Մարդիկ կարող են գետն ընկնել, խառնվել կոյուղաջրերին, աղբին, առնետների բաժին դառնալ. ինչ իրավիճակ է Գյումրի գետակում

15/06/2024 schedule19:10

Ինչ ասես՝ դուրս է գալիս. էլ խալադելնիկ, էլ գազի պլիտա, էնպիսի բաներ են նետում, որ աբսուրդ է։

Գյումրու հիմնախնդիրներից, եթե անօթևանության վերջը գրեթե երևում է, ապա գետակը մարդկանցից «ազատագրելու» հարցը չի կարգավորվում. անկախ իրականացվող մաքրման աշխատանքներից, այն տարին բոլոր աղբառատ է։

աաաաաաաաաաաաաաաաաաաաաաաաաաաաաաա.jfif (350 KB)

Գյումրու համայնքապետարանի կոմունալ ծառայության բյուջետային հիմնարկի տնօրենի պաշտոնակատար Արտավազդ Ոսկանյանը «Հայկական ժամանակ»-ի հետ զրույցում ասում է, որ գրեթե ամենօրյա աշխատանք է արվում, մարդիկ, սակայն, չեն հետևում գետակը աղբ չլցնելու հորդորներին։

Գետակի մի հատվածը Գյումրու գլխավոր կամրջի տակով է հոսում, որի մի կողմում բնակելի տներն են, մյուսում՝ հողային պատնեշն ու ծառերը։ Հատկապես խնդրահարույց են Սուրբ Նշան եկեղեցու հետնամասի, ավտոկայանի տնակային ավանին հարակից և Սլաբոտկա թաղամասի հատվածները։ 

աաաաաա.jfif (226 KB)

«Քաղաքացիներին բազմիցս հորդորել ենք, գնացել, հետները խոսել, բացատրել ենք։ Մաքրման աշխատանք կատարելուց իրենք էլ հավաքում են, անձամբ ինքս էլ եմ եղել էդ հատվածներում։ Սլաբոտկայում մի տատիկ կա, ալարում է՝ 10 մետր քայլի, աղբը նետի։ Ամեն անգամ զգուշացնում են, որ գետակը չնետի, անհնար է։ Տուգանելու մեխանիզմն էլ չի լինի, տատիկի թոշակը 30 հազար դրամ է, որ տուգանենք, 50-100 հազար ենք տուգանելու, մի քիչ մարդկայնորեն էլ ճիշտ չէ, դրա համար պարբերաբար մարդ ենք ուղարկում Սլաբոտկայի էդ հատվածը, մաքրում են»,- ասում է Ոսկանյանը։

Գյումրի գետակում մաքրման աշխատանքներն իրականացվում են այնքանով, որքանով թույլ են տալիս առկա հնարավորությունները։ Գետակի երկայնքով, անգամ որոշ հատվածներում՝ հենց գետակի վրա, 88-ի աղետից հետո հատկապես հիմնական կառուցապատումներ են իրականացվել, ամբողջական բնակելի թաղամասեր ու շինություններ կան, որոնցով պայմանավորված՝ տեխնիկայի օգնությամբ մաքրումը գրեթե անհնար է դառնում։ Այդ հատվածները մեծ մասամբ մաքրվում են ձեռքով։

աաաաաաաաաաաա.jfif (375 KB)

«Օրինակ՝ ձորի թաղում տները կառուցված են գետակին հարակից, այսինքն՝ էնտեղ մենք ընդհանրապես հնարավորություն չունենք տեխնիկա մտցնելու, որ մոտենա գետակին, մաքրման աշխատանք կատարի, շատ կան նման հատվածներ»,- պարզաբանում է պատասխանատուն։

Ոսկանյանն ասում է՝ ստեղծված իրավիճակում տեսականորեն Գյումրի գետակը լիարժեք մաքրելու միայն մի հնարավորություն կա. սարդ կոչվող սարքի օգնությամբ է դա արվելու, սակայն այս հարցում էլ խնդիրներն անպակաս են. գետակը որոշ հատվածներում այնքան է նեղացած, որ այդ նպատակի համար նախատեսված տեխնիկան անհնար կլինի կիրառել։

Գյումրի գետակ է թափվում քաղաքի ամբողջ կոյուղատար համակարգի պարունակությունը, բայց եթե դրան չգումարվի կենցաղային ու շինարարական աղբը, փչացած տեխնիկան, հին հագուստ-կապուստը, անգամ՝ բարձ, վերմակ ու ներքնակները, գետակը բնական ճանապարհով էլ ինքնամաքրվելու հնարավորություն կունենար։

աաաաաաաաաաաաաաաաաաաաաաաաաաաաաաաաաաաաաաաաաա.jfif (330 KB)

