Նորից կրպակներ են քանդում

19/03/2014 schedule13:08

Երեւանի քաղաքապետարանի քաղաքաշինության եւ հողի վերահսկողության վարչության աշխատակիցները 2 օր ժամանակ էին տվել Կորյուն փողոցում՝ Բժշկական քոլեջի հարեւանությամբ գտնվող 4 տաղավարների սեփականատերերին՝ տարածքն ազատելու ու նշված տարածքում առեւտրային գործունեությունը դադարեցնելու համար:

Տաղավարներից երկուսը զբաղվում են հացաբուլկեղենի ու հյութերի վաճառքով, մեկը՝ օպտիկա է, մյուսը՝ պատճենահանման կետ: Ըստ քաղաքապետարանի, տաղավարները խաթարում են քաղաքի տեսքը: Կրպակատերերից ոմանք մեր զրույցում պատմեցին, որ քաղաքապետարանը նման ծրագիր ունեցել է դեռեւս 2008 թ.-ից. նախկին քաղաքապետ Երվանդ Զախարյանը կրպակները ապամոնտաժելու որոշում է ընդունել, սակայն այն ժամանակ գործը հասել է դատարան, ու տաղավարների ապամոնտաժումը որոշ ժամանակով կասեցվել է: Օրերս, սակայն, քաղաքապետարանը նորից հիշել է այդ տաղավարների գոյության մասին, ու գրություն են ուղարկել կրպակատերերին՝ տարածքն ազատելու պահանջով: Տաղավարների սեփականատերերն այս անգամ էլ են դիմել Կենտրոն եւ Նորք-Մարաշ ընդհանուր իրավասության դատարան՝ պահանջելով չեղյալ համարել քաղաքապետարանի որոշումը: Քաղաքապետարանի աշխատակիցները, սակայն, հաշվի չառնելով այն, որ վեճը տեղափոխվել է դատարան, օրերս կրկին այցելել են կրպակատերերին՝ զգուշացնելով մինչեւ չորեքշաբթի (այսօր- խմբ.) ազատել տարածքը, քանի որ պետք է շինտեխնիկայի միջոցով դրանք ապամոնտաժեն: Դեռեւս դատարանում կրպակատերերից ոմանք դիմել են դատավոր Գագիկ Խանդանյանին՝ մինչ դատաքննության ավարտը շինարարությունը ժամանակավորապես կասեցնելու պահանջով, ինչը, սակայն, դատարանը չի բավարարել, դա էլ կրպակատերերին առիթ է տալիս մտածելու, որ դատարանը անկողմնակալ չէ ու շարժվում է քաղաքապետարանի հրահանգներով: Քաղաքապետարանի աշխատակիցների այցերից ու դատարանի որոշումներից հետո կրպակատերերը հայտնվել են անորոշ վիճակի մեջ, սակայն միաձայն պնդում են, որ չեն պատրաստվում լքել իրենց տարածքները: Նրանցից մեկը մեր զրույցում նշեց. «Քաղաքապետարանից մի քանի հոգով եկան, մեզ ասեցին, որ պետք է փակենք, խանութները դատարկենք, որ չորեքշաբթի տեխնիկա է գալու ապամոնտաժի: Հիմնավորումն էլ էն էր, որ քաղաքի տեսքը մեր կրպակները փչացնում են: Երբ ասացինք, որ հիմա դատական փուլում է գործը, իրենք հայտարարեցին, որ էդ դեպքում կգան, կրպակները կփակեն, չեն թողնի աշխատենք ու երբ արդեն դատական պրոցեսը կավարտվի, նոր կապամոնտաժեն»,- ասաց կրպակատերերից մեկը՝ ավելացնելով, որ քաղաքապետարանից իրենց որեւէ փոխհատուցում չեն առաջարկել, ոչ էլ այլ տարածք՝ առեւտուրն այնտեղ կազմակերպելու համար:

