Երեւանը խնդրում է զենք չվաճառել Ադրբեջանին. Լավրովն անսասան էր

Այս գիշեր ղարաբաղաադրբեջանական շփման գծում կրկին մարտեր են ընթացել: Համաձայն ՊԲ հաղորդագրության, Ադրբեջանը կրակ է բացել Դ-44 տիպի հրանոթներից, ականանետերից ու տարբեր տրամաչափի հրաձգային զինատեսակներից: Պաշտպանության բանակի առաջապահ զորքերի կանխարգելիչ գործողությունների արդյունքում ադրբեջանական կողմը մեկ զոհ է տվել: Գիշերվա իրադարձությունների ժամանակ հայկական կողմը նույնպես զոհ է ունեցել:

Արդեն երկար ժամանակ խոսվում է, որ ղարաբաղյան հակամարտության գոտում նոր լայնածավալ  ռազմական գործողությունների վտանգ կա: Թերեւս Երեւանից եւ մյուս մայրաքաղաքներից այնքան էլ լավ չի նկատվում, սակայն ակնհայտ է, որ սույն խոսակցություններին զուգահեռ օր օրի իրավիճակը սրվում է: Դատելով ՊԲ հաղորդագրություններից, ամեն գիշեր սահմանին մարտական գործողություններ են տեղի ունենում, որոնց ընթացքում կիրառվում է ծանր զինտեխնիկա:

Քիչ առաջ նաեւ հայտնի դարձավ, որ Ադրբեջանի պաշտպանության նախարարության ղեկավարությունը մեկնել է «ճակատամերձ գոտի»: ««Ադրբեջանի ռազմական գերատեսչությունը, վկայակոչելով «հետախուզական նյութերը», պնդում է, թե «թշնամին մտադիր է սրել իրավիճակը», և նախարարության ղեկավարությունը «թշնամու դեմ ավելի կոշտ և վճռական միջոցներ անցկացնելու համար կոնկրետ հանձնարարականներ է տվել առաջնագծում տեղակայված զորքերին»»,-ադրբեջանական ԶԼՄ-ներին հղումով հաղորդում է «Ազատություն» ռ/կ-ն:

Հայաստանի պաշտպանության նախարարն այսօր ընդունել է ԵԱՀԿ ավստրիական նախագահության՝ Հարավային Կովկասի հարցերով հատուկ ներկայացուցիչ Գյունտեր Բեխլերին: «Ներկայացնելով հայ-ադրբեջանական շփման գծում տիրող մտահոգիչ իրավիճակը՝ Վիգեն Սարգսյանը կարևորել է զինադադարի խախտման  դեպքերի միջազգային հետաքննության մեխանիզմի ձևավորմանն ուղղված ջանքերը, ինչպես նաև ընդգծել Ադրբեջանի կողմից սպառազինությունների վերահսկման բոլոր միջազգային պարտավորությունների ոտնահարման դատապարտման անհրաժեշտությունը միջազգային հանրության կողմից...»,- ասվում է ՊՆ հաղորդագրության մեջ:

Հիշեցնենք, երեկ Մոսկվայում կայացան Նալբանդյան-Լավրով բանակցությունները, որոնց արդյունքները լավատեսության հույսեր չեն ներշնչում: Քանի որ ղարաբաղյան ռազամական խոշոր բախումներում Ռուսաստանի դերակատարությունն ավելի մեծ է, քան նույնիսկ հակամարտող կողմերինը, իրադարձությունների հետագա զարգացման հարցում շատ բան կախված է ՌԴ-ի գործողություններից:

Արդեն գրել ենք, որ դիվանագիտական եղանակով ներկա լարվածությունը թոթափելու մեծ շանսեր չկան, ինչը ցույց տվեց նաեւ Նալբանդյան-Լավրով վերջին հանդիպումը: Ինչ վերաբերում է ռազմական ուղիներին, պաշտոնական Երեւանը, կարծես թե, իր ռազմավարական դաշնակցից այս առումով մեկ ակնկալիք ունի. դադարեցնել կամ էականորեն կրճատել զենքի վաճառքն Ադրբեջանին:

Այս մասին խոսեց Նալբանդյանը հունվարի 20-ին, մոսկովյան այցի նախաշեմին «Ռոսիա սեգոդնյա» գործակալությանը տված հարցազրույցում. «Իհարկե, մեզ չի կարող դուր գալ այն հանգամանքը, որ Ադրբեջանը զենք է գնում մեր դաշնակցից....Ադրբեջանը շարունակում է սպառնալ պատերազմով...Ակնհայտ է, որ ժամանակն է եկել, որպեսզի միջազգային հանրությունը ու նախ և առաջ ԵԱՀԿ Մինսկի խմբի եռանախագահ երկրները կոնկրետ գործողություններով զգաստացնեն իրականության զգացումը կորցրած Բաքվի միլիտարիստներին»: Խոսքը, կարծում ենք, ՌԴ-ի կողմից Ադրբեջանին զենքի վաճառքը դադարեցնելու կամ կրճատելու մասին է:

Նույն խնդրին անդրադարձավ Սերժ Սարգսյանը ՊՆ-ում եւ ԵԿՄ-ում իր վերջին ելույթներում: «Ստեղծված պայմաններում ուժերի հավասարակշռությունը պարզապես անփոխարինելի է երկու ժողովուրդների կենսագործունեության համար: Ուժերի եղած հավասարակշռությունը խախտելու փորձերը ուղղակի հղի են նոր ռազմական գործողություններ սադրելու վտանգով»,- ասաց նա:

Ռազմական փորձագետների կարծիքով 2016-ի ապրիլին Ադրբեջանը հարձակվեց, քանի որ հենց այդ ժամանակահատվածում ուժերի հավասարակշռությունը խախտված էր. Ադրբեջանն իր բանակը մինչեւ ատամները զինել էր նորագույն զենքերով, իսկ 200 մլն վարկի դիմաց ՌԴ-ից Հայաստան զենքի մատակարարումը ոչ մի կերպ չէր ստացվում: Համարվում է, ներկայում հավասարակշռությունը վերականգնված է, ինչն էլ թերեւս պաշտոնական Երեւանին կոշտ դիրքերից հանդես գալու հիմքեր է տալիս: Ակնհայտ է, սակայն, որ այստեղ մտավախություն ունեն, որ կշեռքի նժարը կարող է նորից Ադրբեջանի կողմը թեքվել, եւ կրկին Հայաստանի ռազմավարական դաշնակցի օգնությամբ, ինչի մասին ակնարկում է Սարգսյանը:

«Մենք ջանք ու եռանդ չենք խնայելու ուժերի հավասարակշռության պահպանման համար»,-նույն ելույթում ասում է Սերժ Սարգսյանը: «Բնականաբար, նման պայմաններում մենք հարկադրված ենք գործադրել բոլոր ջանքերը՝ տարածաշրջանում ուժերի հավասարակշռությունը պահպանելու և իրադրության սրման նոր փուլ, նոր պատերազմ թույլ չտալու համար»,- հարցազրույցում ասում է Էդվարդ Նալբանդյանը:

Վերջինս Լավրովի հետ համատեղ ասուլիսի ժամանակ շատ մանրակրկիտ պատմեց Ադրբեջանի բարբարոսությունների մասին`մոլորված հովվին տանջելու եւ սպանելու, խոցված ուղղաթիռի զոհված կամ վիրավոր անձնակազմին էվակուացնել թույլ չտալու, քառօրյայի ժամանակ հայ զինվորների գլուխներ կտրելու եւ կտրված գլուխները ձեռքներին գյուղերով ցուցադրաբար շրջելու մասին: Նալբանդյանի այս հոգեցունց պատմությունները, որ տեւեցին մոտ 7 րոպե, հոգեբանական ճնշման ձեւ էին, ինչը դիվանագիտության մեջ երբեմն նաեւ արդյունավետ է լինում: Ոչ այս անգամ, սակայն: Անմիջապես հաջորդ հարցին պատասխանելիս Սերգեյ Լավրովը շատ ջերմորեն ասաց. «Մեր ադրբեջանցի կոլեգաները...»:

Ինչ վերաբերում է հարցի պատասխանին, թե ուժերի հավասարակշռությունը պահպանելու Հայաստանի ջանքերը որ ուղղությամբ են գործադրվելու, ապա այն թերեւս կարելի է գտնել Վիգեն Սարգսյանի վերջին հարցազրույցում, որտեղ նա խոսում է Իրանի, Հունաստանի հետ ռազմական համագործակցությունը խորացանելու մասին: Թե որքանով են այս ուղղություններն արդյունավետ եւ իսկապես ի զորու լուծել նման խնդիրը, ռազմական փորձագետները պետք է գնահատեն:

Տպել
17380 դիտում

Նիդեռլանդների խորհրդարանը Հայոց ցեղասպանության ճանաչման և հայ գերիներին վերադարձնելու մասին բանաձևեր է ընդունել

Միջազգային կազմակերպություններին է ուղարկվել Արցախի ԱԳՆ հուշագիրը՝ օկուպացված տարածքներ Ադրբեջանի նախագահի այցի մասին

Արմեն Սարգսյանը կհանդիպի խորհրդարանական խմբակցությունների ղեկավարների և ներկայացուցիչների հետ

Դատախազությունն ուսումնասիրում է ԳՇ-ի երեկ տարածած հայտարարությունը. Գոռ Աբրահամյան

Իրաքում գտնվող ՀՀ ԱԳ փոխնախարարը հանդիպումներ է ունեցել Իրաքյան Քուրդիստանի բարձրաստիճան պաշտոնյաների հետ

Բժշկության և տնտեսագիտության ոլորտներում ունենք համագործակցության փորձ. ԿԳՄՍ նախարարն ընդունել է Շրի Լանկայի դեսպանին

Ստիպված եմ կայացնել բեկումնային որոշում և հեռանալ հարազատ երկրից. Լևոն Արոնյան

Հանդիպել են Հայաստանի ու Արցախի ԱԳ նախարարները

ՀՀ ԶՈՒ գլխավոր շտաբի 4 բարձրաստիճան պաշտոնյա չի միացել հայտարարությանը. ովքեր են նրանք

Արմեն Սարգսյանը նախատեսում է հանդիպել ԶՈՒ գլխավոր շտաբի պետ Օնիկ Գասպարյանի հետ

ԳՇ-ի հայտարարության մեջ քաղաքական դաշտից ուղղորդում կար. Ռազմիկ Պետրոսյան

Հունվարին Հայաստանի տնտեսական ակտիվության ցուցանիշը նվազել է 7.5 տոկոսով

ԱԺ խորհրդի նիստը, որը նախատեսված էր ժամը 11:00-ին, չի կայացել. Էդմոն Մարուքյան

Պատգամավոր Հակոբ Ասլանյանը հարձակման է ենթարկվել

Ընդդիմադիրները գիշերը անցկացրել են Բաղրամյան պողոտայում

Երևանում կասեցվել է ալրային հրուշակեղենի արտադրությունը

ԳԱԱ նախագահը ԿԳՄՍ նախարարությանը առաջարկ է ներկայացրել ակադեմիայի հետագա կարգավիճակի վերաբերյալ

Հովհաննես Վիրաբյանը նշանակվել է Արգենտինայում ՀՀ արտակարգ և լիազոր դեսպան

Հաստատվել է կորոնավիրուսային հիվանդության 283 նոր դեպք. կան մահվան դեպքեր

ԱՄՆ Պետդեպարտամենտը ուշադիր հետևում է Հայաստանում իրավիճակի զարգացմանը. Փրայս

Նախիջևանի հետ ՀՀ սահմանային հատվածում Ադրբեջանի կողմից սադրանքների մասին լուրը չի համապատասխանում իրականությանը. ՊՆ

Շիրակի ու Սյունիքի մարզերում մերկասառույց է. Սեպասարում՝ բուք. ՀՀ-ում կան փակ ճանապարհներ

ԱԻՆ-ի՝ Երևանում սպասվող ուսումնավարժանքը հետաձգվում է

Ստեփանակերտ-Գորիս-Երևան միջպետական մայրուղու Սյունիքի հատվածում մերկասառույց է

Տարբեր շրջաններից հայտնաբերված ու չպայթած զինամթերք է ոչնչացվելու. ԱԻՊԾ-ը հայտնում է՝ որ համայնքներում

Ֆրանսիայի քաղաքացիներին հորդորում ենք հեռու մնալ հավաքներից. ՀՀ-ում Ֆրանսիայի դեսպանատան հայտարարությունը

Երեւանում ու 6 մարզում այսօր էլեկտրաէներգիայի մինչեւ 6-ժամյա անջատումներ կլինեն

Հրդեհ է բռնկվել «Ավան Պլազա» հյուրանոցի երկրորդ հարկի շոգեբաղնիքում. կա տուժած

ՊՆ-ի բյուջեի, բարձրացված աշխատավարձերի ու ձեռքբերումների մասին. ՀՀ վարչապետը 2 փաստ է ընդգծում

Պոլիտեխնիկական համալսարանում ռեկտոր կընտրեն. թեկնածուներից մեկը խնդիր է տեսնում, խորհրդի քարտուղարը՝ պարզաբանում

Հայաստանի գերագոյն շահերը պէտք է ամէն բանէ վեր մնան. Արամ Ա կաթողիկոս

Արայիկ Հարությունյանը հանդիպել է և՛ Նիկոլ Փաշինյանի, և՛ Օնիկ Գասպարյանի հետ. «Արցախպրես»

Հայաստանը կրկին միջազգային մամուլի ու կառույցների ուշադրության կենտրոնում էր

Երեւանի 99 համարի երթուղին նոր ավտոբուսներով կսպասարկվի մարտի 1-ից

Փարիզում ցուցադրվել է Վան Գոգի նկարը, որը գրեթե ոչ ոք չի տեսել

Զինծառայողները ցուցաբերել են բարձր պատրաստվածություն․ գրանցել են գերազանց արդյունքներ

Հրդեհ է բռնկվել «Ավան Պլազա» հյուրանոցում. հայտարարվել է հրդեհի բարդության «1 ԲԻՍ» կանչ

Բնակարանային գողություն Աշտարակի Շահազիզի փողոցում. կա ձերբակալված (տեսանյութ)

Կա’նգ առեք, մենք այն վիճակում չենք, որ կարողանանք թույլ տալ բաժանել մեր ժողովրդին. Սամվել Բաբայան

Հանրապետության հրապարակի հանրահավաքը՝ լուսանկարներով