Կառավարությունը ստիպված կլինի ապրիլին լուծարել Վանաձորի ավագանին. Քրիստ Մարուքյան

Ինչպես արդեն տեղեկացրել ենք, «Լուսավոր Հայաստան», «Բարգավաճ Հայաստան» եւ «Հայկական վերածնունդ» կուսակցությունները հունվարի 30-ին վերջապես ստացել էին Վանաձորի քաղաքապետ Մամիկոն Ասլանյանի եւ քաղաքի ավագանու լիազորությունները դադարեցնելու հարցով դիմումին ՀՀ վարչապետի պատասխանը: Վարչապետը մերժել էր դիմումը։ 

Թե ինչ քայլերի են պատրաստվում ձեռնարկել դիմումատուները, armtimes.com-ի թղթակիցը փորձեց պարզել «Լուսավոր Հայաստան» կուսակցության ներկայացուցիչ, Վանաձորի ավագանու անդամ Քրիստ Մարուքյանից: Վերջինս մեզ հետ զրույցում ասաց, որ ՏԻՄ ընտրությունների մասին օրենքի համաձայն, եթե 6 ամսվա ընթացքում ավագանու անդամների ներկայությունը չապահովելու հետեւանքով նիստ չի գումարվում, ավագանին լուծարվում է եւ նոր ընտրություններ են նշանակվում:

«6 ամիս ժամկետը լրանում է ապրիլի 10-ին: Իրենց խնդիրն այն է, որ մինչեւ Ազգային ժողովի առաջիկա ընտրությունները ձգեն վիճակը, որպեսզի որեւէ մեկը պախարակված դուրս չգա: Բայց վանաձորցու համար ամեն ինչ պարզ է, հետեւաբար ձգելու իմաստն ընդամենը Վանաձորին արհամարհելը կամ վնասելն է: Անիշխանության ներկայիս վիճակի պատասխանատուն կառավարությունն է: Եթե ամեն ինչ այսպես շարունակվի, կառավարությունը ստիպված կլինի ապրիլին լուծարել Վանաձորի ավագանին: Երբ ՀՀԿ-ի կողմից ձեւավորված տեղական իշխանությունը հայտարարում է, որ ընտրվել է եւ մեծամասնություն ունի, բայց միաժամանակ ի վիճակի չի լինում նիստ գումարել, խնդիրն իրենց մեջ է, ոչ թե ավագանու անդամների»,- նկատեց մեր զրուցակիցը:

Քրիստ Մարուքյանն ընդգծեց՝ ավագանու նիստերին իրենց չներկայալն ամենեւին չի նշանակում, որ ընտրողների հետ շփումներ չեն լինում: Դրանք, հակառակը, բավական ինտենսիվ բնույթ են կրում, շատ վանաձորցիներ այս կամ այն խնդրով դիմում են իրենց, իրենք էլ փորձում են քաղաքացիների եւ պատկան մարմինների միջեւ միջնորդի դեր ստանձնել՝ օգնելով լուծվել քաղաքացիների կողմից բարձրացված խնդիրները:

«Վանաձորն ունի իր բյուջեն, որը նախորդ տարվա բյուջեի կրկնությունն է: Ավագանին, ըստ բյուջետավորման մասին օրենքի, գործում է նախորդ տարվա բյուջեի համամասնություններով եւ տրամաբանությամբ: Հետեւաբար՝ ասել, որ քաղաքը բյուջե չունի, սխալ է: Մենք, որպես ավագանու անդամներ, որպես քաղաքական առաջարկ ձեւավորած ուժ, հասանելի ենք, այստեղ ենք, եւ մարդիկ մեր միջոցով իրենց հարցերը բարձրաձայնելու խնդիր չունեն»,- ամփոփեց Քրիստ Մարուքյանը:

Հիշեցնենք՝ Կառավարությանն ուղղված փաստաթղթով Վանաձորի ավագանու ընտրություններին մասնակցած 3 կուսակցությունները ընդգծում էին, որ 3 ամիս շարունակ ավագանու նիստեր չհրավիրելու հետեւանքով խախտվում են Վանաձոր համայնքի տեղական ինքնակառավարման իրավունքն ու հնարավորությունը: Ուստի նրանք Վանաձորում ստեղծված կառավարման ճգնաժամը հաղթահարելու երկու տարբերակ էին առաջարկում՝ համայնքի ղեկավարի հրաժարական կամ ավագանու լիազորությունների դադարեցում:

Տպել
2401 դիտում

ՀՀ Պաշտպանության նախարարությունը խոհեմության կոչ է անում (տեսանյութ)

«Ֆուդ Ամ» ՍՊԸ պահածոների արտադրամասի գործունեությունը կասեցվել է

Ընտանիքում բռնության ենթարկված անձանց տրամադրվող ծառայությունների եւ աջակցության հնարավորությունները կավելանան

Պարոն Մելքումյան, դուք այնպիսի մունաթով եք խոսում, որ մեզ թվում է, թե այս եղած խնդիրների պատճառը մենք ենք. Թունյան

ՀՖՖ նախագահի թեկնածու Թովմաս Գրիգորյանը՝ ծրագրերի, Ռուբեն Հայրապետյանի հետ աշխատելու եւ իր անվան շուրջ աղմուկի մասին

Բաղրամյան գյուղի մոտ ավտոմեքենան դուրս է եկել ճանապարհի երթեւեկելի հատվածից եւ հայտնվել դաշտում. տուժածներ չկան

17-ամյա աղջիկը դասընկերուհու կիսամերկ լուսանկարներն այլ անձանց ցույց տալու սպառնալիքով պահանջել եւ ստացել է 746 000 դրամ

Լենա Նազարյանն ընդունել է Գվատեմալայի Հանրապետության Կոնգրեսի պատվիրակությանը

Եղել է՝ տներին մոտ գերեզմանները տեղումների պատճառով քայքայվել են, զանգվածները դուրս եկել. Թորոսյանը՝ դիակիզարանի մասին

Դիզվառելիքի գործով մեղադրանք է առաջադրվել «Ֆլեշի Բարսեղին»

Ռուստամ Բադասյանը Բրյուսելում մասնակցել է «Արևելյան գործընկերությունը հանուն ԵՄ-ի» խորագրով համաժողովին

Կրթահամալիր ընդունվելուց 3 օր անց թողել է ուսումը. հաստատությունը դատարանով պահանջում է վճարել չարված դասերի համար

Արարատ Միրզոյանն ընդունել է Գվատեմալայի Հանրապետության խորհրդարանի առաջին փոխնախագահի գլխավորած պատվիրակությանը

Արմեն Սարգսյանին հավատարմագրերն է հանձնել Հայաստանում Ղրղզստանի նորանշանակ դեսպանը

Այս պարագայում պետք է շատ արագ ազատ արձակենք այն մորը, ով կալանավորված է 3-4 անգամ գողություն անելու համար. Թանդիլյան

Ոստիկանները գրպանահատության 2 դեպք են բացահայտել. գրպանահատները բերման են ենթարկվել

Բացահայտվել է պետությանը պատճառված շուրջ 1 միլիարդ 160 միլիոն դրամի վնասի դեպք. հարուցվել է քրեական գործ

Տակեո Կանադեն ՎիվաՍել-ՄՏՍ-ում հանդիպել է ՏՀՏ հայաստանյան համայնքի ներկայացուցիչների հետ

Վարդան Պետրոսյանը նոր ներկայացում է պատրաստում. պրեմիերան կլինի Լոս Անջելեսում

Ucom-ում բոլոր սմարթֆոնները տրամադրվում են շա՛տ-շա՜տ ինտերնետով