Տպավորություն է՝ ՀԱՊԿ-ում շահագրգռված են ՀՀ-ի անդամության դադարեցմամբ՝ չեզոքացնելով Ալիևի հետ վատամարդ դառնալու առիթները

29/02/2024 schedule23:00

Վերջին մի քանի օրերին հանրային-տեղեկատվական քննարկումների «թոփ նյուզը» կրկին Հավաքական անվտանգության պայմանագրի կազմակերպությունն է, մասնավորապես՝ այդ կառույցում ՀՀ-ի մնալ-դուրս գալու հարցը, որը ՀԱՊԿ հիմնադիր մեր երկրի առաջ ծագել է հատկապես 2022-ին՝ Ադրբեջանի կողմից Հայաստանի նկատմամբ իրականացրած սեպտեմբերյան ագրեսիայից հետո։

ՀԱՊԿ-ի խնդիրը, նկատենք, հուզում է ոչ միայն ՀՀ-ի, այլ նաեւ արտերկրի լսարանին, եւ ՀՀ վարչապետի որեւէ հարցազրույց, ասուլիս, ելույթ, այդ թվում՝ խորհրդարանի հետ հարցուպատասխանի ֆորմատով, առանց այդ հարցի արծարծման, կարծեք, տեղի չի ունենում։

Եվ մինչ տեղական շահագրգիռ խումբ-խմբակները ՀԱՊԿ-ի նկատմամբ ՀՀ-ի «դեմարշը» անհատականացնում են ու որակում ընդդեմ ՀԱՊԿ անդամ, ՀՀ դաշնակից երկրի՝ ՌԴ-ի արված քայլ, կոլեկտիվ անվտանգության այդ կառույցը, փաստորեն, նույնացնելով մեկ սուբյեկտի հետ, Փաշինյանի կառավարությանն էլ մեղադրում ՀԱՊԿ «ախոյան» ՆԱՏՕ-ի հետ «խաղեր տալու» համար, դաշնակից երկրի քարոզչամեքենան հմտորեն որսում է ՀՀ-ից ուղարկվող «հակառուսական սիգնալն» ու ՀԱՊԿ-ի անունից «կոլեկտիվ հիմունքներով» «հաշվի է կանչում» ՀՀ-ին։

Թե՝ եթե որոշել եք լքել մեզ, ապա որտե՞ղ է «ազատման դիմումը»։ Տպավորություն է՝ ՀԱՊԿ-ում շահագրգռված են ՀՀ-ի անդամության ժամ առաջ դադարեցմամբ, որպեսզի իրենց գլուխն առմիշտ ազատեն անդամ երկրի նկատմամբ գոնե ֆորմալ առումով ստանձնած պատասխանատվությունից՝ չեզոքացնելով «ուվաժայեմիյ Իլհամ Հեյդարովիչի» հետ վատամարդ դառնալու առիթները։   

ՀՀ-ն էլ վարչապետի շուրթերով մեկ անգամ չէ, որ շարադրել է իր նկատառումներն ու «պրետենզիաները» հիշյալ կառույցի գործունեության առնչությամբ, ֆիքսել փաստը, որ կոլեկտիվ անվտանգության երաշխավորման համար կոչված սույն կառույցը չի կատարում իր կանոնադրային պարտավորությունները անդամ երկիր ՀՀ-ի նկատմամբ եւ դաշտ ապահովել համապատասխան ադեկվատ, պատճառաբանված եզրահանգումների համար։

Փաստ է, որ ՀՀ-ն ռենտգենի ենթարկեց բուտաֆորիկ այդ կառույցի ներսում տիրող իրավիճակը՝ իր օրինակով ապացուցելով, որ ՀԱՊԿ-ը չունի ոչ միայն պատասխանատվություն, այլեւ պատասխանատվության գոտի, ՀԱՊԿ-ի ունեցածը անպատասխանատվությունն է, հետեւապես ՀՀ-ն չի պատրաստվում իր տարածքային ամբողջականությունն ու անվտանգությունը ի պահ հանձնել նման որակի կառույցի։   

Լիկբեզ՝ «կոլեկտիվ անհասկացողների» համար 

ՀԱՊԿ-ի վերաբերյալ ՀՀ վարչապետի դիտակումներից առանձնացնեք մի քանիսը։ Մասնավորապես Հ1-ին նախորդ տարեվերջին տված հարցազրույցում Նիկոլ Փաշինյանը հանրամատչելի ներկայացրեց «ՀԱՊԿ-ի հետ կապված պրոբլեմը»:

«Հավաքական անվտանգության պայմանագրի կազմակերպության հետ կապված պրոբլեմն ինչի՞ մեջ էր․ իրենք ասում են՝ մենք գանք, դիտորդներ լինենք: Ասում ենք՝ դիտորդներ գան, ի՞նչ անեն: Պատասխան չկա: Եվ երկրորդը՝ մենք ասում ենք՝ Հավաքական անվտանգության պայմանագրի պատասխանատվության գոտին ֆիքսեք: ՀՀ-ն ՀԱՊԿ անդամ է, չէ՞, ՀՀ-ն նշանակում է՝ ՀԱՊԿ պատասխանատվության գոտի է, ֆիքսեք՝ ո՞րն է այդ պատասխանատվության գոտին, որովհետեւ մենք ունենք իրավիճակ, երբ այդ պատասխանատվության գոտին խախտվել է, ընդ որում՝ այս ընկալումը մենք չենք առաջարկել: Մեր պայմանավորվածությունների հիմքում եղել է այն, որ ՀՀ ինքնիշխան տարածքը կարմիր գիծ է ՀԱՊԿ-ի եւ Ռուսաստանի Դաշնության համար: Մենք ասում ենք՝ կարմիր գիծը խախտվել է, իրենք ասում են՝ ոչ, ոնց որ թե կարմիր գիծը չի խախտվել: Ասում ենք՝ շատ լավ, այս թուղթը, այս գրիչը՝ գծեք՝ ձեր ասած կարմիր գիծը որտեղո՞վ է անցնում: Ընդ որում՝ ասում ենք՝ մեր մեկնաբանության հետ եթե համաձայն չեք, խնդիր չկա, դուք ձեր ձեռքով գծեք այդ կարմիր գիծը, հասկանանք՝ այդ կարմիր գիծը որտեղո՞վ է անցնում: Իրենք ասում են՝ չենք կարող այդ կարմիր գիծը գծել: Նշանակում է՝ դուք Հայաստանում կարմիր գիծ չունեք, դուք Հայաստան գալիս եք ի՞նչ անեք»,- ասել էր վարչապետը:

The Telegraph-ին շաբաթներ առաջ տված հարցազրույցում էլ վարչապետը կարեւոր նկատառում էր արել․ ի պատասխան հարցի՝ «Դուք վերջերս խոսեցիք այն մասին, որ Հայաստանն այլեւս չի կարող հենվել Ռուսաստանի վրա որպես իր հիմնական ռազմական եւ պաշտպանական գործընկեր, Ռուսաստանը չկատարեց իր պարտականությունները ՀԱՊԿ մասով, ի՞նչ է սա նշանակում գործնականում, Հայաստանը դիտարկո՞ւմ է ապագայում ՆԱՏՕ-ի անդամակցություն»՝ ՀՀ կառավարության ղեկավարը շեշտել էր.

«Մենք չենք ասել, որ ժխտում ենք եւ մերժում ենք Ռուսաստանի հետ համագործակցությունն ընդհանարապես եւ անվտանգության ոլորտում մասնավորապես: Մենք ասել ենք, որ պատրաստվում ենք դիվերսիֆիկացնել անվտանգային ոլորտում մեր հարաբերությունները: Ի՞նչ է սա նշանակում, արդյոք սա նշանակում է, որ մենք անվտանգային ոլորտում պատրաստվում ենք մեր հարաբերությունները խզել Ռուսաստանի հետ: Ոչ, դա չի նշանակում, բայց դա նշանակում է, որ անվտանգության ոլորտում պատրաստվում ենք եւ պատրաստ ենք եւ քննարկում ենք ու աշխատում հարաբերություններ հաստատել, օրինակ՝ ԵՄ-ի հետ, ԱՄՆ-ի հետ, ԻԻՀ-ի հետ, Հնդկաստանի հետ․․․ եւ էլի բազմաթիվ երկրների հետ, որոնց հետ մենք քննարկում ենք: Նույն Միացյալ Նահանգների կամ Ֆրանսիայի կամ Հնդկաստանի կամ ԵՄ-ի հետ անվտանգային ոլորտում մեր հարաբերությունները, բնականաբար, ուղղված չեն ՌԴ-ի դեմ: Դրանք պարզապես այն արձանագրման իրողությունն են, որ նախկինում մեր ունեցած անվտանգային հարաբերությունները չեն հասցեագրում մեր անվտանգային կարիքները»:

Ինչ վերաբերում է ՆԱՏՕ-ին, ապա, ըստ վարչապետի, օրակարգում այդպիսի հարց չկա:

Արդ, ամփոփելով մինչեւ այժմ հնչած՝ ՀԱՊԿ-ի վերաբերյալ գնահատականներն ու արձանագրումները՝ եզրահանգենք՝ ի՞նչ է շահելու ՀՀ-ն մնալով ՀԱՊԿ-ում եւ ի՞նչ է կորցնելու՝ դուրս գալով ՀԱՊԿ-ից։

Եթե ի գիտություն ընդունենք ՀԱՊԿ անդամ երկիր Բելառուսի նախագահ Լուկաշենկոյի անբռնազբոս մեկնաբանությունը, ապա «ՀԱՊԿ-ը չի փլուզվի ՀՀ-ի դուրս գալով»։ 

Իսկ այ ՀՀ-ն․․․․ ԱԺ-Կառավարություն հարցուպատասխանի ժամանակ, ի պատասխան ընդդիմադիր պատգամավոր Գեղամ Մանուկյանի հարցի, Նիկոլ Փաշինյանը տվեց այդ հարցի պատասխանն ու մասնավորապես նշեց․

«ՀԱՊԿ-ը, փոխանակ կատարելու ՀՀ-ի նկատմամբ իր պարտականությունները՝ անվտանգային ոլորտում դիմակայելու, ընդհակառակը, անվտանգային խնդիրներ է առաջացնում ՀՀ-ի համար, ու այդ դիրքորոշումը, ուղիղ ասում եմ, որ սպառնալիք է ՀՀ ազգային անվտանգությանը: Հետեւաբար ՀԱՊԿ-ը, ի հեճուկս սեփական պարտավորությունների, որ պետք է ապահովեր ՀՀ անվտանգության նկատմամբ համարժեք դիրքորոշում, անում է ուղիղ հակառակը: Հիմա մենք դե ֆակտո սառեցրել ենք, ու եթե այս պրոցեսը շարունակվի, դե յուրե էլ պիտի սառեցնենք, ի՞նչ անենք»: 

Ի լրումն Լուկաշենկոյի վերոհիշյալ դիտարկման՝ ասենք՝ ՀԱՊԿ-ը առանց ՀՀ-ի չի փլուզվի, քանի որ (քաղաքականապես) փլուզված կառույցը հնարավոր չէ փլուզել, պետք է ուղղակի ճար գտնել ու ժամ առաջ դուրս գալ փլատակներից։ ՀՀ-ն հենց դա է փորձում անել։ 

Հ․Գ․ Ի դեպ, փլուզման եւ/կամ փլուզված լինելու մասին․ համացանցի արխիվային նյութերում գտանք ռուս պրոպագանդիստների «հյութեղ» զրույցը ՀԱՊԿ-ի մասին։ Կրեմլի խոսնակ Սոլովյովն իր՝ 2022-ի նոյեմբերին եթեր հեռարձակված հաղորդման շրջանակներում այսպիսի հարցադրում է անում՝ «մեր տարածքներ ներխուժե՞լ են՝ Զապորոժիե, Լուգանսկ, Խերսոն, իսկ ո՞ւր է ՀԱՊԿ-ը, որտե՞ղ են ՀԱՊԿ զորքերը»։ Հաղորդման փորձագետներից մեկը հարցնում է՝ իսկ ՌԴ-ն այդ հարցը բարձրացրե՞լ է ՀԱՊԿ-ի առաջ։ Սոլովյովն էլ «ժողովուրդների բարեկամ» Ստալինի ոճով վրա է բերում՝ այո՛, իսկ եթե ՌԴ-ն դնի՛ այդ հարցը։ Նրան արձագանքում է Կրեմլի մեկ այլ «սոխակ»՝ Մարգարիտա Սիմոնյանն ու կիսահեգնական տոնով նետում․ «Գիտե՞ք՝ ինչ կասեն խորամանկաբար, կասեն՝ երբ մենք ստորագրում էինք ՀԱՊԿ-ի ստեղծման տակ, այդ ժամանակ Ռուսաստանի սահմանները այլ էին». «Եթե նրանք այդպես արձագանքեն, ապա հարց է ծագում՝ այդ դեպքում ինչի՞ համար են այսպիսիք պետք ՀԱՊԿ-ում»։

Հաղորդման փորձագետներից մեկը ժպտադեմ արձագանքում է՝ ես դեմ եմ իլյուզիաներին, ինչին էլ ի պատասխան՝ Սոլովյովը «պեչատում» է՝ այդ դեպքում ի հայտ է գալիս որոշ կազմակերպությունների գոյության իմաստը, այն դեպքում, երբ հենց իրենց է պետք (աջակցություն - խմբ․), ապա՝ խնդրե՜մ, իսկ երբ մեզ է պետք՝ բոլորն ասում են՝ ո՜ւյ, տղաներ, ո՛չ, ո՛չ»։

Փաստորեն, նույնիսկ ՌԴ-ի հետ նույնացվող կառույցի մասին նույն ՌԴ-ում են վաղուց՝ «անձնական օրինակով» հասկացել, որ ՀԱՊԿ-ը ընդամենը ազդեցիկ հապավում է, իրականում՝ փուչիկ, բուտաֆորիա, եթե կուզեք՝ «ռազմաքաղաքական մուլյաժ»։

Հեղինե Մանուկյան

Տպել
6754 դիտում

ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան

Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է

Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան

Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»

Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան

Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար

Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան

Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը

Եթե Ստեփանակերտում ոչ թե «քֆուրով» որոշում ընդունող, այլ ադեկվատ իշխանություն լիներ, կսահմաներ ԼՂ շփման գիծը․ Աթանեսյան

Մենք ԵՄ-ի հետ սկսում ենք սերտ համագործակցության նոր ճանապարհ․ Արարատ Միրզոյան

Խաղաղության գործընթացը հիմնականում բաղկացած է որոշումներից, որոնք դուրս են «հակամարտելու» տրամաբանությունից․ Թորոսյան

Շուտով հայտնի ուժերը «մետոձիչկաները» կստանան, ու 10 կոպեկանոց լացի նոր եթերաշրջանը կհամարենք բացված․ Ալեքսանյան

Հայաստանը կստանա հնարավորություն սահմանազատման գործընթացը կազմակերպել քաղաքակիրթ և լեգիտիմ ընթացքով․ Ղազարյան

Աշխարհի գավաթ․ մարմնամարզիկ Վահագն Դավթյանը Փարիզի Օլիմպիական խաղերի ուղեգիր է նվաճել

Կողմերը կառաջնորդվեն Ալմա Աթայի 1991թ. հռչակագրով, մի բան, որից Ադրբեջանը արդեն տևական ժամանակ խուսափում էր․ Եղոյան

Հուսանք՝ այցից հետո կհայտնվի մեր հարաբերությունների զարգացման «ճանապարհային քարտեզ»․ Միրզոյանի հարցազրույցը Arab News-ին

Վկան գլխի ճակատային մասով 3 անգամ հարվածել է աշխատասեղանին․ ինչ է կատարվել Շենգավիթի քննչական բաժնում

Սահմանազատման հանձնաժողովների հրապարակած փաստաթղթում երկու բավականին դրական և հուսադրող միտում տեսա․ Արամ Սարգսյան

Առաջին անգամ կա հնարավորություն ունենալ սահմանազատված պետական սահման, որտեղ կտեղակայվեն սահմանապահներ. Հովհաննիսյան

Ողջունում ենք Հարավային Կովկասի վերաբերյալ «Մեծ յոթնյակի» երկրների ԱԳ ղեկավարների հայտարարությունը․ Արարատ Միրզոյան

Սեփական տան լոգարանում հայտնաբերվել է ՊՆ N զորամասի ջոկատի հրամանատարի 31-ամյա տեղակալի դին

Եթե հայ-ադրբեջանական հանձնաժողովի ձեռք բերած պայմանավորվածությունը կյանքի կոչվի, կլինի լուրջ հաջողություն. Իոաննիսյան

Հանձնաժողովների պայմանավորվածության մեջ չափազանց կարևոր է Ալմա-Աթայի սկզբունքի շուրջ համաձայնությունը. Խանդանյան

Կապան-Քաջարան ճանապարհահատվածում հարկադիր քարաթափում է իրականացվել

«Մեծ յոթնյակը» պետք է հրաժարվի Հայաստանի և Ադրբեջանի նկատմամբ հավասարական մոտեցումներից․ Գարդման-Շիրվան-Նախիջևան

Տավուշի մարզի ոչ մի սանտիմետր չի կարող տրվել որևէ մեկին, ՀՀ տարածքային ամբողջականությունը պաշտպանված է․ Կոնջորյան

Պետք է արդյունավետ հավասարակշռություն գտնենք արհեստական բանականության ընձեռած հնարավորությայն և ռիսկերի միջև. Ջուլհակյան

Պապոյանը ՀԱՀ ընկերություններին հրավիրել է մասնակցելու Հայաստանում պետական աջակցությամբ իրականացվող տնտեսական ծրագրերին

ՊՎԾ-ն ամփոփել է վարչապետի հանձնարարությամբ քաղշինկոմիտեում և ԿԳՄՍՆ-ում իրականացված ուսումնասիրությունների արդյունքները

էկոնոմիկայի նախարարությունը նոր գլխավոր քարտուղար ունի․ վարչապետը որոշում է ստորագրել (լուսանկար)

Սահմանազատման սկզբնական փուլում Հայաստանն ու Ադրբեջանը նախնական համաձայնեցրել են սահմանագծի առանձին հատվածները․ ԱԳՆ

Օլաֆ Շոլցը և Ադրբեջանի նախագահը բանակցություններ կվարեն Բեռլինում

Առաջին անգամ Հայաստանի և Ադրբեջանի միջև, 4 գյուղի հատվածում, կլինի սահմանազատված պետական սահման. քարտեզ

Ռոստովի մարզում ձերբակալվել են Ադրբեջանի քաղաքացին և ևս 2 անձ․ Շահին Աբբասովը կասկածվում է սպանության մեջ

Ալիևը կմեկնի Մոսկվա՝ Պուտինի հետ բանակցությունների

Թուրքիայում կրկին երկրաշարժ է տեղի ունեցել

Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 19-ին

Ադրբեջանը խեղաթյուրում է Հայաստանի ներկայացրած փաստական ապացույցները․ Եղիշե Կիրակոսյանի ելույթը ՄԱԿ-ի դատարանում

Օդի ջերմաստիճանը չի փոխվի․ առանձին շրջաններում կարճատև անձրև կտեղա

Հայաստանում անհետ կորել է Ջաթին Շարման