Ցանկացած եռամսյակի երկրորդ ամիսը ամենապասիվ ամիսն է եկամուտների համար. ՊԵԿ նախագահ

09/07/2019 schedule13:15

Տարվա վերջում մենք կունենանք գերակատարում:

Լրագրողների հետ զրույցում ասաց ՀՀ պետական եկամուտների կոմիտե նախագահ Դավիթ Անանյանը:

«Մեր ներսում մենք մեզ հետ էլ համաձայն չենք, որովհետեւ պետական բյուջեի եկամտային մասի վերաբերյալ կանխատեսում անելու համար պետք է հատենք ընթացիկ տարվա մարտ-ապրիլը: Ֆիննախը, որն այդպիսի կանխատեսում է անում, ուղարկում է ՊԵԿ, կա մեթոդաբանական խնդիր: Կանխատեսումների համար բավարար հիմքեր չունենալով՝ ՊԵԿ-ը համաձայնել է կանխատեսման հետ: Հիմա ապրիլ-մայիս ամիսը ամփոփելիս գտնում ենք, որ պետք է լիներ ավելի շատ»,- ասաց Անանյանը:

ՊԵԿ նախագահի խոսքով՝ երրորդ եռամսյակի պակաս կատարողականը զրոյացվելու է չորրորդ եռամսյակում, եւ արդյունքում շուրջ 63 միլիարդի գերակատարում կլինի տարվա վերջում:

Անդրադառնալով հարկային եկամուտների աճին ՝ Անանյանն ասաց, որ գերակատարման բացվածքն ըստ գործոնների ներկայացնել չի կարող. «Պետք է գնանք տեսնենք, թե այս 6 ամսվա ՀՆԱ կառուցվածքում որ ոլորտներում ենք աճ ունեցել, որ ոլորտներն են հարկվել: ԱՎԾ-ն այս տեղեկատվությունը դեռ չի ամփոփել: Ինչ վերաբերում է վարչարարությանը, դա հարկային մարմինների ու հարկ վճարողների միջեւ հարաբերությունների ամբողջականությունն է: Այն ստուգող գործառույթ չունի միայն, իրազեկում է, սպասարկում»,- ասաց Դավիթ Անանյանը:

Վերջինս նշեց, որ չգրանցված աշխատողները հիմնականում մանր ու միջին բիզնեսում են, իսկ խոշոր բիզնեսում քիչ են պատահում չգրանցված մարդիկ:

«Օրինակ` հանրային սննդի ոլորտում ընդունված է, որ մատուցողներին որոշակի ժամանակով վերցնում են աշխատանքի ու մինչեւ ձեւակերպելը նրանք ներքին փորձաշրջան են անցնում: Եղել է, որ մտել ենք ստուգման, կա 50 աշխատակից, տեսնում ենք, որ անձը հայտարարագրել է 50-ին, բայց անուն-ազգանունները չեն բռնում: Քանակը հայտարարագրված է, բայց անձը՝ ոչ: Ռոտացիա է կատարվում, սա տեխնիկական որոշակի խնդիր է: Բայց օրենսդրության խնդիր էլ կա, պետք է նախօրոք հայտը ներկայացնես, նոր անձը մտնի աշխատանքի»,- ասաց Անանյանը:

Դավիթ Անանյանը նշեց, որ ստվերից աշխատողների դուրս բերման մեծ ծավալներ չեն սպասում, որովհետև ակնկալում են, որ հանրության մոտ իրավագիտակցության որոշակի բարձրացում է տեղի ունեցել, ու նրանք սկսել են գրանցել աշխատողներին: Իսկ մանր ու միջին բիզնեսը, ըստ ՊԵԿ նախագահի, ունի ցածր շահույթ ու դրա համար, ցավոք, շարունակվում են զարտուղի աշխատել:

Անդրադառնալով հարցին, թե ինչպես է, որ ապրիլին մայիսի համեմատ շուրջ 50 մլրդ-ով ավելի շատ գումար է հավաքագրել ՊԵԿ-ը, Անանյանը պատասխանեց. «Ամիսը նախորդ ամսվա հետ համեմատելը սխալ է: Ամիսը պետք է համադրել նախորդ տարվա նույն ամսվա հետ: Ցանկացած եռամսյակի երկրորդ ամիսը ամենապասիվ ամիսն է եկամուտների համար»,-եզրափակեց նա:

Տպել
3801 դիտում

Արագիլների անկման կապակցությամբ Հրազդան գետի, Հովտաշենին հարող ցամաքուրդային ջրերի նմուշառման աշխատանքներ են իրականցվում

ՔԿ պարզաբանումը՝ Սամվել Կարապետյանի եղբորորդու գործի վերաբերյալ

Փոխվարչապետ Տիգրան Ավինյանը հանդիպել է ՄԱԿ-ի գլխավոր քարտուղարի հատուկ հանձնակատարին

Բացի աշխատանքից՝ բարեկեցություն ստեղծելու այլ ճանապարհ չկա․ Նիկոլ Փաշինյան

Նեթանյահուն դարձել է Իսրայելի ամենաերկար պաշտոնավարած վարչապետը

Սեւանի ոստիկանները բացահայտել են ապօրինի ծառահատման դեպքը. վարորդը չի ենթարկվել ոստիկանների պահանջին

«Իմ քայլը հանուն Շիրակի» բիզնես համաժողովի ընթացքում ներդրումային ծրագրեր ներկայացրին մոտ 50 ընկերություններ եւ անհատներ

ՍԴ ոչ լեգիտիմ նախագահ Հրայր Թովմասյանը հայտարարում է, որ ՀՀԿ-ի դատավորներին չի կարելի փոխել

Սոս Սարգսյանը ոչ միայն մեծ արվեստագետ էր, այլեւ մեծ քաղաքացի․ Արմեն Սարգսյան

Էդմոն Մարուքյանն ԱՄՆ-ում խոսել է Հայաստանում իրականացվող բարեփոխումների մասին

Հայաստանի Հանրապետությունը պետք է վերագտնի արդյունաբերական երկրի իր երբեմնի փառքը. վարչապետ

ՄԻՊ-ն ամփոփել է Իջեւանի իրադարձություններն ու արձանագրված խնդիրները

Իշխանության ներկայացուցչի նկատմամբ բռնություն գործադրելու մեղադրանքով որոնվողին գտել են Ուջան գյուղում

Արդարադատության նախարարին կից հասարակական խորհրդի նիստում քննարկվել են դատական, հակակոռուպցիոն ոլորտների բարեփոխումները

Դատարանը վարույթ է ընդունել «Արմոս» ՍՊԸ-ի հայցն ընդդեմ պատգամավոր Գեւորգ Գորգիսյանի

Զարեհ Սինանյանը ՌԴ-ում ապրող հայ ակտիվ երիտասարդներին հրավիրեց սերտ համագործակցության

Դիզվառելիք տեղափոխող բեռնատարը Օձունի մոտ շրջվել է. 2 մարդ տեղափոխվել է Ալավերդու ԲԿ

Կոռուպցիոն համակարգին ուղղակիորեն կապված տնտեսական համակարգի հետ կոմպրոմիս չի լինելու․ վարչապետ (ուղիղ)

Անցնող շաբաթ հակառակորդը Արցախի դիրքապահների ուղղությամբ արձակել է 900 կրակոց

Ոստիկանները Երեւանի Կոմիտասի պողոտայից բերման են ենթարկել 31-ամյա գրպանահատի