«Էդ աղբը իրենք են նետում: Բնությունն ինքն իրենով մաքրման աշխատանք անում է. ջուրը բարձրանում, մաքրում տանում է ափերին եղածը, բայց բնակիչներն էնքան աղբ են լցնում, որ անհնար է՝ ջուրը քշի, մաքրի»,- նկատում է Ոսկանյանը։

Խնդրահարույց տարածքների բնակիչները մեզ հետ զրույցում վստահեցնում են, թե իրենք կապ չունեն. աղբը աղբաման են հասցնում։ Սակայն գետակի մեջ սուզվելու կարիք չկա՝ տեսնելու համար, որ հենց նրանց բնակարանների հարակից հատվածներում կենցաղային աղբ է կուտակված, ինչը, վստահաբար, Գյումրու այլ թաղամասերում ապրողները չեն հասցրել քաղաքի կենտրոնական հատվածներ, որ հատուկ գետի մեջ նետեն։

Աղբից բացի՝ այլ խնդիր էլ կա։ Գետակի որոշ հատվածներ, որոնք այս կամ այն կերպ ծածկված են, վթարավտանգ են։ Դրանք ամեն պահի կարող ինքնափլուզվել, արտակարգ, նաև դժբախտ պատահարի պատճառ դառնալ։ Հատկապես Սուրբ Նշան եկեղեցու հարակից տարածքն է խիստ վտանգավոր։ Խնդիրը տարիների պատմություն ունի՝ հիմնական լուծման զրո տարբերակով։

Տարածքի բնակիչները զգուշանում են, հնարավորության սահմաններում էլ քաղաքի հյուրերին ու զբոսաշրջիկներին բացատրում, որ կարող են կանգնած տեղից գետն ընկնել, խառնվել կոյուղաջրերին, հոսել աղբի հետ, կամ առնետների բաժին դառնալ։

աաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաա.jfif (389 KB)աաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաաա.jfif (478 KB)

Այսինքն 2018-ին արված «Ք...ոտ չայը պահպանվում է Գյումրու քաղաքապետարանի կողմից» կոչ-գրառումը դեռ արդիական է։

Խնդրի կարգավորման նոր տարբերակ է քննարկվում ԱՄՆ ՄԶԳ «Հայաստանում ջրային ռեսուրսների կառավարման բարելավում» ծրագրի՝ Գյումրի գետակի վերականգնման խնդիրների ռազմավարական մոտեցումների մշակման աշխատանքային խմբի հետ:

Գյումրի գետակի վերականգնման ռազմավարություն է մշակվում։

«Բազմաթիվ նիստեր ու ժողովներ են եղել։ Փորձում են ծրագրի միջոցով Գյումրի գետակում հիմնական, վերջնական մաքրման աշխատանք անել։ Հետազոտման աշխատանքներն այժմ իրականացնում են տարբեր բաժիններ: Նաև նպատակ կա կոյուղատար խողովակները դուրս բերել գետակից և միացնել մի ինչ-որ կենտրոնական խողովակի։ Սա ծրագրի հիմնական նպատակներից մեկն է»,- ասում է Արտավազդ Ոսկանյանը։

Գետակի խնդիրների գույքագրման աշխատանքներն իրականացնելու նպատակով համայնքապետարանը, մասնագետներից բացի, նաև հրավիրել է հասարակական կազմակերպությունների ներկայացուցիչներին, երիտասարդներին, ինչպես նաև շահագրգիռ բոլոր անձանց՝ աշխատանքներում որպես կամավորներ ներգրավվելու համար:

Տպել
1039 դիտում

Առաքելությունս նախ հայերենը սիրցնելն է, ետքը՝ սորվեցնելը. Բեյրութում Նազելին ճանաչելի է դարձնում ազգային արժեքները

Մենք պետք է ամեն ինչ անենք, որ ստանանք ստորագրված խաղաղության պայմանագիր. Վահագն Ալեքսանյան

Բասկետբոլի Հայաստանի Մ18 հավաքականը հաղթել է Մոլդովային. հաջորդ հանդիպումն Ադրբեջանի հետ է

Եթե Ալիևն ուզում է, որ մեր պատվիրակությունը գնա Բաքու, պետք է փաստաթուղթ ստորագրվի. Ստեփանյանը մանրամասնել է՝ ինչպիսի

Ավտոմեքենայում պայթյուն է տեղի ունեցել. այրվածքներ ստացած վարորդը տեղափոխվել է հիվանդանոց

Թմրամիջոցների և հոգեմետ նյութերի իրացման դեպքերով քննվող դատական պրակտիկայի վերաբերյալ հարցեր են քննարկվել

ՌԴ և Ադրբեջանի փոխարտգործնախարարները քննարկել են Հարավային Կովկասում տիրող իրավիճակը

Մեծ Սարիարի հանդամասում հրդեհ է բռնկվել

Այս տարի Սևանն ամբողջությամբ չի կանաչել, ինչով է պայմանավորված դա. ինչ խնդիրներ ունի Գեղամա գեղեցկուհին

