Ոստիկանը կարող է լսել հրավառության ձայնը, բայց տուգանելու համար վայրը գտնել չկարողանա

Երբ շքեղ ու գունագեղ հրավառությունը պայթում է կեսգիշերային երկնքում, հարեւանությամբ ապրող մարդուն հիացմունք ու գեղագիտական հաճույք պատճառելու փոխարեն զայրացնում է, իսկ երբ այդ երեւույթը շարունակական բնույթ է կրում, թվում է, կարող է նույնիսկ խելագարության հասցնել:

Գիշերային աղմուկը մայրաքաղաք Երեւանի բնակիչների մղձավանջներից է: Բայց մինչեւ խելագարվելը հետաքրքիր է պարզել, թե ով է պատասխանատու հանրության անդորրն ապահովելու համար, ու երբ քնած ժամանակ երկինքը որոտում է եւ կարծես փուլ գալիս գլխիդ, ինչ անելիք ունեն պետության ներկայացուցիչները:

Վարչական իրավախախտումների վերաբերյալ ՀՀ օրենսգրքի 180-րդ հոդվածը վերաբերում է լռությունը խախտելուն, ինչի դեպքում նախատեսվում են վարչական տույժեր: Նույն հոդվածի համաձայն, գիշերային ժամանակ է համարվում ժամը 23:00-ից 07:00-ն: Այսինքն՝ այդ ժամերին պետք է լռություն պահպանվի: Հոդվածի առաջին մասով նախատեսվում է, որ տվյալ ժամանակահատվածում «բարձրաձայն երգելը, կամ երաժշտական գործիքներ նվագելը, կամ ձայնային ազդանշաններ տալը, կամ բարձր միացրած հեռուստացույցից, ռադիոընդունիչից, մագնիտոֆոնից կամ այլ սարքերից օգտվելը բնակելի շենքերի բնակարաններում, կամ մուտքերում, կամ բնակելի տարածություններում, կամ բակերում, կամ փողոցներում, կամ այլ հասարակական վայրերում, կամ դրանցից դուրս աղմուկով ուղեկցվող աշխատանքներ կատարելը, որոնք կապված չեն անհետաձգելի անհրաժեշտության հետ, ինչպես նաեւ այլ գործողությունները, որոնք խախտում են գիշերային անդորրը` առաջացնում են նախազգուշացում»:

Եթե վերոնշյալ արարքները մեկ տարվա ընթացքում կրկնվում են, ապա արդեն ոչ թե նախազգուշացում է կիրառվում, այլ նշանակվում է տուգանք՝ 40 հազար դրամի չափով:

Այլ է իրավիճակը հրավառությունների դեպքում: Այստեղ օրենքն ավելի խիստ է գտնվել: «Գիշերային ժամանակի» ընթացքում հրագործական արտադրատեսակներ օգտագործելու դեպքում միանգամից նախատեսվում է վարչական տույժ՝ հարյուր հազար դրամի չափով: Մեկ տարվա ընթացքում կրկնվելու պարագայում տուգանքը կրկնապատկվում է:

ՀՀ ոստիկանության հասարակական կարգի ապահովման վարչության պետի տեղակալ Կարեն Մեհրաբյանը մեզ հետ զրույցում ասաց. «Վարչական իրավախախտումների վերաբերյալ Հայաստանի Հանրապետության օրենսգրքում 2012 թվականին կատարվել է փոփոխություն, 180-րդ՝ «Լռությունը խախտելը» հոդվածի ենթակայությունը փոխանցվել է ոստիկանությանը»:

Այսինքն՝ եթե այդպես է ու եթե, ասենք, հրավառության տարածքում ապրողները բավական մեծ շառավղով լսում են դրա առաջացրած աղմուկը, պետք է որ այն չվրիպի նաեւ ոստիկանության ներկայացուցիչների ուշադրությունից: Եվ ուրեմն, որո՞նք պետք է լինեն ոստիկանի գործողությունները: Նա, տեսնելով կամ լսելով, որ թույլատրելի ժամից հետո հրավառություն է իրականացվում, կարո՞ղ է սեփական նախաձեռնությամբ այցելել դեպքի վայր եւ անհրաժեշտ միջոցառումներ ձեռնարկել, թե՞ դրա համար պարտադիր պետք է լինի քաղաքացուց ստացված ահազանգ:  

