Ռոման Ամոյանը կարիերայի ավարտի մասին. հիշարժան գոտեմարտերն անցկացրել է ադրբեջանցու դեմ

26/01/2017 schedule15:00

Պեկինի 2008 թ. Օլիմպիական խաղերի բրոնզե մեդալակիր Ռոման Ամոյանը, որը հայտարարել է մեծ սպորտից հեռանալու մասին, ամփոփեց մարզական ուղին: Այսօր՝ հունվարի 26-ին, լրագրողների հետ հանդիպման ժամանակ նա անդրադարձավ կարիերայի կարեւորագույն նվաճումներին ու բացթողումներին: Նա նշեց, որ թեեւ գոհ է իր հաջողություններից, կա մի մեդալ, որին այդպես էլ չի կարողացել հասնել:

«Ցանկացել եմ դառնալ օլիմպիական չեմպիոն: Ցավոք, ինչ-ինչ պատճառներով չստացվեց, որ այդ ուրախությունը ես վայելեմ, եւ մեր ազգը վայելի: Ամեն դեպքում, գոհ եմ իմ կատարած աշխատանքից, ուրախ եմ, որ կարողացել եմ բազմաթիվ մեդալներ նվաճել, ծածանել մեր եռագույնը տարբեր երկրներում եւ մեր երկիրը ճանաչելի դարձնել աշխարհում»,- ասաց նա:

Կարիերայի ընթացքում 33-ամյա Ռոման Ամոյանը բազմաթիվ հաղթանակներ է ունեցել եւ պարտություններ կրել: Դրանցից 2-ը, սակայն յուրահատուկ են: Պեկին 2008-ի կիսաեզրափակչում 55 կգ քաշային կարգում հանդես եկող Ամոյանը ոչ օբյեկտիվ մրցավարության պատճառով եզրափակչի ուղեգիրը զիջեց ադրբեջանցի Ռավշան Բայրամովին: Հաջորդ տարի աշխարհի առաջնության ժամանակ նա կիսաեզրափակչում վրեժխնդիր եղավ պարտության համար:

«Ադրբեջանցի ըմբիշ Ռավշան Բայրամովի դեմ 2 գոտեմարտերն են հիշարժան: Օլիմպիական խաղերում պարտվեցի նրան, եթե կարելի է դա պարտություն համարել, բայց հաջորդ տարի՝ 2009-ին, աշխարհի առաջնության կիսաեզրափակչում հաղթեցի եւ ապացուցեցի, որ նախորդ հաղթանակը նրան ուղղակի նվիրել էին, եւ այդպես էլ նրան ասել եմ: Ցավալին եղել է Օլիմպիական խաղերի այդ պարտությունը եւ ուրախալին՝ 2009 թ. այդ հաղթանակս»,- ասաց նա:

Ռոման Ամոյան ցանկացավ շնորհակալություն հայտնել բոլոր նրանց, ովքեր ըմբշամարտում անցկացրած 23-24 տարիների ընթացքում իր կողքին են եղել: Նա ընդգծում է, որ այդ բոլոր մարդիկ իրենց ներդրումն են ունեցել իր որպես մարզիկ կայացման հարցում:

«Երախտապարտ եմ իմ մարզիչներին՝ ընկեր Հարութին (խմբ. Հարություն Խաչատրյան), ցավոք նա այսօր մեզ հետ չէ, իմ սիրելի մարզիչներից մեկն է, ընկեր Համլետին (խմբ. Համլետ Հովհաննիսյան). փոքրուց մարզվել եմ նրանց մոտ: Շատ շնորհակալ եմ նրանց. նրանց շնորհիվ ես դարձել եմ Ռոման Ամոյան՝ բարձրակարգ, աշխարհահռչակ մարզիկ: Եվ, իհարկե, շնորհակալ եմ հավաքականի գլխավոր մարզչի՝ Լեւոն Ջուլֆալակյանին, նրա անձնակազմին՝ Էդուարդ Սահակյանին, Սամվել Գեւորգյանին, բոլոր այն մարզիչներին, որոնք իմ հետ աշխատել են, որոնք թեկուզ փոքր լումա են ունեցել իմ հաղթանակների մեջ: Շնորհակալ եմ նաեւ իմ մարզական ընկերներին, ղեկավարներին, ինչպես նաեւ լրագրողներին մեր հաղթանակները լուսաբանելու համար»,- ասաց նա:

Ռոման Ամոյանը դեռ չի որոշել ինչ է անելու ապագայում: Որոշ ժամանակ ցանկանում է հանգստանալ եւ ընտանիքի հետ լինել: Մարզչությամբ զբաղվելու առաջարկ չի ստացել եւ նման ցանկություն դեռ չունի էլ, թեեւ միշտ պատրաստ է օգնել երիտասարդներին:

«Հիմա ավելի շատ ժամանակս ուզում եմ տրամադրել ընտանիքիս երեխաներիս, որովհետեւ, երբ պրոֆեսիոնալ սպորտում էի, չէ կարողանում դա անել: Հիմա աշխատում եմ միշտ լինել նրանց հետ: Ցանկանում եմ երեխաներիս հետ կապված ամեն ինչին մասնակից լինել: Դեռ չեմ որոշել հետագա քայլերս, ժամանակը ցույց կտա: Ամեն դեպքում, եթե երիտասարդ սերնդի մարզիկներին օգնելու կարիք լինի, մեծ սիրով պատրաստ եմ»,- ասաց նա՝ ավելացնելով, որ գաղտնիքներ կան, որոնցով կկիսվի երիտասարդների հետ:

2015 թ. նույնպես տեղեկություններ էին տարածվել, թե Ամոյանը պատրաստվում է հեռանալ: Սակայն, ինչպես մարզիկն է նշում, այն ժամանակ դա վերջնական որոշում չի եղել: Նա պարզապես մտորել է այդ հարցի շուրջ, քանի որ իրեն անընդհատ հետապնդել են վնասվածքները: Այդ խոսակցություններից հետո նա շարունակեց մրցել, փորձեց Ռիո 2016-ում հանդես գալու իրավունք ստանալ, սակայն 2016 թ. մայիսին Թուրքիայում տեղի ունեցած վարկանիշային մրցաշարում պարտվեց հենց 1-ին գոտեմարտում:

Հանդես գալով 55 կգ քաշային կարգում 2008 թ. Պեկինի Օլիմպիական խաղերում Ռոման Ամոյանը նվաճել է բրոնզե մեդալ, 2009 թ. աշխարհի առաջնությունում դարձել արծաթե մեդալակիր, 2010 եւ 2013 թթ.՝ բրոնզե մեդալակիր: 2003, 2005, 2008 թթ. արծաթե մեդալ է նվաճել Եվրոպայի առաջնություններում: 2006 եւ 2011 թթ. Եվրոպայի առաջնություններում՝ կրկին 55 կգ քաշայինների պայքարում, դարձել է չեմպիոն: 2016 թ. Եվրոպայի առաջնությունում արծաթե մեդալակիր է դարձել արդեն 59 կգ քաշային կարգում:

Տպել
1243 դիտում

Վաղաշեն գյուղի ՃՏՊ-ի հետևանքով կան տուժածներ և մեկ զոհ

Կապույտ վառելիքը հասել է Մեղրի, սակայն դրանից օգտվելու ցանկություն քչերն ունեն

Նախադպրոցական կրթության ոլորտում էական ազդեցություն ունեցող մի քանի բովանդակային գործընթացներ են մեկնարկել․ Անդրեասյան

Արտակարգ պատահար Երևանում․ Կոտայքի բնակիչը «Մեգա մոլ»-ի դիմաց վրաերթի է ենթարկել հետիոտնին

Երևանում՝ «Վստրեչի» կամրջի մոտակայքում, մեքենաներ են բախվել․ կան տուժածներ

«Տաբուրետկաների» համար կռիվ տալն ինձ համար չէ, ում ուզում են, թող իմ փոխարեն նշանակեն, բացի Մամեդյարովից. Դավիթ Բաբայան

Արարատ Միրզոյանը Լոձում շեշտել է ՀՀ ինքնիշխան տարածքից ադրբեջանական ԶՈՒ-ի անվերապահ դուրսբերման հրամայականը

Ֆրանսիայի Ազգային ժողովը միաձայն ընդունել է Հայաստանին աջակցող և Ադրբեջանի նկատմամբ պատժամիջոցներ առաջարկող բանաձև

ԱԱ-2022. D խմբի հանդիպումներն ավարտվեցին

Երևանի քաղաքապետը մասնակցել է «Համայնքային զարգացման նորարարություններ» ֆորումին (տեսանյութ)

