Ցերեկային դիվերսիա` մառախուղից ներշնչված. փետրվարի 1-ի միջադեպից ինչ-որ բա՞ն է թաքցվում

Փետրվարի 1-ին Թալիշի ուղղությամբ հերթական դիվերսիոն ներթափանցման փորձն էր կատարվել, որի արդյունքում, ըստ ԼՂՀ ՊԲ մամուլի հաղորդագրության, ադրբեջանցի զինծառայող էր գերեվարվել: Նույն օրը Ադրբեջանի ՊՆ-ն հայտարարել էր, որ գերի ընկած զինվորը որոշ ժամանակ առաջ զորացրվել է եւ ներկայում չի ծառայում Ադրբեջանի բանակում:  Այնուհետեւ ադրբեջանական ԶԼՄ-ներից մեկը հարցազրույց հրապարակեց գերի ընկած զինվորի մոր հետ, որը հաստատում էր, որ իր որդին պայմանագրային զինծառայող է, իսկ ադրբեջանական սոցիալական ցանցերում աղմուկ բարձրացավ, թե ինչպես է իրենց  ՊՆ-ն անամոթաբար ստում:

Արդեն մի քանի օր է ՀՀ եւ Արցախի զինվորականները, պետական ԶԼՄ-ները հաղթական տրամադրությունների մեջ են: Գերեվարված զինվորի մոր հարցազրույցն ու  Ադրբեջանին ՊՆ-ին ամոթանք տվող ֆեյսբուքյան մեկ գրառումը հայկական ԶԼՄ-ների թոփ թեման են:

Այսօր միջադեպի վերաբերյալ հաղորդագրություն եւ տեսանյութ տարածեց Արցախի ԱԱԾ-ն: Տեսանյութում երեւում է գերեվարված զինվորը, որն իհարկե ընկճված է, բայց լիովին առողջ տեսք ունի: Մինչ այդ բացառիկ կադրեր էին ցուցադրվել նաեւ Հանրային հեռուստաընկերության «Օրակարգ» լրատվական ծրագրի ցերեկային թողարկման ժամանակ, որտեղ երիտասարդը կադրից դուրս գտնվող ինչ-որ մեկի հորդորով նույնիսկ ժպտում է:

Թե ինչ կլինի նրա ճակատագիրը դժվար է ասել: Արցախի ԱԱԾ հաղորդագրության համաձայն ԼՂՀ պետական սահմանն ապօրինի հատելու փաստի առթիվ հարուցվել է քրգործ եւ նա ձերբակալված է:

Այս ամենն իհարկե լավ է: Լավ է, որ հայկական կողմը գերիների հետ մարդասիրաբար է վարվում, լավ է, որ նոր փաստ կա սահմանային միջադեպերի ինքնուրույն հետաքննություն իրականացնող ՀՀ-ի եւ Արցախի ձեռքում: Բայց, այդուհանդերձ, թվում է, թե այս միջադեպի հետ կապված ինչ-որ բան փորձ է արվում թաքցնել:

Մասնվարոպես որոշակի անհամապատասխանություն կա ԼՂՀ ՊԲ եւ ԱԱԾ հաղորդագրություններում: «Փետրվարի 1-ին ժամը 15.00-ի սահմաններում ղարաբաղա-ադրբեջանական հակամարտ զորքերի շփման գծի հյուսիսային (Թալիշ) ուղղությամբ հակառակորդը, օգտագործելով եղանակային մառախլապատ պայմանները, ձեռնարկել է հետախուզա-դիվերսիոն ներթափանցման փորձ: ՊԲ առաջապահ ուժերը, ժամանակին հավաստանշելով ադրբեջանական հատուկ ջոկատայինների առաջխաղացումը, դիմել են կանխարգելիչ գործողությունների և կորուստներ պատճառելով հետ շպրտել: Կազմակերպված հակադիվերսիոն գործողության արդյունքում՝ առաջնագիծը պաշտպանող հայկական ուժերին հաջողվել է գերեվարել ադրբեջանական բանակի զինծառայող, 1995թ. Բարդա քաղաքում ծնված Էլնուր Հյուսեին Զադեին»: Սա ԼՂՀ ՊԲ-ի հաղորդագրությունն է:

«2017թ. փետրվարի 1-ին ԼՂՀ Մարտակերտի շրջանի Թալիշ համայնքի ուղղությամբ Ադրբեջանի Հանրապետության Զինված ուժերի մի խումբ զինծառայողներ, օգտվելով մառախլապատ եղանակից, ձեռնարկել են դիվերսիայի փորձ: Փորձը խափանվել է Պաշտպանության բանակի` Արցախի պետական սահմանի պահպանությունն իրականացնող ստորաբաժանման կողմից: Նույն օրը ժամը 15:00-ի սահմաններում Պաշտպանության բանակի մարտական դիրքերից մեկի պահպանության տեղամասում հայտնաբերվել եւ ԼՂՀ ԱԱԾ բերման է ենթարկվել ԼՂՀ պահպանվող պետական սահմանն ապօրինի հատած դիվերսիոն խմբի անդամ Էլնուր Էլման օղլը Հուսեյնզադեն»: Սա ԱԱԾ-ի հաղորդագրությունն է:

Հիմա, հարց է առաջանում. դիվերսոիան ներթափանցման փո՞րձն է տեղի ունեցել 15.00-ի սահմաններում, թե՞ Հուսեյնզադեն է հայտնաբերվել 15.00-ին: Եւս մեկ հարց. Հուսեյնզադեն գերեվարվել է հակառակորդին հետ  շպրտելու գործողությունների ժամանա՞կ, թե՞ հայտնաբերվել է ՊԲ մարտական դիրքերից մեկի պահպանության տեղամասում:

Դատելով ԱԱԾ հաղորդագրությունից, նախ եղել է դիվերսիոն ներթափանցման փորձը, որը կանխվել է, ապա ժամեր անց պոստերից մեկում հայտնաբերվել է Հուսեյնզադեն, որը փաստորեն հաջողությամբ ներթափանցած է եղել ՊԲ մարտական դիրքեր: Դատելով ՊԲ հաղորդագրությունից, ամեն ինչ եղել է միաժամանակ, 15.00-ի սահմաններում:

Կարող ենք ենթադրել, որ իրականում դիվերսիոն փորձը կատարվել է փետրվարի լույս 1-ի վաղ առավոտյան եւ կանխվել է հատկապես առաջնագծի վերջին նյութատեխնիկական համալրումների` մասնավորապես գիշերային տեսանելիության սարքերի շնորհիվ: Ընդհանրապես դիվերսիոն գործողությունները գիշերներն  են լինում եւ ՊԲ փորձը ներկայացնել, թե այս անգամ ցերեկն է եղել, որովհետեւ մառախուղ էր, արժանահավատ չի հնչում:

Ինչ վերաբերում է գերի ընկած զինվորին, ապա թերեւս նա հաջողությամբ հասնելով հայկական դիրքերից մեկը, բայց հասկանալով, որ միայնակ է մնացել, սուսուփուս թաքնվել է, հույսով որ մութն ընկնելուն պես ետ կգնա, սակայն հայտնաբերվել է:

Այն հանգամանքն էլ, որ  Հուսեյնզադեն առանձնացած է եղել դիվերսիոն խմբից եւ հայտնաբերվել է այլ պայմաններում, դրդել է Ադրբեջանի ՊՆ-ին  հրաժարվել նրանից, նրան ներկայացնելով որպես դասալիք, ով անցել է հակառակորդի կողմը:  

Եթե այս վարկածը ճիշտ է, ապա եւս մեկ հարց է առաջանում. իսկ ինչո՞ւ էր փորձ արվում ներկայացնել, թե դիվերսիան կատարվել է ցերեկվա ժամը երեքին, որովհետեւ այդ օրը  մառախուղը տրամադրող էր: Կարծում ենք այս հարցի հասցեատերը ՀՀ ԱԳ նախարար Էդվարդ Նալբանդյանն է:

Հունվարի 31-ի նրա ասուլիսի առիթով գրել էինք, որ ցինիզմի դոզան մի փոքր շատ էր եւ մտավախություն էինք հայտնել, որ սահմանային միջադեպերը նաեւ դիվանագիտական ճակատում կատարվող մարտերի տրամաբանական շարունակությունն են («Դիվանագիտական ցինիզմի մաստեր կլաս Նալբանդյանից. դիրքերում այս գիշեր զգոն է պետք լինել»): Չի բացառվում, որ ցերեկվա մառախուղը Նալբանդյանի համար որպես ալիբի էր մտածված, իբր նրա ասուլիսի եւ դիվերսիայի միջեւ որեւէ կապ չկա:    

Հնարավոր է որ հենց այդպես էլ կա, եւ այդ երկու իրադարձությունները պարզապես համընկան:  Բայց անկախ նրանից զուգադիպություն էր, թե ոչ, ժամանակն է, որ ԼՂ հարցով հայ բանակցողները վերանայեն ադրբեջանցի բանակցողներին վերեւից նայելու, նրանց հետ եւ նրանց մասին քամահրանքով խոսելու իրենց վարքը, ինչը նկատելի է բոլոր բանակցությունների ժամանակ կլինեն դրանք նախարարների, թե նախագահների մակարդակով: Համենայնդեպս, Ալիեւին եւ Մամեդյարովին «փափախով թուրք» համարելու եւ նրանց հետ այդ տրամաբանությամբ շփվելու մեջ որեւէ օգտակար գործողության գործակից չկա:

Տպել
22869 դիտում

Նավալնիին կալանավորելու որոշում է կայացվել տարօրինակ պայմաններում. նիստը ոստիկանական բաժանմունքում էր

ՃՏՊ Գյումրի-Ազատան ավտոճանապարհին․ կան տուժածներ

Մանկատան շրջանավարտներին բնակարանի գնման վկայագրի գործողության ժամկետը երկարաձգվել է

Հայաստանում համավարակի պայմաններում առկա ուսուցումը հիմնական ծավալով վերականգնված է

Վարդենյաց լեռնանցքը մերկասառույցի պատճառով դժվարանցանելի է բոլոր տրանսպորտային միջոցների համար

Երեւանի համար 20 և 21 մանկապարտեզներն ամբողջապես նորոգված և նոր կահավորմամբ իրենց դռներն են բացել փոքրիկների առջև

Երկրաշարժ Ջերմուկ քաղաքից 10 կմ արևմուտք․ էպիկենտրոնային գոտում ստորգետնյա ցնցման ուժգնությունը կազմել է 2-3 բալ

Ասկերանի շրջանային բաժնի պետն այցելել է անցակետեր

Կառավարության որոշումներով աճուրդի դրված պետական գույքերի համար դեռեւս գնորդներ չեն հայտնվել․ Բաբայան

Ապարան-Քուչակ ավտոճանապարհին տեղ-տեղ առկա է մերկասառույց․ Գեղարքունիքում եւ Սյունիքում ձյուն է տեղում

ՃՈ-ն ուժեղացված ծառայություն է անցկացրել Երևանում, Արարատի և Սյունիքի մարզերում (տեսանյութ)

2020 թվականին պրոթեզավորվել է Արցախի և Հայաստանի գրեթե 850 քաղաքացի

Ջերմային ռեժիմը դպրոցներում և մանկապարտեզներում. այց կրթօջախներ՝ առանց նախազգուշացման

Երեւանցիները բողոքում են նոր տեղադրված վերելակների աշխատանքից, քաղաքապետարանը պարզաբանում է

