Երևան
12 °C
«Իմ 37-ամյա որդուն սպանել է Միհրան Մովսիսյանը»՝ մեր զրույցի ընթացքում ահա այսպիսի սենսացիոն հայտարարություն արեց 2001-ի հոկտեմբերի 14-ին սպանված Սամվել Առաքելյանի հայրը՝ Ստեփան Առաքելյանը:
Երկու որդի կորցրած ծերունին (երկրորդ որդին մահացել է ինֆարկտից, որդիների 6 որբերին այժմ Ստեփան Առաքելյանն է խնամում), իր իսկ խոսքերով, այլեւս կորցնելու բան չունի, ապրում է որդու սպանությունը բացահայտված տեսնելու հույսով: Պատմությունը, որ արեց Ստեփան Առաքելյանը, մի կողմից անհավատալի էր, մյուս կողմից` զարհուրելի: Նա մի շարք սպանությունների, ահաբեկչության եւ այլ հանցագործությունների մեջ մեղադրեց Ազատամարտի եւ կանանց վետերանների միության նախագահ Միհրան Մովսիսյանին:
Հայրը պատմեց, որ իր որդին եւ Միհրան Մովսիսյանը ծանոթացել են 94 թվին՝ արցախյան պատերազմի ժամանակ: Պատերազմի տարիներին Մովսիսյանը Ղարաբաղում բանակին սպասարկող ավտոծառայության ղեկավար է եղել, իսկ Սամվելը` այդ ծառայության շտապօգնության վարորդ: Հոր պատմածի համաձայն, Սամվելը հլուհնազանդ կատարել է Մովսիսյանի հանձնարարությունները՝ դիակները հավաքելիս նրանց վրայից հանել է զենքերը, տեղափոխել Մովսիսյանի հոր տուն, հետագայում զբաղվել է դիակապտությամբ՝ դիակների վրայից հանել է ոսկե զարդերն ու ատամները եւ հանձնել Մովսիսյանին: Այստեղից էլ որդու մականունը՝ «Շակալ»: Կարճ ժամանակ անց, Ստեփան Առաքելյանի պատմածով, Մովսիսյանը որոշել է Սամվելին զորացրել՝ դրա համար օգտագործելով նրան վիրավորելու ճանապարհը. «Մատյանը պահել է ոտի վրա, որ վառվածի հետք չմնա, իր ձեռքով կրակել որդուս ոտքին, ապա ուղարկել տուն, մինչեւ վերջ էլ Սամվելը այդ ոտքից կաղում էր»:
Երկու աղմկոտ սպանություն
Ըստ Ստեփան Առաքելյանի, իր որդու եւ Միհրան Մովսիսյանի «համագործակցությունը» շարունակվել է նաեւ Հայաստանում: Որպես Ղարաբաղյան «դեպքերի» ապացույց, ծերունին պահել-պահպանել է Սամվելի՝ Միհրանից ստացած 50 հազար դրամի պարգեւատրման ստացականը: Փաստորեն, Սամվելը դարձել է, ինչպես նրա Շուշանիկ հորաքույրն է ասում, «համարյա ձրի կիլլեր»: Նրան Միհրան Մովսիսյանը պարբերաբար հանձնարարություններ է տվել, որոնց մասին երիտասարդը տանը պատմել է հորն ու հորաքրոջը, անգամ լաց եղել: Սամվել Առաքելյանի պատմածից տնեցիք իմացել են, որ Միհրան Մովսիսյանն է Խորխոռունու սպանության հեղինակը: (Ի դեպ, ասում են Շմայսի ձերբակալությունը իրականում ոչ թե ինչ-որ ոսպի հետ էր կապված, այլ հենց այս գործի, որի շուրջ անձամբ կասկածներ ուներ Վազգեն Սարգսյանը): Սպանվածի հարազատները պատմեցին, որ Խորխոռունու սպանության հաջորդ օրերին Սամվելը հեռուստացույցից չէր պոկվում՝ սպասում էր, որ իր անունը կտան: Իր որդու սպանության պատճառը, սակայն, ծերունին համարում է Գագիկ Պողոսյանի սպանությունը, որին մասնակցել է Սամվել Առաքելյանը: Ընդ որում, Պողոսյանի դռանն ամրացված պայթուցիկ սարքն ամրացնելու համար, նրա պատմածով, օգտագործվել է Սամվել Առաքելյանի տնից բերած պլաստիրինը, որի մնացած մասը հայրը հանձնել է քննիչներին: Չճշտված տվյալներով, փորձաքննության եզրակացությամբ, Ստեփան Առաքելյանի տնից առգրավված պլաստիրինը եւ Պողոսյանի դռան վրա հայտնաբերված պլաստիրինը նույնն են: Սամվելի ֆունկցիան, ըստ հոր պատմածի, «աթանդա կանգնելն է եղել»:
Գագիկ Պողոսյանի նկատմամբ Միհրան Մովսիսյանի ունեցած հակակրանքի մասին վկայեց նաեւ ԱԿՎՄ նախկին փոխնախագահ՝ իր խոսքերով՝ Միհրան Մովսիսյանի պատճառով 6 ամիս խարդախության մեղադրանքով նստած եւ 2001-ի նոյեմբերին ազատված Կարինե Գրիգորյանը (Ճայ Մայիսի կինը): Նա պատմեց, որ Վանաձորի մաքսայինի պետ՝ ԱՎՄ անդամ Սամսոն Խաչատրյանին աշխատանքից ազատելուց հետո Գագիկ Պողոսյանը Միհրանի աչքի փուշն էր դարձել: Մ.Մովսիսյանը այցելել է Պողոսյանին եւ փորձել այդ հարցը կարգավորել, բայց Կ.Գրիգորյանի պատմածով՝ վերադարձել է շատ դժգոհ եւ սպառնացել է վերացնել Գագիկ Պողոսյանին, որը նրան շատ վատ է ընդունել: Նախկին փոխնախագահը նշեց նաեւ, որ Մովսիսյանը ձգտում էր դառնալ օդանավակայանի մաքսապետ, բայց Պողոսյանը հրաժարվել է նրան նշանակել:
Ստեփան Առաքելյանը պատմեց նաեւ, որ Շիրխանյանի աղջկա տունն էլ իր որդին այրել է Մովսիսյանի պատվերով. «Մանդիրովկեն գցել է դռան տակ, դուռը բարձրացրել, 10 լ բենզին լցրել տունը եւ վառել»: Նա նաեւ, ըստ Ստեփան Առաքելյանի, փորձել է առեւանգել Կարինե Գրիգորյանի եւ Ճայ Մայիսի երկվորյակ երեխաներին: Ըստ տիկին Կարինեի, իր 10-ամյա երեխաները մանրամասն պատմել են, որ օրեր շարունակ մի սպիտակ 09-ն է իրենց հետեւում: Հետո իմացել են, որ դա Միհրանի տղաներից Արթուր Այվազյանն է: Կարինե Գրիգորյանը մի պատմություն էլ պատմեց միության վաճառած կարագի մասին՝ ոմն Գագաս Արթուր 30 տոննա կարագ է բերել ԱԿՎՄ, Միհրան Մովսիսյանն էլ սկսել է այն վաճառել՝ բացատրելով, որ միության դրամարկղը կհարստանա: Հետագայում այդ տղային ««Նիվայի» մեջ սիրածի հետ սպանեցին»՝ Կ. Գրիգորյանը պատմեց, որ սպանության մասին իսկությունը իմացել է քննչական մեկուսարանում գտնվելու ժամանակ, երբ քննիչների ցույց տված նկարներով ճանաչել է Գագաս Արթուրին եւ այդ մասին ցուցմունք է տվել:
Կարինե Գրիգորյանն ասաց, որ Միհրան Մովսիսյանն իրեն էլ է տարել թաղմանը. «ինքը նման սովորություն ունի՝ գնում է իր սպանության բոլոր կետերը»: «Մարտի 8-ի նախօրյակին էլ մի կալանավորված անձի կնոջից 2 «Ռոլեքս» ժամացույց վերցրեց՝ իբր նրա ամուսնու գործը դզելու համար՝ ասելով՝ ուղարկում եմ Սերժի կնգան: Հետո էլ մեր ներկայությամբ զանգեց՝ «Սաթ ջան (Սերժ Սարգսյանի օգնականն է-խմբ.), շեֆը հավանե՞ց ժամացույցը»», պատմում է Կարինե Գրիգորյանը: Ըստ Կ.Գրիգորյանի եւ Ս.Առաքելյանի, Մովսիսյանն է պատվիրել նաեւ Կոմանդոսի դեմ մահափորձը:
Հոկտեմբերի 27-ի մասին
Իսկ ամենասենսացիոնը Ստեփան Առաքելյանի պատմությունն էր՝ կապված հոկտեմբերի 27-ի հետ: 1999-ի հոկտեմբերի կեսերին տղան տուն է վերադարձել եւ հորն ասել, որ «Վազգենի ու Դեմիրճյանի դատավճիռը կարդացինք»: Հոր հարցուփորձին պատասխանել է, որ Մուշեղի տանը ժողով էր (Միհրան Մովսիսյանը Մուշեղ Մովսիսյանի եւ Շմայսի հորեղբոր որդին է-խմբ.), ժողովի ժամանակ են որոշել՝ «ես էլ դրսում աթանդա էի»: Այս կապակցությամբ Ս.Առաքելյանին զինդատախազությունը անցյալ տարվա նոյեմբերին հրավիրել եւ հարցաքննել է: Հոկտեմբերի 14-ից (Ս.Առաքելյանի սպանությունից) օրեր առաջ զոհը վտանգը կանխազգացել է: 14-ի առավոտյան տուն է զանգել Միհրան Մովսիսյանը, իսկ երեկոյան՝ նրա տղաներից Արթուր Այվազյանը եւ Սամվելի հետ ժամադրվել կահույքի գործարանի մոտ: Տնից դուրս գալուց առաջ Սամվելն ասել է, եթե չգամ, ուրեմն Միհրան Մովսիսյանն է մեղավոր: Կարինե Գրիգորյանն ավելացրեց, որ «հոկտեմբերի 9-ին Սամվելը եկել էր իր դատին եւ իրեն գրկելով ասել, որ հոգնել է եւ 18-ին գալու է ու ամեն ինչ դատարանում պատմի, բայց 14-ին սպանեցին»: Սամվել Առաքելյանի դիակը գտել են «Հաղթանակ» կամրջի տակ՝ հոկտեմբերի 15-ին: Հարազատները պնդում են, որ Միհրան Մովսիսյանը անձամբ է խեղդել նրան, հետո տվել է մյուսներին հաշվեհարդար տեսնելու՝ դանակի 6 հարվածի հետք է հայտնաբերվել դիակի վրա, իսկ ձեռքի մեջ հագցված նռնակը, հարազատները ենթադրում են, որ նախատեսված էր իրավապահների համար: «Մասսայական շոու է արել, որ դաս լինի մյուսների համար»՝ համոզված է սպանվածի հայրը:
Այս պատմությունը, հավանաբար, չէինք տպագրի, եթե մեր հարցումների արդյունքում դրանք միանշանակ հերքվեին: Սակայն փաստերը Միհրան Մովսիսյանի օգտին չեն խոսում: Նախ, օպերատիվ խմբի ղեկավարը ոչ միայն չժխտեց մեր տեղեկատվությունը, այլեւ հաստատեց, որ «Ստեփան Առաքելյանի ասածների մեջ մեծ ճշմարտություն կա», թեեւ նախաքննության գաղտնիությունը վկայակոչելով՝ հրաժարվեց մանրամասներ հաղորդել: Այսօր Սամվել Առաքելյանի սպանության մեջ կասկածվում են եւ կալանավորված են 7-8 անձ: Քննությունը սկզբում վարում էր Մաշտոցի դատախազությունը, հետագայում տեղափոխվել է հանրապետական դատախազություն, որտեղ այժմ հատուկ կարեւորագույն գործերով մի խումբ քննիչներ՝ Բագրատ Պետրոսյանի գլխավորությամբ, քննում են այս գործը: Սա եւս վկայում է, որ գործը լուրջ ընթացք է ստանում:
Ինչ վերաբերում է Միհրան Մովսիսյանին՝ մեր զրույցի ժամանակ նա նշեց, որ ասվածն «ամբողջությամբ զրպարտություն է, այժմ նախաքննություն է գնում, համոզված եմ, որ ամեն ինչ կանեն՝ պարզելու համար»: Նա նաեւ նշեց. «Սամվել Առաքելյանը երբ նեղության մեջ է եղել, դիմել է՝ աջակցել եմ, բայց որ ձեռքից մաքուր չէր, մոտ չեմ թողել»: Ինչ վերաբերում է մեղադրանքներին՝ «Ոչ մի առնչություն չեմ ունեցել Գագիկ Պողոսյանի հետ, ինձ ցավ է պատճառում Գագիկ Պողոսյանի նման անձնավորության մահը, որ իմանայի՝ ես իմ ձեռքով կհանձնեի այդ մարդուն իրավապահներին: Թե ինչ սատանա է մտել հոր մեջ՝ այդ հիվանդ մարդու մեջ, չգիտեմ»: Նա նաեւ համոզված է, որ որոշ ուժեր սրանով նպատակ են հետապնդում արգելակել իր նորաստեղծ (2001թ. նոյեմբերին գրանցված) «Աշխատանք, օրենք, միասնություն» կուսակցության կայացումը, որի նախագահն է ինքը՝ Միհրան Մովսիսյանը:
Արմինե Օհանյան
Տպագրվել է «Հայկական Ժամանակ» օրաթերթի՝ 2002 թվականի փետրվարի 13-ի համարում
«Հայկական Ժամանակ»-ը Telegram-ում
Մայիսի 3-ից մայիսի 5-ը ՀՀ օդային տարածքում արգելվում են միայն ընդհանուր նշանակության ավիացիայի թռիչքները
Բախվել են 12 ուղևոր փոխադրող Երևան-Դիլիջան-Իջևան երթուղու «Գազել»-ը և «Մոսկվիչ»-ը․ կան վիրավորներ
ԱՄՆ-Իրան բանակցությունների երկրորդ փուլը կարող է տեղի ունենալ հաջորդ շաբաթ
Հայկական արվեստի և մշակութային ժառանգության կրիտիկական զանգվածը պետք է լինի ՀՀ-ում․ սա քաղաքականություն է
Պետությունն ու քաղաքացիական հասարակությունը այլևս աշխատում են նույն ուղղությամբ․ Գալյան
Հղկում, շտկում ենք վերջին թերությունները․ Գյումրու «Խաղաղության ձայնը» համերգին հրավիրել են նաև «Վարչաբենդ»-ին
ՀՀ-ն կշարունակի իր ուղին՝ հիմնված ժողովրդավարական արժեքների, մարդու իրավունքների և իրավունքի գերակայության վրա
Փորձում են այս թեժ փուլում անցկացնել ընտրություններ և Գագիկ Ծառուկյանին հերթական անգամ կարգել ՀԱՕԿ նախագահ
Անցել է 8 տարի, գեթ մեկ կեղծված ընտրություն չեք տեսել․ ցուցակները հանրության համար հրապարակված են․ տեսանյութ
Դեպի Լառնակա 2 եվրոյով տոմս կա․ թոշակառուն թոշակի՝ մեր բարձրացրած մասով կարող է 5 «տուդա-աբրատնի» տոմս առնի
ՀՀ-ՌԴ հարաբերություններն ամենաբարձր մակարդակի վրա են․ բազմաքաղաքացու աղքատացման պրոցեսին օգնել չենք կարող
Բարձրագույն մակարդակով ստացել ենք հավաստիացումներ՝ TRIPP-ը շարունակում է ԱՄՆ-ի համար մնալ առաջնահերթություն
«Արշիլ Գորկի. Նյու Յորք Երևան. նոր ձեռքբերում»․ վարչապետը ցուցահանդեսի է մասնակցում․ տեսանյութ
Ընդդիմությունը բացակա է․ ընդունում է պարտությունը քաղաքական երկխոսության մեջ․ վեշերը հավաքելու պրոցեսի մեջ են
Երևան-Սևան ճանապարհին ավտոմեքենաներ են բախվել․ կա տուժած
