Չկա լիմոն, մանդարին, դատապարտեմ այսպիսի Նոր տարին. Նիկոլ Փաշինյան. տեսանյութ

ԵԱՏՄ-ին Հայաստանի անդամակցման դադարեցման «Ելք»-ի նախագիծը շարունակվում է քննարկվել ԱԺ արտաքին հարաբերությունների մշտական հանձնաժողովի նիստում: «Ելք» խմբակցության ղեկավար Նիկոլ Փաշինյանն անդրադառնալով ԵԱՏՄ-ի պատճառով Վրաստանից ներկրվող մանդարինի քանակի նվազմանն ասաց.   

«Անկեղծ ասած, երեկվա լրահոսին հետևելով՝ ես հասկացա, որ այս ժամանակները, երևի թե մեր գիտակցության մեջ կվերակենդանանցնեն նաև Խորհրդային միության ասացվածքները։ Դրանից ամենահայտնին և սեզոնայինը հետևյալն է՝ չկա լիմոն, մանդարին, դատապարտեմ այսպիսի Նոր տարին»,-ասաց Փաշինյանը:

Փաշինյանն իր խոսքում նշեց, որ սրան զուգահեռ նվազել է նաեւ Հայաստանից Ռուսաստան արտահանվող լոլիկը:

«Երեկ պարզվեց, որ Վրաստանից 5 կգ-ից ավելի մանդարին ներկրելու համար հարկավոր է 4 կգ փաստաթուղթ կցել դրան, և դա ԵԱՏՄ-ի նոր նվաճումն է։ Վրաստանի հետ մենք հիմա ազատ առևտրի համաձայնագիր ունենք և կարող ենք ոչ միայն 5, այլև 6, 7, նույնիսկ 8 կգ մանդարին ներկրել Վրաստանից։ Բայց դրա համար պետք է ֆիտոսանիտարական, միջուկային, քիմիական, կենսաբանական և այլ բազմաթիվ տեղեկանքներ: Այսինքն՝ մարդը 1000 դրամի մանդարին պիտի գնի Սադախլոյից և 5000 դրամ ծախսի, գնա ԹիՖլիս, որ ֆիտոսանիտարական փաստաթուղթ ձեռք բերի, որ կարողանա մանդարին ներկրի: Իհարկե, մենք դեռ խոսում ենք ազատ առեւտրի մասին: Միայն սա չէ, այս տարի Ռուսաստանից Հայաստան են սկսել ներկրել բանջարեղեն: Սա ի՞նչ երեւույթ է, իհարկե կապված է ԵԱՏՄ-ի հետ, բայց այստեղ եւ Ռուսաստանում ջերմոց ունեցողները գազի համար վճարում են երեք անգամ տարբերությամբ, մենք ավելի վճարում ենք երեք անգամ: Մի հատ լոլիկ ունեինք արտահանելու, այն էլ պարզվում է, որ Ռուսաստանից է գալիս»,- նշեց Նիկոլ Փաշինյանը:

Ընդդիմադիր խմբակցության ղեկավարը շեշտեց, որ ԵԱՏՄ-ին անդամակցելուց հետո հայ օլիգարխները եւս «խեղճացել են»:

«Գազպրոմի մենաշնորհը քիչ էր, մի հատ էլ բենզինի մենաշնորհ է հաստատվել: Ո՞վ կպատկերացներ, որ 4 տարի առաջ «Ֆլեշ», GPS ընկերությունները, որոնց մեղադրում էինք մենաշնորհի մեջ, այսօր դարձել են մենաշնորհի զոհ, որովհետեւ հիմա միայն Ռոսնեվթն է ներկրում, իսկ մեր խոշոր օլիգարխները հայտնվել են մանր սպառողի դերում: Սա է ԵԱՏՄ-ն եւ մեր տնտեսության վիճակը»,- նշեց Փաշինյանը:

Նիկոլ Փաշինյանը հայտարարեց, որ Սերժ Սարգսյանը դիմում է ամեն քայլի, որպեսզի 2018 թվականին կրկին վերարտադրվի:

