Կարեն Կարապետյանը մտավախություններ չունի. հիմքեր ենք ստեղծում հետագա հիմքերի համար

ՀՀ վարչապետ Կարեն Կարապետյանը երեկվա ասուլիսին ներկայացավ բոլորովին այլ ոճով: Խոսքը, իհարկե, հագուկապի մասին չէ: Այս առումով ոչինչ չի փոխվել: Նա կրկին «ժիլետով» էր եւ ասուլիսը սկսվելուց հետո մի քանի րոպե անց կրկին հանեց կոստյումը եւ փռեց աթոռի հենակին:

Խոսքը նրա՝ հարցերին պատասխանելու ոճի մասին է: Եթե նախկինում նա լրագրողների հետ հանդիպումներում ավելի անմիջական էր, ազատորեն կատակում էր, ջղայնանում էր, ափերից դուրս էր գալիս, ձեռքը խփում էր սեղանին, ապա այս անգամ լրագրողների առաջ խիստ շրջանակներում իրեն պարփակած, «բարեւ ձեզ, հարց-պատասխան... ցտեսություն» ոճով միջոցառում անցկացնող պաշտոնյա էր: Հարցերին պատասխանում էր հնարավորինս հակիրճ, զերծ էր մնում պատասխանը ավելի ամբողջական ու պատկերավոր դարձնող շեղումներից...: Մի խոսքով, դա այն Կարեն Կարապետյանը չէր, որին թերեւս սպասում էին լրագրողները:

Ասուլիսի սկզբում վարչապետը ներկայացրեց այս տարվա առաջին 9 ամիսներին վերաբերող որոշ վիճակագրական տվյալներ որոնք հիմնականում դրական են: Դրական են նաեւ սոցհարցումների արդյունքները,  որոնց համաձայն՝ կառավարության նկատմամբ վստահությունը աճել է, մարդկանց լավատեսությունը աճել է... Դա, իհարկե, կառավարության պատվերով անցկացված սոցհարցումի արդյունքն է:

Բացասական են միայն գյուղատնտեսության եւ շինարարության ցուցանիշները. այդ ոլորտներում արձանագրվել է նվազում: Բայց, ըստ վարչապետի, հաշվի առնելով տրված շինթույլտվությունների քանակը, հաջորդ տարի այս ոլորտում աճ է լինելու:  Գյուղատնտեսությունում էլ՝ «գյուղատնտեսությունում մենք կանխատեսել ենք հաջորդ տարի 4 տոկոս աճ: Հիմա մի հայտարարությունում անեմ, որի համար հետո պատասխան կտամ. եթե բնակլիմայական կամ այլ ինչ- որ արտառոց վիճակ չլինի, ապա ես համարյա վստահ եմ, որ մեր գյուղատնտեսության աճը կլինի 4 տոկոսից շատ ավելի»,- երեկ հայտարարեց վարչապետը:

Մինչեւ հաջորդ տարվա գալը վարչապետից փորձեցինք հստակեցնել անցած ժամանակաշրջանի հետ կապված որոշ ցուցանիշներ, որոնք երեկ հրապարակեց նա: Ըստ այդմ՝ շռնդալից աճ է արձանագրվել այսպես կոչված երկարատեւ օգտագործման ապրանքների ներկրման առումով՝ սառնարաններ, կահույք, անկողնու պարագաներ, ջեռուցիչներ եւ այլն: Ավելի քան երկու անգամ աճել է ավտոմեքենաների ներկրումը, շոշափելի աճել է նաեւ անշարժ գույքի առուվաճառքը եւ այլն: Դա՝ վիճակագրորեն: Սակայն չափազանց մեծ է հավանականությունը, որ այդ տվյալները չեն արտացոլում իրական պատկերը:

Օրինակ, երկարատեւ օգտագործման ապրանքների ներկրման աճը կարող է պայմանավորված լինել դրանց հաշվառմամբ: Այսինքն նախկինում ներկրված սառնարանը արձանագրվում էր որպես կարտոֆիլ, հիմա՝ որպես սառնարան: Ավտոմեքենաների ներկրման աճը կարող է պայմանավորված լինել ԵՏՄ-ի կանոններով: Խնդիրն այն է, որ ներկայումս  ներկրվող մեքենաների մաքսազերծումը ավելի էժան է, քան, ասենք, Ռուսաստանում: Եվ Հայաստան ներկրվող մեքենաների մի որոշ քանակություն հավանաբար «ռասկուլաչիտ է» արվում եւ «զապչաստի» տեսքով արտահանվում Ռուսաստան: Կամ անշարժ գույքի առուվաճառքի թվերը աճել են միայն նրա շնորհիվ որ նվազել են բնակարանների գները եւ այլն: 

Սա հաշվի առնելով՝ հարց ուղղեցինք վարչապետին, թե մտավախություն չկա՞, որ նման վիճակագրական տվյալների վրա հենվելով հնարավոր է սխալ պատկերացում կազմվի տնտեսության իրական, այսպես ասենք՝ որակական պատկերի մասին: «Մտավախություն չունեմ: Չեմ բացառում, որ այնտեղ լինեն ճշգրտումներ: Բայց մենք ունենք այլ ինդիկատորներ, որոնք ցույց են տալիս, որ եթե նույնիսկ ճշգրտումների խնդիր չառաջանար, ապա այդ ապրանքերի մուտքը աճել է»,- մեր հարցին ի պատասխան ասաց վարչապետը:   

