Ռիտա Սարգսյանը նվաստացրեց Ռուզաննա Խաչատրյանին եւ նրա ամուսնուն

Արյունաբանական կենտրոնի բակում լրագրողների հետ զրույցի ժամանակ առաջին տիկին Ռիտա Սարգսյանի որոշ հայտարարություններ մեծ ալիք բարձրացրեցին սոցիալական ցանցերում:

Տիկին Սարգսյանը` պատասխանելով իր ամուսնու աշխատանքի հետ կապված հարցերին, նախ ասաց, թե չէր ցանկանա, որ նա առհասարակ քաղաքական ասպարեզում լիներ, նախագահ դառնար: Իսկ հարցին, թե ընդհանրապես խորհուրդներ տալի՞ս է ամուսնուն քաղաքական գործունեության ընթացքում, հայտարարեց. «Վա~յ, ի՞նչ եք ասում, ես չեմ սիրում ընդհանրապես այն կանանց, կին ասելով` տիկնանց, ովքեր պիտի խորհուրդ տան ամուսնուն, ո՞նց կարող եմ ես խորհուրդ տալ, ես դեմ եմ դրան, կյանքում չեմ տա, ու չեմ հարգի էն տղամադուն, որ պետք է լսի իմ խորհուրդը` գործի մեջ»:

Խիստ կանացի կոկետությամբ եւ նրբությամբ ասված այս խոսքերը տարբեր քննարկումների առիթ տվեցին: Դրանք վերագրվեցին հիմնականում հայկական մենթալիտետին, թե կինը չպետք է միջամտի ամուսնու մեծ գործերին: Եղան կարծիքներ էլ, թե առաջին տիկինն օբյեկտիվորեն է վերաբերվում իր հնարավորություններին, եւ փաստորեն չի մտնում այնտեղ, որտեղ ինքը, մեղմ ասած, լավագույն ձեւով չի կարող ներկայանալ: Ընդհանուր առմամբ` հայտարարությունը բացասաբար ընդունվեց ֆեմինիստների, Սերժ Սարգսյանին առանց այն էլ չընդունողների, եւ Հայաստանի քաղաքական կյանքում կանանց դերի բարձրացման ջատագովների կողմից, թե իբր առաջին տիկնոջ խոսքը կարծրատիպեր է առաջացնում, թե կանայք կամ քաղաքական գործիչների կանայք, քաղաքականությունից հեռու պետք է մնան:

Իրականում, սակայն Ռիտա Սարգսյանի տվյալ հայտարարությունը խիստ քաղաքական էր, թերեւս ամենաքաղաքականը, որ երբեւէ նա արել է:

Նա սոբորաբար այդպես էլ անում է, հրապարակայնորեն չի խոսում քաղաքական անցուդարձի մասին, ոչինչ չի մեկնաբանում, կարծիքներ չի հայտնում` բավարարվում է միայն վետերանների հետ երգել-պարելով, վանա կատուների մասին խոսելով:

Այս անգամ առաջին տիկինը հրապարակայնորեն իր կարծիքը հայտնեց Հայաստանում վերջերս կատարված ամենակարեւոր քաղաքական զարգացումներից մեկի` Սեյրան Օհանյանի` խորհրդարանական ընտրություններին որպես ընդդիմություն մասնակցելու մասին:

Նա մասնավորապես ասաց, որ չի սիրում Սեյրան Օհանյանի տիկնոջը` Ռուզաննա Խաչատրյանին,որն ամուսնուն խորհուրդներ է տալիս եւ չի հարգում Սեյրան Օհանյանին, որը  կնոջ խորհուրդին հետեւելով ընդդիմացավ Սերժ Սարգսյանին:

Թե ինչ ազդեցություն ունի Ռուզաննա Խաչատրյանը ամուսնու գործունեության վրա, բոլորին է հայտնի: Օհանյանն ինքը հարցազրույցներից մեկում հայտարարել է, որ երբեմն լսում է կնոջ խորհուրդները եւ դա ոչ թե թուլության, այլ ուժի նշան է:

Սերժ Սարգսյանի կերպարը ավելի շատ հուշում է, որ նա Սեյրան Օհանյանի հետ համակարծիք չէ, եւ երբեք հաշվի չի առնում իր տիկնոջ խորհուրդները: Նման պատկերացմանը մեծապես նպաստում է նաեւ Ռիտա Սարգսյանի կերպարը: Եւ, այուամենայնիվ, քիչ չեն դեպքերը, երբ մամուլում գրվել է, որ այսինչը այսինչ պաշտոնին է նշանակվել առաջին տիկնոջ միջնորդությամբ եւ այլն:

Ինչ վերաբերում է Սեյրան Օհանյանի ճակատագրին, ապա հայտնի փաստ է, որ ամեն ինչ սկսվել է Ռուզաննա Խաչատրյանի հանդեպ Ռիտա Սարգսյանի ցասումից: Նա առաջին տիկնոջը բարկացրել է Սեյրան Օհանյանին նվիրված հանրային հեռուստընկերության ֆիլմում, երբ ասել է, թե իր համար գերագույն գլխավոր հրամանատարը Սեյրան Օհանյանն է: Դա այն ժամանակ էր, երբ ՊՆ նախարարին պատրաստում էին Սերժ Սարգսյանի ժառանգորդի դերին եւ դա այնքան էր խորացել, որ Ռուզաննա Խաչատրյանն իրեն գրեթե առաջին տիկին էր պատկերացնում: Ըստ երեւույթին, այդ հեռանկարից նաեւ ինչ-որ չափով կորցրել էր զգոնությունը: Արդյունքում նա Ռիտա Սարգսյանի նման թշնամի շահեց եւ բոլորս տեսանք, թե ինչ զարգացումներ եղան դրանից հետո:

Այս պարագայում հարցը, թե արդյո՞ք առաջին տիկինը գործի մեջ խորհուրդ տալիս է ամուսնուն, թե՞ ոչ, երկրորդական է դառնում: Որովհետեւ, եթե անգամ տիկին Սարգսյանը խորհուրդ չի տալիս, ապա ակնհայտորեն պրոցեսների վրա ազդելու սեփական ուղիներն ունի:

Այս տիկնանց պատերազմը միայն վերոնշյալ դրվագով չի արտահայտվել: Քարոզարշավի վերջին օրերին Ռուզաննա Խաչատրյանը մասակցում էր ՕՐՕ դաշինքի երթին, եւ «Ազատության» լրագրողի հարցերին ի պատասխան թափանցիկ ակնարկներ արեց այն մասին, որ իր ընտանիքի դեմ արշավը կազմակերպվում է Ռիտա Սարգսյանի կողմից:

«Իշխանության ղեկին գտնվում են մարդիկ, ովքեր կազմակերպում են այդ տեղեկատվական տեռորը ընտանիքների եւ հատկապես կանանց հանդեպ: Եւ եթե անհրաժեշտություն լինի, ես դեռ մամուլով ելույթ կունենամ եւ կներկայացնեմ որոշակի փաստեր, որոնք կապացուցեն դա»,- ասաց Սեյրան Օհանյանի կինը:

Նման անհրաժեշտություն հետագայում չառաջացավ, որովհետեւ այդ արշավը չշարունակվեց, նույնիսկ «Իգլայի» գործով բացահայտումները չշարունակվեցին, եւ որեւէ բառ անգամ չհնչեց, թե ինչ կապ ուներ դաշինքի առաջնորդը այդ գործի հետ:

Սեյրան Օհանյանն էլ ընտրություններից հետո հայտարարեց, որ Հայաստանում որեւէ մեկի հետ խնդիր չունի: Այսպիսի հանգուցալուծումից եւ հարաբերական անդորրից հետո Ռիտա Սարգսյանի արյունաբանական կենտրոնում արած հայտարարությունները ընդամենը սեփական հաղթանակը ընդգծելու եւ Ռուզաննա Խաչատրյանին նվաստացնելու նպատակ ուներ: Եւ դա բացարձակապես ամուսնու գործերին չմիջամտող կնոջ խոսք չէր:

Տպել
30847 դիտում

Նավալնիին կալանավորելու որոշում է կայացվել տարօրինակ պայմաններում. նիստը ոստիկանական բաժանմունքում էր

ՃՏՊ Գյումրի-Ազատան ավտոճանապարհին․ կան տուժածներ

Մանկատան շրջանավարտներին բնակարանի գնման վկայագրի գործողության ժամկետը երկարաձգվել է

Հայաստանում համավարակի պայմաններում առկա ուսուցումը հիմնական ծավալով վերականգնված է

Վարդենյաց լեռնանցքը մերկասառույցի պատճառով դժվարանցանելի է բոլոր տրանսպորտային միջոցների համար

Երեւանի համար 20 և 21 մանկապարտեզներն ամբողջապես նորոգված և նոր կահավորմամբ իրենց դռներն են բացել փոքրիկների առջև

Երկրաշարժ Ջերմուկ քաղաքից 10 կմ արևմուտք․ էպիկենտրոնային գոտում ստորգետնյա ցնցման ուժգնությունը կազմել է 2-3 բալ

Ասկերանի շրջանային բաժնի պետն այցելել է անցակետեր

Կառավարության որոշումներով աճուրդի դրված պետական գույքերի համար դեռեւս գնորդներ չեն հայտնվել․ Բաբայան

