Մանկապարտեզի տնօրենին ազատում են ջեռուցման պատրվակով, իսկ շենքից պոկվող քարերը չեն նկատում

09/11/2016 schedule11:25

Գրչի մեկ հարվածով նախօրեին աշխատանքից ազատվել են երեւանյան երեք մանկապարտեզի տնօրեններ:

Նույն օրը քաղաքապետարանի տեղեկատվության եւ հասարակայնության հետ կապերի վարչությունը հայտարարել էր, որ քաղաքապետ Տարոն Մարգարյանը հանձնարարել է Արաբկիր եւ Աջափնյակ վարչական շրջանների ղեկավարներին աշխատանքից ազատել թիվ 28, 37 եւ 46 մանկապարտեզների տնօրեններին` այդ հաստատություններում անհրաժեշտ եւ համապատասխան նորմատիվներով ջեռուցում չապահովելու համար:

Երեկ այցելեցինք նշված մանկապարտեզներից երկուսը եւ երկուսի աշխատակիցներն էլ տարակուսած էին կատարվածից` հավաստիացնելով, որ խմբասենյակներում ջեռուցման խնդիր իրենց մոտ չի եղել: Արաբկիր վարչական շրջանում գտնվող համար 28 մանկապարտեզում ենթադրում էին, որ տնօրեն Սեդա Խաչատրյանն աշխատանքից ազատվել է ինչ-որ թյուրիմացության հետեւանքով: Ասում էին, որ շոկի մեջ են թե՛ իրենք, եւ թե՛ ծնողները: Պնդում էին, որ մանկապարտեզը սկսել է ջեռուցվել դեռ հոկտեմբերի կեսից ու որ ունեն կենտրոնացված ջեռուցման համակարգ:

«Բոլորը գիտեն, թե տնօրենը որքան նվիրված է իր աշխատանքին, երեխաներին: Սա թյուրիմացություն է: Մենք ոտքի ենք կանգնելու»,- ասաց դաստիարակներից մեկը: Թե ինչ դրսեւորումներ է դա ունենալու, մանկապարտեզի աշխատակիցները դեռ չէին մտածել: Այստեղ նաեւ նկատում էին, որ եթե այս ամենը նախընտրական քարոզչական նպատակ է հետապնդում ու քաղաքապետարանը ցանկանում է ցույց տալ, թե ինչքան սրտացավ են երեխաների համար ու առանց աչք թարթելու պատժում են նրանց առողջությունը վտանգողներին, ապա կարող էին ընտրել այնպիսի մանկապարտեզ, որտեղ իսկապես խնդիրներ կան:

Համար 46 մանկապարտեզի աշխատակիցներն էլ պատմեցին, որ ամեն ինչ սկսվել է մի անանուն հեռախոսազանգից: Ինչ-որ մեկը, ներկայանալով որպես ծնող, ասել է, թե տվյալ նախակրթարան հաճախող իր երեխան հիվանդացել է ու նաեւ հետաքրքրվել, թե արդյոք մանկապարտեզը ջեռուցվո՞ւմ է: Հեռախոսազանգին պատասխանող աշխատակիցը հայտնել է, որ թեպետ կենտրոնացված ջեռուցումը դեռ միացված չէ, քանի որ դրա համար հրաման պետք է լինի, բայց խմբասենյակները տաքացվում են էլեկտրական տաքացուցիչների միջոցով: Ավելի ուշ այստեղ պարզել են, որ զանգահարողը լրագրող է եղել, ու այդ թեմայով նրա պատրաստած տեսանյութն էլ պատճառ է դարձել, որ թիվ 46 նախակրթարանի տնօրեն Գայանե Աղաբեկյանն ազատվի աշխատանքից:

Համար 46 մանկապարտեզում անհասկանալի էր երեխաների նկատմամբ քաղաքապետարանի հոգատարության այս պոռթկումը: Այստեղ նկատում էին, որ տնօրենը բազմաթիվ գրություններով դիմել է Երեւանի քաղաքապետարան` հայտնելով, որ շենքի քարերը թափվում են, ու դրանք մի օր կարող են ընկնել երեխաների վրա, որ խարխլված են ու շարժվում են արդեն բավական հնացած պատուհանները, բայց խնդրի լուծմանն ուղղված որեւէ քայլ դրան այդպես էլ չի հետեւել:

Մեր զրույցում նույնպես աշխատակիցները կրկնեցին այն, ինչ հեռախոսով ասել էին անհայտ զանգահարողին, որ մանկապարտեզի ջեռուցումն ապահովվել է էլեկտրական տաքացուցիչների միջոցով: «Եթե ստուգեն մեր ծախսած էլեկտրաէներգիայի ցուցմունքները, ամեն ինչ պարզ կլինի, կտեսնեն, որ ծախսը շատ մեծ է»,- ասացին մանկապարտեզում: Արդեն նոյեմբերի 3-ին վերագործարկվել է կաթսայատունը: Այն, ի դեպ, մեկն է մանկապարտեզի ու մոտակա դպրոցի համար եւ կառավարվում է դպրոցի կողմից: «Ինչ իմանայինք, որ էս տարի ջեռուցումը շուտ է լինելու»,- նկատեց մանկապարտեզի աշխատակիցներից մեկը:

Մանկապարտեզի հարակից տարածքում մեզ հաջողվեց գտնել այս նախակրթարան հաճախող երեխաների ծնողների: Նրանք ասում էին, որ մանկապարտեզում ջեռուցման հետ կապված խնդիրների չեն բախվել: «Որ սառը լինի, ես երեխա կտանե՞մ, հարյուր հատ մանկապարտեզ էլ լինի»,- արձագանքեց նաեւ այդ առավոտյան երեքամյա թոռնիկին մանկապարտեզ ուղեկցած պապիկը: Գայանե Աղաբեկյանի մասին այստեղ ասում էին, որ նա չունի հզոր թիկունք, որեւէ հայտնի պաշտոնյայի կին չէ, ու թերեւս հենց այդ պատճառով էլ «ընտրությունը» կանգ է առել նրա վրա: Ի դեպ, կարծես նույն իրավիճակն է այդ ճակատագրին արժանացած նաեւ մյուս տնօրենների դեպքում:

Երեւանի քաղաքապետարանի իրավաբանական վարչության պետ Զավեն Առաքելյանից հետաքրքրվեցինք, թե հատկապես ինչ իրավական հիմնավորմամբ են աշխատանքից ազատվել վերոնշյալ մանկապարտեզների տնօրենները: «Որպես աշխատանքից ազատման հիմք վարչական շրջանների ղեկավարների կարգադրություններով նշվել է «Աշխատանքային օրենսգրքի» 122-րդ հոդվածի 2-րդ կետը, ըստ որի՝ գործատուն իրավունք ունի նույն օրենսգրքի 113 -րդ հոդվածի 1-ին մասի 6-րդ կետով նախատեսված հիմքով լուծել աշխատանքային պայմանագիրը վստահությունը կորցրած աշխատողի հետ, եթե «ուսումնադաստիարակչական գործառույթներ իրականացնող աշխատողը թույլ է տվել տվյալ աշխատանքը շարունակելու հետ անհամատեղելի արարք»:

Այսինքն` քանի որ տնօրենները սահմանված կարգին համապատասխան չեն կազմակերպել մանկապարտեզների` որպես կազմակերպությունների լիարժեք գործունեությունը, նկատի ունեմ, որ չեն ապահովել ջեռուցման հետ կապված նորմատիվները, այդ հիմքով նրանց ազատվելու մասին կարգադրություն էր ընդունվել վարչական շրջանների ղեկավարների կողմից»,- ասաց վարչության պետը:

Իսկ իրավական ինչ ակտերով է սահմանվում` որն է համարվում «աշխատանքը շարունակելու հետ անհամատեղելի արարք», թե՞ դա որոշելը թողնված է վարչական շրջանի ղեկավարի կամ քաղաքապետի հայեցողությանը` ըստ նրանց ճաշակի: Այս հարցին պատասխանելիս քաղաքապետարանի պաշտոնյան հիշատակեց տարբեր իրավական փաստաթղթեր` առանց որոշակի հոդվածների հղում անելու: «Տնօրենների աշխատանքային պարտականությունները սահմանվում են ինչպես իրենց հետ կնքած պայմանագրերով, այնպես էլ մանկապարտեզների` համայնքային ոչ առեւտրային կազմակերպությունների կանոնադրություններով, «Նախադպրոցական կրթության մասին» եւ «Պետական ոչ առեւտրային կազմակերպությունների մասին» օրենքներով: Այդ իրավական ակտերի վերլուծության արդյունքում տույժը կիրառվել է` հիմք ընդունելով Աշխատանքային օրենսգրքի 122-րդ հոդվածի 2-րդ կետը»:

Տպել
7553 դիտում

Դոնալդ Թրամփին մաղթում եմ շուտափույթ ապաքինում. Փաշինյան

Նիկոլ Փաշինյանը ներկա կգտնվի ֆուտբոլի Եվրոպայի առաջնության Իսպանիա-Անգլիա եզրափակիչ խաղին

Առաջիկա օրերին Հայաստանի մեծ մասում անձրևները կշարունակվեն, որոշ հատվածներում կարկուտ կտեղա

Թրամփի կողմնակիցներն ու կուսակցությունը հավատացած են՝ մահափորձի հետևանքով նա հաղթելու է ընտրություններում

Բարձր ենք գնահատում Ֆրանսիայի հետևողական աջակցությունը ՀՀ ինքնիշխանությանը և տարածքային ամբողջականությանը. Գրիգորյան

Վստահ եմ՝ մեր առանձնահատուկ հարաբերությունները կշարունակեն խորանալ գալիք տարիներին. Միրզոյան

Հայտնի է Թրամփի հանրահավաքի ժամանակ կրակոցներ արձակած անձի ինքնությունը

ԱՄՆ պետքարտուղարի տեղակալը հարգանքի տուրք է մատուցել Հայոց ցեղասպանության զոհերի հիշատակին