«Հրավառությունն այնպիսի բան է, որ չես կարող գաղտնի անել կամ թաքցնել: Ոստիկանությունը, գործող օրենսդրության համաձայն, կարող է նշված իրավախախտումը հայտնաբերել իր նախաձեռնությամբ կամ ահազանգի հիման վրա»,- պատասխանեց Կարեն Մեհրաբյանը: Նա միեւնույն ժամանակ հավելեց. «Հրավառության ձայնը ոստիկանը կլսի, բայց լսելուց հետո, եթե շառավիղը, հեռավորությունը շատ մեծ է, չի բացառվոմ, որ նույնիսկ տեղն էլ չգտնի, թե որտեղ են այդ հրավառությունը կազմակերպել»:

Մեր զրուցակիցը վստահեցրեց, որ նախորդ տարիներին իրականացվել են կանխարգելիչ միջոցառումներ. օբյեկտների՝ ռեստորանների, զվարճանքի վայրերի տնօրենները գրավոր նախազգուշացվել են ժամը 23:00-ից հետո հրավառություն չկազմակերպել: Նույնը նախատեսվում է կրկնել հաջորդ շաբաթ: Հնարավոր է՝ այս անգամ այդ հուշաթերթերը նաեւ փակցվեն օբյեկտներում՝ տեսանելի վայրում:

ՀՀ ոստիկանության հասարակական կարգի ապահովման վարչության պետի տեղակալը նշում է, որ այդ գործելաոճի դրական արդյունքը տեսանելի է:

«2012 թվականից հետո արձանագրությունների քանակը այդ նախազգուշացումների արդյունքում տարեցտարի պակասում է: Այսօրվա դրությամբ ունենք մոտ 80 արձանագրություն, նախորդ տարի եղել է 130-ի սահմաններում»,- նշեց ոստիկանության պաշտոնյան: Այս թվերը ներառում են թե տուգանքները, եւ թե նախազգուշացումները, ինչպես նաեւ հրավառությունների եւ այլ անթույլատրելի աղմուկների դեպքերն առհասարակ:

Իսկ թե նշված արձանագրությունները գումարային ինչ տեսք ունեն, այսինքն՝ որքան է կազմել նշանակված տուգանքների ընդհանուր չափը, Կարեն Մեհրաբյանը դժվարացավ ասել՝ պարզաբանելով, որ համապատասխան տվյալները ձեռքի տակ չունի: Նա չմանրամասնեց նաեւ, թե հիմնականում որ օբյեկտներում կազմակերպված հրավառությունների պատճառով են տուգանքներ նշանակվել: «Լուրջ օբյեկտները երբեք իրենց թույլ չեն տա այդպիսի բան, դա նաեւ իրենց հեղինակության հարցն է: Ինձ օրինակ չի պատահել»,- ասաց նա:

Ամեն դեպքում քաղաքացիները բողոքում են: Ահազանգում են մասնավորապես «Դոն Քիշոտ» ռեստորանի հարեւանությամբ ապրող բնակիչները՝ նշելով, որ այստեղ հրավառություն կարող է լինել ժամը 00:00-ին, 01:00-ին, 02:00-ին՝ խանգարելով իրենց անդորրը: Դժգոհության կա նաեւ «Դիսնեյ լենդ» մանկական սրճարանից: Առաջինից, սակայն, մեր զրույցում պնդեցին, որ իրենց մոտ ընդհանրապես հրավառություններ չեն իրականացվում ոչ ժամը 23:00-ից հետո, ոչ էլ մինչեւ այդ, որովհետեւ նախ ռեստորանային համալիրը գտնվում է բնակելի շենքերի միջավայրում եւ հետո՝ իրենք չունեն համապատասպխան թույլտվություն ու լիցենզիա: «Դիսնեյ լենդ»-ից էլ վստահեցրին, թե իրենք տեղյակ են հրավառությունների համար գործող ժամային սահմանափակումների մասին եւ խստորեն հետեւում են դրան: 

Հ.Գ. ՀՀ կառավարության 2012 թվականի N 1000-Ն որոշմամբ սահմանվել են բացառություններ, թե երբ կարելի է կազմակերպել հրավառություն ժամը 23:00-ից հետո.

