Լոռու մարզպետը կրկին պարգեւատրել է իրեն ու մարզպետարանի բոլոր 138 աշխատակիցներին

Լոռու մարզպետ Անդրեյ Ղուկասյանը կրկին պարգեւատրել է իրեն ու մարզպետարանի բոլոր 138 աշխատակիցներին: Ապրիլի 12-ի թիվ 132 կարգադրության մեջ մարզպետը ղեկավարվել է աշխատանքային օրենսգրքի 219-րդ հոդվածի 1-ին կետի 2-րդ ենթակետով. «Պարգևատրումներ, դրամական խրախուսումներ և հատուկ վճարներ» հոդվածով նախատեսված միջոցների հաշվին 2019 թվականի առաջին եռամսյակում հատուկ առաջադրանքները և աշխատանքային պարտականությունները բարեխիղճ կատարելու համար պարգևատրել մարզպետին, մարզպետի խորհրդականներին, օգնականներին, մարզպետարանի գլխավոր քարտուղարի տեղակալին, վարչության պետերին և ներքին աուդիտի բաժնի աշխատակիցներին»: Մարզպետի կարգադրությամբ պարգեւատրվել են խորհրդականները, օգնականներն ու վարչության պետերը:

Լոռու մարզպետ Անդրեյ Ղուկասյանը ՀԺ-ի հետ զրույցում ասաց, որ պարգեւատրվել են ոչ միայն ինքն ու մարզպետարանի ղեկավար կազմը, այլ բոլոր աշխատակիցները. «Բոլորն են պարգեւատրվել, համացանցում տարածվում է միայն մարզպետի որոշումը, բայց աշխատակազմի քարտուղարի որոշում էլ կա, որով մյուս աշխատակիցներն են պարգեւատրվել»,-ասաց Ղուկասյանը:

Հարցին, արդյոք բյուջեն ուներ այդքան հնարավորություն պարգեւատրման համար այն դեպքում, երբ ամիսներ առաջ էին կրկին պարգեւատրվել, Ղուկասյանն ասաց. «Ունենք հատուկ պարգեւատրումների ֆոնդ, որ որ կարելի է ասել աշխատավարձի բարձրացում է, ամեն ամիս մենք 0.25 դրույքով կարող ենք բոլորին պարգեւատրել, բայց 3 ամիսը մեկ ենք որոշել տալ, ավելի շատ՝ 0,75-ի չափով: Տարվա ընթացքում դա միշտ լինելու է, մենք ունենք ֆոնդ, որ այդ ֆոնդը պետք է անպայման օգտագործենք, դա օրենքի պահանջն է, որ վերաբերվում է բոլոր մարզպետարաններին ու բոլոր պետական հիմնարկներին»,-ասաց մարզպետը, մեկ անգամ եւս կրկնելով, որ սա ոչ թե պարգեւատրում է, այլ աշխատավարձի բարձրացում, որը տարին մի քանի անգամ լինելու է. «Այդ գումարը հատուկ պարգեւավճարների համար է նախատեսված, բա հո մեզնից չենք հորինում: Տրամադրվում է, մենք էլ տալիս ենք»:

Մարզպետն ասաց նաեւ, որ պետության կողմից հատկացված այդ գումարը միայն պարգեւատրման համար է, այլ նպատակով չի կարող օգտագործվել:

Թե որքան գումար է ընդհանուր առմամբ հատկացվել պարգեւատրման համար, մեզ չհաջողվեց պարզել: Մարզպետարանից խոստացան հստակ թիվը նշել երկուշաբթի օրը: Պարգեւատրման մասին տեղեկատվությունը բուռն քննարկման առարկա է դարձել սոցիալական ցանցերում:

Մեր տեղեկություններով՝  պարգեւատրվել են գրեթե բոլոր  պետական կառույցները, մինչդեռ փաստորեն միայն Լոռու մարզպետարանն է շտապել տեղեկատվությունը հրապարակել, ինչն էլ այս դեպքում աղմուկ է բարձրացրել:

Տպել
1411 դիտում

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)

Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի

Ոստիկանները հայտնաբերեցին պոռնկությամբ զբաղվելու մեջ կասկածվող 28 կնոջ (տեսանյութ)