Սերժ Սարգսյանը ՀՀԿ-ի ցուցակի վերջին տեղափոխություններն է կատարում

Հանրապետական կուսակցությունը հետաձգել է իր գործադիր մարմնի նիստը: Այն պետք է անցկացվեր երեկ, բայց տեղի կունենա վաղը: Եվ դա հենց այն նիստն է, որի ժամանակ պետք է ներկայացվեին, քննարկվեին ու հստակեցվեին կուսակցության ռեյտինգային թեկնածուների ցուցակները:

Ինչո՞ւ հետաձգվեց նիստը: «Մենք գտնվում ենք մի իրավիճակում, որ եթե նիստ անեինք, ապա չէր բացառվում, որ մենք եւս մի նիստ անեինք մինչեւ…»,- այսպիսի կիսատ եւ անորոշ պատասխան տվեց ՀՀԿ ԳՄ անդամ, ԱԺ ֆինանսավարկային եւ բյուջետային հանձնաժողովի նախագահ Գագիկ Մինասյանը:

Այնուհետեւ պարոն Մինասյանը շարունակեց իր խճճված պատասխանը, որից կարելի էր եզրակացնել, որ ցուցակի հատկապես այն ցանկը հստակ չէ, որը ներկայացված չի լինելու ռեյտինգային ընտրակարգում: Այսինքն, ընդհանուր համամասնական ցուցակի պատգամավորների մի մասը ներկայացված է լինելու ռեյտինգային ընտրակարգով, որը գրեթե նույնն է, ինչ նախկին մեծամասնականը, պարզապես այս անգամ թեկնածուն ինքնուրույն չի կարող առաջադրվել, նրան կուսակցությունը պետք է առաջադրի: Իսկ ցուցակներում ներկայացվածների մի մասն էլ ռեյտինգայինով չեն առաջադրվելու, նրանք լինելու են մաքուր համամասնական ընտրակարգի թեկնածուներ: Ահա հենց այս երկրորդ ցուցակը դեռ հստակեցված չէ: Այսինքն, մինչ մյուս կուսակցությունները որոշում են դաշինք ձեւավորել, թե ոչ, որից հետո նոր անցնեն ցուցակ կազմելուն, ՀՀԿ-ն իր ցուցակի վերջին շտրիխներն է անում: Գագիկ Մինասյանը նաեւ հավելեց, որ իրենց ցուցակում լինելու են մոտ 300 թեկնածուներ, որոնցից գրեթե կեսը ներկայացված կլինեն ռեյտինգային մրցապայքարում:

Այս օրերին մամուլն անընդհատ գրել է, թե ՀՀԿ-ի կողմից որ ընտրատարածքում կամ մարզում ովքեր են ռեյտինգային ընտրակարգով առաջադրվելու: Այդ թեկնածուների անունները բոլորիս հայտնի են, քիչ անուններ կան, որ մեզ համար նորություն են: Իսկ արդեն համամասնական ցուցակի թեկնածուների դեպքում, իսկապես անակնկալներ կարող են լինել: Անակնկալը ոչ այնքան նոր դեմքերի, որքան ցուցակի դասավորության մեջ է լինելու: Մյուս կողմից էլ ՀՀԿ-ն այս անգամ նույնպես խոստանում է ներկայացնել գրագետ ու հանրության համար հնարավորինս ընդունելի անուններ եւ հրաժարվել օդիոզ դեմքերից:

Իսկ ով է զբաղեցնելու ցուցակի առաջին հորիզոնականը: ՀՀԿ-ում խոսվում է, որ Սերժ Սարգսյանը երկար է երկմտել՝ ի՞նքը գլխավորի, թե ոչ: Այնտեղ որեւէ մեկը մասնավոր զրույցների ժամանակ էլ երեկ չէր կարողանում հաստատ ասել, որ Ս. Սարգսյանն է գլխավորելու իրենց ցուցակը: Ընդամենը ենթադրաբար ասում էին, որ նա կգլխավորի, իսկ երկրորդ եւ երրորդ հորիզոնականներում կլինեն Տ. Մարգարյանն ու Վ. Սարգսյանը:

Չորրորդը պետք է լինի կին թեկնածու, եւ այս անգամ այն կարող է լինել Արփինե Հովհաննիսյանը: Մեր տեղեկություններով, ՀՀԿ-ի պատվիրած սոցհարցումներով պարզվել է, որ վերջինիս նկատմամբ հանրության մեջ բավական դրական տրամադրվածություն կա: Չորրորդ տեղի համար պայքարում է նաեւ ԱԺ փոխնախագահ Հերմինե Նաղդալյանը, որը մոտ հարաբերություններ ունի առաջին տիկնոջ՝ Ռիտա Սարգսյանի հետ: Եվ եթե Արփինե Հովհաննիսյանի համար այս անգամ կանաչ ճանապարհ է հարթում վարչապետ Կարեն Կարապետյանը, ապա Հերմինե Նաղդալյանն էլ ակնկալում է առաջին տիկնոջ հովանավորությունը: Եվ դեռ հայտնի չէ, թե հովանավորներից որը կհաղթի: 2012թ. ԱԺ ընտրություններին, հիշեցնենք, ՀՀԿ-ի առաջին կին թեկնածուն Հրանուշ Հակոբյանն էր:

Այնուամենայնիվ, ինչո՞ւ հետաձգվեց ԳՄ նիստը եւ ցուցակների հրապարակումը: «Մենք դեռ աշխատում ենք ցուցակների վրա, հիմա էլ ես գրասենյակում նստած՝ աշխատում եմ»,- պատասխանեց ՀՀԿ կազմակերպչական հանձնաժողովի նախագահ Ռուբեն Թադեւոսյանը: Իսկ ով է գլխավորելու ցուցակը կամ նորի՞ց Սերժ Սարգսյանն է այն գլխավորելու, թե այս անգամ զիջելու է երիտասարդներին: «Լինելու են ՀՀ քաղաքացիներ, որոնց դուք ճանաչում եք, որոնց մասին գրել եք եւ որոնց հետ հարցազրույցներ եք արել: Շաբաթ օրը կգա, բոլոր պատասխաններն էլ կիմանաք»,- ինչպես միշտ, կրկին խուսափեց պատասխանել Թադեւոսյանը:

Նշենք, որ մինչեւ Կենտրոնական ընտրական հանձնաժողով ցուցակներ ներկայացնելը ՀՀԿ ԳՄ այս նիստը, ամենայն հավանականությամբ, վերջինը կլինի: Շաբաթ օրը քննարկվելու կամ հաստատվելու է նաեւ կուսակցության մարզային շտաբների ղեկավարների թեկնածությունը: Որոշ տեղեկությունների համաձայն՝ շտաբները կղեկավարեն մարզպետները: Օրինակ, Լոռու մարզպետ Արթուր Նալբանդյանը ոչ միայն չբացառեց, այլեւ շատ հնարավոր համարեց, որ հենց ինքն էլ կլինի մարզի համակարգողը: Մենք արդեն գրել ենք, որ Կոտայքի մարզի դեպքում նախնական որոշում կա, որ ՀՀԿ-ի շտաբը համակարգելու է մարզպետ, Գագիկ Ծառուկյանի փեսա Կարապետ Գուլոյանը: Վերջինս երեկ թեեւ հերքել էր այդ լուրը եւ անգամ ասել, որ իր հետ նման քննարկում չի եղել, բայց նրան այդ քննարկմանը գնալիս տեսնողներ են եղել:

Իսկ ինչ վերաբերում է մյուս երկու՝ Շիրակի եւ Արագածոտնի մարզերին, ապա այստեղ ՀՀԿ-ն շտաբի համակարգող է նշանակել մարզի կուսակցականներին: Օրինակ, Արագածոտնի շտաբը ղեկավարելու է նախկին մարզպետ Սարգիս Սահակյանը: Վերջինս մեզ հետ զրույցում հաստատեց դա: Շիրակի մարզում ռեյտինգային ընտրակարգով առաջադրվող Ֆելիքս Ցոլակյանը մեզ փոխանցեց, որ իրենց մոտ շտաբը կարող է ղեկավարել ԱԺ նախկին նախագահ Սամվել Նիկոյանը: Վերջինս, սակայն, չցանկացավ անդրադառնալ այդ հարցին: Իսկ ընդհանուր շտաբը կղեկավարի Սերժ Սարգսյանը: ՀՀԿ-ն, ինչպես միշտ, խորհրդարանական ընտրություններին մասնակցելու համար իր փաստաթղթերը ԿԸՀ կներկայացնի վերջին պահին՝ փետրվարի 16-ին, մինչեւ աշխատանքային օրվա ավարտը

Տպել
7260 դիտում

Բաղրամյան պողոտայում կիրառվել են բացառապես լուսաձայնային, ոչ բեկորային նռնակներ, դրանք թուրքական չեն․ Ֆիդանյան

Մեկնարկել է Եվրո-2024-ը․ բացման հանդիսավոր արարողությունը կայացել է Մյունխենի մարզադաշտում (լուսանկարներ)

Բախման ընթացքում առաջին վնասվածքը ստացել են ոստիկանները, բացի ոստիկանական ուժերից որևէ այլ ուժ չի ներգրավվել․ Ֆիդանյան

EventHub․am-ը՝ աշխարհահռչակ Black Eyed Peas-ի Թբիլիսիի համերգի տոմսերի վաճառքի պաշտոնական ներկայացուցիչ

Կազան-2024. սամբիստ Արսեն Խանջյանը՝ բրոնզե մեդալակիր

Այսօրվա մայրամուտը Սևանում (լուսանկար)

Քաղաքական առաջնորդ Գարեգին Բ-ն պետք է հեռանա, նա նախկին քրեաօլիգարխիկ իշխանության շարունակությունն է. Էդգար Առաքելյան

ՊՆ-ն 18-27 տարեկան աղջիկներին և կանանց հրավիրում է պարտադիր 6-ամսյա ժամկետային ծառայության (տեսանյութ)

Ալավերդի-Այրում վնասված երկաթգիծը շահագործվել է․ բեռնատար գնացքն անցել է նորոգված հատվածով (տեսանյութ)

«Կրթությունից աշխատանք՝ մեկ քայլ». «Ապագա» հիմնադրամը նոր ծրագիր է սկսում (տեսանյութ)

Զելենսկին ժամանել է Շվեյցարիա․ նա մասնակցելու է խաղաղության գագաթնաժողովին

Իր արած գրառումը սեփական գրպանին կպավ, մարդիկ դադարում են օգտվել «Ջիջի»-ի ծառայությունից. Միսկարյանը ևս բոյկոտում է

Սեր Դիլիջանի երկնքում․ Գագիկ Սուրենյանը լուսանկար է հրապարակել

Պաշարները կշարունակեն փոքրիկների կյանքեր փրկել․ Երևանի փոխքաղաքապետը և առողջապահության վարչության պետը արյուն են հանձնել

Մխիթար Հայրապետյանը Վաշինգտոնում այցելել է Starlink-ի գրասենյակ․ համագործակցության հարցեր են քննարկվել

Երևանում իրանական առևտրի տուն է բացվելու․ Հայաստանը մտադիր է նման կենտրոն ունենալ Թեհրանում

Կայացել է սուբվենցիոն հայտերի գնահատման հանձնաժողովի նիստը․ համայնքներից ստացված 49 ծրագիր է քննարկվել

Խուզարկություններ են արվել, ՀՅԴ 10 ղեկավար անդամ է ձերբակալվել․ Սաղաթելյան

Երևան-Քիշնև ինքնաթիռը չնախատեսված վայրէջք է կատարել Բուխարեստում․ ինչ են հայտնել Մոլդովայի իշխանությունները

Երկուսս էլ առանց անուն տալու հասկացանք՝ ով է այն տերտերը, որի առջև դրախտի դարպասները հաստատ փակ են լինելու․ Կոնջորյան

Հայաստանում կիրականացվի 130 մլրդ դրամի ներդրում, կստեղծվի մոտ 1000 աշխատատեղ․ Գևորգ Պապոյանը խոսել է առաջիկա ծրագրերից

Կոմիտասի շենքերից մեկում հրդեհ է բռնկվել, կրակը տեսանելի է մի քանի հարյուր մետրից․ ըստ տանտիրոջ՝ պայթել է գազաբալոնը

5 հա և ավելի մակերեսով գյուղատնտեսական նշանակության հողերի միավորման դեպքում կտրամադրվի պետական աջակցություն

Գյուղի սկզբնամասում դարանակալել, հետո կրակել է․ Ամբերդի բնակչի սպանության կասկածանքով ձերբակալվել է համագյուղացին

Վարչապետը օտարերկրյա պետություններում Սփյուռքի գործերի հանձնակատար է նշանակել

Մեկ ամիս առանձին ժամերի միակողմանի փակ է լինելու Էրեբունու փողոցից Այվազովսկի ճանապարհահատվածը

Հայ-ադրբեջանական սահմանում արտառոց տեղաշարժ կամ միջադեպ չի նկատվել․ ԵՄ դիտորդական առաքելություն

Ոստիկանության բաժանմունքում կանայք հարձակվել են օպերլիազորի վրա, հարվածել, հայհոյել․ մեկի մոտ դանակ է հայտնաբերվել

ՌԴ-ն պատրաստ է «հենց վաղն» էլ նստել բանակցության սեղանի շուրջ․ Պուտինը հայտնել է Ուկրաինայի հետ խաղաղության պայմանները

ԱԳՆ շենքի դիմաց Գալստանյանի ակցիայի ժամանակ խուլիգանության դեպքի վարույթով նախաքննությունը, երեք անձի մասով, ավարտվել է

Գերմանիայում ռեկորդային քանակով՝ 35 տոննա կոկային է առգրավվել․ արժեքը գնահատվում է 30 միլիարդ եվրո

Քարկոփը Մ-6 ավտոճանապարհին միացնող հետիոտնային կամրջի աշխատանքներն ավարտվել են

Ռուսաստանից տուրիստական հոսքը կրճատվել է․ որ երկրներից են ավելի շատ զբոսաշրջիկներ այցելել Հայաստան

Երկրի ապագայի մասին մտածող ղեկավար ունենալու մաղթանք հղողն ինքը պետք է սեփականն ունենա․ ԱԳՆ բողոքի նոտան Բելառուսին

Պետք է հետևենք զարգացած երկրների օրինակներին․ Ավանեսյանն ու տարբեր գերատեսչությունների աշխատակիցներ արյուն են հանձնել

Որոշ գյուղատնտեսական արտադրատեսակների արտահանման նկատմամբ վեցամսյա արգելք է սահմանվել

Նախարարության քրգործերի բովանդակության մեջ խորանալու ժամանակ ու ցանկություն չի եղել, թիմը լավ է աշխատում․ Պապոյան

Բերման են ենթարկվել ՀՅԴ Վայոց ձորի կառույցի ղեկավար մարմնի անդամներ․ Լիլիթ Գալստյան

Հայտնաբերվել է հրազենային վնասվածքով պայմանագրային զինծառայողի դի․ ՊՆ

Կարելի է արձանագրել, որ Հայաստանի Հանրապետության քաղաքացին կայացել է․ Հովիկ Աղազարյան