1) Ամանորի կապակցությամբ` դեկտեմբերի 31-ի ժամը 23.00-ից մինչեւ հաջորդ օրվա ժամը 01.00-ն.

2) «Հայաստանի Հանրապետության տոների եւ հիշատակի օրերի մասին» Հայաստանի Հանրապետության օրենքով սահմանված տոն օրերին` ժամը 23.00-ից մինչեւ հաջորդ օրվա ժամը 01.00-ն` Հայաստանի Հանրապետության պետական, տարածքային կառավարման եւ տեղական ինքնակառավարման մարմինների կողմից:

Տպել
3930 դիտում

Գյումրիում բացվեց ՀՀ-ում առաջին «Ընտանիքի անկյուն» ռեսուրսային կենտրոնը. շուտով կգործի նաև «Հայրերի դպրոցը»

Առողջապահության նախարարությունն ու «Վեոլիա ջուրը» տարբեր պնդումներ են անում. ինչու է Սիսիանում աղիքային վարակ բռնկվել

ԱՄՆ-ը Ադրբեջանի ղեկավարությունից կպահանջի դուրս բերել իր ուժերը ՀՀ տարածքից․ ԱՄՆ նախագահի խորհրդականը՝ Նիկոլ Փաշինյանին

Կամարիսում հիմնանորոգվում են ներհամայնքային ճանապարհներ

ՄԱԿ-ում 3-րդ անգամ չեն կարողացել համաձայնության գալ իսրայելա-պաղեստինյան հարցի շուրջ. Էրդողանը Բայդենին է մեղադրում

Արմեն Սարգսյանը ստորագրել է զինծառայությունից խուսափած անձանց նկատմամբ համաներում հայտարարելու մասին օրենքը

Գործարկվելու է Հոռոմ համայնքի շչակը․ ԱԻՆ-ը խնդրում է չանհանգստանալ

Առցանց աշխատաժողովին քննարկվել են Հայաստանի տրանսպորտի և առևտրի խթանման 2021-2040թթ. ռազմավարության մշակման հարցեր

Պաշտպանության նախարարության հայտարարությունը՝ հայ-ադրբեջանական սահմանային իրավիճակի մասին

ՀԱՊԿ-ի արագ արձագանքը պետք է ոչ միայն Հայաստանին, այլ անդամ ամեն մի պետության. վարչապետի գլխավոր խորհրդական

Մարտական հենակետերում ստուգումներ են անցկացվել

Ծեծի կասկածանքով բերման են ենթարկվել Խոսրով Հարությունյանն ու ևս մեկ անձ (լուսանկարներ)

Արցախում օձը մտել է բնակելի շենք․ ԱՀ ԱԻՊԾ-ն հորդորում է զգոն լինել՝ նկատվում է սողունների ակտիվացում

Ըմբիշ Արման Անդրեասյանը ցավալի պարտություն կրեց Մ-23 Եվրոպայի առաջնության եզրափակչում

Ստանիսլավ Զասը իր լիազորությունների շրջանակներում կնպաստի խնդրի խաղաղ հանգուցալուծմանը. ԱԽ քարտուղարի հեռախոսազրույցը

Ոչ միայն ադրբեջանցիները հայկական որևէ դիրք չեն գրավել, այլև նույնիսկ տեսականորեն չէին կարող գրավել. ԶՈւ ԳՇ infocheck

ԵԿՄ-ում զենք ու զրահ չի բաժանվում, գնում ենք զորավարժություններ անցկացնելու. Ռոմիկ Մխիթարյան

37-ամյա տղամարդը որոնվում է որպես անհետ կորած

Ծեծկռտուք, դանակահարություն Մասիսում․ 24-ամյա երիտասարդը հիվանդանոց է տեղափոխվել. (տեսանյութ)

Քաղաքացիները ոստիկանության Սյունիքի մարզային վարչության ստորաբաժանումներում հրազեններ են հանձնել

Մովսես Խորենացու մեդալով է պարգևատրվել Լիտվայի օպերայի և բալետի ազգային թատրոնի մեներգչուհի Հասմիկ Գրիգորյանը(տեսանյութ)

ԱԳ նախարարի տեղակալ Գագիկ Ղալաչյանը վրաց գործընկերոջ հետ մտքեր է փոխանակել տարածաշրջանային անվտանգության մասին

ՀՀ տարածքում շարունակում են գտնվել ադրբեջանական զինվորականներ.ռազմական կցորդներն այցելել են պաշտպանության նախարարություն

Մոսկվան գործադրելու է բոլոր ջանքերը՝ ստեղծված իրադրության խաղաղ հանգուցալուծման համար.Շոյգուն՝ Վաղարշակ Հարությունյանին

Հաղթանակ կամրջից 24-ամյա երիտասարդը փորձել է ցած նետվել

Կայացել է Արմեն Գրիգորյանի և Նիկոլայ Պատրուշևի հեռախոսազրույցը․ քննարկվել է հայ-ադրբեջանական սահմանին ստեղծված իրավիճակը

Փոխադարձ ջանքեր Արցախի ժողովրդի իրավունքները պաշտպանելու համար. Արցախի ՄԻՊ-ի նամակը ԵԽ մարդու իրավունքների հանձնակատարին

Մեկնարկել է ՀՀ Ազգային ժողովի նախագահ Արարատ Միրզոյանի պաշտոնական այցը Ռուսաստանի Դաշնություն

Արարատ Միրզոյանի գլխավորած պատվիրակությունը հանդիպեց Վյաչեսլավ Վոլոդինի հետ (լուսանկարներ)

Հայաստանն իրեն իրավունք է վերապահում պաշտպանելու իր տարածքային ամբողջականությունն ու ինքնիշխանությունը․ Արտակ Ապիտոնյան

Շարունակելու ենք բարձրացնել ռազմագերիների և կալանավորվածների վերադարձի խնդիրը. ԵԱՀԿ-ն պատասխանել է ՀՀ նախագահի նամակին

Այսուհետ կենսաթոշակի տրամադրման և ավանդների փոխհատուցման գումարի չափը քաղաքացիները կարող են հաշվել ինքնուրույն

Սիսիանում հայտնաբերվել է աղիքային վարակով ևս 43 հիվանդ․ որոշ կետերում ջրի որակը դեռևս չի համապատասխանում նորմերին

Լուկաշենկոն պատրաստակամություն է հայտնել ջանքեր գործադրել իրավիճակը խաղաղ հանգուցալուծելու նպատակով

Ամուսնության գրանցման համար պետական տուրք չի պահանջվի. հանրային ծառայություններում արմատական բարեփոխում է իրականացնում

Վաղարշակ Հարությունյանը և Իգոր Կոնստանտինովը քննարկել են համագործակցության հետ կապված հարցեր

Ալիևը ռուսական կողմի հետ «Զանգեզուրի միջանցքի» հարց չի կարող քննարկել. երկաթուղային ենթակառուցվածքի սեփականատերը ՀՀ-ն է

Իրավիճակն արագ չհանգուցալուծելու դեպքում հետևանքը կարող է անկանխատեսելի լինել. Հարությունյանը՝ ՀԱՊԿ գլխավոր քարտուղարին

Սյունիքից սանավիացիայի ուղղաթիռով Երեւանի «Սուրբ Աստվածամայր» ԲԿ է տեղափոխվել մեկ տարեկան երեխա

Ռուսաստանը պատրաստ է աջակցել Հայաստանին և Ադրբեջանին սահմանազատման և սահմանագծման հարցերում․ Սերգեյ Լավրով