Տրվում է վերջին նախազգուշացումը․ Շիրազի պատանեկության երկու թաքնված էջ է բացահայտվել, գտնվել՝ երկու կարևոր փաստաթուղթ

20/05/2024 schedule19:59

Մի անգամ Կառավարության շենք է մտնում, մի կին հետևից վազում է, թե՝ «խոդը (вход) էստեղից է»: Շիրազը շրջվում է դեպի այդ կինն ու ասում․ «Խոտը դու ես, ընձի մուտքը ցույց տուր»:

Չէր սիրում, երբ խոսում էին հայերենախառն ռուսերեն: Կարող էր հայհոյել անգամ, բայց բոլորովին դեմ չէր օտար լեզու իմանալուն, ինքն էլ հրաշալի տիրապետել է ռուսերենին:

Այն, ինչը վերաբերում էր հային ու հայկականին, պետք է անխախտ ու անբասիր լիներ, անձեռնմխելի, առանց ձևախեղումների։ Սա շիրազյան սկզբունք էր, որը քայլեց բանաստեղծի հետ ողջ կյանքի ընթացքում։

Ըմբոստ Շիրազի պատանեկության երկու թաքնված էջ է բացահայտվել, երկու կարևոր փաստաթուղթ, որոնք մեկ անգամ ևս եկան փաստելու, որ Շիրազը բռնկուն ու անհանդուրժող է եղել դեռ ուսանողական նստարանից, պայքարի ոգին ու շունչը նրա էության անբաժանելի մասն են եղել մշտապես և ամենուր։

Շատ պատահական գտնվել են Լենինականի մանկավարժական ինստիտուտի (ներկայիս Նալբանդյանի անվան պետական մանկավարժական համալսարան) 1935-1936 թթ. հրամանագրքում առկա ուսանող Հովհաննես Շիրազին վերաբերող երկու հրամանները։

«Հայոց լեզվի և գրականության բաժնի 2-րդ կուրսի ուսանող ընկեր Հովհաննես Շիրազին տրվում է վերջին նախազգուշացումը պարապմունքի ժամանակ խոսելու, ավելորդ բացակայությունների և միջամտությունների համար։

Կրկնվելու դեպքում՝ հեռացնել»։

P1108927.JPG (979 KB)

Սա առաջին հրամանն է եղել։ Երկրորդն արդեն հեռացման մասին է՝ հետևյալ բովանդակությամբ․

«Ուսանող Հովհաննես Շիրազին հեռացնել ինստիտուտից ստուգումները չհանձնելու և անկարգությունների համար»։

P1108923.JPG (567 KB)

Երկու հրամանագրերն էլ Գյումրու քաղաքապետարանի մշակույթի բաժնի պետ Լիլիթ Թովմասյանի նախաձեռնությամբ արդեն Շիրազի թանգարանում են՝ որպես ցուցանմուշներ։

«Այս փաստաթղթերը մենք հայտնաբերեցինք, երբ որ Շիրակի պետական համալսարանի 90-ամյակի առիթով արխիվային փաստաթղթերի հետ էինք աշխատում։ Գտանք, և շատ կարևոր պատմական այս վկայությունները ռեկտոր Երվանդ Սերոբյանը սիրոհոժար կերպով տրամադրեց թանգարանին։ Դրանք այժմ յուրաքանչյուրը կարող է տեսնել, մշտական ցուցադրության են»,- «Հայկական ժամանակ»-ի հետ զրույցում ասում է Թովմասյանը։

Այս երկու հրամանները, թեև Շիրազին տրվել են անկարգությունների, դասերից բացակայելու, շատ խոսելու համար, չունեն բացասական երանգներ, դրանք ճիշտ հակառակը՝ բանաստեղծի դրական ու էմոցիոնալ կողմերի բացահայտումներն են ու նրա էության իրական վկայությունները։

«Ավագները պատմում են, որ հիմնականում այդ անկարգությունները լինում էին այն պարագայում, օրինակ, երբ մեկի անունը հայկական ծագման չէր լինում, և Շիրազը ակտիվ բանավիճում էր, գնում բռնկուն խոսակցությունների։ Այսօրինակ դեպքերի բերումով է, որ եղել է ինստիտուտից հեռացման հրամանը, որն այսօր մեր ձեռքի տակ է հայտնվել»,- նշում է Թովմասյանը։

Թեև Շիրազը հեռացվել է Լենինականի մանկավարժական ինստիտուտից, սակայն այնպես չէ, որ կրթությունը չի շարունակել. սովորել է Երևանի պետական համալսարանի բանասիրական ֆակուլտետում, այնուհետև՝ Մոսկվայի Գորկու անվան գրականության ինստիտուտում ուսանել։

Երևանյան կյանքը ևս ի զորու չի եղել փոխել Շիրազին։ Որտեղ էլ եղել է, միշտ սիրտը դեպի Գյումրի է ձգտել։

Շիրազագետ Սամվել Մուրադյանը հիշում է, թե ինչպիսի կարոտ է տածել Շիրազն իր մանկության հուշերի քաղաքի նկատմամբ. «Ականատես եմ եղել, թե ինչպես է Գյումրու կարոտը Շիրազն ապրել Երևանում։ Կնստեր, կնստեր, մեկ էլ կասեր՝ էլի պիտի Գյումր էրտամ, քեֆ անելու հավես ունիմ»։

Տպել
6493 դիտում

Սեյրան Օհանյանն ու կինը վարկի «տակ» են. ինչ են հայտարարագրել ամուսինները

10 տարի է՝ Երևանն առանց կրկեսի է. ինչ է կատարվում ներսում, երբ շահագործման կհանձնվի, ինչ կմատուցվի