Մայիսի 28-ին կցուցադրենք միայն այն սպառազինությունը, որը ձեռք ենք բերել և արտադրել 2022-ից հետո. վարչապետ
Արմավիրում և Երևանում օդի ջերմաստիճանը կնվազի մինչև -1°C, նախալեռնային որոշ գոտիներում սպասվում է 0…-2°C ցուրտ
Մայիսի 3-5-ը ՀՀ օդային տարածքում արգելվում է ավիացիայի, նաև քաղաքացիական անօդաչու օդանավերի ցանկացած թռիչք
Մենք մեր հողերը ոչ մեկին չենք տվել, մենք ճանաչել ենք ՀՀ տարածքային ամբողջականությունը. վարչապետ
Զոհերի ու զոհողությունների, զրկանքների, տառապանքի գնով, դժոխքով անցնելով ձեռք բերվեց այն, ինչ ունենք. վարչապետ
ՀՀ յուրաքանչյուր քաղաքացի հավասարապես պաշտպանված է. վարչապետը ներկա է գտնվել եզդիական համայնքի Նոր տարվան
Կարվի առավելագույնը՝ Ախուրյան գետը բնականոն հուն վերադարձնելու համար. ՋԿ նախագահն այցելել է Շիրակի մարզ
Կիրանցի դպրոցականներն Ադրբեջանից 50 մ հեռու դասի են գնում, 30 մ հեռու՝ ֆուտբոլ խաղում. խաղաղությունը սա է
Հայաստանի և Ադրբեջանի միջև հաստատված խաղաղությունն ունի նաև պարտադիր իրավական ուժ. Նիկոլ Փաշինյան
Հայաստան-ԵՄ քաղհասարակության պլատֆորմի 8-րդ երկկողմ հանդիպումը․ վարչապետ
Կալուգայի Սամոյի, Ծառուկյանի և Քոչարյանի քաղաքական թիմերի մեջ կա 1 հայտարարված վարչապետի թեկնածու. Ալեքսանյան
Անցած գիշեր ՀՀ մի շարք բնակավայրերում աննախադեպ ցուրտ է գրանցվել
Քրեական ոստիկանները բացահայտել են մեթամֆետամինի պատրաստման դեպք. մանրամասներ
Իրանում պատերազմը գրեթե ավարտվել է. Թրամփ. տեսանյութ
Ինձ համար չկան տարբեր ազգեր, մեծագույն հարգանք ունենք ՀՀ-ում ապրող բոլորի նկատմամբ. վարչապետը՝ եզդի համայնքին
Սա՞ է ձեր ուժը՝ կերակրող կանանց միջոցով ընտրակաշառք բաժանեք ու թաքնվեք նրանց թիկունքում. Չախոյան
Հայաստանի միջպետական և հանրապետական նշանակության ճանապարհներին իրականացվում են ամառային պահպանման աշխատանքներ
«Քաղաքացիական պայմանագիր» կուսակցությունն ապրիլի 15-ին ընտրական ցուցակը կներկայացնի ԿԸՀ
Գորիսի թատրոնի դերասանները տեսան՝ ինչպես «կանսերվի բանկեքով» խրամատները դարձան ամրացված կառույցներ. Խաչատրյան
Վարչական հսկողությունն այս դեպքում փրկություն է, «կերակրող մորը» չեն ստիպի ընտրակաշառք բաժանել. Հովհաննիսյան
Հայաստանը կմասնակցի Մոսկվայում կայանալիք ԱՊՀ արտաքին գործերի նախարարների խորհրդի նիստին
Որպես ՀՀ քաղաքացի՝ ես էլ չունեմ արդարադատության և արդարության զգացում․ սա ֆունդամենտալ պրոբլեմ է. վարչապետ
ԿԸՀ-ն վարչական ռեսուրսի չարաշահման որևէ դեպք չի արձանագրել. Վահագն Հովակիմյան
Մեկնարկել է Սամվել Կարապետյանի գործով դատավարությունը
Էսօր ասում են՝ դե լավ, կերակրող մայր է, թող ընտրակաշառք բաժանի, վաղը կասեն՝ դե լավ, ընտրություն էր, կեղծեցինք
