Ակցիաների ընթացքում քրեական հետապնդում է հարուցվել 58 անձի նկատմամբ, 29-ի նկատմամբ խափանման միջոց է ընտրվել կալանքը. ՔԿ

17/06/2024 schedule17:12

ՀՀ քննչական կոմիտեն ամփոփել է սահմանազատման գործընթացի դեմ ապրիլի 20-ից Տավուշի մարզում, ինչպես նաև հանրապետության բնակավայրերում «Տավուշը հանուն հայրենիքի» նախաձեռնության շրջանակներում իրականացվող բողոքի ակցիաների ընթացքում կատարված  հանցավոր դրսևորումների առնչությամբ (հունիսի 17-ի դրությամբ) նախաձեռնված քրեական վարույթների ընդհանուր շարժընթացը։

Ըստ այդմ՝ նշված ժամանակահատվածում բողոքի ակցիայի մասնակից քաղաքացիների կողմից կատարված առերևույթ հանցավոր դրսևորումների առթիվ ՀՀ քննչական կոմիտեի տարբեր ստորաբաժանումներում նախաձեռնվել է ընդհանուր 47 քրեական վարույթ, որոնց մի մասը միացվել են ընդհանուր վարույթներում։

Հիշյալ քրեական վարույթները նախաձեռնվել են Տավուշի մարզում, Երևան քաղաքում և մյուս մարզերում ավտոճանապարհները փակելու ընթացքում կատարված առերևույթ խուլիգանական արարքների, դրանց ընթացքում գույքերի դիտավորյալ վնասման, ֆիզիկական ներգործության, ոստիկանության աշխատակցի օրինական ծառայողական գործունեությանը միջամտելու, ատելության քարոզ կատարելու, բռնություն գործադրելու հրապարակային կոչեր կատարելու, դանակի գործադրմամբ խուլիգանություն կատարելու, լրագրողի մասնագիտական գործունեությանը խոչընդոտելու, ցուցարարների կողմից ապօրինի սառը զենք կրելու, ոստիկանության ծառայողական ավտոմեքենայով լրագրողին վրաերթի ենթարկելու, հավաքներին մասնակցելու նպատակով քաղաքացիներին շահագրգռելու, ինչպես նաև ակցիայի մասնակիցների և դպրոցականների միջև տեղի ունեցած վիճաբանության, ակցիա իրականացնող քաղաքացիների կողմից թմրամիջոց, հոգեմետ նյութ ապօրինի ձեռք բերելու և պահելու, բռնություն գործադրելու միջոցով իշխանությունը յուրացնելու նախապատրաստության, դանակի գործադրմամբ քաղաքացուն մարմնական վնասվածք պատճառելու, խուլիգանություն կատարելու և ոստիկանությանը պատկանող ավտոբուսի անվադողը վնասելու, ՀՀ արտաքին գործերի նախարարության շենքի դիմաց խուլիգանություն կատարելու, ԵՐևան քաղաքի Բաղրամյան-Դեմիրճյան փողոցների խաչմերուկում զանգվածաին անկարգություններ, խուիգանություն կատարելու, տեղեկատվական տեխնոլոգիաների օգտագործմամբ խուլիգանություն կատարելու և այլ դեպքերի առթիվ։

Նշված վարույթների շրջանակներում հանրային քրեական հետապնդում է հարուցվել ընդհանուր 58 անձի նկատմամբ։ Նրանցից՝

28 անձի նկատմամբ հանրային քրեական հետապնդում է հարուցվել ՀՀ քրեական օրենսգրքի 297-րդ հոդվածի 2-րդ մասի 1-ին կետով (խմբի կազմում խուլիգանություն կատարելը),

