Երևան
15 °C
Երեկ կայքերից մեկում հայտնված եւ համացանցում արագորեն տարածված, Տավուշի մարզի Կողբ գյուղի Սուրբ Հովհաննես եկեղեցու սրբապատկերը ցնցել էր շատերին: «Խորհրդավոր ընթրիքի» առաքյալների աստվածաշնչյան պատկերներից մեկը խիստ առանձնանում է 21-րդ դարի սանրվածքով եւ Տավուշի մարզպետ Հովիկ Աբովյանին խիստ նման դիմագծերով: Աբովյանը, ի դեպ, ծնունդով Կողբից է եւ հենց նա է կառուցել սույն եկեղեցին, որի օծումը տեղի ունեցավ այս տարվա հունիսի 1-ին` Սերժ Սարգսյանի մասնակցությամբ: Հայաստանի նորանկախ պատմության մեջ, իհարկե, նորություն չէ, որ եկեղեցու շինարարություն հովանավորողը ակնարկներ է թողնում իր հետ եկեղեցու կապի մասին: Օրինակ՝ Արտաշատում բոլորը գիտեն, որ նորակառույց Սուրբ Հովհաննես եկեղեցին իր անունը ստացել է Հովիկ (Հովհաննես) Աբրահամյանից: Մեկ այլ օրինակ՝ Աբովյանում կառուցված մեկ այլ Սուրբ Հովհաննես եկեղեցու վրա առկա է դրա հովանավորի` Գագիկ Ծառուկյանի «բռենդի»՝ «Մուլտի գրուպի» խորհրդանշան առյուծի գլուխը: Բայց որ պաշտոնյաների դիմանկարները լինեն սրբապատկերների մեջ՝ դա նորություն է: Այնպես որ, ամենեւին զարմանալի չէր այն ցնցումը, որն առաջացել էր հանրության շրջանում: Նորակառույց եկեղեցու սրբապատկերի հեղինակ Անդրանիկ Անտոնյանը երեկ շտապեց հայտարարել, թե նախաձեռնության հեղինակն ինքն է, ցանկացել է անակնկալ մատուցել մարզպետին, բայց երբ աղմուկ է բարձրացել, վերջինս հրահանգել է` փոխել նկարը, ու հիմա եկեղեցում տեղադրված «Խորհրդավոր ընթրիքում» մարզպետը չկա: Նկարիչ Անտոնյանը, սակայն, մեղմ ասած, ճիշտ չասաց. նկարը նույն ձեւով եկեղեցում է, եւ այս մասին մեզ հետ զրույցում ասաց ինքը` մարզպետը:
- Պարոն Աբովյան, ինչո՞ւ է ձեր նկարը հայտնվել եկեղեցու սրբապատկերի մեջ, ո՞ւմ նախաձեռնությունն է դա:
- Ես չգիտեմ` ում նախաձեռնությունն է: Ես շինարարությունն արել, տվել եմ, դրանից հետո իրենք են այդ նկարները արել: Նկարիչին հարցրեք:
- Այսինքն, նկարչի՞ նախաձեռնությունն է:
- Նախաձեռնության բան էլ չկա, թե ով է ում նմանացրել, ես չգիտեմ:
- Հիմա ձեր նկարը շարունակո՞ւմ է մնալ այնտեղ:
- Իհարկե, մնում է: Բայց նկարները լրիվ տարբեր նկարներ են, թե հիմա ով է ում նմանացնում, ես չեմ կարող ասել, ի՞նչ ասեմ: Կոնկրետ անողը կա, կարող եք հետը խոսել:
- Ձեր միջոցներո՞վ եք կառուցել եկեղեցին:
- Հիմա ի՞նչ կարեւոր է` ում միջոցներով է կառուցվել: Ընկերության միջոցներով ենք կառուցել: Ընկերներով հավաքվել ենք, ամեն մեկն իր հնարավորությունները ներդրել է, կառուցել ենք: Եթե վատ բան ենք արել, գրեք, որ վատ բան են արել, եկեղեցի են կառուցել:
- Խոսքն այդ մասին չէ, դուք դեմ չե՞ք, որ ձեր նկարն այնտեղ է եւ այդ ձեւով:
- Իմ նկարն այնտեղ չէ, նույն ձեւի ես կարող եմ ձեզ նմանացնել, ինչքանո՞վ է ճիշտ դա, չեմ հասկանում:
- Այդ դեպքում ո՞ւմ նկարն է, ձեզ չի՞ հետաքրքրում ձեր կառուցած եկեղեցում ում նկարն է հայտնվել, բոլորը ձեզ են նմանեցնում:
- Դուք կարող եք գնալ, նայել, թե ում նկարն է, հարցը էդ նկարը չէ, հարցն էն է, թե ով է պատկերացումներից զուրկ. տարբեր դեմքերով նկարներ են արած` միրուքով, մազերով, կարճ մազեր, երկար մազեր: Հիմա էդ նույն ասողին կարող ենք ասել` քեզ է նման, կլինի՞: Հիմա պիտի էքսպերտիզա տանենք, մի հատ անալիզներ անեն, ուսումնասիրեն այդ նկարները, մանրացնեն` ում է նման:
- Նկարիչն ասում է, որ ձեր նկարն է` իր նախաձեռնությամբ:
- Հիմա նկարիչին կախե՞մ, ի՞նչ անեմ, ասեք: Ես որ իմացել եմ, ասել եմ` տենց բան ես արե՞լ, ասել է` հա՛, ուզում էի անել, բայց լավ դուրս չեկավ: Ասում եմ` քեզ ո՞վ է ասել, ասում է` որ էդքան գործ էիք արել, ո՞ւմ ինչ գործն է` ես ինչ կանեմ: Ճիշտն ասած, ես որ նայել եմ, ոնց որ մի 80 տարեկան ծերունի լինի, եթե Աստված տա, էդքան կյանք ունենամ, կարող է նմանվեմ տենց մի ծերունու:
- Այսինքն, ստացվում է, որ նկարի՞չն է արջի ծառայություն մատուցել, որովհետեւ նորմալ չէ, պարոն Աբովյան, ինչքան ուզում է դուք կառուցած լինեք այդ եկեղեցին, սրբերի կողքին ձեր նկարը...
- Բայց մենակ ես չեմ արել, մարդիկ կան, որ օգնել են, քարը մեկն է տվել, էն մյուսը մեկն է տվել: Թե ում է պետք, որ ինձ նմանեցնի, այ դա է ինձ հետաքրքիր: Ի՞նչն է ինձ նման: Ասենք թե՝ նման է, թեկուզ, ինչ-որ տեղ նմանացնում են, դա նշանակում է... Չեմ հասկանում, ինչո՞ւ են սենց ավելորդ հնչեղություն տալիս, ո՞ւմ է պետք, էդ ո՞ւմ պատվերն է, չեմ հասկանում:
- Սովորաբար, հենց մի բան է լինում, քաղաքական գործիչները ասում են` պատվեր է, բայց խոստովանեք, որ դա արտասովոր բան է:
- Որ բան լինի, ես չեմ հրաժարվի, դա թաքուն արած չէ, հանրապետության նախագահն է եկել բացմանը, օծում է եղել, ժողովուրդը գալիս են, 200-ից ավել կնունք է եղել էս մի ամսում: Նկարը կա, ով ուզում է, թող գնա, նայի: Չես էլ կարող պոկել, պատի մեջ սարքած է, պատը պիտի քանդես:
- Ամեն դեպքում, արտասովոր է, համաձայն չե՞ք:
- Ի՞նչ ասեմ, ես նմանություն չեմ տեսնում բացարձակապես: Հետո, ես էլ եմ նայել, էսօր գնացել, նայել եմ պաշտպանության նախարարի հետ: Էսօր եկել էր, դիրքեր էր գնացել, ասեց` չեմ եղել, գնա՞նք, գնացել ենք, ուշադիր նայել եմ, թե հիմա այնտեղ ոնց են նմանացրել, ուղղակի կխնդրեի, որ անձամբ գնայիք, նայեիք, եթե նմանություն կլինի... ի՞նչ ասեմ:
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ ինչ է քննարկվել
Զինված ավազակային հարձակում Երևանում․ թալանել են կնոջը և դիմել փախուստի, դեպքի վայրում հայտնաբերվել է մարտական ատրճանակ
Մարտի 1-ի գործը ավարտված չէ, նոր փամփուշտներ կան, որոնք ուղարկված են փորձաքննության․ Վարդապետյան
Հնարավոր չէ «սրբազան»-ի տիտղոսի հետևում անվանարկել քաղաքական հակառակորդին՝ ակնկալելով պատասխան Նոր Կտակարանից․ Առաքելյան
Վաշինգտոնում հայ պատգամավորները ներկայացրել են Հայաստան-Ադրբեջան խաղաղության գործընթացը
Վարդահովիտում գետի վարարման հետևանքով քաղաքացիները չեն կարողացել անցնել մյուս ափը (տեսանյութ)
Ալիևը արդարանում է Պուտինի առջև. ինչու է Ադրբեջանի նախագահը անընդհատ խոսում միջնորդներ չլինելու մասին
Աննա Հակոբյանի նախաձեռնությամբ Գյումրու «Երեխաների տուն» մանկատան սաներն այցելել են Կենդանաբանական այգի (տեսանյութ)
ԱՄՆ-ի կողմից սահմանված պատժամիջոցների ցուցակում ներառվել են նաև Թուրքիան և Ադրբեջանը
15 նոր տրոլեյբուս և 171 նոր ավտոբուս․ Երևանի տրանսպորտային հավաքակայանը կհամալրվի (տեսանյութ)
Հայտնի է ընդունելության միասնական քննությունների 2-րդ փուլի հայտագրման վերջնաժամկետը․ հնարավոր է կիրառվեն մետաղորսիչներ
Տավուշի թեմի առաջնորդի գործառույթը աղոթելն է, ոչ թե ասֆալտին նստելը կամ պառկելը, ՀՀ-ի վրա հարձակում հրահրելը. Սուքիասյան
Բախվել են թիվ 18 երթուղին սպասարկող «Ժոնգ Տոնգ» և թիվ 1 երթուղին սպասարկող «ՄԱՆ» մակնիշի ավտոբուսները․ կա վիրավոր
Դուք չեք պատկերացնի՝ մեզ ինչքան էր պետք․ Գագիկ Սուրենյանը նոր գրառում է արել
Մարզային փրկարարական վարչությունների ղեկավարներին կարգադրվել է մարտական հաշվարկում ընդգրկել նաև ամենագնացները
Թուրքիան դադարեցրել է առևտրային հարաբերություններն Իսրայելի հետ
ՀՀ-Ադրբեջան սահմանազատման հանձնաժողովների վերջին պայմանավորվածությունն առաջընթաց է խաղաղության օրակարգում․ Բայրամով
Եղբայրները գումարային հարցի շուրջ վիճաբանել են 3 անձի հետ, որոնք հարվածներ են հասցրել, հետո դանակահարել նրանցից մեկին
Արարատ Միրզոյանի հետ հեռախոսազրույցից հետո Ուկրաինայի ԱԳ նախարարը գրառում է արել
Ինչեր են հայտնաբերվել կալանավորվածներից մեկի գուլպայից, մյուսի էլ՝ ծխախոտի տուփից
Ղրղզստանի ԱԳՆ-ն իր քաղաքացիներին խորհուրդ է տվել չմեկնել Ռուսաստանի Դաշնություն
Նոյեմբերին Ադրբեջանում խորհրդարանական ընտրություններ են անցկացվելու
Հայաստանը պետություն է, պետք է հասկանալ, որ մի խումբ անձինք չեն կարող խանգարել սահմանազատման գործընթացին. Իոաննիսյան
«Լադանիվա»-ի երկրորդ փորձը եվրատեսիլյան բեմում (լուսանկարներ)
Խոշոր բրենդներն անընդհատ ահազանգում են․ վարչապետին է ներկայացվել Մտավոր սեփականության գրասենյակի 2023-ի հաշվետվությունը
Արծվի թևեր կոչվող հատվածում նոր արագաչափ է տեղադրվել․ երբ կգործարկվի այն
Ուսուցիչը բռնություն է կիրառել տարրական դասարանների աշակերտների նկատմամբ․ Տիգրան Ավինյանը տեղեկությունը փոխանցել է ՔԿ-ին
Կենտրոն վարչական շրջանի ղեկավարն ազատվել է պաշտոնից
Արարատ Միրզոյանն ու Ուկրաինայի ԱԳ նախարարը տարածաշրջանային հարցեր են քննարկել
Երևանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
«Ուրալ»-ի վթարից տուժած 20 զինծառայողներից 8-ը դուրս են գրվել հոսպիտալից․ ինչ վիճակում են մյուսները
Գյումրիում մեկ ապաստարան կվերանորոգվի և կվերազինվի․ համագործակցության փաստաթուղթ է ստորագրվել
Տեղյակ լինելով «Ուրալ»-ի տեխնիկական խնդիրներից՝ թույլատրվել է մեքենայի երթը. զորամասի 2 պաշտոնատար անձ է կալանավորվել
Չայնիի ոլորաններում մեքենա է այրվել
Անթալիայում մեքենաներ են բախվել․ ինչով են զբաղված եղել տուժած զբոսաշրջիկները վթարի պահին
ԼՂ-ից բռնի տեղահանվածներին պետք է աջակցություն տրամադրել ոչ թե ըստ կարգավիճակի, այլ ըստ խոցելիության. Նանա Սկաու
ԵՄ-ն բարձր է գնահատում Հայաստանի և Ադրբեջանի սահմանին իրականացվող սահմանազատման առաջընթացը․ Պյոտր Միխալկո
Դոլարը կրկին էժանացել է․ ինչ փոփոխություններ է արձանագրել տարադրամի շուկան մայիսի 2-ին
Ամերիկյան կողմը պատրաստակամ է շարունակել աջակցությունը ՀՀ պաշտպանական բարեփոխումներին. Քվինը՝ Պապիկյանին
Ավտովթար Երևանում. բախումից հետո մեքենաներից մեկը կողաշրջվել է
© 2024 Հայկական ժամանակ