Վարդան Հարությունյանի նախկին խորհրդականն անգո՞րծ կմնա. ՊԵԿ-ում կրճատումներ կլինեն

Կառավարության այսօրվա նիստում որոշվեց լուծարել պետական եկամուտների կոմիտեի աշխատակազմի նախաբացթողումային հսկողության վարչությունը: ՊԵԿ-ում կառուցվածքային այս փոփոխության վերաբերյալ կառավարության որոշման նախագիծը գործադրին ներկայացրեց ՊԵԿ նախագահի տեղակալ Վախթանգ Միրումյանը՝ նշելով որ լուծարված վարչության գործառույթները համամասնորեն ամրացվում են կոմիտեի աշխատակազմի համապատասխան մաքսատուն-վարչություններին:

«Ներկայացված առաջարկություն, ըստ էության, հերթական կարեւոր քայլերից մեկն է հանդիսանում ՀՀ մաքսային սահմանով բեռների տեղափոխման գործընթացն առավել հեշտացնելու ուղղությամբ»,- ասաց Վախթանգ Միրումյանը՝ հավելելով, որ նախաբացթողումային հսկողության վարչությունը լուծարելով ձերբազատվում են ապրանքների, դրանց ուղեկցող փաստաթղթերի կրկնակի զննման հնարավորություններից: ՊԵԿ փոխնախագահը նկատեց, որ բիզնեսի համար կրճատվում է այդ գործընթացում ծախսվող ժամանակը: «Պարոն վարչապետ, համոզված ենք, որ այս առաջարկությունն էական, դրական ազդեցություն է ունենալու գործարար միջավայրերի վրա՝ այն կյանքի կոչելու առաջին օրվանից»,- ասաց ՊԵԿ նախագահի տեղակալը: Վարչապետ Կարեն Կարապետյանը ողջունեց այս նախաձեռնությունը:

Ոչ կառավարության այս որոշման նախագծից, ոչ էլ Վախթանգ Միրումյանի խոսքից հասկանալի չի դառնում, թե ի՞նչ ճակատագիր է սպասվում նախաբացթողումային հսկողության վարչության աշխատակիցներին: Պետական եկամուտների կոմիտեի տեղեկատվության եւ հասարակայնության հետ կապերի բաժնի պետ Նելլի Մանուչարյանից մեկնաբանություն չկարողացանք ստանալ, քանի որ մեր հեռախոսազանգերին նա չէր պատասխանում, իսկ վարչության աշխատակիցները սովորության ուժով առաջարկեցին՝ հարցերը գրավոր ներկայացնել: ՊԵԿ-ը Վարդան Հարությունյանի ղեկավարումից առաջ եւ իր ղեկավարման ժամանակ հարցերին բանավոր պատասխանելու պրակտիկա այդպես էլ ձեռք չբերեց: Մինչդեռ տեղեկատվության ազատության մասին ՀՀ օրենքը հատուկ սահմանել է բանավոր եւ գրավոր հարցումների ընթացակարգերը:

ՊԵԿ կառուցվածքի ուսումնասիրությունից պարզ է դառնում, որ լուծարված վարչության գործառույթները փոխանցվել են հյուսիսային, հարավային, արեւելյան եւ արեւմտյան մաքսատներ վարչություններին: Վարչություններն այժմ ունեն նոր անուն՝ մաքսատուն-վարչություն: Այս վարչության մեջ 4 առանձին ստորաբաժանումներն ունեն ղեկավարներ, ինչպես եւ ուներ ղեկավար նախաբացթողային հսկողության վարչությունը: Լուծարված վարչությունն իր մեջ ներառում էր թվով 9 առանձին բաժին: Ամեն բաժին իր հերթին ուներ ղեկավար, իսկ վարչությունը ղեկավարում էր Գեղամ Մովսիսյանը, որն ԱԱԾ-ի օպերից հասել էր «Գազպրոմ Արմենիա» ընկերության գլխավոր տնօրենի խորհրդականի, ապա լուծարված վարչության պետի պաշտոնին: Այսինքն՝ ՊԵԿ նախագահ Վարդան Հարությունյանի հետ միասին «Գազպրոմ»-ից էր եկել ՊԵԿ:

Եթե լուծարված վարչության գործառույթները փոխանցվել են մաքսատուն-վարչությանը, ապա տրամաբանական է, որ աշխատակիցները ոչ թե պետք է տեղափոխվեն մյուս վարչություն, այլ պետք է ազատվեն աշխատանքից: Բայց քանի որ նախաբացթողումային հսկողության վարչության պետը Վարդան Հարությունյանի կադրն է, ապա դժվար թե նա եւ նրա «մարդիկ» անգործ մնան: ՊԵԿ-ի արդյունավետության տեսանկյունից կրկնվող աշխատանք կատարող վարչության լուծարումը, բնականաբար խելամիտ որոշում է, սակայն կադրերի կրճատման կամ վերադասավորման գործընթացը չպետք է ծանոթ-բարեկամ սկզբունքով լինի, իսկ եթե այսպես չի իրականում, ապա այդ տեղեկատվությունը պետք է մաքսիմում հասանելի լինի:

Ի դեպ, ՊԵԿ-ի Արեւմտյան մաքսատուն-վարչության պետ Վլադիմիր Թամրազյանը նախկին վարչապետ Հովիկ Աբրահամյանի փեսան է: Թամրազյանը մինչ այս աշխատում էր որպես «Զվարթնոց» մաքսատան պետ: Հետաքրքիր է, այս վերադասավորման արդյունքնում նախկին վարչապետի փեսան կմնա՞ ՊԵԿ-ում, թե՞ ոչ:

Նյութը հրապարակվել է «Հայկական ժամանակ» օրաթերթի փետրվարի 2-ի համարում:

Տպել
3702 դիտում

77-ամյա Լաուրա Հայրապետյանը որոնվում է որպես անհետ կորած

Ո՞վ կփոխարինի Վազգեն Մանուկյանին. խորհրդի 2 նոր անդամի նշանակվելուց հետո վարչապետը ՀԽ նախագահի թեկնածու կառաջադրի

Փոխվարչապետ Տիգրան Ավինյանի գլխավորությամբ տեղի է ունեցել Էլեկտրոնային արդարադատության միջգերատեսչական հանձնաժողովի նիստ

ԱԻՆ - «JICA» համագործակցությունը շարունակվում է. ԱԻՆ

Ավանում ավտոտնակների տեղում եւ ինքնակամ զբաղեցրած տարածքներում խաղահրապարակ է կառուցվել (լուսանկարներ)

ՌԴ իրավապահ մամինները զբաղվում են Գ. Նժդեհի հուշատախտակի նկատմամբ կատարված միջադեպով. Մարիա Զախարովա

Վանաձոր-Դիլիջան ավտոճանապարհին՝ «Եղշատի մատեր» կոչվող հանդամասում, խոտածածկույթ է այրվել. ԱԻՆ

Հայաստանի Մ-21 ընտրանին 0։1 հաշվով պարտվեց Իռլանդիայի Մ-21 թիմին

ԿԳՄՍ նախարարի հրաժարականի պահանջով հանդես եկողների թվում շատ կոնկրետ քաղաքական կենտրոնների շահեր ներկայացնող մարդիկ կան

Մշակույթի և կրթության ոլորտերի մի խումբ գործիչներ հայտարարություն են տարածել՝ աջակցելով բողոքի ցույց անող երիտասարդներին

Բոլոր տեսակի ֆիլմեր էլ կարող են գոյություն ունենալ․ Միրզոյանը՝ Մել Դալուզյանի մասին պատմող աղմկահարույց ֆիլմի վերաբերյալ

Ռոբերտ Քոչարյանի պաշտպանը խնդրել է կարգապահական վարույթ հարուցել դատավոր Արմեն Դանիելյանի նկատմամբ

ՀՔԾ-ն ձերբակալել է նախկին պատգամավոր Ալիկ Պետրոսյանին եւ նրա որդուն

Վազգեն Մանուկյանի հայտարարություններն ընդգծված քաղաքական էին, նույնիսկ՝ կուսակցական. Արարատ Միրզոյան

Արարատ Միրզոյանը որոշել է ԲՀԿ-ական պատգամավոր Գեւորգ Պետրոսյանին ԱԺ-ում չզրկել ձայնի իրավունքից

Երեւանի Գումի շուկայի հարակից տարածքի տաղավարներից մեկում կասեցվել է թարմ մսի վաճառքը

Պաշտոնատար անձանց թողտվությամբ ոսկու հանքավայրը շահագործվել է՝ առանց հողի նպատակային նշանակությունը փոխելու. կա քրգործ

Կարող էինք մեր գործընկերներին խնդրել ներկա լինել քվեարկությանը, բայց որդեգրել ենք ոչ կուլիսային գործելաոճ․ Միրզոյան

Երիտասարդ կանայք հուշանվեր թղթադրամով գնումներ են կատարել. ոստիկանությունը ճանաչողներին խնդրում է արձագանքել (տեսանյութ)

ՀՀԿ-ն միացրել է «սպասման ռեժիմը»