Ապարան-Քուչակ ավտոճանապարհին տեղ-տեղ առկա է մերկասառույց․ Գեղարքունիքում եւ Սյունիքում ձյուն է տեղում

ՃՈ-ն ուժեղացված ծառայություն է անցկացրել Երևանում, Արարատի և Սյունիքի մարզերում (տեսանյութ)

2020 թվականին պրոթեզավորվել է Արցախի և Հայաստանի գրեթե 850 քաղաքացի

Ջերմային ռեժիմը դպրոցներում և մանկապարտեզներում. այց կրթօջախներ՝ առանց նախազգուշացման

Երեւանցիները բողոքում են նոր տեղադրված վերելակների աշխատանքից, քաղաքապետարանը պարզաբանում է

Նախօրոք հայտարարված 100 վերելակի փոխարեն Երեւանում 2021-ին կտեղադրվի 300-ը

ԱԳ նախարարը Լավրովի հետ քննարկել է ռազմագերիների, պատանդների և պահվող այլ անձանց անհապաղ, անվտանգ հայրենադարձման հարցերը

Փոխվարչապետ Տիգրան Ավինյանի գրասենյակը պարզաբանել է գերիների թվական տվյալները չհրապարակելը. «Արմենպրես»

Ասեց գնում ենք Ղարաբաղ, արդեն տան տղեն դու ես, լավ կնայես տանեցիներին.ոստիկանության մայոր Վահե Ղազարյանը զոհվեց Շուշիում

«Այբ» կրթական հիմնադրամը երկու հայցադիմում է ներկայացրել վարչական դատարան

Ոստիկանության կրթահամալիրում տրվել է ապագա պարեկների ուսուցման մեկնարկը (տեսանյութ)

«Ո՞վ էր ուզում հաշիվները մաքրել փողոցում». Թովմասյանի գործով դատախազին բացարկ հայտնելու միջնորդությունը մերժվեց

Հայաստանի և Ռուսաստանի ՍԴ նախագահները քննարկել են պաշտոնական հարաբերությունների հետագա ամրապնդման հարցերը

Հաստատվել է ուսանողների ՄՈԳ-ի նվազագույն շեմը և ընդունելության մրցութային քննությունների արդյունքներով անցողիկ միավորը

Բնակարան Երեւանի Կենտրոնում, հողամաս, 2 ավտոմեքենա․ Էդուարդ Աղաջանյանի հայտարարագիրը

Մեղրիի Ազատ տնտեսական գոտում քննարկել ենք շուտափույթ գործարկման հնարավորությունները. Վահան Քերոբյան

Գրահրատարակչության ոլորտում առաքման նոր սակագներ կգործեն. քննարկում ԿԳՄՍՆ-ում

Ինչ ունեցվածք ունի առողջապահության նորանշանակ նախարար Անահիտ Ավանեսյանը

Հակակոռուպցիոն կոմիտեի տնօրենին նշանակելու է վարչապետը, սա մեզ համար անընդունելի է. Անի Սամսոնյան

Իրականացվել է մարտական հերթապահության հերթափոխ (լուսանկարներ)

Գյումրիում, Իջևանում, Վանաձորում մտահոգիչ պատկեր է արձանագրվել. ԱԱՏՄ

Արցախի ԱԺ-ում մշտական հանձնաժողովները քննարկել են 2021 թվականի ծրագրերն ու անելիքները

«Հարսանիք թիկունքում» ներկայացման էկրանավորման երեւանյան առաջին ցուցադրությունը կկայանա հունվարի 28-ին

Առողջապահության նորանշանակ նախարարի կենսագրությունը

Կիրականացվի ԶՈՒ պատվո պահակային վաշտի զորակոչիկների ընտրություն. ցանկացողները պետք է դիմեն զինկոմիսարիատներ

2021-ին Երեւանում հնարավոր կլինի գործարկել 250 մեգավատտ հզորությամբ գազային վառելիքով կոմբինացված ցիկլով էլեկտրակայան

Արթուր Աբրահամի կարիերայի 10 հիշարժան դրվագները․ նա հայտարարել է մարզական կարիերան ավարտելու մասին

COVID-19 պատվաստանյութերի անհավասար բաշխման պատճառով աշխարհը գտնվում է բարոյական անդունդի եզրին

Այսօրվանից դադարում եմ իրականացնել առողջապահության նախարարի մամուլի քարտուղարի պարտականությունները․ Ալինա Նիկողոսյան

Դուք շարունակում եք կատարել դեկորատիվ բարեփոխումներ․ ԱԺ-ում քննարկվեց հակակոռուպցիոն դատարաններ ստեղծելու նախագիծը

Վարորդ-սանիտար Հովիկ Մուսայելյանը, բարդ իրադրությունում վտանգելով կյանքը, տեղափոխել է վիրավոր զինծառայողներին