Նախօրոք հայտարարված 100 վերելակի փոխարեն Երեւանում 2021-ին կտեղադրվի 300-ը

ԱԳ նախարարը Լավրովի հետ քննարկել է ռազմագերիների, պատանդների և պահվող այլ անձանց անհապաղ, անվտանգ հայրենադարձման հարցերը

Փոխվարչապետ Տիգրան Ավինյանի գրասենյակը պարզաբանել է գերիների թվական տվյալները չհրապարակելը. «Արմենպրես»

Ասեց գնում ենք Ղարաբաղ, արդեն տան տղեն դու ես, լավ կնայես տանեցիներին.ոստիկանության մայոր Վահե Ղազարյանը զոհվեց Շուշիում

«Այբ» կրթական հիմնադրամը երկու հայցադիմում է ներկայացրել վարչական դատարան

Ոստիկանության կրթահամալիրում տրվել է ապագա պարեկների ուսուցման մեկնարկը (տեսանյութ)

«Ո՞վ էր ուզում հաշիվները մաքրել փողոցում». Թովմասյանի գործով դատախազին բացարկ հայտնելու միջնորդությունը մերժվեց

Հայաստանի և Ռուսաստանի ՍԴ նախագահները քննարկել են պաշտոնական հարաբերությունների հետագա ամրապնդման հարցերը

Հաստատվել է ուսանողների ՄՈԳ-ի նվազագույն շեմը և ընդունելության մրցութային քննությունների արդյունքներով անցողիկ միավորը

Բնակարան Երեւանի Կենտրոնում, հողամաս, 2 ավտոմեքենա․ Էդուարդ Աղաջանյանի հայտարարագիրը

Մեղրիի Ազատ տնտեսական գոտում քննարկել ենք շուտափույթ գործարկման հնարավորությունները. Վահան Քերոբյան

Գրահրատարակչության ոլորտում առաքման նոր սակագներ կգործեն. քննարկում ԿԳՄՍՆ-ում

Ինչ ունեցվածք ունի առողջապահության նորանշանակ նախարար Անահիտ Ավանեսյանը

Հակակոռուպցիոն կոմիտեի տնօրենին նշանակելու է վարչապետը, սա մեզ համար անընդունելի է. Անի Սամսոնյան

Իրականացվել է մարտական հերթապահության հերթափոխ (լուսանկարներ)

Գյումրիում, Իջևանում, Վանաձորում մտահոգիչ պատկեր է արձանագրվել. ԱԱՏՄ

Արցախի ԱԺ-ում մշտական հանձնաժողովները քննարկել են 2021 թվականի ծրագրերն ու անելիքները

«Հարսանիք թիկունքում» ներկայացման էկրանավորման երեւանյան առաջին ցուցադրությունը կկայանա հունվարի 28-ին

Առողջապահության նորանշանակ նախարարի կենսագրությունը

Կիրականացվի ԶՈՒ պատվո պահակային վաշտի զորակոչիկների ընտրություն. ցանկացողները պետք է դիմեն զինկոմիսարիատներ

2021-ին Երեւանում հնարավոր կլինի գործարկել 250 մեգավատտ հզորությամբ գազային վառելիքով կոմբինացված ցիկլով էլեկտրակայան

Արթուր Աբրահամի կարիերայի 10 հիշարժան դրվագները․ նա հայտարարել է մարզական կարիերան ավարտելու մասին

COVID-19 պատվաստանյութերի անհավասար բաշխման պատճառով աշխարհը գտնվում է բարոյական անդունդի եզրին

Այսօրվանից դադարում եմ իրականացնել առողջապահության նախարարի մամուլի քարտուղարի պարտականությունները․ Ալինա Նիկողոսյան

Դուք շարունակում եք կատարել դեկորատիվ բարեփոխումներ․ ԱԺ-ում քննարկվեց հակակոռուպցիոն դատարաններ ստեղծելու նախագիծը

Վարորդ-սանիտար Հովիկ Մուսայելյանը, բարդ իրադրությունում վտանգելով կյանքը, տեղափոխել է վիրավոր զինծառայողներին