Մենակ ժեշտանջիքով քաղաք չեմ սարքե. ինչու քաղաքապետը պատռեց գեղանկարչի դիմումը, երբ ծնվեց Գյումրու տնակային ակադեմիան

«Հեզբոլլահը» իրանական զենք ու հսկայական քանակությամբ զինամթերք է պահում Բեյրութի օդանավակայանում. Telegraph

Ինձ քրոջ նման էր Լալան, շատ թանկ էր, գույն էր իսկապես. Աշոտ Ղազարյան

Նրա կողքին ժամանակն արագ էր անցնում. Հարություն Մովսիսյանը՝ Լալա Մնացականյանի մասին

Մի մեծ ժպտացող պակասեց մեր կյանքից, ափսոս էր Լալան. Կամո Արեյան

Ռուսաստանը հայտնել է Սևաստոպոլի հրթիռակոծության մասին. կան զոհեր ու հարյուրից ավել վիրավոր

Կոնդի եկեղեցում վերջին հրաժեշտն են տալիս ՀՀ վաստակավոր արտիստ Լալա Մնացականյանին

Հայաստանի բռնցքամարտի թիմը 10 մեդալ է նվաճել Վրաստանում

Կալիֆորնիայում ընտրել են «աշխարհի ամենատգեղ շուն» մրցույթի հաղթողներին (լուսանկարներ)

«Նիսսան»-ի վարորդը հարվածել է պարեկի ավտոմեքենային և դիմել փախուստի. կան վիրավորներ, հնչել են կրակոցներ

Որոնք են «Քաղաքացիական պայմանագիր» կուսակցության առաքելությունը և մեր երկրի սպառնալիքները. վարչապետը մանրամասնել է

Հիմա շատ կարևոր է, որ գտնենք մի հարցի պատասխան՝ ինչու հերթական ընդդիմադիր շարժումը ՀՀ-ում ձախողվեց. վարչապետ (տեսանյութ)

Տոյվո Կլաարը դրական է գնահատել սահմանին hրադադարի խախտումների դեմ պայքարի մասին ՀՀ-ի առաջարկը

Իսրայելը զանգվածային հարվածներ է հասցրել Ռաֆահին. Al Jazeera

Բնության գրկում. Աննա Հակոբյանը տեսանյութ է հրապարակել

Եղեգնուտում այրվել է բնակելի տնակ

Գնել Սանոսյանը ծանոթացել է Կիրանցի նոր կառուցվող ճանապարհի և կամրջի շինարարության ընթացքին

Բայդենը շուտով ԱՄՆ-ին ներքաշելու է Երրորդ համաշխարհային պատերազմի մեջ. Թրամփ

Երևանում ու մարզերում երեկոյան ժամերին սպասվում է կարճատև անձրև, ամպրոպ և քամու ուժգնացում

ԿԳՄՍ նախարարի՝ Գերմանիա այցի շրջանակում քննարկվել է Լայպցիգի գրքի ցուցահանդեսին Հայաստանի հնարավոր մասնակցությունը

Ավտոտեխսպասարկման կետում մեքենան ընկել է փոսը. քաղաքացին արգելափակվել է միջնամասում

Թուրքիայում երկրաշարժ է տեղի ունեցել

Աղվերանի հյուրանոցում պայթյունից տուժած տղամարդը այրվածքներ է ստացել. ՆԳՆ-ն մանրամասներ է հայտնել դեպքից

Ալեն Սիմոնյանը շնորհավորել է Լյուքսեմբուրգի Ազգային տոնի՝ Մեծ դուքսի ծննդյան օրվա առիթով

Հայտնի է՝ երբ այս տարի կնշվի Վարդավառը

Հրապարակվել են գաղտնի նամակներ Բելառուսի ու Ադրբեջանի միջև ռազմական համագործակցությունից. Հետք

Պուտինն Ադրբեջանում Ռուսաստանի դեսպանին պարգևատրել է շքանշանով

Երևանում թալանել են «Թելսել» տերմինալը, որում եղել է 1,2 մլն դրամ

Հանրապետությունում կան փակ և միակողմանի գործող ավտոճանապարհներ

ԱԺ պատվիրակությունն այցելել է Չինաստանի տեղական օրենսդրական իրազեկման գրասենյակ

Անի Երանյանը և Մհեր Բաղդասարյանը նոր սիրառատ ֆոտոշարք են հրապարակել (լուսանկարներ)

Պայթյուն Աղվերանում հայտնի «Արարատ ռեզորթ» հյուրանոցային համալիրում. կա վիրավոր (լուսանկարներ)

Հայաստանի՝ Պաղեստինի Պետության ճանաչումը համարձակ որոշում է. ԱՊԼ գլխավոր քարտուղար

Միմյանց բախվելուց հետո մեքենաներից մեկը կողաշրջվել է. տուժածին դուրս են բերել քաղաքացիները

Բահրեյնի Թագավորությունը ողջունել է Հայաստանի կողմից Պաղեստինի Պետության պաշտոնական ճանաչումը

Տեղի է ունեցել «Քաղաքացիական պայմանագիր» կուսակցության 4-րդ Քաղաքական ժողովը

ՀՀ վարչապետի աշխատակազմը հայտարարություն է տարածել. ինչ է առաջարկվում Ադրբեջանին

Իսլամական համագործակցության կազմակերպությունը ողջունել է Հայաստանի կողմից Պաղեստինի Պետության ճանաչումը