«Մեկ այլ խնդիր էլ կա, որ ԵԱՏՄ-ի քաղաքական ավտորիտար ռեժիմը մտնում է Հայաստան: Այսօր մամուլը բացեք, Եվրոպայի հետ մի հատ կիսափաստաթուղթ է ստորագրվել, որտեղ բացում ես գրած է՝ Սերժ Սարգսյանն ամենակարողն է: Այս տեմպերով, որ գնա Կիմ Չեն Ինին աբգոն կանի: Պարզ է, որ սա արվում է իշխանության աթոռը հերթական անգամ գրոհելու համար: Ամեն անգամ, երբ Սերժ Սարգսյանը պետք է իշխանությունը ձեռք գցի, մի հատ «գիգանտ» ծրագիր է հրապարակում: Մի հատ 98 թվականին Հայաստանը ցնցվեց  «Արմենիկումի» պատճառով, հետո 2008 թվականին ատոմակայան էին կառուցում, մի հատ էլ այդտեղ ցնցվեց Հայաստանը, հետո Իրան-Հայաստան երկաթուղի էին կառուցում՝ ցնցեցին: Հիմա էլ հայտարարում են, որ 4 միլիոն բնակչություն ենք ունենալու: Սա նշանակում է, որ 2018-ին Սերժ Սարգսյանը պետք է իշխանությունը գրոհի:

2017-ի առաջին կիսամյակում Ռուսաստանից Հայաստան ներկրվող բուսական ապրանքների ներկրումը 53 տոկոսով աճել է: Սա նշանակում է, որ Հայաստանում գյուղատնտեսությամբ զբաղվողների եկամուտները նվազել է:

Հենց հակառակորդի հարձակումը սկսում է, պարզվում է, որ ՀԱՊԿ-ի պայմանագիրն այդ դեպքի համար չէ, դա չի վերաբերվում Մովսես գյուղին, ընդեղ ուրիշ գյուղեր կան հայկական, ոչ Մովսեսը, ոչ Չինարին, ոչ Բերդն ու Իջեւանը: Այդ պայմանագիրը լրիվ ուրիշ դեպքի համար է: ՀԱՊԿ-ին դրել ենք Բրուս Լիի տեղը, բայց չենք հասկանում, թե իրենից ինչ է ներկայացնում»,- եզրափակեց Փաշինյանը:

Մանրամասները՝ տեսանյութում:

 

Տպել
5087 դիտում

«Մանկական Եվրատեսիլ - 2020»-ում հաղթող է ճանաչվել Ֆրանսիայի մասնակիցը (տեսանյութ)

Երեւանից դեպի Ստեփանակերտ ուղեւորվող ավտոբուսները վատ եղանակի պատճառով վաղը չեն մեկնի

Վերսկսվում են Մոսկվա-Գյումրի-Մոսկվա երթուղով չվերթները

Կիմ Բալայանը դադարեցրել է հացադուլը

ՀՀ ՊՆ և ԱՀ ԱԳ նախարարները կարևորել են հայ զինծառայողների վերադարձի աշխատանքները

Վթար Գառնի գյուղ տանող ավտոճանապարհին. վարորդները հոսպիտալացվել են

Նիկոլ Փաշինյանը մանրամասնել է՝ ինչ է խոսել Պուտինի հետ հոկտեմբերի 19-ին եւ ինչ պայմաններ են առաջարկվել

Հայաստանի 5 մարզերում ձյուն է տեղում, Վարդենյաց լեռնանցքում մերկասառույց է

Քիմ Քարդաշյանը հայտնել է արցախցի երեխաներին ուղղված ամանորյա նախաձեռնության մասին

Այսօր ու վաղը ձյանն ու ձնախառն անձրևներին կհաջորդի առանց տեղումների եղանակը

«Ի՞նչ անել», եւ «ո՞վ է մեղավոր»

Դաշնակահար Սվետլանա Նավասարդյանն արժանացել է «Համագործակցության աստղեր» միջպետական մրցանակի

Պետական մարմինները պարտավոր են բոլոր լծակները կիրառել անհետ կորածների ու գերիների հարազատների հետ հաղորդակցության համար

Ստեփանակերտում և Մխիթարաշեն գյուղի մերձակայքում տեղի կունենա չպայթած ականների վնասազերծում. Արցախի ԱԻՊԾ

Պատերազմից հետո զինծառայողների հանգստի հարցը շուտով կլուծվի. հանդիպում ՊՆ-ում՝ զինվորների հարազատների եւ ծնողների հետ

Յուրաքանչյուր հայ Հայաստանի մասին պետք է մտածի՝ որպես իր տան. Ա.Սարգսյանը հանդիպել է ռուսաստանահայ համայնքի անդամներին

Զարուհի Բաթոյանը ներկայացրել է իր պաշտոնավարման ընթացքում կատարված աշխատանքների մասին հաշվետվություն

Յուրաքանչյուր զինվոր, որտեղ էլ լինի, մեր երեխան է. Արսեն Գրիգորյան

«Օդալեն» ռեստորանի խոհանոցի առաստաղը փլուզվել է․ կա զոհ

Անցյալի եւ ապագայի առջեւ