Անընդհատ հղում է կատարվում այն հանգամանքի վրա, որ արտաքին աշխարհից եկող բացասական ազդակները թույլ չեն տալիս, որ տնտեսական աճեր գրանցվեն: Սակայն 2017 թվականը այդ առումով, մեղմ ասած, դրական է եղել: Պղնձի գները աճել են, մասնավոր տրանսֆերտները՝ նույնպես...: Արդյոք այս պայմաններում 2017 եւ 2018 թվականներին ընդամենը 4-5 տոկոս աճ կանխատեսելը հավակնոտության դեֆիցի՞տ չէ: Այսպիսի հարց ուղղեցինք վարչապետին:

«Ընդամենը 4-5 տոկոսը օպտիմիստի ու պեսիմիստի պատմությունն է: Տեսեք: Մենք 2017 թվականին շատ ներուժ կամ հիմք չենք դրել 2018 թվականի աճի համար: Իրականում 2018-ին էն, ինչ որ մենք մտադիր ենք անել, դա հաջորդ տարիների համար աճն է: Մենք պետք է ձեզ հետ միասին ֆիքսենք, որ այն իրավիճակը, որը տիրել է աշխարհում եւ մեր երկրում, թույլ չի տվել նախկին կառավարիչներին հաջորդ աճերի համար ներուժի բազան ստեղծելը: Եթե մենք 18 թվականին ինչ որ նախատեսում ենք՝ անենք (բիզնես միջավայրի փոփոխություն, մեր տեղական ներդրողների մոտ օպտիմիզմի եւ ակտիվության աշխուժացում, որը կգրավի արտաքին ներդրողներին), ապա մենք շատ լավ... հնարավորինս լավ բազա կստեղծենք 2019 թվականի համար»,- ասաց ՀՀ վարչապետը:

Տպել
7717 դիտում

Արմավիրի ոստիկաններն ապօրինի թմրաշրջանառության դեպք են բացահայտել (տեսանյութ)

Արմավիրի մարզպետը շնորհավորել է եզդիական համայնքին Սուրբ Խըդըր Նաբիի տոնի առթիվ

Իրանի խորհրդարանական ընտրությունները նշմարում են Ռոհանիի իշխանության ավարտը. իշխող ուժի շանսերը փոքր են

Վթար Կապանում. «Հունդայի Սանտաֆե»-ի 46-ամյա ուղևորը մահացել է

Արարատի ծննդօգնության ծառայություններ մատուցող բժշկական հաստատություններում հունվար ամսին ծնվել է 53 տղա եւ 71 աղջիկ

Քաղաքապետարանում տեղյակ չեն, թե Երեւանին նվիրաբերված սեքվոյա հսկա ծառի սերմերը որտեղ են պահվում

Նախագահական նստավայրում կայացել է ռուսական ռոմանսի երեկո՝ նվիրված Մեծ հաղթանակի 75-ամյակին

Նախ ասել են՝ երեխաս աղիքային խնդիր ունի, հետո՝ իբր մահացել է. տարիներ առաջ ծննդաբերած կինը փնտրում է իր աղջկան

Երևան-Սևան ավտոճանապարհին մեքենան բախվել է երկաթե արգելապատնեշներին. 37-ամյա վարորդը մահացել է

Դիլիջանի «Շլորկուտ» հանդամասում 5000 քմ խոտածածկույթ է այրվել. ԱԻՆ

Նոր Նորք վարչական շրջանում ոստիկանության ուժեղացված ծառայություն է իրականացվել

Ոստիկանությունը իդեալականին մոտ ցուցակներ է խոստանում. այս անգամ կհամագործակցեն նաեւ թաղման բյուրոների հետ

Ամփոփվել են Երեւանի 2019թ. բյուջեի եւ զարգացման ծրագրի հաշվետվությունների վերաբերյալ առաջարկներն ու դիտողությունները

Իրանում կորոնավիրուսը հասել է արդեն Թեհրան. երկրում 18 հաստատված դեպք կա

Սահմանադրական փոփոխությունների հանրաքվեի քարոզարշավը Շիրակի մարզ դեռ չի հասել. Արամ Անտոնյան

Հայկ Մարությանն ընդունել է Հայաստանում Վրաստանի դեսպան Գիորգի Սագանելիձեին

Թուրքիայի, Գերմանիայի, Ֆրանսիայի եւ Ռուսաստանի առաջնորդները Իդլիբի հարցով հանդիպում կունենան

Նիկոլ Փաշինյանը ցավակցական հեռագիր է հղել Անգելա Մերկելին՝ Հանաու քաղաքում տեղի ունեցած ողբերգության կապակցությամբ

Կոռուպցիոն բնույթի հանցագործություն է բացահայտվել. պետությանը պատճառվել է առանձնապես խոշոր չափերի՝ 34․723․560 դրամի վնաս

«Այո»-ի նախընտրական շտաբը դրամահավաք կկազմակերպի փետրվարի 25-ին՝ «Դվին» հյուրանոցում. Էդուարդ Աղաջանյան