Երևան
18 °C
Առողջապահության ոլորտում երբեմն տարօրինակ բաներ են կատարվում. Երեւանի «Նորք» հոգեբուժական կենտրոնի տնօրենի թափուր պաշտոնի համար անցկացված մրցույթը չկայացած է ճանաչվել ու հայտարարվել է նոր մրցույթ:
Եվ այս ամենը կարծես թե մի նպատակով` որպեսզի առողջապահության պաշտոնանկ արված փոխնախարար Գագիկ Միրիջանյանն ապահովվի մեկ այլ պաշտոնով:
Բայց ամեն ինչ սկսենք սկզբից: Երբ «Նորքի» տնօրեն Գագիկ Սայադյանն ազատվեց աշխատանքից, այդ պաշտոնում ժամանակավոր պաշտոնակատարի կարգավիճակով նշանակվեց Վաղինակ Հովհաննիսյանը: Հետո մրցույթ հայտարարվեց, որն անցկացվեց սույն թվականի սեպտեմբերին: Վաղինակ Հովհաննիսյանը մասնակցեց դրան ու հաղթող ճանաչվեց: Բայց ահա պաշտոնում նշանակում այդպես էլ տեղի չունեցավ: Ինչ-որ անհասկանալի պատճառաբանությամբ մրցույթը չեղյալ հայտարարվեց եւ արդեն դեկտեմբերի 27-ին կանցկացվի հոգեբուժական կենտրոնի տնօրենի թափուր պաշտոնը զբաղեցնելու համար նոր մրցույթ: Կասկածից վեր է, որ դրա արդյունքում ընտրվելու է հենց Միրիջանյանը:
Բայց մինչ մրցույթը կկայանա, նաեւ տեղի է ունեցել տնօրենի պաշտոնակատարի փոփոխություն: Համապատասխան լիազորությունները Վաղինակ Հովհաննիսյանի փոխարեն դրվել են առողջապահության նախկին փոխնախարար Գագիկ Միրիջանյանի վրա: Վերջինս, հիշեցնենք, փոխնախարարի պաշտոնից ազատվել էր առողջապահության նախարարի փոփոխությունից հետո, քանի որ Լեւոն Ալթունյանը նպատակ ուներ նրա փոխարեն տեսնել իր համար առավել ցանկալի ու վստահելի մարդու:
ՀՀ առողջապահության նախարարությունից գրավոր հարցմամբ փորձեցինք կատարվածի շուրջ ստանալ որոշակի պարզաբանումներ: Ամբողջությամբ սպառիչ պատասխաններ, սակայն, ըստ էության չտրվեցին: Որպես մրցույթի արդյունքները չեղյալ հայտարարելու պատճառ հղում է արվում «ծանր» իրավական ակտերի:
«Հայաստանի Հանրապետության առողջապահության նախարարության «Նորք» հոգեբուժական կենտրոն ՓԲԸ տնօրենի թափուր պաշտոնը զբաղեցնելու համար 2016 թվականի սեպտեմբերի 13-ին անցկացված մրցույթը չկայացած է համարվել Հայաստանի Հանրապետության առողջապահության նախարարի «Հայաստանի Հանրապետության առողջապահության նախարարության «Նորք» հոգեբուժական կենտրոն» փակ բաժնետիրական ընկերության տնօրենի թափուր պաշտոնը զբաղեցնելու համար 2016 թվականի սեպտեմբերի 13-ին անցկացված մրցույթը չկայացած համարելու եւ նոր մրցույթ անցկացնելու մասին» 2016 թվականի հոկտեմբերի 10-ի թիվ 3056-Ա հրամանով: Մրցույթը չկայացած է համարվել՝ նկատի ունենալով ՀՀ կառավարության 2011 թվականի հուլիսի 7-ի թիվ 992-Ն որոշման առանձին պահանջների չպահպանման հանգամանքը»,- կարդում ենք պատասխան գրության մեջ:
Կառավարության մեջբերված որոշումը վերաբերում է առողջապահական պետական հաստատությունների գործադիր մարմնի ընտրության կարգին: Իսկ թե այդ կարգի ո՞ր պահանջները չեն բավարարվել, ինչի պատճառով էլ անհրաժեշտություն է առաջացել նոր մրցույթ հայտարարելու, սույն գերատեսչությունից չեն մանրամասնել: Ի դեպ, նույն կարգը սահմանում է, որ թափուր պաշտոնի մրցույթում հաղթողի հետ նախարարը պետք է պայմանագիր կնքի եռօրյա ժամկետում:
«Նորք» հոգեբուժական կենտրոնի տնօրենի թափուր պաշտոնի մրցույթից հետո, երբ նախարարությունից պարբերաբար հետաքրքրվում էինք, թե ով է հաղթող ճանաչվել, այդ տեղեկատվության տրամադրումը շարունակ հետաձգում էին` ընդգծելով, որ նախարարը նրան նշանակելու համար երեք օր ժամանակ ունի: Այնինչ, նաեւ սահմանված է, որ մրցույթը կարելի է բողոքարկել դրա արդյունքները հրապարակվելուց հետո մեկ ժամվա ընթացքում: Ասել է թե` երբ նախարարությունը վկայակոչում էր եռօրյա ժամկետի մասին դրույթը, արդյունքները պետք է որ արդեն բողոքարկված լինեին կամ տեղի ունենար նշանակումը:
Ի դեպ, բողոքարկման հեղինակը Առողջապահության մեկ այլ փոխնախարար Տիգրան Սահակյանն է (ԱԺ նախագահ Գալուստ Սահակյանի որդին), որն ընդգրկված է եղել մրցութային հանձնաժողովի կազմում:
Առողջապահության նախարարությունից գրավոր խնդրել էինք նաեւ պարզաբանել, թե ինչու նոր մրցույթ անցկացվելուց առաջ որոշվեց նոր պաշտոնակատար նշանակել: Ինչպես նշեցինք, «Նորք» հոգեբուժական կենտրոնի տնօրենի պաշտոնակատարը Վաղինակ Հովհաննիսյանն էր, ու թվում է, թե մի կարճ ժամանակահատվածի համար պաշտոնակատարների փոփոխության անհրաժեշտություն չպետք է առաջանար: Բայց մեզանում ընդունված ավանդույթի համաձայն՝ «ընտրվելիք» թեկնածուն նախ տնօրենի պաշտոնակատար է նշանակվում: Առողջապահության նախարարությունից այդ մասին մեր հարցին պատասխանելով նշել են, որ փոփոխությունն արվել է` նկատի ունենալով ոլորտի առանձնահատկությունները, աշխատանքային ծանրաբեռնվածությունը, ինչպես նաեւ հաշվի առնելով աշխատանքներն առավել արդյունավետ համակարգելու եւ իրականացնելու անհրաժեշտությունը:
Երեկ հեռախոսակապ հաստատեցինք Վաղինակ Հովհաննիսյանի հետ` փորձելով անցկացված ու չկայացած համարված մրցույթի մասին մի քանի հարց ուղղել, նա ասաց, թե հարցազրույց տալ չի ուզում: Հաստատեց, սակայն, որ թափուր պաշտոնի նոր մրցույթին, որն արդեն հայտարարվել է, չի պատրաստվում մասնակցել:
Հայտնի է ընդունելության միասնական քննությունների 2-րդ փուլի հայտագրման վերջնաժամկետը․ հնարավոր է կիրառվեն մետաղորսիչներ
Տավուշի թեմի առաջնորդի գործառույթը աղոթելն է, ոչ թե ասֆալտին նստելը կամ պառկելը, ՀՀ-ի վրա հարձակում հրահրելը. Սուքիասյան
Բախվել են թիվ 18 երթուղին սպասարկող «Ժոնգ Տոնգ» և թիվ 1 երթուղին սպասարկող «ՄԱՆ» մակնիշի ավտոբուսները․ կա վիրավոր
Դուք չեք պատկերացնի՝ մեզ ինչքան էր պետք․ Գագիկ Սուրենյանը նոր գրառում է արել
Մարզային փրկարարական վարչությունների ղեկավարներին կարգադրվել է մարտական հաշվարկում ընդգրկել նաև ամենագնացները
Թուրքիան դադարեցրել է առևտրային հարաբերություններն Իսրայելի հետ
ՀՀ-Ադրբեջան սահմանազատման հանձնաժողովների վերջին պայմանավորվածությունն առաջընթաց է խաղաղության օրակարգում․ Բայրամով
Եղբայրները գումարային հարցի շուրջ վիճաբանել են 3 անձի հետ, որոնք հարվածներ են հասցրել, հետո դանակահարել նրանցից մեկին
Արարատ Միրզոյանի հետ հեռախոսազրույցից հետո Ուկրաինայի ԱԳ նախարարը գրառում է արել
Ինչեր են հայտնաբերվել կալանավորվածներից մեկի գուլպայից, մյուսի էլ՝ ծխախոտի տուփից
Ղրղզստանի ԱԳՆ-ն իր քաղաքացիներին խորհուրդ է տվել չմեկնել Ռուսաստանի Դաշնություն
Նոյեմբերին Ադրբեջանում խորհրդարանական ընտրություններ են անցկացվելու
Հայաստանը պետություն է, պետք է հասկանալ, որ մի խումբ անձինք չեն կարող խանգարել սահմանազատման գործընթացին. Իոաննիսյան
«Լադանիվա»-ի երկրորդ փորձը եվրատեսիլյան բեմում (լուսանկարներ)
Խոշոր բրենդներն անընդհատ ահազանգում են․ վարչապետին է ներկայացվել Մտավոր սեփականության գրասենյակի 2023-ի հաշվետվությունը
Արծվի թևեր կոչվող հատվածում նոր արագաչափ է տեղադրվել․ երբ կգործարկվի այն
Ուսուցիչը բռնություն է կիրառել տարրական դասարանների աշակերտների նկատմամբ․ Տիգրան Ավինյանը տեղեկությունը փոխանցել է ՔԿ-ին
Կենտրոն վարչական շրջանի ղեկավարն ազատվել է պաշտոնից
Արարատ Միրզոյանն ու Ուկրաինայի ԱԳ նախարարը տարածաշրջանային հարցեր են քննարկել
Երևանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
«Ուրալ»-ի վթարից տուժած 20 զինծառայողներից 8-ը դուրս են գրվել հոսպիտալից․ ինչ վիճակում են մյուսները
Գյումրիում մեկ ապաստարան կվերանորոգվի և կվերազինվի․ համագործակցության փաստաթուղթ է ստորագրվել
Տեղյակ լինելով «Ուրալ»-ի տեխնիկական խնդիրներից՝ թույլատրվել է մեքենայի երթը. զորամասի 2 պաշտոնատար անձ է կալանավորվել
Չայնիի ոլորաններում մեքենա է այրվել
Անթալիայում մեքենաներ են բախվել․ ինչով են զբաղված եղել տուժած զբոսաշրջիկները վթարի պահին
ԼՂ-ից բռնի տեղահանվածներին պետք է աջակցություն տրամադրել ոչ թե ըստ կարգավիճակի, այլ ըստ խոցելիության. Նանա Սկաու
ԵՄ-ն բարձր է գնահատում Հայաստանի և Ադրբեջանի սահմանին իրականացվող սահմանազատման առաջընթացը․ Պյոտր Միխալկո
Դոլարը կրկին էժանացել է․ ինչ փոփոխություններ է արձանագրել տարադրամի շուկան մայիսի 2-ին
Ամերիկյան կողմը պատրաստակամ է շարունակել աջակցությունը ՀՀ պաշտպանական բարեփոխումներին. Քվինը՝ Պապիկյանին
Ավտովթար Երևանում. բախումից հետո մեքենաներից մեկը կողաշրջվել է
Որևէ մեկը հող չի հանձնում, մենք սահման ենք գծում, դուք առաջարկո՞ւմ եք գնալ կռվի․ Սանոսյան
Կստեղծվի ՀՀ քննչական կոմիտեի փորձաքրեագիտական կենտրոն
Սպանություն Հրազդանի կիրճում գործող ռեստորանում․ 46-ամյա տղամարդ է կալանավորվել
Ամիօ բանկը մասնակցել է Career City Fest 2K24-ին
Գերմանիան և Եվրամիությունը խթանում են Հայաստանում կենսակայուն էներգարտադրությունը և համայնքային զարգացումը
Անահիտ Ավանեսյանի պաշտոնից ազատվելու լուրերը չեն համապատասխանում իրականությանը
17-ամյա պատանին հոր հետ միասին մահակով ծեծել է արագ վարելու համար իրեն նկատողություն արած քաղաքացիներին
Հայկական պատվիրակությունը Սաուդյան Արաբիայում միջազգային գործընկերների հետ քննարկել է երկկողմ համագործակցությունը
Հայ խորհրդականները Ֆրենկ Փըլոնի և Ջիմ Կոստայի հետ քննարկել են տարածաշրջանային զարգացումները
ՆԳՆ ոստիկանությունը «հատուկ գործողություններ» չի իրականացրել
© 2024 Հայկական ժամանակ