  • 17 անձի նկատմամբ՝ ՀՀ քրեական օրենսգրքի 236–րդ հոդվածի 2–րդ մասով (հավաքին մասնակցելու նպատակով նյութապես շահագրգռելը),
  • 3 անձի նկատմամբ՝ ՀՀ քրեական օրենսգրքի 452-րդ հոդվածի 3-րդ մասով (պաշտոնատար անձի օրինական ծառայողական կամ քաղաքական գործունեությանը բռնության գործադրմամբ միջամտելը),
  • 2 անձի նկատմամբ՝ ՀՀ քրեական օրենսգրքի 297-րդ հոդվածի 3-րդ մասով (զենքի կամ մարմնական վնասվածք պատճառելու համար նախապես պատրաստված, կամ հարմարեցված առարկայի, կամ միջոցի գործադրմամբ, կամ դրա գործադրման սպառնալիքով կատարված խուլիգանությունը),
  • 2 անձի նկատմամբ՝ ՀՀ քրեական օրենսգրքի 330-րդ հոդվածի 2-րդ մասի 3-րդ կետով (հրապարակայնորեն ցուցադրվող ստեղծագործությունների, զանգվածային լրատվության միջոցների կամ տեղեկատվական կամ հաղորդակցական տեխնոլոգիաների օգտագործմամբ բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը, ինչպես նաև այդ նպատակով նյութեր կամ առարկաներ տարածելը),
  • 1 անձի նկատմամբ ՀՀ քրեական օրենսգրքի 297-րդ հոդվածի 1–ին մասով (խուլիգանություն կատարելը),
  • 1 անձի նկատմամբ՝ ՀՀ քրեական օրենսգրքի 297-րդ հոդվածի 2-րդ մասի 3–րդ կետով (տեղեկատվական կամ հաղորդակցական տեխնոլոգիաներն օգտագործելով խուլիգանություն կատարելը),
  • 1 անձի նկատմամբ՝ ՀՀ քրեական օրենսգրքի 329-րդ հոդվածի 2-րդ մասի 3-րդ կետով (հրապարակայնորեն ցուցադրվող ստեղծագործությունների, զանգվածային լրատվության միջոցների կամ տեղեկատվական կամ հաղորդակցական տեխնոլոգիաների օգտագործմամբ ատելություն, խտրականություն, անհանդուրժողականություն կամ թշնամանք հրահրելուն կամ քարոզելուն ուղղված հրապարակային խոսքը, ինչպես նաև այդ նպատակով նյութեր կամ առարկաներ տարածելը),
  • 1 անձի նկատմամբ՝ ՀՀ քրեական օրենսգրքի 334–րդ հոդվածի 1–ին մասով (ապօրինի կերպով քաղաքացիական ողորկափող հրազեն, գազային, օդաճնշիչ, սառը կամ նետողական զենք կրելը),
  • 1 անձի նկատմամբ՝ ՀՀ քրեական օրենսգրքի 43–419–րդ հոդվածի 1–ին մասով (իշխանությունը յուրացնելու նախապատրաստություն),
  • 1 անձի նկատմամբ՝ ՀՀ քրեական օրենսգրքի 327-րդ հոդվածի 1-ին մասով (զանգվածային անկարգություններին մասնակցելը)։

Մեղադրյալներից 29-ի նկատմամբ որպես խափանման միջոց է ընտրվել կալանքը, 10-ի նկատմամբ՝ տնային կալանքը, 14-ի նկատմաբ՝ բացակայելու արգելքը, 1–ի նկատմամբ՝ դաստիարակչական հսկողությունը։ 3 անձի վերաբերյալ, կալանքի հարցը քննարկելու համար դատարան ներկայացնելու հիմքով, ձերբակալելու որոշում է հանձնվել ոստիկանությանը։

6 քրեական վարույթ՝ 16 անձի վերաբերյալ մեղադրական եզրակացությամբ, ուղարկվել է դատարան։ Դրանցից՝

  • 4 քրեական վարույթ՝ ընդհանուր 14 անձի վերաբերյալ՝ խմբի կազմում խուլիգանություն կատարելու մեղադրանքով։
  • 2 քրեական վարույթ՝ 2 անձի նկատմամբ՝ պաշտոնատար անձի, տվյալ դեպքում ոստիկանության ծառայողի օրինական ծառայողկան գործունեությանը բռնության գործադրմամբ միջամտելու մեղադրանքով։

Մեկ քրեական վարույթ կարճվել է, մյուսներով նախաքննությունը շարունակվում է։

Տպել
529 դիտում

Սարչապետ գյուղի հայ-վրացական մասում որևէ նոր սահմանային նշան չի տեղակայվել. Բորիս Բարոյան

Լոնդոնի ամենակենտրոնում. Նիկոլ Փաշինյանն այցելել է Միացյալ Թագավորությունում ՀՀ դեսպանատան նոր գնված շենք (տեսանյութ)

Խորապես վշտացած եմ ավիավթարի ողբերգական լուրից. Վասիլիս Մարագոսը ցավակցություն է հայտնել զոհերի ընտանիքներին

Եվրոպան կաջակցի Հայաստանին և Ադրբեջանին, 2024-ը կարող է դառնալ խաղաղության տարի. Օլաֆ Շոլց

Պետությունը մշտապես սահմանամերձ համայնքների բնակիչների կողքին է. Գևորգ Պապոյանն այցելել է Սյունիքի մարզ

«Հայկական Ավիաուղիներ»-ը Երևան-Կազան-Երևան երթուղով կանոնավոր չվերթ կգործարկի

Մետրոպոլիտենում Վասիլիս Մարագոսի մասնակցությամբ դրենաժային թունելի բացման արարողությանը վերաբերող հարցեր են քննարկվել

Կադրը անցած գիշեր ֆիքսել են Չարենցավանում. Գագիկ Սուրենյանը լուսանկար է հրապարակել