Ադրբեջանական որևէ հող չի գտնվում Հայաստանի հսկողության ներքո, որ Ադրբեջանն ուզենա հարձակվել. Իրանի դեսպան

ՀՀ վարչապետը տեսանյութ է հրապարակել տիկնոջ և կրտսեր դստեր հետ ուղևորությունից

Փրկարարները դուրս են բերել Դիլիջանում ձորն ընկած քաղաքացուն

40 տարվա մեջ առաջին անգամ Օլիմպիական խաղերը չեն ցուցադրվի Ռուսաստանում

Դանակահարություն Ջրվեժում. հիվանդանոց է տեղափոխվել 2 երիտասարդ

Ժիրայր Շաղոյանը տեղափոխվել է հունգարական Դեբրեցեն

10-12 ժամ ջուր չի լինի Երևանի որոշ հասցեներում ու մի շարք համայնքներում

Մարգարա-Վանաձոր-Տաշիր-ՀՀ սահման միջպետական նշանակության ճանապարհի մի հատվածը 2 ժամ փակ կլինի

Շնորհակալ եմ Հայաստանի առջև ծառացած մարտահրավերների ժամանակ մեր կողքին կանգնելու համար. Փաշինյանը՝ Մակրոնին

Մ-6 ավտոճանապարհից Դսեղ գյուղ տանող հատվածը փակ է

Վիգեն և Ժանեթ Քեշիշեաններն արժեքավոր ձեռագրեր են փոխանցել դեսպան Մակունցին՝ որպես նվիրատվություն Մատենադարանին

Թրամփի դեմ մահափորձ է իրականացվել, նա հեռացել է արնահոսող ականջով, կրակողը՝ ոչնչացվել (տեսանյութ, լուսանկարներ)

Այս վանքի նման վայրերի պահպանումը կարևոր դեր է խաղում ապագա սերունդների համար. Ուզրա Զեյան այցելել է Հաղպատ

Տավուշում հրդեհի վայրում հայտնաբերվել է 85-ամյա կնոջ մարմինը

Վարչապետ Փաշինյանն ընդունել է Պետքարտուղարի տեղակալ Ուզրա Զեյային

Այսօր պատգամավոր Մարիամ Պողոսյանի հարսանիքն է. ներկա են եղել նաև վարչապետն ու նրա տիկինը (տեսանյութ)

20-ամյա հղի կնոջ կրծքագեղձերը անբնական մեծացել են, հեռացվել է 20 կգ ուռուցք. բացառիկ վիրահատություն (լուսանկարներ)

Գրետա Վարդանյան. ով է Փարիզ 2024-ի պարալիմպիկ խաղերի ուղեգիր նվաճած առաջին հայ պարածանրորդը

Վրաստանի վարչապետը երկրի անդամակցությունը ՆԱՏՕ-ին իրատեսական է համարում

Բախվել են ավտոմեքենան ու մոպեդը. վերջինը կողաշրջվել է, օտարերկրացի մոպեդադավարը տեղափոխվել է հիվանդանոց

ՀՀ ԱԳՆ-ն Չեռնոգորիայի Պետականության օրվա առթիվ շնորհավորական ուղերձ է հղել

28-ամյա քաղաքացու ինքնասպանության փորձը կանխվել է

ԱՄՆ ՄԶԳ Եվրոպայի և Եվրասիայի բյուրոյի ղեկավարին է ներկայացվել կոռուպցիայի կանխարգելման թվային օրակարգը

Նիգերիայում դպրոց է փլուզվել. փլատակների տակ է մնացել 154 աշակերտ, կան զոհեր

Ինչ է կատարվել հայ-իրանական սահմանային անցակետում. ՆԳՆ-ն մեկնաբանել է Իրանի քաղաքացուն ծեծի ենթարկելու լուրերը

Ժաննա Անդրեասյանն Արարատում հետևել է դպրոցների շինաշխատանքներին. արձանագրված խնդիրների առնչությամբ հանձնարարական է եղել

Հայաստան-Չեռնոգորիա հարաբերությունները զարգացման և խորացման մեծ ներուժ ունեն. նախագահը ուղերձ է հղել Յակով Միլատովիչին

Սեփական տան ննջասենյակում տղամարդու դի է հայտնաբերվել, կողքին՝ որսորդական հրացան

Հայտնաբերվել են Մոսկվայի մարզում կործանված «Սուպերջեթ 100» ինքնաթիռի անձնակազմի մարմինները

Մեկնարկում են Տավուշի և Լոռու մարզերում ջրհեղեղից տուժածների աջակցության ծրագրերը. ովքեր և ինչպիսի փոխհատուցում կստանան

Իրանը կողմ է ուժեղ տարածաշրջանի ստեղծմանը, ողջունում է լարվածությունը նվազեցնելու անկեղծ ջանքերը. Մասուդ Փեզեշկիան

Առանց երկար, արհեստական եղունգների և ոչ միայն. ինչպես պետք է ներկայանա պացիենտի հետ անմիջական շփում ունեցող բուժաշխատողը