Մանկապարտեզները մերժված երեխաներին կընդունեն, երբ նրանց տարիքը լրանա. Երևանի քաղաքապետարան

«Իմ երեխան մանկապարտեզում հերթագրվել է ապրիլին: Մեկ ամիս առաջ` օգոստոսի սկզբին, մեզ զանգահարեցին եւ տեղեկացրին, որ որոշակի ընթացակարգով պետք է փաստաթղթեր նախապատրաստել եւ օգոստոսի 31-ին ներկայացնել, որպեսզի արդեն սեպտեմբերի 1-ին երեխան հաճախի մանկապարտեզ: Մենք հավաքեցինք այդ փաստաթղթերը եւ օգոստոսի 31-ին տարանք, հանձնեցինք: Տնօրենը շատ բարյացակամ ծանոթացրեց կարգին, ասաց, թե ինչ պետք է բերել երեխայի հետ, քանիսին պետք է ներկայանալ եւ այլն, եւ այլն: Եկանք տուն, արդեն պատրաստվում էինք հաջորդ օրվան, բայց մի քանի ժամ անց զանգահարեցին, ասացին` երեխային չբերեք, 2014-2015 թվականներին ծնվածների ընդունելությունը կասեցված է, ոչ մի կոնկրետ բան չենք կարող այս պահին ասել, եթե ինչ-որ որոշում կայացվի, նորից կզանգահարենք»,- մեզ հետ զրույցում ասաց Երեւանի բնակչուհի Մարինա Գրիգորյանը, որի փոքրիկ աղջկան վերջին պահին հրաժարվել են նախակրթարան ընդունել:

«Հետո ես համացանցում տեսա, որ բուռն քննարկում է ստացել այդ հարցը, որ ոչ միայն ինձ են զանգահարել, այլեւ շատ մայրիկների, եւ այդպես փաստի առաջ ենք կանգնել: Բայց ինչու պետք է մենք միայն երեկ իմանայինք այդ մասին: Անձամբ ես պատրաստվում էի աշխատանքի դուրս գալ: Դեկրետային արձակուրդի մեջ եմ եւ իմ գործատուին արդեն զգուշացրել էի, որ պետք է գամ սեպտեմբերից»,- շարունակեց նա:

Մարինա Գրիգորյանը չցանկացավ հստակեցնել, թե խոսքը որ մանկապարտեզի մասին է, որովհետեւ խնդիրը համատարած է: Միայն ասաց, որ այն գտնվում է Երեւանի Նոր Նորք վարչական շրջանում:

Ծնողը նաեւ նշեց, որ երեխան երկու տարեկան կդառնա հոկտեմբերի սկզբին: Այսինքն` ստացվում է, որ մանկապարտեզից նրան հրավիրած են եղել առանց նախակրթարանի մսուր ընդունվելու տարիքը լրացած լինելու: Մարինա Գրիգորյանը պատասխանեց, որ երեխային հերթագրելուց հետո մանկապարտեզում երբեւէ չեն խնդրել, չեն բանակցել, չեն փորձել համոզել` աղջկան ընդունել ժամկետից շուտ:

Հիշեցնենք, որ բազմաթիվ ծնողներ երեկվանից ահազանգում են, թե մանկապարտեզները մերժում են փոքրիկներին, թե ընդունելությունը կասեցված է, քաղաքապետարանն էլ հերքում էր դա` վստահեցնելով, որ արգելքը վերաբերում է միայն մինչմանկապարտեզային տարիքի երեխաների հերթագրմանը:

Խնդրին բախված այլ ծնողների դեպքում նույնպես պարզեցինք, որ իրենց երեխաները, որոնց վերջին պահին մանկապարտեզները հրաժարվել են ընդունել, դեռեւս չեն հասել համապատասխան տարիքի:

Երեւանի քաղաքապետարանի տեղեկատվության վարչության պետ Արթուր Գեւորգյանը մեր հարցմանն ի պատասխան չհերքեց, որ մանկապարտեզներում այդ առումով խստացում կա ու որ հնարավոր է դա պետք է վերջին օրը չարվեր:

Նա պարզաբանեց, որ մանկապարտեզներում ընդունելություն կարող է իրականացվել յուրաքանչյուր ամսվա սկզբին, եւ եթե հերթագրված ու հերթը մոտեցող երեխայի տարիքը լրանում է տվյալ ամսում, ապա նրան պետք է ընդունել, իսկ եթե տարիքը լրանալու է այդ ամսվա ընդունելության ավարտից հետո, ապա այդ փոքրիկի առաջ նախակրթարանն իր դռները կբացի արդեն հաջորդ ամիս:

Ինչ վերաբերում է ծնողների բարձրաձայնած այն խնդրին, թե մանկապարտեզներում երեխաների հերթագրման էլեկտրոնային բազան այդ հաստատությունների համար անմատչելի է դարձվել, Արթուր Գեւորգյանը պատասխանեց, որ համակարգը թույլ չի տալիս գրանցել միայն այն երեխաներին, որոնց տարիքը նախատեսվածից ցածր է:

Տպել
4161 դիտում

Հրազդանում խաչքարն ընկել է 52-ամյա տղամարդու վրա. վերջինս տեղում մահացել է

Մանուել Պետրոսյանը՝ «Երևանի գավաթ» մրցաշարի հաղթող

Երևանում և մարզերում ՃՈ-ն հատուկ պահպանվող տարածք է տեղափոխել 247 տրանսպորտային միջոց (տեսանյութ)

Կայացել է Հայ-ամերիկյան ռազմավարական երկխոսության նիստի խորհրդակցությունների բազմաոլորտ համագործակցության մասին նիստը

Վանեցյանը, Ծառուկյանը, Մինասյանը պատրա՞ստ են աշխատել վարչապետ. Կարեն Սիմոնյան (տեսանյութ)

Արսեն Թորոսյանը հեռախոսազրույց է ունեցել ՌԴ դաշնային ծառայության ղեկավար Աննա Պոպովայի հետ

Արմավիրի Չերեմուշկա թաղամասում քաղաքացին սպառնում է ինքնասպան լինել

Մեկնարկել են Քարվաճառ տանող մոտ 17 կմ երկարությամբ ճանապարհի ասֆալտապատման աշխատանքները

Գոռ Երիցյանն ու Նարեկ Աբգարյանը կմարզվեն Մայք Թայսոնի մարզչի մոտ

Ճգնաժամը կհամարեմ վերջացած, երբ տեսնեմ ՍԴ ընտրված անձանց գործունեությունը. Սոֆյա Հովսեփյան (տեսանյութ)

Ադրբեջանը պետք է հրաժարվի ռազմական շանտաժի և սպառնալիքների քաղաքականությունից, նստի բանակցային սեղանի շուրջ. ԱՀ ԱԳՆ

Իսրայելական ընկերությունները 2 կազմակերպության 155 մլն դոլար են վճարել, որն օգտագործվել են Ադրբեջանի վերնախավի համար

Հայաստանի շախմատի պատանեկան հավաքականը դարձել է Եվրոպայի առցանց առաջնության բրոնզե մեդալակիր

Կրկին պայթյուն Լիբանանում. նախնական վարկածով՝ այրվում են «Հզբոլլահ»-ի զենքի պահեստները

Ելփին գյուղում բռնկված հրդեհը մեկուսացված է. մարզային փրկարարական վարչությունում հայտարարվել է հավաք

Այսօրվա գործողությունները պետք է միտված լինեն 2050թ-ի ՀՀ-ին. Արման Բոշյան (տեսանյութ)

«Կան անհերքելի փաստեր». մահացած ծննդկանի հարազատները նշում են, որ չեն նահանջելու, ԲԿ-ից պնդում են՝ բժիշկը մեղավոր չէ

«Արարատը» այլևս ստիպված չի լինի խաղադաշտեր վարձակալել․ նորոգվում են Ձորաղբյուրի մարզաբազայի խաղադաշտերը

Փայտե մահակներ, երկաթյա ձողեր, քարեր. Գնդեվազում կան բերման ենթարկվածներ ու ձերբակալվածներ (տեսանյութ)

ՀՀ քննչական կոմիտեի նախագահ Հայկ Գրիգորյանն ընդունել է ՀՀ-ում Իտալիայի արտակարգ և լիազոր դեսպանին