Որ մայիսի 14-ին հաղթի ոչ թե 10 հազար դրամանոցը, այլ երեւանցին. Նիկոլ Փաշինյան (տեսանյութ)

Երեւանի «Կոնգրես» հյուրանոցում այսօր տեղի ունեցավ «Ելք» դաշինքի կազմակերպած դրամահավաք երեկոն, որի ընթացքում հավաքված գումարն ուղղվելու է մայիսի 14-ին կայանալիք Երեւանի ավագանու ընտրությունների քարոզարշավի ծախսերը հոգալուն:

Երեկոյի մեկնարկին դաշինքի անդամները կատարեցին «Էրեբունի-Երեւան» երգը: Իր խոսքում դաշինքին մաս կազմող «Հանրապետություն» կուսակցության ղեկավար Արամ Սարգսյանն անդրադարձավ այն մարդկանց, որոնք թերահավատորեն են մոտենում քարոզարշավի ծախսերը դրամահավաքի միջոցով հոգալու իրենց մոտեցմանը:

«Ժողովուրդ ջան, ես մեր այս գործողությունը, ձեր ամեն մի տված դրամը համեմատում եմ աստվածաշնչյան 5 հացի եւ 3 ձկան բազմապատկման գործընթացի հետ, որով 5000 մարդ կերակրվեց: Մինչեւ հիմա էդ գործընթացն իր արդյունքները տալիս է: Թերահավատներին կարող եմ ասել, որ այս գործընթացը ոչ միայն արդյունավետ է, ոչ միայն  իր նպատակին է ծառայում, այլեւ շատ առաջադեմ ու նորարական է, շատ քրիստոնեավայել է»,- վստահեցրեց նա:

Մայիսի 14-ին կայանալիք ընտրություններում դաշինքի ցուցակի 2-րդ համարը զբաղեցնող Արայիկ Հարությունյանը մինչ այսօրվա հանգանակությանն անդրադառնալը հիշեցրեց, որ խորհրդարանական ընտրություններից առաջ եւս հանգանակություն է կազմակերպվել եւ հանգանակված յուրաքանչյուր դրամը նպաստել է, որ այսօր իրենք խորհրդարանում լուրջ արդյունք ունենան, անկախ լինեն եւ ոչ թե մյուս ուժերի պես կախման մեջ ընկնեն օլիգարխներից կամ իշխանական որեւէ պաշտոնյայից:

«Արդեն Երեւանի ավագանու ընտրությունների համար խնդրում ենք յուրաքանչյուրիդ աջակցությունը, որպեսզի կարողանանք կրկնապատկել, եռապատկել այն հաջողությունը, որ ունեցել ենք նախորդ ընտրություններում»,- հայտարարեց Հարությունյանը՝ հավելելով, որ առաջիկայում յուրաքանչյուր հանգանակված դրամի համար հաշվետու են լինելու:

ԱԺ պատգամավոր, «Ելք» դաշինքի հիմնադիրներից «Լուսավոր Հայաստան» կուսակցության ղեկավար Էդմոն Մարուքյանը հանգանակությանը մասնակցելու կոչ-հորդորից առաջ խոսեց Հայաստանում ձեւավորված հետեւյալ քաղաքական մշակույթի մասին. «Եղել են տարբեր քաղաքական ուժեր, որ փող են բաժանել մարդկանց, որպեսզի գան, տիրանան իշխանական լծակներին եւ փող աշխատեն, մարդկանց հարստահարեն ու այդ բաժանած փողի հազարապատիկը հետ հավաքեն: «Ելք» դաշինքը իր հիմնադիր քաղաքական ուժերով այլ մշակույթի կրող է: Մենք ասում ենք՝ մեր հայտն ենք ներկայացրել ձեզ ծառայելու համար, ձեր ներդրումն արեք, ձեր դրամով, լումայով աջակցեք, ուժեղացրեք մեզ եւ ուժեղանալու արդյունքում մենք կսկսենք ծառայել Հայաստանի Հանրապետությանը»:

Իր խոսքի ավարտին Մարուքյանն ասաց. «Ամենայն պատասխանատվությամբ հայտարարում եմ, որ մայիսի 14-ից հետո այլեւս երբեւէ Երեւան քաղաքի բյուջեն այն ձեւով չի ծախսվելու, ինչպես ծախսվել է: Մայիսի 14-ից հետո Երեւան քաղաքը այլեւս երբեք այն կառավարումը չի ունենալու, ինչ ունեցել է մինչ օրս: Այս համոզմունքով բոլորս գնում ենք իշխանափոխության»:

«Ցանկացած քաղաքային իշխանության խնդիրը այդ քաղաքի բնակիչների կյանքը հեշտացնելն է»,- իր ելույթն այս արձանագրմամբ սկսեց Երեւանի քաղաքապետի թեկնածու Նիկոլ Փաշինյանը եւ շարունակեց. «Եվ սա բաղկացած է մի քանի կոմպոնենտից. ի՞նչ տանիքի տակ են ապրում այդ քաղաքի բնակիչները, այդ տանիքը կաթո՞ւմ է, ամեն անձրեւի ժամանակ նրանք լարվո՞ւմ են, ի՞նչ վերելակով են իջնում եւ բարձրանում, ինչքա՞ն ժամանակում են հասնում կանգառ, էդ կանգառում ինչքա՞ն ժամանակ են սպասում քաղաքային տրանսպորտին, սպասելու ընթացքում թրջվելո՞ւ են, թե՞ կանգառասրահ կա, որի տակ կարող են պատսպարվել: Հետո, երբ որ քաղաքային տրանսպորտը եկավ ի՞նչ դիրքում են երթեւեկում՝ կռացա՞ծ, ոլորվա՞ծ, ծռվա՞ծ, թե՞ արժանապատիվ նստած: ....Մեր թիմի առաքելությունը Երեւան քաղաքում հենց երեւանցիների կյանքը հեշտացնելու առաքելությունը ստանձնելն է, որովհետեւ այսօր Երեւանում մարդկանց կյանքն ամեն պահ, ամեն վայրկյան կապված է սթրեսների, անհարմարությունների հետ: Եվ կարծես վերջին օրերի իրադարձությունները եկան ապացուցելու, որ  Երեւանի քաղաքային իշխանությունները խնդիր ունեն անընդհատ նոր անհարմարություններ պատճառել Երեւանի բնակիչներին: Մենք գալիս ենք երեւանցիների կյանքը հեշտացնելու»:

Փաշինյանը խոսեց նաեւ քաղաքային իշխանության քաղաքական գործառույթների մասին: Ասաց, որ իրենք պատրաստ են ապացուցել, որ ի վիճակի են ստանձնել իշխանություն եւ այդ իշխանությունը իրացնել այդ պայմանների կատարմամբ, ինչի չկատարման համար քննադատում են գործող իշխանություններին: «Այո, մենք պետք է ապացուցնեք, որ Հայաստանում ընդդիմությունը կարող է ստանձնել իշխանությունը եւ ժողովուրդը կարող է գոհ մնալ իր ընտրությունից»,- ասաց նա:

Քաղաքապետի թեկնածուն ընդգծեց նաեւ, որ իրենք Երեւանի ավագանու ընտրություններին մասնակցում են ոչ թե իրենց հաղթանակի հնարավորության համար, այլ երեւանցիների, ընտրողի հաղթանակի հնարավորության համար: «Մենք ուզում ենք, որ մայիսի 15-ին Երեւանի ընտրողը ասի՝ ես հաղթեցի, ոչ թե 10 հազար դրամանոցը ասի՝ ես հաղթեցի»:

Տպել
6039 դիտում

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել