Քաղաքական լարված իրավիճակ Շիրակի մարզպետարանում. աշխատակիցներն արձակուրդից չեն վերադառնում

Շիրակի մարզպետարանում լարված իրավիճակ է: Այստեղ բոլորը խառն են՝ տարբեր են նրանց քաղաքական ճաշակները: Սրանով պայմանավորված՝ Շիրակի մարզպետարանի աշխատակազմը իր վարչության, բաժնի պետերով եւ ենթականերով բաժանվել են տարբեր քաղաքական ճամբարների միջեւ, դարձել մրցակից ու հակառակորդ:

Շիրակի մարզպետը ՀՅԴ-ական է, ղեկավարում է կուսակցության նախընտրական մարզային շտաբը: Նա հայտարարել է, որ արձակուրդ չի գնալու՝ նախընտրական աշխատանքներով զբաղվելու է հանգստի հաշվին: 

Այս կառույցում քաղաքական ճաշակների անհամաձայնությունը սկսվում է մարզպետի եւ փոխմարզպետերի մակարդակով: Երեք փոխմարզպետից երկուսը՝ Սեյրան Պետրոսյանը եւ Հարություն Արշակյանը ՀՀԿ-ականներ են, իսկ Խաչատուր Վարագյանը՝ ՀՅԴ-ական:

Մեր տեղեկություններով՝ տարբեր քաղաքական հայացքներ ունենալու պատճառով լարվել են մարզպետ-վարչության պետեր եւ վարչության պետեր-բաժնի պետեր աշխատանքային փոխհարաբերությունները: Մասնավորապես, Շիրակի մարզպետարանի առողջապահության վարչության պետը հայտարարել է, որ Գյումրիում սատարելու է Սեյրան Օհանյանին, որը Հովսեփ Սիմոնյանի սրտով չէ: Նրանց հարաբերությունները մեր հավաստի տեղեկություններով, այնքան են լարվել, որ Հովհաննիսյանը մի քանի օր առաջ վերադառնալով արձակուրդից, կրկին արձակուրդ է վերցրել:

Նույնն են նաեւ մարզպետի եւ կրթության վարչության պետի հարաբերությունները, եթե ոչ ավելի սրված: Բանն այն է, որ այս վարչության պետը՝ Հրայր Կարապետյանը, ՀՀԿ-ի Շիրակի մարզային կառույցի ղեկավար Սահակ Մինասյանի սանիկն է, ՀՀԿ-ի ռեյտինգային թեկնածու է: Նրանց հարաբերությունները լարվել էին մի քանի դպրոցներում տեղի ունեցած տնօրենի մրցույթի թափուր տեղերի համար տարբեր թեկնածուներ ունենալու պատճառով:

Շիրակի մարզպետարանի նշյալ պաշտոնատար անձանցից զատ ՀՅԴ-ին չի սատարի նաեւ աշխատակազմի ղեկավար Խաչատուր Պողոսյանը:

Այս ամենին զուգահեռ՝ ՀՅԴ-ական են գյուղվարչության պետ Մովսես Մանուկյանը, տեղական ինքնակառավարման եւ հանրապետական գործադիր մարմինների հարցերով վարչության պետ Արամ Անտոնյանը, մարզպետի խորհրդական Կառլեն Աբրահամյանը եւ երկու օգնականները:

Armtimes.com-ին տեղեկություն փոխանցեցին այն մասին, որ մարզպետարանի աշխատակիցները, ովքեր պատգամավորների թեկնածուներ են, գտնվում են արձակուրդում: Մասանավորապես, Հրայր Կարապետյանը, Մովսես Մանուկյանը եւ Կառլեն Աբրահամյանը:

Աշխատակազմի լարված հարաբերությունների մասին տեղեկությունները Շիրակի մարզպետը այսպես մեկնաբանեց. «Որեւէ լարվածություն իմ եւ որեւէ վարչության պետի միջեւ կամ մարզպետարանի որեւէ պաշտոնյայի միջեւ չկա: Ինչպես տեսնում եք՝ տարբեր կուսակցությունների կողմից առաջադրված աշխատակիցներ ունենք, նրանք հիմա արձակուրդում են, այնպես որ ժողովրդավարական մոտեցումներ են մեզ մոտ, ինչ լարվածության մասին կարող է խոսք գնալ»,- armtimes.com-ին ասաց Հովսեփ Սիմոնյանը:

Նարեկ Կիրակոսյան

Տպել
7550 դիտում

«Գազել» մակնիշի ավտոմեքենան ընկել է Ազատի ջրամբարը (տեսանյութ)

Երեւան հասնեմ՝ Հրայր Թովմասյանի ակնկալած օբյեկտիվ, արժանահավատ փաստը կհրապարակեմ. Նիկոլ Փաշինյան

Հասարակության ներսում խնամքով փորվող խրամատները

Շիրակի պետական համալսարանը չի լուծարվի, իսկ ռեկտորի ժպ-ն չի օգտվում նախարարի հովանավորչությունից. ԿԳՄՍ նախարար

Գեորգի Կուտոյանի կողմից ֆինանսական խնդիրներ ունենալու վերաբերյալ որեւէ փաստական տվյալներ չեն ստացվել. ՔԿ

ՇՊՀ-ում դեռ անցյալի իրավական գնահատականը չի տրվել. Գյումրիում ԿԳՄՍ նախարարի մասնակցությամբ քննարկում է կայացել

Սպիտակում «Brabus Gelandewagen» մակնիշի մեքենա է այրվել

Թուրքիայում զոհերի թիվը հասել է 22-ի, կտարհանվի աղետից տուժած թուրքական բանտը

100 փաստ՝ նոր Հայաստանի մասին

Եթե պարոն Մարուքյանը շարունակելու է տեղը չբերել՝ հայտնվելու է Աշոտյանի դերում․ Նիկոլ Փաշինյան

Սարալանջում գազի արտահոսքից հրդեհ է բռնկվել. այրվել է պահեստավորված անասնակերը

ԱԺ-ում ինչ-որ մարդիկ հայհոյախառն արտահայտություններ թույլ տվեցին․ իրենցով պետք է զբաղվել. Նիկոլ Փաշինյան

Մենք պատրաստվում ենք ԵԱՏՄ-ում շատ ակտիվ շարունակել աշխատել․ Նիկոլ Փաշինյան

Անընդունելի է ցանկացած փաստաթուղթ, որտեղ խոսք է գնում տարածքային զիջումների մասին. Հայկ Խանումյանի արձագանքը

«Առաջարկված սկզբունքները հնացել են և վերանայման կարիք ունեն». Մասիս Մայիլյանի արձագանքը Նիկոլ Փաշինյանին

Մենք այդ փողերը վերցնում ենք այնտեղից, որտեղ իրենք տարիներով խնդրում էին եւ չէին ստանում․ Փաշինյան

Բուհական եւ գիտական համակարգը ծայրից ծայր պետք է բարեփոխվի․ մեր պլանը պինդ, շեշտակի քայլերով առաջ գնալն է

Կարծում եմ, որ ՀՀ կառավարության եւ Դաշնակցության միջեւ չկա հակադրություն․ վարչապետ

Նիկոլ Փաշինյանին արձագանքել է նաեւ ԱՀ նախագահի թեկնածու Արայիկ Հարությունյանը

Տաթեւիկ Ռեւազյանի նշանակվելու օրից սկսվել է ամենաստոր արշավը նրա նկատմամբ, ամենաստոր բաներն էին գրում ինձ․ վարչապետ