Սպանվածին «Լիա» սրահի մոտ են հասցրել Ճվճըվ Արոն և քրեական հեղինակություն Վիրաբը

2016 թվականին նոյեմբերի 13-ին «Լիա» գեղեցկության սրահում տեղի ունեցած աղմկոտ սպանության գործով դատական նիստին դատարանը հրապարակեց ամիսներ առաջ մահացած «Ճվճըվ» Արո մականունով հայտնի Արա Վարդանյանի նախաքննության ընթացքում տված ցուցմունքները:

Արա Վարդանյանը առաջին անգամ ցուցմունք է տվել դեպքից մեկ ամիս անց՝ դեկտեմբերին: Նա նշել է, որ ճանաչել է սույն գործով սպանված Մուշեղ Մուշեղյանի հետ ծանոթացել է Ղրիմում, սկսել են ընկերություն անել: Դեռ Ղրիմում եղած ժամանակ ծանոթացել է Մուշեղ Մուշեղյանի հետ: Նրան ասել է, թե Հայաստան է մեկնելու իր «Կորոլա» մեքենայով: Մուշեղն առաջարկել է, որ  միասին մեկնեն՝ խոստանալով ինքը վարել մեքենան: Վկան նշել է, թե ինքը վատառողջ լինելու պատճառով այդքան ճանապարհը չէր կարող մեքենա վարել:

Սեպտեմբերի 28-ին Սադախլոյի անցակետով մտել են Հայաստան: Երևանում ինքը զբաղվել է իր առողջական խնդիրներով:

Ըստ «ճվճըվ Արոյի» ցուցմունքների՝ 2016 թվականի նոյեմբերի 13-ին իրեն է զանգել Մուշեղը, հարցրել է՝ ինչո՞վ ես զբաղված: Ինքը պատասխանել է, թե պատրաստվում է մեքենան տանել «Բանգլադեշ»՝ «կալոդկա փոխելու»: Մուշեղն ասել է, թե կգա իր մոտ՝ 3-րդ մաս:

Ժամը 13-ի սահմաններում նա եկել է իրենց բակ, որտեղից էլ գնացել են Բանգլադեշում գտնվող ավտոսերվիս: Այնտեղ վկան հանդիպել է մեկ այլ ընկերոջ՝ Վիրաբ անունով, որը նույնպես եկել էր մեքենան սարքելու (խոսքը քրեական հեղինակություն Վիրաբ Գասպարյանի մասին է,-հեղ.): Նրա հետ զրուցելիս է եղել, երբ Մուշեղին զանգել են, նա առանձնացել է: Մուշեղը բարկացած խոսել, ապա քիչ անց ասել է, թե պիտի գնա Չարբախ: Վիրաբն առաջարկել է իր մեքենայով տանել՝ ասելով, թե ինքն էլ է գնում Չարբախ՝ ընկերներին հանդիպելու:

Երեքով Վիրաբի «Պորշով» ուղեւորվել են Չարբախ: Ինքը մի քանի անգամ Մուշեղին հարցրել է, թե ի՞նչ է պատահել, ինչի համար է գնում Չարբախ եւ ում պետք է տեսնի:  Նա պատասխանել է՝ խնդիր չկա, 5 րոպեով մարդ պիտի տեսնի:

Ինքը զանգել է իր տղային՝ Սերժին (գործով վկա,-հեղ.), որ նա գա Չարբախ՝ իր հետեւից, որպեսզի գնան հիվանդանոց:

Չարբախում Վիրաբի մեքենան կանգնել է մի գեղեցկության սրահի մոտ («Լիա» գեղեցկության սրահի): Մուշեղը մեքենայից իջել ու ասել է, թե հինգ րոպեից կվերադառնա՝ գործ ունի: Նա մտել է այդ շենքի նկուղ: Մի քանի րոպե հետո գնացել  նաեւ Վիրաբը: Արա Վարդանյանը գեղեցկության սրահի մոտ որդուն սպասելի է եղել, երբ լսել է շենքի նկուղային հարկի կողմից եկող 3-4 կրակոցի ձայներ: Ինքը մտածել է՝ Մուշեղն այնտեղ է , Մուշեղի հետ էին կապված կրակոցները, եւ մտել է նկուղ: Նկուղային հարկի կիսաբաց դուռը բացելիս տեսել է իրեն ընդառաջ եկող Մուշեղին՝ «արյան մեջ»: Նա փաթաթվել է իրեն ու խնդրել է շտապ տանել հիվանդանոց: Նա Մուշեղին հանել է դուրս, որտեղ կանգանծ է եղել որդին, Մուշեղին նստեցրել է մեքենան եւ հարցրել, թե ինչ է եղել Մուշեղն ասել է՝ մի հատ լակոտ իրան լավ չպահեց, ես զենքը հանեցի խփեցի, հետեւից ինձ սուր բանով ծակեց, հետո իմ զենքը քաշելուց «բացվեց»՝ իմ վրա կրակվեց: Մուշեղը մեքենայում չէր կարողանում խոսել, միայն կրկնում էր, որ իրեն շուտ հասցնեն հիվանդանոց: «Ես Մուշեղին տարա հիվանդանոց, իջացրի մեքենայից, նստացրի կալյասկա, բժիշկները նրան տարան ներս: Հետո իմացա, որ Մուշեղը մահացել է»:

Արա Վարդանյանն ասել է, թե Պետրոս Իսրայելյանին՝ Չարբախցի Գեղամին, մանկուց է ճանաչել, բայց չգիտեր, որ այդտեղ է բնակվում եւ որ այդ շենքի նկուղային հարկում նա սենյակ ունի. «Եթե իմանայի, որ Գեղամի ու Մուշեղի հետ է կապված հարցը, ես էլ կմտնեի ներս եւ թույլ չէի տա նման հետեւանքներ լիներ»:

Քննիչի հարցին՝ գործով տեղեկություններ են ստացվել, որ Մուշեղը «Լիա» գեղեցկության սրահ գնացել է 10-15 հոգու հետ, որ վկան էլ է գտնվել նկուղում, Արա Վարդանյանը պնդել է, որ Մուշեղը Չարբախ է գնացել իր ու Վիրաբի հետ՝ Վիրաբի մեքենայով: Ինքը նրա հետ նկուղ չի իջել, նկուղ մտել է կրակոցներից հետո: Նկուղում ոչ ոքի չի տեսել: Հենց դռան մոտ արյունոտ Մուշեղը փաթաթվել է իրեն ու խնդրել է հասցնել հիվանդանոց: Ինքը դրսում հավաքված մարդկանց չի տեսել: Ինչ վերաբերում է լրատվամիջոցներում շրջանառվող տեղեկություններին, թե դեպքը տեղի է ունեցել ֆինանսական խնդիրների շուրջ տարաձայնությունների պատճառով, եւ «Ճվճըվ Արոն» անմիջականորեն կապված է այդ խնդիրների հետ, վկան պատասխանել է, թե նման բան չկա, ինքը ոչ մի առնչություն չի ունեցել կատարվածի հետ, չգիտի՝ ինչ բովանդակությամբ զրույց է ունեցել Մուշեղը դեպքի օրը հեռախոսով ինչ-որ անձի հետ խոսելիս. «Շահարկվում է՝ իբր իմ հետ կապված գումարային հարցեր է եղել, սակայն դա չի համապատասխանում իրականությանը»,- ասել է Վարդանյանը:

Վկան քննիչի հարցին ի պատասխան նշել է նաեւ, որ Մուշեղի մոտ ինքը դանակ, զենք չի տեսել, սակայն Մուշեղն իրեն ասել է, որ զենքով է «խփել»:

Քննիչը, սակայն, նրան նախազգուշացրել է, որ իր  հայտնած հանգամանքները չեն համապատասխանում քրեական գործով ձեռք բերված տվյալներին եւ  առաջարկել է տալ ճշմարտացի ցուցմունք, սակայն Ճվճըվ Արոն պնդել է, թե իր նշած հանգամանքները համապատասխանում են իրականությանը:

Այնուհետեւ Արա Վարդանյանը դիմումով խնդրել է իրեն լրացուցիչ հարցաքննել, քանի որ գործի հետ կապված կարեւոր տեղեկություններ պիտի հայտնի:

Նա ասել է, թե դեպքից երեք տարի առաջ իր ծանոթ Վարդենիսցի Վահագնին պարտքով 20 հազար ԱՄՆ դոլար է տվել՝ բիզնեսում ներդրում կատարելու նպատակով: Նա ժամանակի ընթացքում վերադարձրել է 18 հազար դոլարը, մնացել է պարտք՝ 2 հազար դոլար:

Երբ ինքը 2016 թվականի սեպտեմբերին եկել  Հայաստան՝ բուժվելու, իրեն գումար է պետք եղել: Երբ գտնվել է «Էրեբունի» հիվանդանոցում, այնտեղ իրեն տեսակցելու է եկել Վարդենիսցի Լյովը, Ռուբոն (այս գործով մեղադրյալ Ռուբեն Խաչատրյանը, որի նկատմամբ, սակայն, հետագայում քրեական հետապնդումը դադարեցվել է,-հեղ.) եւ Գեղամը (խոսքը Պետրոս Իսրայելյանի մասին է,-հեղ.): Մուշեղն այդ ժամանակ իր մոտ էր: Ինքը Լյովիկին ասել է, թե նրա համաքաղաքացի Վահագնը պարտք է 2 հազար դոլար, որը ներկա պահին անհրաժեշտ է իր բուժման ծախսերը հոգալու համար եւ Լյովից խնդրել է գտնել նրան եւ վերցնել պարտք գումարը: Լյովն ասել է, թե կպարզի, թե ով է եւ տվյալները կփոխանցի: Վկան նշել է, որ այդ ժամանակ է ինքն իմացել, որ Լյովն ու Մուշեղը մտերիմ են:

Հետո, ըստ վկայի, Մուշեղը հավանաբար Լյովի հետ խոսել էր պարտքի վերադարձի մասին: Նա ասել է, թե պարտքը կարճ ժամանակում կվերադարձվի:

Մոտ քսան օր անց Մուշեղը տեսել է Վահագնին, խոսել է հետը, ապա իրեն ասել է, թե պարտքը շուտով կվերադարձվի: Նա չի ասել՝ խոսակցության ժամանակ ովքեր են ներկա եղել, ինչ են խոսել, ինչպես. «Ասեց՝ դու հիվանդ մարդ ես, չեմ ուզում քեզ անհանգստացնել, քո փողը քեզ շուտվ կհասնի»:

Նոյեմբերի 13-ին ինքը իրոք եղել է Բանգլադեշի «սերվիսում», Մուշեղն այնտեղ է եկել: Վիրաբի մեքենայով, ինչպես արդեն հայտնել է, գնացել են Չարբախ՝ Շիրակի փողոց…

Վկան ճշտել է նաև, որ Մուշեղը ոչ միայն նկուղից հանելիս է ասել, որ ինքն է իր վրա կրակել, այլև այդ մասին ասել է մեքենայի մեջ: Ինքը դրա մասին նախորդ հարցաքննության ժամանակ չի ասել՝ իր որդու անունը չտալու համար: Մուշեղը իր որդու ներկայությամբ էլ է ասել, որ առաջինը ինքն է կրակել, հետո վնասվածք է ստացել թիկունքից, հետո զենքը շարժելու պատճառով իր զենքից կրակվել է իր վրա…

Վկան նշել է, թե այլ տեղեկություններ չունի:

Նա ասել է նաև, թե պարտքի վերադարձման հարցով ինքը Չարբախցի Գեղամին, ոչ էլ Ռուբոյին չի դիմել, չգիտի՝ Մուշեղն ինչու է գնացել Գեղամի մոտ:

Դատարանը հրապարակեց նաեւ Հայաստանից բացակայող վկա Արտավազդ Մանուկյանի նախաքննական ցուցմունքը: Նա նշել էր, թե դեպքի օրը՝ 2016 թվականի նոյեմբերի 13-ին, ժամը 17-ի սահմաններում դուրս է եկել տանից՝  եղբոր կնոջ բարեկամի հոգեհանգստին գնալու համար: «Լիա» գեղեցկության սրահի մոտ տեսել է հավաքված մարդկանց: Գեղեցկության սրահի նկուղային հարկից գոռգոռոց է լսվել, սկայան բառերը չեն հասկացվում: Հետո վկան կրակոցներ է լսել, վազող մարդկանց եւ վախից փախուստի է դիմել՝ մտնելով 3-րդ մասում գտնվող այգին եւ 5 օր տուն չի գնացել: Քննիչի հարցին, թե 5 օր որտեղ է եղելլ, վկան պատախանել է, որ այնքան էր վախեցել, որ 5 օր մնացել ու գիշերել է այդ այգում՝ տուն չի գնացել: Երբ գնացել է տուն, հայրն ասել է, թե կրակոցներից հարեւան Գեւորգը սպանվել է: Թե ինչ կրակոցներ են եղել, ովքեր են կրակել՝ չի իմացել:

Տպել
5156 դիտում

Քաջարանի բազմաբնակարան շենքերն արդիականացվում են և ջերմամեկուսացվում

Մերկելը չի առաջադրվելու. 2 հիմնական թեկնածուներից ո՞վ կփոխարինի Գերմանիայի երկարամյա կանցլերին

Շուտով Զինվորի տունը կունենա լավագույն վիրահատարանը Հայաստանում

Հայաստանի տարածքում կան փակ ավտոճանապարհներ․ Լարսը բաց է

ԵԽ-ում մեկնարկել է Ադրբեջանից հայ գերիների անհապաղ ազատ արձակման և վերադարձի հարցերով քննարկումը

Կան տեխնոլոգիաներ, որոնք կարող են ապահովել մեր ժողովրդի առաջնային անվտանգությունը․ Արամ Սարգսյան

Լավատես եմ, փորձում եմ միտում չորոնել. ցավոք բախվում ենք խոչընդոտների. Վարդանյանը՝ նախագահի կողմից ՍԴ դիմելու մասին

Ռուսաստանը դադարեցնում է դեպի Թուրքիա և հետադարձ կանոնավոր ուղևորափոխադրումները. զբոսաշրջիկները հետ կբերվեն

Դավիթ Գրիգորյանը հետմահու պարգևատրվել է «Մարտական խաչ» 1-ին աստիճանի շքանշանով և «Մարտական ծառայություն» մեդալով

4-րդ հարկից ընկած 65-ամյա տղամարդը բնակվում է քրոջ որդու հետ․ ընկնելուց հետո օգնություն է խնդրել

Սերժ Սարգսյանը հանդիպել է Հայաստանում ՌԴ արտակարգ և լիազոր դեսպան Սերգեյ Կոպիրկինի հետ

Որոնողական աշխատանքները դադարեցվել են անարդյունք, Թասիկ գյուղի բնակիչը չի հայտնաբերվել

«Մեր ու ձեր կար», «տարբեր խաղերի մեջ չուզեցի մտնել». ԵՊՀ հոգաբարձուների խորհրդի 11 անդամ հրաժարվել է անդամությունից

Վարուժան Ավետիքյանը վայր է դրել Զինծառայողների ապահովագրության հիմնադրամի տնօրենի լիազորությունները

Իսրայելի պաշտպանության նախարարը սպառնացել է «պոկել լրագրողի գլուխը»

Ֆուտզալի Հայաստանի հավաքականը մեկնել է Ֆրանսիա՝ առանց իր հիմնական դարպասապահի

2020թ.-ի կոռուպցիոն քրգործերով 26.6 տոկոսով ավելի շատ բարձրաստիճան պաշտոնատար անձինք են քրեական հետապնդման ենթարկվել

Rocket line. ստացիր հիմա, վճարիր հետո՝ նույն գումարը

Դհոլ-զուռնա և հաղթանակի դափնիներ. գյումրեցիները քաղաքի մուտքի մոտ դիմավորեցին չեմպիոններին

Նախագահը պետք է օր առաջ ստորագրի ընտրությունները համամասնական ընտրակարգով անցկացնելու մասին օրինագիծը. կուսակցություններ

Հայ-ֆրանսիական համագործակցությունը ներառելու է հայ բժիշկների կարճաժամկետ և միջնաժամկետ վերապատրաստում Ֆրանսիայում

Բնակարան Կենտրոնում, 7 մլն 752 հազար դրամ. Պաշտպանության նախարարը ներկայացրել է իր ունեցվածքի հայտարարագիրը

Ադրբեջանցիք թողեցին տրակտորը, սկսեցին ինձ վրա կրակել. բնակիչն ու Արցախի ԱԳ նախարարը՝ Սարուշենի կրակոցների մասին

Դոլար-դրամ փոխարժեքը կարգավորվում է. նախորդ շաբաթվա համեմատ 20 դրամով նվազել է

Սանկտ Պետերբուրգի այրվող արտադրամասի շենքում երկրորդ հրշեջն է մահացել

ՄԻՊ-ը հատուկ հայտարարություն է պատրաստում Ադրբեջանում արցախյան պատերազմին առնչվող ցուցադրությունների վերաբերյալ

Վաղը կմեկնարկի ԱԺ հերթական քառօրյան. հայտնի է նիստերի օրակարգը

Արտակ Դավթյանը Աբբաս Բադախշան Զոհուրիի հետ քննարկել է տարածաշրջանային խնդիրները

Ադրբեջանը պարտավոր է համագործակցել ՄԻԵԴ–ի հետ, իսկ ԵԽԽՎ–ն՝ աջակցել ՄԻԵԴ–ին. Տաթևիկ Հայրապետյան

Ռոբերտ Նազարյանի փաստաբաններին կոչ ենք անում մնալ կոռեկտության և մասնագիտական էթիկայի սահմանում. ԱԱԾ

Սարահարթ գյուղում վագոն-տնակ է այրվել

Էրդողանն իր ելույթում օգտագործել է «գյավուր» բառը՝ թիրախավորելով քրիստոնյաներին․ Կարո Փայլանի արձագանքը

Երախտապարտ ենք Կիպրոսի և կիպրահայ հասարակությանը՝ արցախահությանը մշտապես աջակցելու համար. Արցախի ԱԺ նախագահ

Վերիշենի բնակիչը պատուհանով մուտք է գործել համագյուղացու տուն և փորձել է սեռական հարաբերություն ունենալ նրա կնոջ հետ

Հայտնաբերվել է կորած հրազդանցու դին

Ֆուտբոլի կանանց Հայաստանի հավաքականը երկրորդ տեղը զբաղեցրեց Our Game մրցաշարում

Արմեն Սարգսյանը ցավակցել է Հայր Հարություն վարդապետ Պզտիկյանի մահվան կապակցությամբ

Երեւանում նստած հեշտ է կարծիքներ կազմել. Էջմիածնի քաղաքապետը՝ քաղաքի կենտրոնում ձեւավորած շենքի քննադատությունների մասին

Պաշտպանության նախարարն այցելել է կենտրոնական կլինիկական զինվորական հոսպիտալ․ գերատեսչական մեդալներ և պատվոգրեր է հանձնել

Հին տղերքը սաղ նեղված էին, որ ես կարողանում էի մտնել բունկեր, իրենք՝ չէ. Սամվել Բաբայան