյանի կողմից ֆինանսական խնդիրներ ունենալու վերաբերյալ որեւէ փաստական տվյալներ չեն ստացվել. ՔԿ

ՇՊՀ-ում դեռ անցյալի իրավական գնահատականը չի տրվել. Գյումրիում ԿԳՄՍ նախարարի մասնակցությամբ քննարկում է կայացել

Սպիտակում «Brabus Gelandewagen» մակնիշի մեքենա է այրվել

Թուրքիայում զոհերի թիվը հասել է 22-ի, կտարհանվի աղետից տուժած թուրքական բանտը

100 փաստ՝ նոր Հայաստանի մասին

Եթե պարոն Մարուքյանը շարունակելու է տեղը չբերել՝ հայտնվելու է Աշոտյանի դերում․ Նիկոլ Փաշինյան

Սարալանջում գազի արտահոսքից հրդեհ է բռնկվել. այրվել է պահեստավորված անասնակերը

ԱԺ-ում ինչ-որ մարդիկ հայհոյախառն արտահայտություններ թույլ տվեցին․ իրենցով պետք է զբաղվել. Նիկոլ Փաշինյան

Մենք պատրաստվում ենք ԵԱՏՄ-ում շատ ակտիվ շարունակել աշխատել․ Նիկոլ Փաշինյան

Անընդունելի է ցանկացած փաստաթուղթ, որտեղ խոսք է գնում տարածքային զիջումների մասին. Հայկ Խանումյանի արձագանքը

«Առաջարկված սկզբունքները հնացել են և վերանայման կարիք ունեն». Մասիս Մայիլյանի արձագանքը Նիկոլ Փաշինյանին

Մենք այդ փողերը վերցնում ենք այնտեղից, որտեղ իրենք տարիներով խնդրում էին եւ չէին ստանում․ Փաշինյան

Բուհական եւ գիտական համակարգը ծայրից ծայր պետք է բարեփոխվի․ մեր պլանը պինդ, շեշտակի քայլերով առաջ գնալն է

Կարծում եմ, որ ՀՀ կառավարության եւ Դաշնակցության միջեւ չկա հակադրություն․ վարչապետ

Նիկոլ Փաշինյանին արձագանքել է նաեւ ԱՀ նախագահի թեկնածու Արայիկ Հարությունյանը

Տաթեւիկ Ռեւազյանի նշանակվելու օրից սկսվել է ամենաստոր արշավը նրա նկատմամբ, ամենաստոր բաներն էին գրում ինձ․ վարչապետ