Լիխտենշտեյնի հետ ՀՀ ֆուտբոլի ընտրանու վիճակագրությունը վատը չէ, Ֆինլանդիայի հարցում շտկումներ են պետք

Հայաստանի ֆուտբոլի ազգային հավաքականը մոտենում է իր համար անչափ կարեւոր հանդիպումների: Հոկտեմբերի 12-ի ու 15-ի խաղերից հետո կամ կշարունակի պայքարը պատմական հաջողության՝ Եվրոպայի առաջնության ուղեգիր նվաճելու համար, կամ էլ հերթական անգամ կհիասթափեցնի երկրպագուներին: Եվրո 2020-ի ընտրական փուլի 7 եւ 8-րդ տուրերի շրջանակներում նախ հյուրընկալվելու է Լիխտենշտեյնին, ապա Ֆինլանդիային:

Հոկտեմբերի 12-ի մրցակցի հետ Հայաստանը 3 հանդիպում է անցկացրել: Այս պայքարում առավելությունը նրա կողմն է. 2 հաղթանակ եւ 1 ոչ-ոքի: Մրցակցի դարպասը խփել է 7 գնդակ: 3 անգամ հաջողության են հասել Լիխտենշտեյնի ֆուտբոլիստները: Այդ գոլերից 2-ը նրանք խփել են 2018 թ. նոյեմբերին՝ Ազգերի լիգայի խմբային փուլի վերջին խաղում, որն ավարտվել է ոչ-ոքի՝ 2:2:

Այս թիմերի միջեւ վերջին հանդիպումը Եվրո 2020-ի ընտրական փուլի 3-րդ տուրում էր: Այս տարվա հունիսին Երեւանի Վազգեն Սարգսյանի անվան «Հանրապետական» մարզադաշտում Հայաստանը 3 անպատասխան գնդակ ուղարկեց մրցակցի դարպասը: Այն ժամանակ աչքի ընկան Գեւորգ Ղազարյանը, Ալեքսանդր Կարապետյանը եւ Տիգրան Բարսեղյանը:

Լիխտենշտեյնի դեմ խաղից 3 օր անց Հայաստանը հյուր կգնա ուղեգրի համար պայքարի իր հիմնական հակառակորդին: Իտալիան J Խմբում մրցակցությունից դուրս է, հետեւաբար Հայաստանը պետք է փորձի իր տեղից հանել 2-րդ հորիզոնականում հանգրվանած Ֆինլանդիային: Այս ընտրանու հետ վիճակագրությունն այնքան էլ հաճելի չէ: Թիմերը հանդիպել են 5 անգամ: Հայաստանին միայն 1 անգամ է հաջողվել չպարտվել: Եվրո 2008-ի որակավորման փուլում սեփական հարկի տակ ոչ-ոքի՝ 0:0 է խաղացել: Մնացած 4 հանդիպումներում զիջել է: Հայաստանին ընդամենը 1 անգամ է հաջողվել խոցել մրցակցի դարպասը: Ֆինլանդիան այդ խաղերում աչքի է ընկել 8 անգամ:

Եվրո 2020-ի ընտրական փուլի՝ այս թիմերի առաջին հանդիպումը Երեւանում տեղի է ունեցել այս տարվա մարտին: Ֆինլանդիան հաղթել է 2:0: Դա Հայաստանի հավաքականի 2-րդ խաղն ու 2-րդ պարտությունն էր որակավորման փուլում: Այժմ ՀՀ-ն ավելի ինքնավստահ կարող է զգալ պատասխանատու հանդիպումներից առաջ. վերջին 2 խաղերից մեկում թեեւ Իտալիային տանը պարտվել է (1:3), սակայն արժանի հանդիպում է անցկացրել, իսկ դրանից հետո Բոսնիա եւ Հերցեգովինայի նկատմամբ նույնպես տանը հիանալի հաղթանակ է տարել 4:2 հաշվով՝ հույս արթնացնելով երկրպագուների մեջ, որ ընտրական այս ցիկլում հրաշք գործել հնարավոր է:

Առաջիկա հանդիպումներից առաջ J խմբի մրցաշարային աղյուսակն ունի հետեւյալ տեսքը.

1. Իտալիա 18 միավոր

2. Ֆինլանդիա 12 միավոր

3. Հայաստան 9 միավոր

4. Բոսնիա եւ Հերցեգովինա 7 միավոր

5. Հունաստան 5 միավոր

6. Լիխտենշտեյն 1 միավոր

Հայաստանի ֆուտբոլի ազգային հավաքականն արդեն սկսել է նախապատրաստվել խաղերին: Հոկտեմբերի 7-ից ուսումնամարզական հավաք է անցկացնում Երեւանի ֆուտբոլի ակադեմիայում: Այն տեւելու է մինչեւ հոկտեմբերի 10-ը: Այս խաղերում Հայաստանին չի կարողանալու օգնել թիմի ավագը. «Ռոմա»-ի կիսապաշտպան Հենրիխ Մխիթարյանը վնասվածք ունի, որի ապաքինման համար անհրաժեշտ է 3 շաբաթ:

Տպել
733 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց