Գյումրիից՝ բացառապես Մոսկվա. «Պոբեդայի» ոդիսականը

Վերջերս ռուսական մեդիա դաշտ «արտանետված» տեղեկատվությունն առ այն, որ ՌԴ պետական «Աէրոֆլոտի» մաս կազմող «լոուքոստեր» «Պոբեդա» ավիաընկերությունը հրաժարվում է դեպի Երեւան չվերթներից՝ թանկության պատճառով, մեղմ ասած, կասկածելի է:

Նախ, կասկածելի է այն, որ ավելի վաղ ռուսական շուկայում լուրջ դիրքեր զբաղեցնող եւ մեծ ուղեւորահոսքեր տիրապետող ընկերությունը ստանում է Դոնի Ռոստովից Երեւան ավիափոխադրումներ կատարելու բոլոր թույլտվությունները, սակայն հետո, ըստ «Ռիա նովոստիի» տեղեկատվական արտահոսքի, հրաժարվում այդ ուղղությունից:

Ի՞նչ է, ավիաընկերությունը մինչ դեպի Երեւան չվերթների թույլտվություն ստանալը, հաշվարկներ չէ՞ր կատարել, բիզնես պլան չէ՞ր կազմել եւ արդյոք հաշվի չէ՞ր առել «Զվարթնոց» օդանավակայանի սպասարկման «դրակոնային» սակագները: Ավիաընկերությունից այդպես էլ ո՛չ հաստատեցին, ո՛չ էլ հերքեցին այս տեղեկատվությունը: Ընդհանրապես, այս ավիաընկերության՝ դեպի Հայաստան թռիչքների ճակատագիրը հետաքրքիր է, քանի որ այժմ էլ, համաձայն Հայաստանի Քաղաքացիական ավիացիայի գլխավոր վարչության, «Պոբեդան» ստացել է բոլոր թույլտվությունները եւ ծրագրում է չվերթներ իրականացնել Գյումրի-Մոսկվա եւ հակառակը:

Որքանո՞վ է Հայաստանը հետաքրքիր բյուջետային ավիաընկերություններին, ի՞նչ խնդիրներ կան այս ոլորտում եւ արդյոք ՀՀ կառավարության քայլերը՝ Գյումրին Վրաստանի Քութաիսի օրինակով դարձնել «լոուքոստերների» համար գրավիչ օդանավակայան, կտա՞ն արդյունքներ: «Ավիատրանս» ընկերության գլխավոր տնօրեն Տիգրան Աչոյանը երեկ մեզ հետ զրույցում ասաց, որ այդ տեղեկատվական արտահոսքը տարածողը լավ չի պատկերացնում ոլորտի նրբությունները եւ խնդիրները:

«Բանն այն է, որ ցանկացած բյուջետային ավիաընկերություն նախընտրում է թռիչքներ կատարել էժան ծառայություններ առաջարկող օդանավակայաններից: Նաեւ այդ պատճառով է, որ այդ ընկերությունները կարողանում են ավելի էժան տոմսեր առաջարկել ուղեւորներին: Հաճախ մենք օրինակ ենք բերում Վրաստանը, սակայն այստեղ էլ «լոուքոստերը» Քութաիսի է թռչում, այն չի գալիս Թբիլիսի: Գերմանիայում Ֆրանկֆուրտ չի գալիս «լոուքոստերը», այլ գնում է 160 կմ հեռավորության վրա տեղակայված՝ անունը մեզ ոչինչ չասող օդանավակայան: Այսինքն՝ ի սկզբանե «լոուքոստեր» ընկերությունը պիտի թռչեր Գյումրի: Բացի այդ, պետական մարմինները բավական ջանքեր են գործադրում, որպեսզի բյուջետային ավիաընկերություններին բերեն Գյումրի: Դրա համար 10 հազար դրամ օդի տուրքն են հանել: Դա պետական ծրագիր է եւ մշակված է կոնցեսիոների հետ համատեղ: Քննարկումներ էին գնում նաեւ «Wizzair»-ի հետ կապված, որը եւս ուղղված էր Գյումրիին»,- ասաց Տիգրան Աչոյանը:

Մեր հարցին՝ իսկ իշխանությունների կողմից արվող քայլերը բավարա՞ր են Գյումրիի օդանավակայանի զարգացման համար, Գյումրին շանս ունի՞ Քութաիսիի նման ուղեւորների մեծ ծավալներ սպասարկել, «Ավիատրանսի» տնօրենը պատասխանեց. «Որպեսզի Գյումրին դառնա Քութաիսիի նման օդանավակայան, Հայաստանը պետք է դառնա Վրաստանի նման երկիր, որը տարեկան շուրջ 5 մլն տուրիստ է ընդունում:

Սա ավելի համակարգային խնդիր է: Ենթադրենք ես ու դուք լավագույնս կառավարում ենք կամ բերել ենք աշխարհի լավագույն կառավարիչներին. եթե ուղեւոր չունենք կամ այդ ծավալները չկան, ունենք 200 հազար 2 մլն-ի փոխարեն, ինչպե՞ս դառնանք ինչ-որ բան: Վրաստանը 5 մլն տուրիստ է սպասարկում, բնականաբար Թբիլիսիի, Բաթումիի եւ Քութաիսիի օդանավակայանները լուրջ քանակ են սպասարկում: Իհարկե, Վրաստանում շատ են ցամաքային ճանապարհներով եկող տուրիստները, օրինակ՝ Հայաստանից ու Ադրբեջանից, սակայն այդ երկրի երեք օդանավակայանները միասին վերցրած սպասարկում են մեր երկու օդանավակայանների ծավալից մոտավորապես կրկնակի անգամ ավելի ուղեւոր: Եթե ոչ կոնկրետ կրկնակի, բայց մոտավորապես 80 տոկոսի տարբերություն կա ոչ հօգուտ Հայաստանի»:

Երբ հիշեցրինք, որ կառավարությունը բանակցություններ է վարում Եվրամիության հետ եվրոպական միասնական ավիատարածությանն անդամակցելու եւ ազատականացման վերաբերյալ համաձայնագիր կնքելու մասին, «Ավիատրանսի» տնօրենն ասաց, որ դրանք միմյանց հետ այդքան էլ սերտ կապ չունեն: Ըստ նրա, եթե ուղեւորների քանակ չեղավ, ավիաընկերությունը չի կարող էժան գին առաջարկել: «Պետք է «պատոկ»: Այսինքն՝ Երեւանից եվրոպական որեւէ ուղղություն, լինի Փարիզ, Վարշավա, Ամստերդամ եւ այլն, չկա այնպիսի հոսք, որը կբավարարի որեւէ բյուջետային ավիաընկերության պահանջներին: Հայաստանից միակ ուղղությունը, որը կարող է հետաքրքրել «լոուքոստերին»՝ Երեւան-Մոսկվան է: Երեւան-Մոսկվա ուղղության վրա օրական 11-12 չվերթ է կատարվում, եւ միջինը 2 հազար ուղեւոր ունենք:

Մնացած բոլոր ուղղություններով, նախարարը կասի, վարչության պետը, թե ինչ որ մեկը կառավարության նիստին հայտարարություն կանի կամ որեւէ լրագրող կգրի, հանկարծ չհավատաք, քանի որ մենք օբյեկտիվ սահմանափակումների մասին ենք խոսում: Ուստի պատահական չէ, որ Երեւան-Մոսկվա ուղղության վրա թռիչքներ կատարելու համար եկել է «Պոբեդան»: Այդ ընկերությունն ասում է՝ կթռչեմ Գյումրիից, քանի որ օդանավակայանը բոլոր պարամետրերով ավելի էժան է եւ այն օդի տուրքից ազատված է: Իսկ Գյումրիից թռիչքները լինելու են բացառապես Մոսկվա»,- ասաց Աչոյանը: 

Տպել
5773 դիտում

Դոլարի ու եվրոյին փոխարժեքները շարունակում են նվազել

ՏԿԵ փոխնախարարը և Ասիական զարգացման բանկի ներկայացուցիչներն անդրադարձել են Իսակովի-Արշակունյաց հանգույցի մանրամասներին

Ինֆեկցիոն հիվանդությունների ազգային կենտրոնն այժմ գործում է նոր հասցեում

Ականատես եղա տարբեր տեղաբաշխվածություն ունեցող ինչ-որ անհայտ ծագման սենյակների․ Շիրակի մարզպետն այցելել է Բերդաշեն

Հրդեհ է բռնկվել Արագածոտնի մարզի Աստվածընկալի ձորում

Քննարկվել է 2024 թվականին քիք-բոքսինգի աշխարհի առաջնությունը Հայաստանում ընդունելու հնարավորությունը

Ադրբեջանական ագրեսիայի հետևանքով ավելի քան 1400 երեխայի հիմնարար իրավունք է խախտվել․ ՄԻՊ-ը՝ ԵԽ ներկայացուցիչներին

Շոկի մեջ ենք, ուշքի չենք գալիս․ երեկ գտնված զինծառայողի հարազատները դեռ չեն հանդիպել տղայի հետ

Ամենաբարձր մակարդակներում և դիվանագիտական խողովակներով անում ենք ամեն ինչ՝ թույլ չտալու ուժի կիրառումը․ Լին Թրեյսի

Չնայած փոխվեց պատվիրակության այցի բնույթը, սակայն կարևոր էր չընդհատել հայաստանյան այցը․ Ժիլբեր-Լյուկ Դըվինազ