Նորակերտում խմելու ջրի վնասված խողովակի հարցը լուծվել է, որի մասին բարձրաձայնել էր «Հայկական ժամանակ»-ը

Մենք հսկայական պատասխանատվություն ենք կրում. Ֆրանսիայի Ազգային ժողովի նախագահ է վերընտրվել Յաել Բրոն-Պիվեն

Բարձր պահել դատական իշխանության հեղինակությունը. նախագահի նստավայրում դատավորների երդման արարողություն է տեղի ունեցել

Կրակելուց հետո վախեցել և ինքնաձիգը նետել է. հանցագործության գործիքն ու կրակված պարկուճները հայտնաբերվել են

«Ռոսսելխոզնադզորը» ժամանակավորապես կասեցրել է պտուղ-բանջարեղեն արտադրող 16 ընկերության արտադրանքի մատակարարումը ՌԴ. ՍԱՏՄ

Օդի ջերմաստիճանը կնվազի 2-3 աստիճանով. անձրև և ամպրոպ կլինի

Վիճաբանողները չեն ենթարկվել ոստիկաններին, հայհոյել ու հարվածել են նաև նրանց. 6 անձ է ձերբակալվել

Եվրոն էժանացել է. ինչ փոփոխություններ է արձանագրել տարադրամի շուկան հուլիսի 19-ին

Գլոբալ խափանում. աշխարհում խանգարվել է բանկերի, օդանավակայանների և ավիաընկերությունների գործունեությունը

Հայտնի են ուսումնական ինքնաթիռի վթարի հետևանքով զոհվածների անունները

Փոխվում և արդիականացվում է Երևանի 47 փողոցի լուսավորություն (տեսանյութ)

Ստեփանավանի 23-ամյա բնակիչն անհետ կորել է (տեսանյութ)

Թեհրանի համար կարևոր է Հայաստանի Սյունիքի մարզի անվտանգությունը. Սոբհանի

«ՀՀ վարչապետի գավաթ» սիրողական լողի մրցաշարը կանցկացվի Սևանում. հայտնի են օրն ու դրամային մրցանակների չափերը

Ճշտված տվյալներով՝ վթարված ինքնաթիռը Յակ-52 է. ՆԳՆ ՓԾ

Կոտայքում ինքնաթիռի կործանման հետևանքով մահացածներից մեկը կուրսանտ է, մյուսը՝ սպա

Թրամփը պաշտոնապես համաձայնել է առաջադրվել նախագահի պաշտոնում. նա ներկայացել է կնոջ ու ամբողջ ընտանիքի հետ (լուսանկարներ)

Երևանում ավտոբուսի վարորդը շիշը շպրտել է ուղևորի վրա, քաշքշել. նա կազատվի աշխատանքից (տեսանյութ)

Կործանված ինքնաթիռի վթարման դեպքով նախաձեռնվել է քրեական վարույթ. ՔԿ

Հաստատվել են նախնական և միջին մասնագիտական ուսհաստատությունների անվճար ուսուցման ընդունելության տեղերը

Դեմ ենք միջազգային սահմանների և տարածաշրջանում աշխարհաքաղաքական ցանկացած փոփոխության. ՀՀ-ում Իրանի դեսպան

Ուշագրավ հնարք՝ բեմադրությամբ. Պետրոսյանը նշել է՝ ինչո՞ւ է Բաքուն միտումնավոր «ցրում» Երևանի հետ հանդիպումները

Առաջիկայում իրանական գազի արտահանումը Հայաստան կկրկնապատկվի. Մեհդի Սոբհանի

Քննարկվել են «Siemens Industry Software»-ի՝ Հայաստանում նոր ենթակառուցվածքների ստեղծման ծրագրերը

Փարիզում նպատակս անձնական արդյունքներս բարելավելն է. ԿԳՄՍՆ-ն բացահայտել է լողորդ Արթուր Բարսեղյանին

Շոլցն ու Ալիևը քննարկել են Հայաստանի և Ադրբեջանի միջև խաղաղության գործընթացը

Իմ վերադարձով ԱՄՆ-ը կբարելավի հարաբերությունները Հյուսիսային Կորեայի հետ. Թրամփ

Երևանի բնակչուհին 1 տարի ենթարկվել է սեռական շահագործման․ թրաֆիքինգի վերաբերյալ վարույթի նախաքննությունն ավարտվել է

«Կանաչապատում և շրջակա միջավայրի պահպանություն» ՀՈԱԿ-ի տարածքում բռնկված հրդեհը դեռ չի մարվել (լուսանկարներ)

Կործանված ինքնաթիռը ուսումնամարզական թռիչք է իրականացրել. ՊՆ

ՀՀ տարածքում ինքնաթիռ է կործանվել. կան զոհեր (տեսանյութ)

Նորատուսցի Արայի 19-ամյա որդու մասնակցությամբ միջադեպից նոր հանգամանքներ են պարզվել