Հետաքրքիր է նաեւ այն, որ 2008 թ.-ի՝ կրպակներն ապամոնտաժելու Երվանդ Զախարյանի որոշմամբ, այդ ցանկում էր հայտնվել նաեւ «Մամա միա» սննդի կետը, սակայն այս պահին սննդի կետն ընդլայնվել է ու ապամոնտաժման ենթակա տաղավարների ցուցակում չկա: Մեկնաբանելով սա՝ կրպակատերերը պնդեցին, որ դա կապված է տաղավարների հարեւանությամբ գտնվող Բժշկական քոլեջի ռեկտոր, ՀՀԿ-ական նախկին պատգամավոր Մկրտիչ Մկրտչյանի գործունեության հետ. «2008-ին էլ «Մամա Միա»-ն քանդելու ծրագիր կար, բայց հիմա էդ կասեցվել է, ու տեսնում եք, որ իրենք իրենց բիզնեսը զարգացրել են: Քոլեջի ռեկտորը, վերահսկում է, որ «Մամա Միա»-ի հետ պրոբլեմ չլինի, ինքը ինչ-որ կապ ունի էդ սննդի կետի հետ»: Ավելին՝ ըստ տաղավարների սեփականատերերի, ՀՀԿ խորհրդի անդամ Մկրտիչ Մկրտչյանն ինքը մի քանի անգամ դիմում-բողոք է հղել քաղաքապետարանին՝ կրպակներն ապամոնտաժելու պահանջով, ու չի բացառվում, որ Մկրտչյանի դիմումներին ընդառաջ գնալով՝ քաղաքապետարանը պահանջել է ապամոնտաժել կրպակները. «Մի քանի անգամ բողոքել է, դիմումներ է տվել քաղաքապետարանին, որ գան, մեր կետերը քանդեն: Ամեն կերպ ուզում է նենց անել, որ մենք ստեղից գնանք, չգիտենք ինչի համար: Պատճառաբանում է, որ կրպակների տեսքը չի համապատասխանում քաղաքին, էդքան բան: Մենք անգամ առաջարկել ենք արտաքին տեսքը վերափոխել, համապատասխանեցնել քաղաքի տեսքին, բայց չեն համաձայնվել»,-նշեց կրպակատերերից մեկը:

Քաղաքապետարանի աշխատակիցներին չի կանգնեցրել նաեւ այն փաստը, որ որոշ կրպակների սեփականատերեր տվյալ տարածքում գործունեություն ծավալելու համար մինչեւ 2016 թվականը պայմանագիր ունեն քաղաքապետարանի հետ. «Ինձ եկել ասում են դուրս արի, բայց ես փաստաթուղթ ունեմ, որ մինչ 2016 թ. իրավունք ունեմ առեւտուր անելու, իրենց էդ չի հետաքրքրում, ոչ էլ հետաքրքրում է, որ հիմա դատի մեջ ենք»,-նշեց տաղավարներից մեկի սեփականատերը: Կրպակատերերից ոմանք էլ հայտնեցին, որ երբ պայմանագրի ժամկետն ավարտվեց, իրենք դիմեցին քաղաքապետարան՝ պայմանագիրը երկարաձգելու համար, բայց քաղաքապետարանը դա մերժեց՝ տարածքում առկա կրպակները ապամոնտաժելու պատճառաբանությամբ:

Երեւանի պետական բժշկական քոլեջի ռեկտոր Մկրտիչ Մկրտչյանից հետաքրքրվեցինք, թե ինչո՞ւ է ինքը շահագրգռված, որ կրպակներն ապամոնտաժվեն, ինչին նա պատասխանեց. «Ինձ խանգարում է էնքանով, ինչքանով որ կապված է քաղաքի տեսքի հետ: Դուք տեսե՞լ եք այդ կրպակները: Զիբիլանոց է: Կարծում եմ, որ եթե մաքրվի էդ, տարածքը ճիշտ կլինի»: Մեր հարցին, թե արդյո՞ք ապամոնտաժելու դեպքում կրպակատերերին կհատկացնեն այլ տարածք, նա նշեց. «Դա իմ ֆունկցիան չէ, քաղաքապետարանն է դրանով զբաղվում»: ՀՀԿ-ական ռեկտորից հետաքրքրվեցինք, թե արդյո՞ք փոքր կրպակները խանգարում են քոլեջին, իսկ «Մամա Միա»-ն չի խանգարում, ինչին ի պատասխան ռեկտորը նշեց. «Դե «Մամա Միա»-ից հիմնականում օգտվում է մեր ուսանողությունը, չեմ կարծում, որ խանգարում է»: Կրպակատերերը, սակայն, հերքեցին սա՝ նշելով, որ «Մամա Միա»-ում գները բավական թանկ են, եւ ուսանողները նախընտրում են սնվել կրպակներում. «Մի հատ փոքր պիցցան էնտեղ 700 դրամ արժի, ո՞վ ասեց, որ այնտեղ են սնվում: Հարակից տեղերում էդ գումարով կարաս ավելի լավ սնվես»,-նշեց կրպակատերերից մեկը:

 

Հ.Գ. Նշենք նաեւ, որ կրպակատերերից ոմանք ունեն վարկային պարտավորություններ ու կրպակների ապամոնտաժման հետեւանքով կհայտնվեն ծանր վիճակում: Նույն կրպակներում աշխատանքի շնորհիվ գոյատեւում են 6 ընտանիքներ ու դա նրանց ապրուստի միակ միջոցն է: Վերջիններս մեզ հայտնեցին, որ իրենք պատրաստ են որոշ զիջումների գնալ ու կրպակները ձեւափոխել, միայն թե չապամոնտաժեն դրանք:

Տպել
2342 դիտում

ԱՄՆ պետքարտուղարի տեղակալը հարգանքի տուրք է մատուցել Հայոց ցեղասպանության զոհերի հիշատակին

Ադրբեջանական որևէ հող չի գտնվում Հայաստանի հսկողության ներքո, որ Ադրբեջանն ուզենա հարձակվել. Իրանի դեսպան

ՀՀ վարչապետը տեսանյութ է հրապարակել տիկնոջ և կրտսեր դստեր հետ ուղևորությունից

Փրկարարները դուրս են բերել Դիլիջանում ձորն ընկած քաղաքացուն

40 տարվա մեջ առաջին անգամ Օլիմպիական խաղերը չեն ցուցադրվի Ռուսաստանում

Դանակահարություն Ջրվեժում. հիվանդանոց է տեղափոխվել 2 երիտասարդ

Ժիրայր Շաղոյանը տեղափոխվել է հունգարական Դեբրեցեն

10-12 ժամ ջուր չի լինի Երևանի որոշ հասցեներում ու մի շարք համայնքներում

Մարգարա-Վանաձոր-Տաշիր-ՀՀ սահման միջպետական նշանակության ճանապարհի մի հատվածը 2 ժամ փակ կլինի

Շնորհակալ եմ Հայաստանի առջև ծառացած մարտահրավերների ժամանակ մեր կողքին կանգնելու համար. Փաշինյանը՝ Մակրոնին

Մ-6 ավտոճանապարհից Դսեղ գյուղ տանող հատվածը փակ է

Վիգեն և Ժանեթ Քեշիշեաններն արժեքավոր ձեռագրեր են փոխանցել դեսպան Մակունցին՝ որպես նվիրատվություն Մատենադարանին

Թրամփի դեմ մահափորձ է իրականացվել, նա հեռացել է արնահոսող ականջով, կրակողը՝ ոչնչացվել (տեսանյութ, լուսանկարներ)

Այս վանքի նման վայրերի պահպանումը կարևոր դեր է խաղում ապագա սերունդների համար. Ուզրա Զեյան այցելել է Հաղպատ

Տավուշում հրդեհի վայրում հայտնաբերվել է 85-ամյա կնոջ մարմինը

Վարչապետ Փաշինյանն ընդունել է Պետքարտուղարի տեղակալ Ուզրա Զեյային

Այսօր պատգամավոր Մարիամ Պողոսյանի հարսանիքն է. ներկա են եղել նաև վարչապետն ու նրա տիկինը (տեսանյութ)