Համընդհանուր հայտարարագրման համակարգի ներդրումը ունենալու է էական հակակոռուպցիոն էֆեկտ․ Նիկոլ Փաշինյան

«Գրանդ Հոթելից»՝ մինչև ԱԺ, փողոց, ապա՝ տուն. Քոչարյանին իշխանության բերելու նպատակով ստեղծված պլատֆորմը քայքայվում է

Ադրբեջանի պաշտպանության նախարարության տարածած հաղորդագրությունն ապատեղեկատվություն է․ ՊՆ

Բազմապատիկ պատասխանատվությամբ շարունակելու եմ ծառայությունս պետական կառավարման համակարգում․ Դավիթ Գրիգորյան

Սուրեն Պապիկյանը հետևել է բնագծերում իրականացվող ամրաշինական, կահավորման և ինժեներական աշխատանքներին

Գորիսում, Սարավանի և Մեղրիի լեռնանցքներում ձյուն է տեղում, Նոյեմբերյանի, Դիլիջանի հատվածներում մառախուղ է

Երբեմն լավ չեն վերաբերվում, ուսուցիչը լիարժեք անդամ չի համարում. ՀՀ-ում ներառական կրթությունը, խնդիրներն ու բացերը

23 տոննա դիզելով բեռնված ավտոցիստեռնը շրջվել է․ իրանի քաղաքացի վարորդը հոսպիտալացվել է

Տիգրան Մանսուրյանը պարգևատրվել է ԵՊՀ ոսկե մեդալով (տեսանյութ)

Հայ խորհրդարանականները Լեհաստանում ընդգծել են Ադրբեջանում գտնվող հայ ռազմագերիների և այլ պահվող անձանց վերադարձի խնդիրը

Տեսչական մարմինների հետ կապված որոշակի գործընթացներ են մեկնարկել․ Արայիկ Հարությունյանը մասնակցել է ԲԸՏՄ խորհրդի նիստին

Արտակարգ դեպք Աշտարակում. թափառող շները հարձակվել են տարեց կնոջ վրա, նա հոսպիտալացվել է

ՀՀ փոխվարչապետը բարձր է գնահատել ՎԶԵԲ-ի աջակցությամբ Հայաստանում գործող ներդրումային խորհրդի ձևաչափը

Հրազդանի շենքերից մեկում բռնկված հրդեհը մարվել է

«Շուշանիկի նամակը՝ Վարպետին»․ պատմությանն անհայտ նամակն այսօրվանից գտնվում է Գյումրու Իսահակյանի տուն-թանգարանում

Մղարթ և Արդվի գյուղերում 43 տարի անլուծելի համարվող խմելու ջրի կենսական խնդիրը կմնա անցյալում․ Արեն Մկրտչյան

Անասունները տեղում մորթել, վաճառել են․ սպանդանոցների կեղծ փաստաթղթերի փաստով 10-ից ավելի քրեական վարույթ է նախաձեռնվել

Աշխատանքային այցով Գյումրիում է եղել ՀՀ առողջապահության նախարար Անահիտ Ավանեսյանը

Առաջիկա օրերին սպասվում է առանց տեղումների եղանակ, օդի ջերմաստիճանը 5-7 աստիճանով կնվազի

«Քաղաքացիական պայմանագիրը» կմասնակցի «Հայաստան» խմբակցության նախաձեռնած արտահերթ նիստին. Աղաջանյան

Երևանում վտանգավոր սննդամթերքի թողարկումը կասեցվել է

Ադրբեջանի պաշտպանության նախարարությունը շարունակում է ապատեղեկատվություն տարածել․ ՊԲ

Էդմոն Մարուքյանն արձագանքել է Ադրբեջանի արտաքին գործերի նախարարության հայտարարությանը

Ծխելու դեմ պայքարը՝ ավելի քիչ ռիսկային ճանապարհով

ԶՊՄԿ-ն հերքում է պոչամբարում վթարի մասին մամուլի հրապարակումները

Հերքում

Լեոնիդ Ազգալդյանի հուշարձանը վնասելու դեպքի նախաքննությունն ավարտվել է, գործը մտնում է դատական փուլ

Հայաստանում ռուսաստանցիների ժամանակավոր գրանցումների թիվը քառապատկվել է

ՀՀ մի շարք հատվածներում ձյան տեղումներ են, Սյունիքում՝ մառախուղ, կան փակ ճանապարհներ

Փոխվել են Հայոց ցեղասպանության թանգարանի աշխատանքային ժամերը