Ժիրայր Սեֆիլյանի խցից ծիծաղելի իրեր են առգրավել. ինչ մտավախություն ունի իշխանությունը

Հիմնադիր խորհրդարանը պնդում է՝ մի քանի ամիս բանտում պահվող Ժիրայր Սեֆիլյանի խցում աննախադեպ խուզարկություններ են կատարվել, որի ընթացքում ապօրինաբար առգրավվել են նրան պատկանող իրերը:

Երեկ ՀԽ-ն այս միջադեպի վերաբերյալ մանրամասն հաղորդագրություն էր տարածել, որում մասնավորապես նշվում էր. «Ժիրայր Սեֆիլյանի կողմից «Հայոց բանակի 25-ամյակի առթիվ շնորհավորական ուղերձը» մամուլում հրապարակելուց հետո Քրեակատարողական հիմնարկի ղեկավարությունը կալանքի պայմանների աննախադեպ խստացում է իրականացրել Ժիրայր Սեֆիլյանի նկատմամբ՝ անմիջականորեն ցուցում ստանալով վերին ատյաններից»:

Այսօր ՀՀ ԱՆ քրեակատարողական վարչությունը, ինչպես նաեւ ՀՀ գլխավոր դատախազությունը հերքեցին ՀԽ-ի այս հայտարարությունը: ՀՀ ԱՆ ՔԿՎ-ն մասնավորապես պարզաբանեց, թե այդ տեղեկությունները իրականությանը չեն համապատասխանում եւ Քրեակատարողական ծառայությունը գործում է բացառապես օրենքի շրջանակում: Սակայն ՔԿՎ-ն ըստ էության չի հերքել Սեֆիլյանի խցում խուզարկություններ կատարելու եւ նրա իրերը առգրավելու մասին հրապարակումները: «Տեղեկացնենք, որ քրեակատարողական հիմնարկի ներքին կանոնակարգի համաձայն`աշխատակիցները արգելված իրեր հայտնաբերելու նպատակով իրավունք ունեն կատարել խուզարկություններ, ինչը եւ պարբերաբար արվում է: Հավելենք նաեւ, որ քրեակատարողական հիմնարկի վարչակազմն իրավասու է խուզարկության արդյունքում հայտնաբերված իրերը կասկած հարուցելու դեպքում ուսումնասիրության նպատակով առգրավել, որոնք արգելված իրերի հատկանիշներ չպարունակելու դեպքում վերադարձվում են»,- նշել է ՔԿՎ-ն:

ՔԿՎ այս պարզաբանումից շատ չանցած հաղորդագրություն տարածեց նաեւ ՀՀ գլխավոր դատախազությունը, որում նշվում է. «Ժ. Սեֆիլյանի անձնական գործի ուսումնասիրությամբ պարզվել է, որ ՀՀ ԱՆ «Արմավիր» ՔԿՀ-ում գտնվելու ընթացքում վերջինիս նկատմամբ օրենսդրությամբ սահմանված իրավական ներգործության միջոցներ չեն կիրառվել, մասնավորապես՝ նա կարգապահական տույժի չի ենթարկվել: Դատախազի հարցադրմանը Ժ.Սեֆիլյանը պատասխանել է, որ որեւէ խնդիր կամ բողոք՝ կապված իր պահման պայմանների, այդ թվում՝ ՔԿՀ-ի վարչակազմի գործողությունների եւ խցի կենցաղային պայմանների հետ, չունի»:

Վերը նշվածի վերաբերյալ այսօր զրուցել ենք Հիմնադիր խորհրդարանի մամուլի խոսնակ Սյուզան Սիմոնյանի հետ:

- Տիկին Սիմոնյան, Սեֆիլյանի խցում իրականացված աննախադեպ խուզարկությունների վերաբերյալ ՀԽ հայտարարությունն այսօր, թե՛ ՔԿՎ-ն եւ թե՛ Դատախազությունը հերքեցին: Ի վերջո դուք տեղյա՞կ եք, թե ինչ է իրականում տեղի ունեցել: Եղե՞լ է խուզարկություն, թե՝ ոչ:

