Տեղեկություն ունեմ, որ եթե ոչ այսօր, ապա վաղը Արթուր Սարգսյանի հարցը կլուծվի. Հ. Թոխատյան

Երեւանի ավագանու անդամ, դերասան Հրանտ Թոխատյանն այսօր նույնպես կլինի Երեւանի Ազատության հրապարակում նստացույց իրականացնող երիտասարդների կողքին: Հրանտ Թոխատյանն armtimes.com-ի հետ զրույցում ասաց նաեւ, որ տեղեկություն ունի, որ Հաց բերող Արթուր Սարգսյանի խափանման միջոցը, եթե ոչ այսօր, ապա վաղը կփոխվի:

- Պարոն Թոխատյան, ինչպիսի՞ն է ձեր վերաբերմունքն Արթուր Սարգսյանի խափանման միջոցը փոխելու հարցի վերաբերյալ եւ արդյո՞ք ճիշտ եք համարում նրան անազատության մեջ պահելու որոշումը՝ կալանավորմանը հետ անհամատեղելի հիվանդության առկայության դեպքում:

- Իմ վերաբերմունքն արտահայտվեց նրանով, որ նախ ես առաջիններից էի, որ ստորագրեցի Ալեն Սիմոնյանի կազմած անձնական երաշխավորագրի դիմումը, որը ներկայացվել է գլխավոր դատախազությանը: Գիտեմ նաեւ, որ բացի մեզանից նաեւ պատգամավորներ էլ են նմանատիպ ուղերձ գրել: Մեծ հույսեր ունեմ, որ դա իր ազդեցությունը պետք է ունենա: Որքանով ես տեղեկություն ունեմ՝ կարծեմ ունեցել է: Եթե ոչ այսօր, ապա առավելագույնը վաղը պետք է այդ հարցը լուծվի: Ես նկատի ունեմ Արթուր Սարգսյանի հարցը:

- Դուք տեղեկություն ունե՞ք, թե՞ համոզված եք:

-Չէ, ես տեղեկություն ունեմ: Չեմ ուզում ասեմ համոզված եմ մի բանում, որը դեռ տեղի չի ունեցել: Մի շաբաթ առաջ ես ձեզ կասեի, որ «Մեա կուլպա 2»-ը բեմ կբարձրանա, այսօր ձեզ կարող եմ համոզված ասել, որ բարձրացել է:

- Բոլոր դեպքերում, դուք Երեւանի ավագանում իշող Հանրապետական կուսակցության համանուն խմբակցությունն եք ներկայացնում, խնդիրներ չի՞ առաջացնի ձեր կեցվածքը հետագա գործունեության համար:

- Մինչեւ հիմա իմ որեւէ կեցվածք որեւէ խնդիր ինձ համար չի առաջացրել, որովհետեւ ես չեմ կարծում, որ իմ քաղաքի, իմ քաղաքի բնակիչների համար որեւէ բան ցանկանալ անելը ինձ համար խնդիրներ կառաջացնի, որովհետեւ սա իմ քաղաքն է նաեւ:

- Այս հարցի հետ կապված ձեզ հետ զրույց չի՞ ունեցել, օրինակ՝ Երեւանի քաղաքապետ Տարոն Մարգարյանը:

- Ոչ, մենք չենք ունեցել ոչ մի նմանատիպ զրույց ո՛չ Մաշտոցի պուրակի ժամանակ, ո՛չ «Էլեկտրիկ Երեւան»-ի ժամանակ, ո՛չ էլ ամառավա դեպքերի հետ կապված, նկատի ունեմ ՊՊԾ գնդի գրավումը, ո՛չ էլ հիմա՝ կապված մեր երիտասարդների: Ես այնքանով եմ շնորհակալ, որ իմ կեցվածքին հարգանքով են վերաբերվում:

- Մշակույթի ոլորտի ներկայացուցիչների մեծ մասը չէ, որ այս նախաձեռնությանը միացել է: Ինչպե՞ս եք գնահատում նրանց մոտեցումը:

- Ես չգիտեմ՝ իրենց դիմել են, թե՝ չեն դիմել: Երեկ, համենայնդեպս, իմ գործընկերները, որոնց հետ միասին ես բեմ եմ բարձրանում, այն ինչ-որ ես հասցրել եմ երիտասարդներին Ազատության հրապարակ, մեծամասմաբ եղել է իրենց կողմից տրամադրած նյութերը, որոնք պետք էին երեխաներին գիշերը մի փոքր ջերմություն ապահովելու համար: Այնպես չի, որ ես մեն-մենակ եմ այդ ամենն արել:

- Հանրությունը ձեզ էլի կտեսնի՞ Ազատության հրապարակում, եթե այնպես ստացվի, որ Արթուր Սարգսյանին ազատ չարձակեն:

- Ես ամեն երեկո ուշ ժամի այնտեղ եմ լինում: Արդեն երկու օր է: Այսօր էլ եմ այնտեղ լինելու: Ուղղակի ես այնտեղ գնում եմ ուշ, ներկայացումից հետո, դա արդեն լինում է ժամը 23-ից հետո ու մինչեւ ուշ գիշեր այնտեղ եմ լինելու:

Հույս ունեմ, որ այս իրադարձությունը շուտով կավարտվի, որովհետեւ երիտասարների առողջություններն է վտանգի տակ: Այնտեղ գիշերող երիտասարդների, չմոռանանք, որ շատ ցուրտ է ցավոք սրտի:

Արթուր Սարգսյանը 2016 թվականի հուլիսի 26‐ին սեփական մեքենայով մուտք էր գործել ՀՀ ոստիկանության Երեւան քաղաքի ՊՊԾ գունդ եւ սնունդ փոխանցել գնդում գնվող «Սասնա ծռեր» խմբի անդամներին: Վերջիններիս հետ նա հուլիսի 31‐ին դուրս եկավ ՊՊԾ գնդի տարածքից եւ հանձնվեց իրավապահներին: Արթուր Սարգսյանը ձերբակալվեց, ապա՝ կալանավորվեց: Նա մեղադրվում է ՀՀ քրեական օրենսգրքի 218 հոդվածի 3‐րդ մասի 1‐ ին կետով (պատանդ վերցնելը) և 235 հոդվածի 3‐րդ մասով (ապօրինի զենք զինամթերք ձեռք բերելը, իրացնելը, պահելը, փոխադրելը) նախատեսված արարքները կատարելու հատկանիշներով: 2016 թվականի հունվարի 31‐ին նշված քրեական գործի օրինականությունը վերահսկող դատախազի որոշմամբ՝ Արթուր Սարգսյանի կալանքը որպես խափանման միջոց փոխարինվեց ստորագրություն չբացակայելու մասին, սակայն 2017 թվականի փետրվարի 9‐ին կրկին կալանավորվեց, իսկ դատապարտյալների հիվանդանոց տեղափոխվելուց հետո անժամկետ հացադուլ սկսեց: Արթուր Սարգսյանը մասնագիտությամբ մանկավարժ է, սակայն 27 տարի է՝ զբաղվում է փորագրությամբ: Արթուրը տարբեր ոճի գործեր է փորագրում՝ զարդատուփեր, փայտե փորագրությամբ ժամացույցներ, արեւային ժամացույցներ, մրգամաններ, որոնք Վերնիսաժում վաճառվում են: Նա վատառողջ է եւ պատիժը կրելու հետ անհամատեղելի հիվանդություն ունի: Արդեն 21 օր է նա հացադուլ է հայտարարել խափանման միջոցը փոխելու պահանջով:

Տպել
18437 դիտում

Արա Այվազյանն ու Սերգեյ Լավրովը հեռախոսազրույցում մտքեր են փոխանակել դեկտեմբերի 7-ին Մոսկվա կատարելիք այցի շուրջ

Կարևոր է միջազգային ասպարեզում արցախահայության իրավունքների և շահերի լիարժեք հասցեագրումը. ՀՀ, ԱՀ ԱԳ նախարարներ

ՃՏՊ Գյումրիում․ կա տուժած

Պատերազմում ոտքերից զրկված կամավորականին չի հաջողվում հաշմանդամության կարգ ստանալ․ ԲՍՓ աշխատակիցները կայցելեն նրանց տուն

15 տարի կպահանջվի Լեռնային Ղարաբաղի տարածքն ամբողջությամբ ականազերծելու և պայթուցիկներից մաքրելու համար (տեսանյութ)

Ֆիզուլիում ականի պայթյունից 4 ադբեջանցի է զոհվել

Դեկտեմբերի 1-ից Բագրատաշենի մաքսակետը կանցնի բնականոն աշխատանքի. ՊԵԿ

«Սոթբի»-ի աճուրդի տանը վաճառքի է հանվել 17-րդ դարի հայերեն ձեռագիր. նախնական արժեքը՝ 10.000 Ֆունտ սթերլինգ

Մայր Աթոռ Սուրբ Էջմիածնում նշվեց հայոց առաջին լուսավորիչների տոնը (լուսանկարներ)

ՏԿԵ նախարարը վերահաստատել է հայ–իրանական համագործակցությանն ուղղված հայկական կողմի պատրաստակամությունը

Երեկ 10-ից ավելի զինծառակողներ չեն գերեվարվել. Հայկական միասնական տեղեկատվական կենտրոնը հերքում է տարածված լուրերը

«Մշտապես զգացել ենք բարեկամ Ֆրանսիայի աջակցությունը». վարչապետն ընդունել է հումանիտար առաքելության պատվիրակությանը

Կալանավայրում վարչապետի հրաժարականը պահանջող Վահագն Վերմիշյանը դադարեցրել է հացադուլը

ՄԻԵԴ-ն Ադրբեջանից հայ գերիների մասին փաստաթղթավորված տեղեկություն է պահանջել

Մինչև մեր երեխաները չհասնեն տուն, ոչ մի սանտիմետր մեր հողից. Երևանում բողոքի ակցիա են անցկացրել արվեստագետները

Հայաստանը կարևորում է Ալբանիայի հետ համագործակցության զարգացումը.Նիկոլ Փաշինյանը շնորհավորական ուղերձ է հղել Էդի Ռամային

Վաղարշակ Հարությունյանը հանդիպել է ԿԽՄԿ ներկայացուցիչների հետ (լուսանկարներ)

2020թ. մարտից մինչև նոյեմբերի 1-ը ԱՆ-ն կորոնավիրուսի դեմ պայքարում ծախսել է 15.168.400.586 դրամ

Բարձր ենք գնահատում Ֆրանսիայի կողմից ցուցաբերված ցանկացած աջակցություն. Արսեն Թորոսյան

Տեղի կունենա ՀԱՊԿ անդամ երկրների արտաքին գործերի նախարարների խորհրդի նիստ