Կոալիցիա` 3-ից ոչ ավել ուժերով. արմատական փոփոխությունների շուրջ որոշ համաձայնություն կա

13/01/2016 schedule13:00

Հաշված օրեր անց խորհրդարանական ուժերը նստելու են բանակցությունների՝ քննարկելու Ընտրական օրենսգրքի արմատական փոփոխությունների սխեման:

Երեկ մեզ հայտնի դարձավ, որ մի շարք առանցքային հարցերի շուրջ որոշակի նախնական համաձայնություններ արդեն ձեռք են բերվել:

Ամենավիճահարույց հարցը, որը, ըստ ընդդիմադիր քաղաքական ուժերի, իշխանության վերարտադրության խնդիրն էր լուծելու, կարծես թե հստակեցվում է: Խոսքը նոր Սահմանադրության 89-րդ հոդվածի մասին է, որտեղ ամրագրված է, որ Ընտրական օրենսգիրքը պետք է երաշխավորի խորհրդարանական կայուն մեծամասնություն, որն էլ վարչապետի թեկնածու առաջադրելու եւ կառավարություն ձեւավորելու իրավունք է ստանալու:

ԱԺ ՀՅԴ խմբակցության պատգամավոր Արծվիկ Մինասյանը երեկ մեզ հետ զրույցում հայտնեց, որ իրենց առաջարկած տարբերակով, ԱԺ մեծամասնությունը առկա կհամարվի, եթե ընտրության արդյունքում որեւէ քաղաքական ուժ կամ նախընտրական դաշինք ստացել է ընտրողների 50+ 1 տոկոս ձայնը կամ մանդատների 50+ 1 տոկոսը: Եթե որեւէ ուժ այդքան ձայն չհավաքի, ապա ընտրությունից հետո որոշակի ժամկետում, օրինակ, 14 օրվա ընթացքում կարող է ձեւավորվել քաղաքական կոալիցիա:

Նախընտրելի է համարվում, որ կոալիցիան ձեւավորեն 3-ից ոչ ավելի ուժեր եւ այս դեպքում ֆիքսվի, որ 3 ուժ միասին ունենան 54 մանդատ եւ 3-ի համատեղ մանդատների հանրագումարը ավելին չլինի, քան ընդհանուր մանդատների 2/3-րդն է: «Ինչու այդքան, որպեսզի ապահովվի Սահմանադրությամբ ընդդիմությանը վերապահված որոշակի վերահսկողական լծակների արդյունավետ իրականացումը: Դրանք վերաբերում են թե՛ սահմանադրական կարգով օրենքների բողոքարկմանը, թե կառավարությանը անվստահություն հայտնելուն, թե կառավարության որեւէ անդամի նկատմամբ պաշտոնանկության գործընթաց սկսելուն, եւ թե Քննիչ հանձնաժողով ձեւավորելու իրավասություններին»,- բացատրեց Արծվիկ Մինասյանը:

Ըստ նրա, եթե որեւէ ուժ չի կարողանում հավաքել 50+1 տոկոս ձայն կամ 14 օրվա ընթացքում վերոնշյալ պայմաններով կոալիցիան չի ձեւավորվում, ապա այդ դեպքում անցկացվում է ընտրությունների 2-րդ փուլ, որին կարող են մասնակցել 5 տոկոս անցողիկ շեմը հաղթահարած կուսակցությունները, կամ 7 տոկոսը հաղթահարած նախընտրական դաշինքները:

2-րդ փուլից առաջ եւս կարող են ձեւավորվել նոր դաշինքներ եւ 1-ին փուլում ասենք, 2-րդ, 3, 4-րդ տեղերը գրավածները կոալիցիա ձեւավորելու դեպքում կարող են դուրս թողնել 1-ին տեղը գրաված ուժին: «Այսինքն, ցանկացած կոմբինացիա, բայց պայմանը հետեւյալն է, որ ներառյալ 3 ուժերը պետք է միասին տիրապետեն պատգամավորական տեղերի առնվազն 54 տոկոսին, որ կայուն ԱԺ մեծամասնությունը համարվի ձեւավորված ու կարողանան կառավարություն ձեւավորել»,- ասաց Արծվիկ Մինասյանը:      

Ընտրատարածքները քչանում են

Նոր Ընտրական օրենսգրքով 41 ընտրատարածքի փոխարեն առաջարկվում է ձեւավորել առավելագույնը 14 ընտրատարածք կամ որ նույնն է՝ ընտրատարածքի մեծությունը ընդլայնվում է: Օրինակ, եթե այսօր մի ընտրատարածքի ընտրողների թիվը 50-60 հազար է, պետք է դառնա առնվազն 150-200 հազար:

Հիշեցնենք, նոր Սահմանադրությամբ անցում է կատարվում 100 տոկոս համամասնական ընտրակարգին, որի բազմաթիվ տարատեսակներ կան: «Մենք կարծում ենք, գերակշիռ տեղ պետք է գրավի պարզ համամասնական ընթացքը, ընտրողը առաջին հերթին ընտրի կուսակցությանը, հետո իր հայեցողությամբ վարկանիշային քվեարկությամբ դասավորվածություն ձեւավորի ի սկզբանե կուսակցության ներկայացրած ցուցակում: Այսինքն, եթե լինելու է ռեյտինգային քվեարկություն, ապա ռեյտինգի ազդեցությունը կիսով չափ նվազի: ՀՅԴ-ն առաջարկում է հետեւյալը՝ ընդունենք, Հայաստանը բաժանվում է 13 կամ 14 ընտրատարածքների, ի տարբերություն այսօրվա գործող 41-ի, յուրաքանչյուր տարածքում X կուսակցությունը առաջադրում է որոշակի պատգամավորների թեկնածություններ՝ ցանկով:

Ընտրողը պետք է ընտրի նախ՝ կուսակցությունը եւ եթե ուզում է, կարող է ընտրել այդ կուսակցության տվյալ տարածքում առաջադրված որեւէ թեկնածուի: Երբ արդյունքներն ամփոփվում են, ամբողջ Հայաստանի տարածքով որոշվում է, թե X կուսակցությունը ինչքան մանդատ ստացավ, այդ մանդատների 50 տոկոսը բաժին է հանում մեծ ցանկին, որ կուսակցությունը ի սկզբանե հրապարակել է, մնացած 50 տոկոսը, թե որ տարածքներն են, որ առավել մեծ թվով ձայներ են տվել եւ այդ ձայներին համապատասխան՝ որքան մանդատ է այդ տարածքը ստանում: Նոր դրանից հետո որոշվի, թե այդ տարածքում այդ մանդատները ում են բաժին հասնում՝ կոնկրետ անձի տեսակետից, ով է այն անձը կամ անձինք, ովքեր ավելի մեծ քվեարկության արդյունքում վստահության քվե են ստացել ընտրողների կողմից»,- ասաց Մինասյանը:

Ի դեպ, ՀՅԴ-ն առաջարկել է նաեւ հասանելի դարձնել ընտրությանը մասնակցած անձանց ցանկը, որպեսզի հանրության կողմից պատշաճ վերահսկողություն իրականացվի ընտրական գործընթացի նկատմամբ: Հիշեցնենք, տեւական ժամանակ ընդդիմադիր քաղաքական ուժերը պահանջում էին ընտրություններից հետո հրապարակել ընտրություններին մասնակցած անձանց ցուցակները, ինչը, սակայն, իշխանությունները համառորեն հրաժարվում էին անել: Ըստ Արծվիկ Մինասյանի, այս պահի դրությամբ սույն առաջարկները կարծես թե երկկողմանի ընդունելի են, բացառությամբ առանձին մանրամասների, որոնք քննարկման փուլում են: «Թույլ տվեք չհրապարակել դրանք, քանի դեռ հստակեցումներ չկան»,- ասաց Մինասյանը:

Քննարկվում է նաեւ ընտրությունների ժամանակ միասնական փաստաթուղթ կիրառելու հարցը: Հիշեցնենք, հանրաքվեի ժամանակ բացի անձնագրերից, լայնորեն կիրառվեցին նաեւ նույնականացման քարտերը, որոնց միջոցով էլ տեղի ունեցան հիմնական ընտրակեղծիքները:

Տպել
2936 դիտում

Մհեր Գրիգորյանը մասնակցել է ԵԱՏՀ խորհրդի նիստին

Ռուբեն Հախվերդյանը խորհրդարանական ընտրություններին կմասնակցի Տիգրան Խզմալյանի հետ

ՀԱԿ-ը մասնակցելու է ընտրություններին. Տեր- Պետրոսյանը կգլխավորի ընտրական ցուցակը. հայտնի է՝ ով կղեկավարի ընտրական շտաբը

Հայաստանը միջպետական գանգատ է ներկայացրել ՄԻԵԴ ընդդեմ Թուրքիայի

Պատվաստվել են Առողջապահական և աշխատանքի տեսչական մարմնի աշխատակիցները

Պաշտպանության բանակը կա, մնալու է և կդառնա ավելի մարտունակ․ Արցախի նախագահը խորհրդակցություն է անցկացրել

Երեւանի Պուշկին-Սարյան փողոցների խաչմերուկում՝ 3 հարկանի շենքի տանիքում, հրդեհ է բռնկվել (լուսանկարներ)

Երեկ ադրբեջանցի եւ հայ զինվորականների միջեւ վիճաբանություն է եղել, որն արագ հարթվել է. ՊՆ

Թանգարանների միջազգային օրվա շրջանակում Վահրամ Դումանյանն այցելել է Ալ․ Սպենդիարյանի տուն-թանգարան