Տևական ժամանակ ջուր չի լինի Արմավիրի և Արագածոտնի մարզերում. հասցեներ

Գագիկ Սուրենյանը եղանակի վերաբերյալ նոր գրառում է արել

Թրամփի դեմ մահափորձը մեծ ձախողում էր. ԱՄՆ գաղտնի ծառայության ղեկավարը հրաժարական է տվել

Երիտասարդը բարձրացել է տանիք և սպառնացել ինքնասպան լինել (տեսանյութ)

Ջո Բայդենը ուղերձով կդիմի ժողովրդին

Օշականի ձորում համագյուղացիների վեճն ավարտվել է կրակոցով. տուժածը հիվանդանոցում է (տեսանյութ)

Գերմանիայից ժամանած լրագրողներին են ներկայացվել Ադրբեջանի և Թուրքիայի հետ հարաբերությունների կարգավորման գործընթացները

Պե՞տք է արդյոք Բաքու մեկնել, երբ ՊՆ կգա ԱՄՆ խորհրդատուն ու ինչ կլինի հայ-ամերիկյան հաջորդ զորավարժություններին

Սևանում ափից նավակով հեռացած քաղաքացիները չեն կարողացել վերադառնալ

ՄԻՊ-ն անդրադարձել է Երևանի Պարույր Սևակի 5/1 հասցեում գտնվող բազմահարկ շենքի՝ պայթեցման եղանակով քանդման ահազանգերին

Գյումրու ավագանին արտահերթ նիստ կանցկացնի. ինչ առաջարկություններ է ներկայացրել ՀՀ գլխավոր դատախազությունը

Ադրբեջանը արհեստական խնդիրներ է ստեղծում և իրավիճակային դիվանագիտություն վարում, որի հիմքում ուժի կիրառումն է. դեսպան

Կասկածելի վարքագիծ ցուցաբերած վարորդի մոտ առանձնապես խոշոր չափերով թմրամիջոցներ են հայտնաբերվել. տղամարդը կալանավորվել է

Մերձավանում «Մեգաշին» ՍՊԸ-ն աշխատել է խախտումներով, գործունեությունը կասեցվել է. ում անունն է կապվում դրա հետ

Ամբողջությամբ դադարացվել է «Մեգա թրեյդ»-ի գազաբենզալցակայանի և նավթամթերքի պահեստարանի գործունեությունը

Կարևորվել է ֆրանսիական կողմի հետաքրքրությունը. ԱԽ քարտուղարն ընդունել է «Ֆրամատոմ» ընկերության պատվիրակությանը

Հրդեհ է բռնկվել գյուղի եկեղեցու մոտակայքում

Պապոյանը ՀՀ-ում ՄԱԶԾ մշտական ներկայացուցչի հետ զրույցում անդրադարձել է Հայաստանի տնտեսական աճի ռազմավարություններին

ԱԳ փոխնախարարները ամերիկյան պատվիրակությանն են ներկայացրել հայ-ադրբեջանական հարաբերությունների կարգավորման գործընթացը

Խաղաղության եվրոպական հիմնադրամն աջակցություն է ցուցաբերելու ՀՀ-ին, որոշման համար ամիսներ շարունակ պայքարել եմ. Լուազո

Երևան-Մեղրի ճանապարհին բեռնատարներ են բախվել. տուժածը հոսպիտալացվել է

Ինչ է հայտնի Գյումրիում 1 տարի առաջ կատարված և նոր բացահայտված սպանության դեպքից. ոստիկանությունը տեսանյութ է հրապարակել

25-ամյա վարորդը ոչ սթափ վիճակում «Տոյոտա»-ով կողաշրջվել է. կա վիրավոր

Ընտանեկան բռնության դեմ պայքարի շրջանակում 1800 ոստիկան վերապատրաստվել, բարելավել է մասնագիտական կարողությունները

Հայաստանը մուտք կգործի «Եվրոպական խաղաղության հաստատություն», սա ֆրանսիական նախաձեռնության գագաթնակետն է. Կոլոնա

Ազատումներ և նոր նշանակումներ. դատախազությունում տեղի են ունեցել կադրային փոփոխություններ

ՀՀ-ում ԱՄՆ դեսպան Քրիստինա Քվինը դիտարկել է «Արծիվ գործընկեր 24» զորավարժության ընթացքը (լուսանկարներ)

Դոլարն ու եվրոն էժանացել են. ինչ փոփոխություններ է արձանագրել տարադրամի շուկան հուլիսի 23-ին

Աննա Հակոբյանը իր և վարչապետի համար սուրճ է գնել (տեսանյութ)

Հայաստանի քաղաքականությունը համահունչ է ՁԻԱՀ-ի և վիրուսային հեպատիտի համաճարակներին վերջ դնելու նպատակին. նախարար

ՀՀ ճանապարհներին տեղի ունեցած պատահարների հետևանքով 1 օրում տուժել է 15, զոհվել՝ 1 մարդ