53 տեղամասերի քվեարկության արդյունքների վերահաշվարկն ավարտվել է․ ԿԸՀ

Երևանում տեղի է ունեցել ՀՀ և ՌԴ ԱԳ նախարարությունների հյուպատոսական խորհրդակցություններ

Առաջարկ չեմ ստացել. Գրիգոր Մինասյանը՝ արդարադատության նախարար նշանակվելու մասին

ՀՀ նախագահ Վահագն Խաչատուրյանը պետական բարձր պարգև է հանձնել բժշկագիտության դոկտոր Ռոջեր Օհանեսյանին

Նախատեսվում է Երևանում ձևավորել երկու նոր՝ քրեական և քաղաքացիական դատարաններ

«Երևանի ալրաղաց»-ի տարածքում ցորենի պահեստարաններ են ապամոնտաժվելու․ ԱԻՆ-ը խնդրում է չանհանգստանալ

Լսելով հարցը՝ ծիծաղեց. Ավինյանն անհեթեթություն է համարում լուրերը, թե ինքն է միջամտել, որ «ՏԻՄ տելեկոմ» կապն ընդհատվի

Վթարային ջրանջատում Երևանի Շենգավիթ վարչական շրջանում

Սոթքի բնակչի ոչխարները գողացել են

Քննարկվել են Հայաստանում արևմտահայերենի դասավանդման և տարածման հեռանկարները

ՀՀ ԱԳ նախարարը ֆրանսիացի սենատորներին է ներկայացրել ադրբեջանական ագրեսիայի հետևանքով ստեղծված իրավիճակը

Ավտովթարը տեղի է ունեցել ոչ իմ մեղքով, շուտով կվերադառնամ աշխատանքի․ Թալինի համայնքապետը մանրամասնել է կատարվածը

Ֆրանսիան շարունակելու է լինել Հայաստանի կողքին․ ՀՀ նախագահը հանդիպել է Ժիլբեր-Լյուկ Դըվինազի հետ

Երկու անձի մեղադրանք է ներկայացվել պարեկներին կաշառք առաջարկելու համար. նախաքննությունն ավարտվել է

Ռուսաստանի և Ադրբեջանի ԱԳ նախարարները հեռախոսազրույց են ունեցել

Ֆրանսիայի պաշտպանության նախարարը վերահաստատել է իր երկրի դիրքորոշումը՝ ադրբեջանական զորքը պետք է դուրս բերվի ՀՀ տարածքից

Ալավերդի համայնքում ընտրությունների արդյունքներով հաղթողը չորոշվեց. Արեն Մկրտչյան

Մոսկվայում ԱՄՆ դեսպանատունը կոչ է արել իր քաղաքացիներին անհապաղ լքել Ռուսաստանը

ՄԻՊ-ը ՄԻԵԴ նախագահին է տրամադրել Ադրբեջանի կողմից Հայաստանի վրա հարձակման հետևանքների վերաբերյալ արտահերթ զեկույցը

Իրանն առաջարկել է հարթակ դառնալ հայ-ադրբեջանական բանակցությունների համար

Ադրբեջանի հարձակումից վիրավորված, զոհված և անհետ կորած անձանց ընտանիքներին աջակցություն կտրամադրվի. նախագիծ

Արմավիր քաղաքի 4 փողոցում ընթանում են ասֆալտապատման աշխատանքներ

Արցախը բանակցային գործընթացից դուրս թողած մարդը հայտնում է, թե Արցախի ժողովրդի ձեռքին է փրկության բանալին. Բաբաջանյան

Նիկոլ Փաշինյանը կարևորել է միջազգային դիտորդական առաքելության գործուղումն ադրբեջանական օկուպացիայից տուժած շրջաններ

Միջազգային կապուղիների խափանման պատճառով ՀՀ բաժանորդների մի մասը զրկվել է ինտերնետ հասանելիությունից

ՀՀ վարչապետի գլխավորությամբ քննարկվել է 2023-ի պետբյուջեի նախագծի մակրոտնտեսական, հարկաբյուջետային և ծախսային շրջանակը

Գիշերը կանխվել է 29-ամյա տղամարդու ինքնասպանության փորձը Երևանի Հաղթանակ կամրջից

6454 երեխայի արդեն իսկ նշանակվել է երրորդ և հաջորդ երեխայի ծնունդով պայմանավորված՝ 50.000 դրամ աջակցություն

Դեսպան Իգիթյանը Էստոնիայի նախագահին է ներկայացրել Հայաստանի ինքնիշխան տարածքի նկատմամբ Ադրբեջանի ագրեսիայի հետևանքները

Թուրքական պատվիրակությունը ԱՄՆ-ում է՝ F-16 կործանիչների հարցով բանակցելու համար