ԱՍՀ նախարարությունը միանվագ 250 հազար դրամ աջակցություն է տրամադրում թրաֆիքինգի և շահագործման ենթարկված անձանց

ՎՏԲ-Հայաստան Բանկն ապահովել է ռեկորդային շահույթ՝ 2 մլրդ ՀՀ դրամի չափով

Հայաստանում Չինաստանի դեսպանատան 100-ից ավելի աշխատակիցներ այսօր պատվաստվել են չինական «Կորոնավակ» պատվաստանյութով

Հրապարակվել են ուսուցիչների կամավոր ատեստավորման ուղեցույցները

ՄԻԵԴ-ը բավարարել է ՀԺ-ի հայցը՝ Ռուբեն Հայրապետյանի, Լեւոն Սարգսյանի եւ Սամվել Ալեքսանյանի գործով

Հունվար-ապրիլին Հայաստանը ԵԱՏՄ տարածքում ամենացածր գնաճ արձանագրած երկիրն է՝ 5.4 տոկոս

Երեկ կամրջից նետվել սպառնացած երիտասարդը այդ քայլին դիմել է 10 անգամ. նա ներկայացնում է իր պատմությունն ու դրդապատճառը

Ուկրաինան ամեն բան անում է Ղրիմը վերադարձնելու համար. Զելենսկի

Կամավոր ապահովագրության պայմանագրերը կարելի է կնքել առցանց. Ամերիաբանկի և Ինգո Արմենիայի նոր համագործակցությունը

ՏՄՊՊՀ-ն կքննարկի գովազդի միջոցով անբարեխիղճ մրցակցության դրսևորումները և դրանց կանխարգելումը

Գագիկ Բեգլարյանը գրավի դիմաց ազատ արձակվեց

Կատալոնիայի խորհրդարանը պաշտոնապես կպահանջի Ադրբեջանից ազատ արձակել հայ ռազմագերիներին. «Արմենպրես»

Նաիրա Զոհրաբյանն այլեւս ԲՀԿ ցուցակի առաջին կինը չէ. այլ փոփոխություններ եւս կլինեն

«Ինքնիշխան Հայաստանը» քարոզարշավ չի իրականացնում, եկել ենք առաջնագիծ ու այստեղ ենք լինելու որքան որ պահանջվի. Սանասարյան

ԵԽԽՎ զեկուցողը ԼՂ հակամարտության հումանիտար հետևանքներն ուսումնասիրելու նպատակով կայցելի Հայաստան. «Արմենպրես»

Մարտունի գետում կնոջ դի է հայտնաբերվել. shamshyan.com

ՄԱԿ-ը դրամական օգնություն է տրամադրում Արցախից տեղահանված և Հայաստանում բնակվող անձանց

Տեղեկությունը, թե «ադրբեջանական ԶՈՒ-երը դիրքերն առաջ են տվել նաև Արցախում, իրականությանը չի համապատասխանում». Արցախպրես

Կառավարությունը կգործադրի բոլոր ջանքերը՝ ազատ, թափանցիկ, արդար ընտրությունների անցկացման համար. Արսեն Թորոսյան

Խծաբերդի մարտերում զոհված ինը զինծառայող հետմահու պարգևատրվել է «Արիության» մեդալով

Մոսկվա-Երևան չվերթի ինքնաթիռի ժամանումից հետո 28-ամյա հետախուզվող է բերման ենթարկվել

«Հայերը մեր ընկերներն են, և մենք պատրաստ չենք ընդունել թուրքերի օգնությունը». պաղեստինցիներ

ՀՀ-ն պատրաստակամ է անցկացնել արդար ընտրություններ. Ապիտոնյանն ընդունել է ԵԱՀԿ դիտորդական առաքելության հիմնական կազմին

Ուժեղ, ինքնիշխան պետությունը պետք է ունենա ուժեղ հետախուզական ծառայություն. Սերգեյ Նարիշկին

Արցախում հրետակոծությունից վնասված 7064 շենք-շինություն է հաշվառվել

Այսօր զինամթերքի վնասազերծման աշխատանքներ են նախատեսված Արցախի 4 քաղաքներում

Իսրայելը հրադադարի ռեժիմ չի հաստատի մինչև հինգշաբթի

Երևանի Մամիկոնյանց փողոցում ծառը տապալվել է մեքենայի վրա

Թուրքիայի նախագահ Էրդողանն անիծել է Ավստրիայի կառավարությանը

«Քարաշամբի գավաթը․ պատմության քառասունդարյա վկան». անիմացիոն հոլովակ Հայաստանի պատմության թանգարանում

Վաղը ժամանակավորապես կդադարեցվի Գեղարքունիքի մարզի Գեղհովիտ համայնքի մի հատվածի գազամատակարարումը