-Այո, իրենք հերքեցին ՀԽ հաղորդագրությունը, բայց այդպես էլ չկարողացան բերել որեւէ հիմնավոր ապացույց, որ այն՝ ինչ գրված է մեր հայտարարության մեջ, իրականությանը չի համապատասխանում: Նրանք նախ իրենք իրենց են հերքում, հակասում. հայտարարում են որ նման բան չկա, հետո հավելում, որ իրենք իրավունք ունեն խուզարկություն կատարելու եւ կատարում են օրենքի սահմաններում: Եթե այդպես է, ապա ինչո՞ւ եք հերքում մեր ասածը: Պարոն Սեֆիլյանի ուղերձը հրապարակվելուց հետո մենք նախատեսում էինք, որ ինչ-որ մի բան պետք է անեն: Երկու օր անընդմեջ մտնել խուց եւ խուզարկել այն, դա ի՞նչ է նշանակում եւ առգրավեն իրեր, որոնք ծիծաղելի են՝ զավեշտալի իրավիճակի մեջ գցելով իրենց:

-Մասնավորապես ի՞նչ իրեր են առգրավվել:

-Դրանց մասին դեռ չենք բարձրաձայնում եւ չենք հրապարակում: Իրենք պետք է ապացուցեն՝ արդյոք այն իրերը, որոնք առգրավվել են Սեֆիլյանից, արգելված իրերի հատկանիշներ պարունակող ցանկից են, թե՝ ոչ:

-Առգրավված իրերը կենցաղայի՞ն էին, թե...:

-Մարդու օգտագործման իրեր են դրանք, շատ սովորական, այն ինչ-որ արգելված իրերի ցուցակում գոյություն չունի:

-Տիկին Սիմոնյան, դուք տեղյա՞կ եք մինչ Սեֆիլյանի այս ուղերձը հրապարակելը, նրա խցում խուզարկություններ կատարվե՞լ են:

-Իմ տեղեկությամբ՝ ոչ, նման խստացված խուզարկություն իհարկե չի եղել: Եղել է, որ տեղափոխել են այլ խուց, խիստ հսկողության տակ են պահել, բայց այսպես՝ ոչ:

-Հայտարարության մեջ գրված է, որ Սեֆիլյանի նկատմամբ կալանքի պահման աննխադեպ խստացում է իրականացվել: Կմանրամասնե՞ք:

-Հենց դա է, եթե երկու օր անընդմեջ մտնում են եւ քո ձեռքից վերցնում են այնպիսի բան, որը դու իրավունք ունես պահելու, դա խստացում չէ՞: Հիմա եթե օրինակ ձեր ձեռքի եղած գրիչը խլեն տանեն դա կալանքի պայմանների խստացում չի՞ լինի, իրավունքների խախտում չի՞:

-Ըստ ձեզ, ո՞րն է իշխանությունների մտահոգությունը, կամ մտավախությունը. գուցե մտածում են Սեֆիլյան կալանավայրից կարող է որեւէ գործողությո՞ւն սկսկել:

-Իրենց մտավախությունը ուղերձն էր, որով Սեֆիլյանը դիմում էր բանակին: Իշխանությունները շատ լավ են հասկանում, որ իրենց վերջի սկիզբը վաղուց անցել է  եւ հիմա վերջի վերջին են հասնում: Սեֆիլյանից վախենում են, վախենում են բոլոր նրանցից, ովքեր բանտում են, իրենց ձեռնտու չէ, որ նրանք ազատության մեջ լինեն: Վախենում են, որ ուղերձը կլսեն, վախենում են իր գաղափարները կնդունեն, ոտքի կկանգնեն: Մենք հնարավորություն ենք տալիս իշխանություններին իրենց սխալը շտկելու համար, եթե ոչ, ապա, այդ դեպքում ավելի մանրամասն հայտարարություն կտարածենք,  դեռ սպասում ենք:

2016 թ.-ի հունիսի 20-ից կալանավորված Ժիրայր Սեֆիլյանը մեղադրվում է մի խումբ անձանց հետ, զենքի գործադրմամբ շենք-շինություններ՝ այդ թվում Երեւանի հեռուստաաշտարակը  զավթելու, ինչպես նաեւ ապօրինի կերպով զենք, ռազմամթերք ձեռք բերելու, փոխադրելու եւ պահելու մեջ: Այս գործով նախաքննությունը մի քանի ամիս առաջ է ավարտվել, սակայն գործը դեռ դատարան չի ուղարկվել: Չի բացառվում, որ փետրվարի 20-ին Սեֆիլյանի կալանքը եւս երկու ամսով երկարաձգելու միջնորդություն ներկայացվի:

Տպել
15885 դիտում

Վարչապետին ծննդյան օրվա առթիվ շնորհավորական ուղերձ է հղել Ղազախստանի նախագահը

Վաղը հայկական արտադրության թեստերի առաջին խմբաքանակը՝ 350 հատ, կհանձնվի ՀՎԿԱԿ-ին. Տիգրան Ավինյան

Սահմանին գազի ներկա գնի պահպանման պարագայում, կարծում եմ, ՀԾԿՀ-ի հաշվարկները ողջամիտ են․ փոխվարչապետ

Ռեանիմացիոն եւ ինտենսիվ թերապիայի մահճակալային ֆոնդը կհամալրվի մոտ 120 մահճակալով

Տեղից չի շարժվել «Հարսնաքար»-ի սպանության գործը, ինչը դրա հեղինակներին դրդել է նորանոր հանցագործությունների․Բաբաջանյան

Նիկոլ Փաշինյանին ծննդյան օրվա առթիվ շնորհավորական ուղերձ է հղել Նուրսուլթան Նազարբաևը

Ռուս գործարարների «Հերմես» ակումբը ֆինանսական աջակցություն է տրամադրել «Բարի մամա» հասարակական կազմակերպությանը

Հայաստանում ասիմպտոմ կորոնավիրուսի 18-20 հազար դեպք կարող է լինել. Նիկոլ Փաշինյան (տեսանյութ)

Իրականացան մեր կանխատեսումները՝ դեպքերի թիվը հասնում է 10 հազարի. պահեք երեք պարզ կանոնները

Արման Սահակյանը մեղադրվում է պաշտոնեական լիազորությունների չարաշահման մեջ. նրա նկատմամբ 5 միլիոն դրամ գրավ է կիրառվել

Գյումրիում շատերը թույլ չեն տալիս թափառող շներին տարածքից հեռացնել, թաղամասերի 80 տոկոսում այդ խնդիրը կա

«Էրեբունի» ԲԿ-ում 5 կգ 600 գ քաշով տղա երեխա է ծնվել

Արթուր Դավթյանին հունից հանեց «Դուք ձեզ Սերժ Սարգսյանի մնացորդ համարո՞ւմ եք» հարցը

«Աբովյան» և «Արմավիր» ՔԿՀ-ում 9-րդ դասարանն ավարտած չորս անչափահասների տրվել են ավարտական վկայականներ

ԱԻՆ-ը համավարակի կանխարգելման քարոզչական շրջայցեր է իրականացնում հանրապետությունում (տեսանյութ)

«Հոկտեմբերի 27»-ի գործով չի բացառվում, որ հարցաքննվի նաեւ Գագիկ Ջհանգիրյանը. Արթուր Դավթյան

Նախկին դատախազ Հենրիկ Խաչատրյանի սպանության դեպքը ժամանակին ստացել է իր իրավական գնահատականը․ Արթուր Դավթյան

ՀՀ պատվիրակությունն Արցախ էր այցելել միայն թեստ հանձնելուց և բացասական արդյունքից հետո

Արարատ Միրզոյանը Երևանում ընդունել է Արցախի իր պաշտոնակցին

Նախագահական կայք՝ երեխաների համար. գործարկվել է Հանրապետության նախագահի՝ երեխաների համար նախատեսված կայքը