20-ամյա հղի կնոջ կրծքագեղձերը անբնական մեծացել են, հեռացվել է 20 կգ ուռուցք. բացառիկ վիրահատություն (լուսանկարներ)

Գրետա Վարդանյան. ով է Փարիզ 2024-ի պարալիմպիկ խաղերի ուղեգիր նվաճած առաջին հայ պարածանրորդը

Վրաստանի վարչապետը երկրի անդամակցությունը ՆԱՏՕ-ին իրատեսական է համարում

Բախվել են ավտոմեքենան ու մոպեդը. վերջինը կողաշրջվել է, օտարերկրացի մոպեդադավարը տեղափոխվել է հիվանդանոց

ՀՀ ԱԳՆ-ն Չեռնոգորիայի Պետականության օրվա առթիվ շնորհավորական ուղերձ է հղել

28-ամյա քաղաքացու ինքնասպանության փորձը կանխվել է

ԱՄՆ ՄԶԳ Եվրոպայի և Եվրասիայի բյուրոյի ղեկավարին է ներկայացվել կոռուպցիայի կանխարգելման թվային օրակարգը

Նիգերիայում դպրոց է փլուզվել. փլատակների տակ է մնացել 154 աշակերտ, կան զոհեր

Ինչ է կատարվել հայ-իրանական սահմանային անցակետում. ՆԳՆ-ն մեկնաբանել է Իրանի քաղաքացուն ծեծի ենթարկելու լուրերը

Ժաննա Անդրեասյանն Արարատում հետևել է դպրոցների շինաշխատանքներին. արձանագրված խնդիրների առնչությամբ հանձնարարական է եղել

Հայաստան-Չեռնոգորիա հարաբերությունները զարգացման և խորացման մեծ ներուժ ունեն. նախագահը ուղերձ է հղել Յակով Միլատովիչին

Սեփական տան ննջասենյակում տղամարդու դի է հայտնաբերվել, կողքին՝ որսորդական հրացան

Հայտնաբերվել են Մոսկվայի մարզում կործանված «Սուպերջեթ 100» ինքնաթիռի անձնակազմի մարմինները

Մեկնարկում են Տավուշի և Լոռու մարզերում ջրհեղեղից տուժածների աջակցության ծրագրերը. ովքեր և ինչպիսի փոխհատուցում կստանան

Իրանը կողմ է ուժեղ տարածաշրջանի ստեղծմանը, ողջունում է լարվածությունը նվազեցնելու անկեղծ ջանքերը. Մասուդ Փեզեշկիան

Առանց երկար, արհեստական եղունգների և ոչ միայն. ինչպես պետք է ներկայանա պացիենտի հետ անմիջական շփում ունեցող բուժաշխատողը

Առաջիկայում մեկնարկելու են Հայաստան-Չինաստան ուղիղ թռիչքներ. վարչապետը հրաժեշտի հանդիպում է ունեցել դեսպան Ֆան Յոնի հետ

Պարեկները ոչ տեսանելի վայրում հայտնաբերել են դանակահարված, անօգնական ու արնաքամ լինող երիտասարդի

Հուսով ենք, որ մոտ ապագայում Ադրբեջանի և Հայաստանի միջև կայուն խաղաղություն ձեռք կբերվի. Էրդողան

Օդի ջերմաստիճանը կնվազի 2-4 աստիճանով. կարճատև անձրև և ամպրոպ կլինի

ՀՀ-ում ԱՄՆ դեսպանն ու Սյունիքի մարզային գրադարանի տնօրենը փոխըմբռնման հուշագիր են ստորագրել

Գիշերը հրդեհ է բռնկվել Պուշկինի փողոցում գտնվող De angelo սրճարանի բացօթյա հատվածում (տեսանյութ)

19 հողամասի ապօրինի օտարում, 6 մլրդ 200 մլն-ի վնաս, փողերի լվացում. ՊՆ նախկին պաշտոնյայի մասով նախաքննության ավարտ