Հայաստանն ու Իրանը կխոցե՞ն իսրայելական անօդաչուներին. պատասխան Մոսկվային եւ Թել Ավիվին

Այս օրերին ընթանում էր ՀՀ ՊՆ նախարար Վիգեն Սարգսյանի պաշտոնական այցն Իրանի Իսլամական Հանրապետություն: Իրանագետներն այցը պատմական են համարում: Ընդգծում են, որ վերջին անգամ ՀՀ պաշտպանության նախարարը պաշտոնական այցով Իրան էր այցելել 7 տարի առաջ միաբերան կարծիք են հայտնում, որ այս այցի ընթացքում ռազմական համագործակցության ոլորտում կարեւոր պայմավորվածություններ կլինեն, որոնք հասկանալի պատճառներով գաղտնի կմնան:

Այցը մեծ ոգեւորություն եւ ակնկալիքներ է առաջացրել: Հատկապես, ուշադրություն է հրավիրվում այն հանգամանքի վրա, որ Պաշտպանության նախարարն այցելել է  «Իրանի  էլեկտրոնային արդյունաբերություն» ընկերությունը, որը  մասնագիտացած է պաշտպանական ոլորտի համար տեխնոլոգիական լուծումներ նախագծելու եւ իրականացնելու մեջ: ԶԼՄ-ներում պտտվում է տեղեկատվություն, որ ՀՀ զինված ուժերն ապրիլյան պատերազմի ժամանակ խոցված իսրայելական անօդաչու սարքերի վերաբերյալ ինչ-որ տեղեկատվություն են փոխանցել Իրանին:

Իրանագետներն էլ նշում են, որ Հայաստանն ու Իրանն իսրայելական անօդաչու թռչող սարքերի դեմ համատեղ պայքարի ծրագիր կարող են մշակել: Ի տարբերություն 7 տարի առաջ նույնանման այցի, այս անգամ երկու երկրների միջեւ ռազմարդյունաբերության ոլորտում համագործակցությունն առաջնային պլանում է: Չենք կարող ասել այցը որքանով է պատմական, բայց այս շեշտադրումն իսկապես աննախադեպ է:

Հունվարի 27-ի ասուլիսի ժամանակ Վիգեն Սարգսյանը խիստ ուշագրավ հայտարարություն արեց: Պատասխանելով ՌԴ-ից 200 միլիոն վարկով գնված սպառազինության վերաբերյալ հարցին, Սարգսյանն ասաց, որ դրա մեծ մասն արդեն գտնվում է Հայաստանում, մատակարարված է զինված ուժերին, ապա հավելեց. «Մենք նաեւ շարունակելու ենք երկխոսությունը ռուսական կողմի հետ այդ ծրագրի շարունակության վերաբերյալ, որովհետեւ իրականում, այն ինչ մենք ստանում ենք Ռուսաստանից մեր ՀԱՊԿ-ի շրջանակներում մեր փոխգործակցության հիման վրա՝ չի կարող լրացնել այն գերժամանակակից սպառազինությունների կարիքը, որ մեր զինված ուժերն ունեն:

Եւ, հետեւաբար, մենք փնտրում ենք բոլոր հնարավորություններն ինչպես ռուսական շուկայում, այնպես էլ այլ գործընկեր երկրների հետ`համալրելու մեր զինված ուժերն անհրաժեշտ սպառազինությամբ»:

ՊՆ նախարարն ասաց, որ գոյություն ունի նման սպառազինություններին ծանոթանալու նպատակով այցերի ժամանակացույց: «Դա մեր ծրագրի մեջ մտնում է, եւ ըստ ժամանակացույցի մենք անպայման այդպիսի այցեր կկազմակերպենք»:

Դժվար է ասել Իրանի այցն այս ժամանակացույցի մա՞ս էր, թե՞ ոչ: Ռազմական փորձագետները կպատասխանեն հարցին, թե որոնք են այն երկրները, որ կարող են ՀՀ-ին մատակարարել գերժամանակակից սպառազինությունների այն տեսականին, որ հնարավոր չէ լրացնել ՌԴ-ի հետ փոխգործակցության շրջանակներում: Բայց ՀՀ ՊՆ նախարարի նման հայտարարությունը եւ  Իրան կատարած նրա այցի նման շեշտադրումներն առնվազն տարօրինակ են հնչում:

Գուցե մենք ինչ-որ բան բաց ենք թողել, բայց չենք կարողանում հիշել, թե երբվանից է Հայաստանը սկսել գերժամանակակից սպառազինություն փնտրել ռուսական շուկայից դուրս, այլ երկրներում: Մինչ այժմ միջազգային փորձագիտական տեսակետը սույն հարցի շուրջ եղել է հետեւյալը. մի կողմից ղարաբաղյան հակամարտության կողմերին սպառազինություն մատակարարելը ՌԴ-ի մենաշնորհն է, մյուս կողմից՝ Հայաստանի հնարավորությունները թույլ էլ չեն տա այլ աղբյուրներից օգտվել:

Վիգեն Սարգսյանի վերոնշյալ հայտարարությունից մեկ շաբաթ առաջ Իլհամ Ալիեւը նույնպես խոսել էր սպառազինությունների իրենց բազան համալրելու մասին: Բայց նա, ի տարբերություն ՀՀ ՊՆ նախարարի, թիրախավորել էր ռուսական շուկան: «Այո, մենք բանակցություններ ենք վարում նոր գնումների վերաբերյալ: Ձեզ ավելի լավ է հայտնի, թե որքան զարգացած է ռուսական ռազմական արդյունաբերությունը: Մենք հետաքրքրված ենք հիմնականում ամենաժամանակակից պաշտպանական սպառազինություններով, նոր զենքերի ստեղծմամբ: Դա վերաբերում է ե՛ւ ուղղաթիռային տեխնիկային, ե՛ւ պաշտպանության համակարգերին՝ ամբողջ համալիրը: Դա մշտական գործընթաց է»,- Դավոսում «Ռիա Նովոստի»-ին ասել էր նա: 

Իսկ անցյալ դեկտեմբերի կեսերին Ադրբեջանում էր ՌԴ փոխվարչապետ Դմիտրի Ռոգոզինը, որի այցի օրերին «Կոմերսանտ»-ը գրեց, թե ի թիվս այլոց, քննարկվելու է նաեւ զենքի վաճառքի մասին նոր համաձայնագրերի հարցը:

ՀՀ իշխանությունները հրապարակայնորեն իրենց դժգոհությունը հայտնել են ռազմավարական գործընկերոջ կողմից հակառակորդին զենք վաճառելու վերաբերյալ: Պատասխանը եղել է մեկը` դա հակամարտության գոտում հավասարակշռությունը պահելու նպատակով է արվում: Սույն պատասխանը, իհարկե, Հայաստանին չի գոհացնում:

Այս համատեքստում, Վիգեն Սարգսյանի վերջին գործողությունները կարող են երկու կերպ մեկնաբանվել. կա՛մ դրանք ՌԴ-ի եւ Ադրբեջանի միջեւ նոր համաձայնագրերը խափանելու նպատակով են, շանտաժի նման մի բան, կա՛մ ամեն ինչ ՌԴ-ի հետ համաձայնեցված է, ինչպես օրինակ՝ Իրանի հետ համագործակցության խորացումը, որի  նպատակը կարող է լինել ադրբեջանաիսրայելական համագործակցությանը հակակշռելը:

Հ.Գ. Իրանի նախագահ Հասան Ռոհանիի դեկտեմբերյան այցի ժամանակ խոսք անգամ չգնաց ռազմական արդյունաբերության ոլորտում համագործակցության մասին: Նախագահների համատեղ հայտարարությունն առնչվում էր բազմաթիվ ոլորտներում համագործակցության ընդլայնմանը, բացի ռազմականից: Իրանի պաշտպանության նախարար Հոսեյին Դեհղանին, որը դեռեւս 2015թ.-ին էր խոստացել այցելել Հայաստանի, Ռոհանիի  պատվիրակության կազմում առհասարակ ընդգրկված չէր: Եւ, այնուամենայնիվ, եթե Վիգեն Սարգսյանի այցն իսկապես պատմական է եւ լուրջ հետեւանքներ է ունենալու, ապա դրա ուղղությունները պետք է որոշված լինեն Սարգսյան-Ռոհանի հանդիպման ժամանակ:

Տպել
14592 դիտում

Նավալնիին կալանավորելու որոշում է կայացվել տարօրինակ պայմաններում. նիստը ոստիկանական բաժանմունքում էր

ՃՏՊ Գյումրի-Ազատան ավտոճանապարհին․ կան տուժածներ

Մանկատան շրջանավարտներին բնակարանի գնման վկայագրի գործողության ժամկետը երկարաձգվել է

Հայաստանում համավարակի պայմաններում առկա ուսուցումը հիմնական ծավալով վերականգնված է

Վարդենյաց լեռնանցքը մերկասառույցի պատճառով դժվարանցանելի է բոլոր տրանսպորտային միջոցների համար

Երեւանի համար 20 և 21 մանկապարտեզներն ամբողջապես նորոգված և նոր կահավորմամբ իրենց դռներն են բացել փոքրիկների առջև

Երկրաշարժ Ջերմուկ քաղաքից 10 կմ արևմուտք․ էպիկենտրոնային գոտում ստորգետնյա ցնցման ուժգնությունը կազմել է 2-3 բալ

Ասկերանի շրջանային բաժնի պետն այցելել է անցակետեր

Կառավարության որոշումներով աճուրդի դրված պետական գույքերի համար դեռեւս գնորդներ չեն հայտնվել․ Բաբայան

Ապարան-Քուչակ ավտոճանապարհին տեղ-տեղ առկա է մերկասառույց․ Գեղարքունիքում եւ Սյունիքում ձյուն է տեղում

ՃՈ-ն ուժեղացված ծառայություն է անցկացրել Երևանում, Արարատի և Սյունիքի մարզերում (տեսանյութ)

2020 թվականին պրոթեզավորվել է Արցախի և Հայաստանի գրեթե 850 քաղաքացի

Ջերմային ռեժիմը դպրոցներում և մանկապարտեզներում. այց կրթօջախներ՝ առանց նախազգուշացման

Երեւանցիները բողոքում են նոր տեղադրված վերելակների աշխատանքից, քաղաքապետարանը պարզաբանում է

Նախօրոք հայտարարված 100 վերելակի փոխարեն Երեւանում 2021-ին կտեղադրվի 300-ը

ԱԳ նախարարը Լավրովի հետ քննարկել է ռազմագերիների, պատանդների և պահվող այլ անձանց անհապաղ, անվտանգ հայրենադարձման հարցերը

Փոխվարչապետ Տիգրան Ավինյանի գրասենյակը պարզաբանել է գերիների թվական տվյալները չհրապարակելը. «Արմենպրես»

Ասեց գնում ենք Ղարաբաղ, արդեն տան տղեն դու ես, լավ կնայես տանեցիներին.ոստիկանության մայոր Վահե Ղազարյանը զոհվեց Շուշիում

«Այբ» կրթական հիմնադրամը երկու հայցադիմում է ներկայացրել վարչական դատարան

Ոստիկանության կրթահամալիրում տրվել է ապագա պարեկների ուսուցման մեկնարկը (տեսանյութ)

«Ո՞վ էր ուզում հաշիվները մաքրել փողոցում». Թովմասյանի գործով դատախազին բացարկ հայտնելու միջնորդությունը մերժվեց

Հայաստանի և Ռուսաստանի ՍԴ նախագահները քննարկել են պաշտոնական հարաբերությունների հետագա ամրապնդման հարցերը

Հաստատվել է ուսանողների ՄՈԳ-ի նվազագույն շեմը և ընդունելության մրցութային քննությունների արդյունքներով անցողիկ միավորը

Բնակարան Երեւանի Կենտրոնում, հողամաս, 2 ավտոմեքենա․ Էդուարդ Աղաջանյանի հայտարարագիրը

Մեղրիի Ազատ տնտեսական գոտում քննարկել ենք շուտափույթ գործարկման հնարավորությունները. Վահան Քերոբյան

Գրահրատարակչության ոլորտում առաքման նոր սակագներ կգործեն. քննարկում ԿԳՄՍՆ-ում

Ինչ ունեցվածք ունի առողջապահության նորանշանակ նախարար Անահիտ Ավանեսյանը

Հակակոռուպցիոն կոմիտեի տնօրենին նշանակելու է վարչապետը, սա մեզ համար անընդունելի է. Անի Սամսոնյան

Իրականացվել է մարտական հերթապահության հերթափոխ (լուսանկարներ)

Գյումրիում, Իջևանում, Վանաձորում մտահոգիչ պատկեր է արձանագրվել. ԱԱՏՄ

Արցախի ԱԺ-ում մշտական հանձնաժողովները քննարկել են 2021 թվականի ծրագրերն ու անելիքները

«Հարսանիք թիկունքում» ներկայացման էկրանավորման երեւանյան առաջին ցուցադրությունը կկայանա հունվարի 28-ին

Առողջապահության նորանշանակ նախարարի կենսագրությունը

Կիրականացվի ԶՈՒ պատվո պահակային վաշտի զորակոչիկների ընտրություն. ցանկացողները պետք է դիմեն զինկոմիսարիատներ

2021-ին Երեւանում հնարավոր կլինի գործարկել 250 մեգավատտ հզորությամբ գազային վառելիքով կոմբինացված ցիկլով էլեկտրակայան

Արթուր Աբրահամի կարիերայի 10 հիշարժան դրվագները․ նա հայտարարել է մարզական կարիերան ավարտելու մասին

COVID-19 պատվաստանյութերի անհավասար բաշխման պատճառով աշխարհը գտնվում է բարոյական անդունդի եզրին

Այսօրվանից դադարում եմ իրականացնել առողջապահության նախարարի մամուլի քարտուղարի պարտականությունները․ Ալինա Նիկողոսյան

Դուք շարունակում եք կատարել դեկորատիվ բարեփոխումներ․ ԱԺ-ում քննարկվեց հակակոռուպցիոն դատարաններ ստեղծելու նախագիծը

Վարորդ-սանիտար Հովիկ Մուսայելյանը, բարդ իրադրությունում վտանգելով կյանքը, տեղափոխել է վիրավոր զինծառայողներին