Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

«Ինչքան ես լսել եմ՝ ինքն (Հրայր Թովմասյանը-խմբ.) ասում է, որ ճնշում չկա, ես իրեն վստահում եմ էդ հարցում». «Իմ քայլը» խմբակցության պատգամավոր Նիկոլայ Բաղդասարյանն այսօր այսպես արձագանքեց լրագրողների հարցերին, թե արդյո՞ք ՍԴ նախագահ Հրայր Թովմասյանի նկատմամբ իրականացվողը ճնշում չէ նրա նկատմամբ:

Անդրադառնալով Թովմասյանի տարեց հորը ԱԱԾ հրավիրելուն՝ Բաղդասարյանը նկատեց. «Ո՞նց եք պատկերացնում. փաստի առթիվ ինչ-որ քրեական գործ է հարուցվել, պարզվել է, որ պաշտոնատար  անձը ձեռք է բերել գույք եւ գրանցել իր ազգականի անունով: Ի՞նչ պիտի անի էդ քննիչը՝ չգնա հարցաքննի, որ չդիտարկվի՞ ճնշում: Չգնա հարցաքննի եւ խախտի օրե՞նքը: Դա Քրեական դատավարության օրենսգրքի 86-րդ հոդվածի պահանջն է: Այսինքն երբ որ ի հայտ է գալիս հանգամանք, որ գույքը, որը կասկածելի աղբյուրից է ձեռք բերված՝ գրանցված է իքս անձի վրա՝ էդ իքս անձը պարտադիր պետք է հարցաքննվի: Եթե գույքը գրանցած լիներ ձեր կամ իմ վրա՝ քննիչը պարտավոր էր մեզ հարցաքննել, այդտեղ այլընտրանք չկա, դա օրենքի պահանջն է»,- ասաց պատգամավորը՝ հավելելով, որ եթե պարզվի՝ ոչ օրինական ճանապարհով է ձեռք բերվել գույքը՝ այն պետք է վերադարձվի պետությանը:

ԱԺ փոխնախագահ Ալեն Սիմոնյանն ի պատասխան Հրայր Թովմասյանի նկատմամբ հնարավոր ճնշումների մասին հարցերի՝ հիշեց ԵԿՄ նախկին նախագահ Մանվել Գրիգորյանին:

«Հիշո՞ւմ եք, երբ որ Մանվել Գրիգորյանի հետ կապված հայտարարությունը եղավ՝ հանրապետական կուսակցության կարկառուն ներկայցուցիչը ինչ հայտարարեց. որ սա հետապնդում է հերոսի նկատմամբ եւ հերոսի հետ կապված նման բաներն անընդունելի են: Ինձ թվում է նույն կինոյից է այս ամենը: Հայաստանի Հանրապետությունում եթե որեւէ մեկը որեւիցե օրենք չի խախտել, որեւիցե մտածելու բան ընդհանրապես չունի. դա վերաբերում է Հրայր Թովմասյանին, մնացած բոլոր մարդկանց»,- ասաց Սիմոնյանը:

Սիմոնյանի համոզմամբ՝ պետք չէ տեղ տալ հուզական ֆոնին՝ մոռանալով օրենքի մասին. «Բազմաթիվ դեպքեր գիտենք, որ պետական պաշտոնյաներն իրենց ունեցվածքը, ամեն ինչը գրանցել են իրենց զոքանչների, մամաների, պապաների, եղբայրների անուններով: Եթե այդպես է, ուրեմն պետք է իրավապահ մարմինները որեւէ ձեւով բան չանե՞ն, հա՞, ինչի՞ մասին է խոսքը: Ում անունով ուզում է գրանցած լինեն, եթե դա անօրինական է, նույնիսկ եթե էս մարդը 75 էլ չլինի, 95 լինի կամ 18 լինի, ի՞նչ տարբերություն: Ես մեծ հարգանքով եմ վերաբերվում յուրաքանչյուր ծնողի, բայց եթե պետական պաշտոնյան, անկախ նրանից, թե ով է՝ Տարոն Մարգարյանն է, Ալեն Սիմոնյանն է, Ռոբերտ Քոչարյանը, բան է գողանում պետությունից (պայմանական) ու գրանցում է իր 75-ամյա, կամ 18-ամյա տղայի անունով, իրավապահները պիտի ասեն՝ դե լավ, մեծ մարդ ա, չեթանք ու չհարցնե՞նք: Եկեք դուրս գանք էդ հուզական բանից»,- առաջարկեց ԱԺ փոխնախագահը:

Հիշեցնենք, որ այսօր ԱԱԾ-ում նախապատրաստված նյութերի հիման վրա բացատրություն են տվել Հրայր Թովասյանի դուստրերը եւ նրա 75-ամյա հայրը:

Տպել
1628 դիտում

Մայիսի 9-ի փողոցի տներից մեկում հրդեհ է բռնկվել. տուժածներ չկան

Ինֆարկտ տարած գյուղապետը հետ է վերցրել փաստաթղթերը. նախընտրական կրքեր գյուղերում

ԱԻՆ-ը կոչ է անում երթեւեկել բացառապես ձմեռային անվադողերով. սպասվում են տեղումներ ձյան տեսքով

Արշակունյաց պողոտայում ավտոմեքենա է այրվել. տուժածներ չկան

Արմեն Գրիգորյանը կմասնակցի ԱՊՀ անդամ երկրների ԱԽ քարտուղարների յոթերորդ ամենամյա հանդիպմանը

Էրդողանն անդրադարձել է ԱՄՆ Սենատում Հայոց ցեղասպանության բանաձևի վրա դրված վետոյին

Մ-2 ավտոճանապարհի Գորիս-Սիսիան հատվածում՝ դեպի Իշխանասար լեռ, բռնկված հրդեհն ինքնամարվել է (տեսանյութ)

Քաղաքապետը դեռեւս չի ստորագրել կենդանաբանական այգու տնօրենի ազատման դիմումը

Երևանի կենտրոնում կրակել են շան վրա. փամփուշտը դիպել է անմիջապես ողնաշարին

Ներկայացվել է «Հայաստանի էներգետիկ համակարգի նվազագույն ծախսերով 2020 – 2036 թվականների զարգացման պլան» հաշվետվությունը

ԱՄՆ կոնգրեսականները կոչ են արել վերանայել Ադրբեջանին հատկացվող ռազմական օգնության քաղաքականությունը

Հայաստան Մ-19 - Չեռնոգորիա Մ-19 հանդիպումն ավարտվեց ոչ-ոքի՝ 3:3 հաշվով. ՀՖՖ

Արթուր Դանիելյանը միացել է Հայաստանի Մ-21 հավաքականին. ՀՖՖ

Գյումրու դեպոյի մեքենավարները դիմել են ԱԱԾ, դատախազություն, ոստիկանություն (լուսանկարներ, տեսանյութ)

Փոխվարչապետ Տիգրան Ավինյանն ընդունել է Միջազգային գիտատեխնիկական կենտրոնի պատվիրակությանը

Խորհրդարանն առաջին ընթերցմամբ ընդունեց «օրենքով գողերին» քրեական պատասխանատվության ենթարկելու նախագիծը

Մաթեմատիկա, հայոց լեզու եւ պատմություն առարկաների ուսուցիչները աշխատանքի ընդունվելուց առաջ քննություն կհանձնեն

Շվեդ ուսանողները շրջել են խորհրդարանի շենքում. ԱԺ

Դպրոցում 6 քննություն հանձնելով՝ ընդունելության քննությունները, ըստ էության, վերանալու են. նախարարը՝ նոր նախագծի մասին

Վարչապետը հանդիպում է ունեցել ռուսական առաջատար ԶԼՄ-ների ներկայացուցիչների հետ