Ձեր հաղթանակը պետության հաղթանակն է. Ժաննա Անդրեասյանն ընդունել է ԵԱ-ի և ԱԱ-ի մեդալակիր մարմնամարզիկներին

ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ընդունել է Հայաստանի սպորտային մարմնամարզության հավաքականի անդամներին, որոնք օրերս մեդալներով վերադարձել են Թուրքիայում անցկացված աշխարհի երիտասարդների և Եվրոպայի մեծահասակների առաջնություններից:

Մեդալակիր մարզիկների հետ հանդիպմանը ներկա են եղել նաև ԿԳՄՍ նախարարի տեղակալ Կարեն Գիլոյանը, սպորտային մարմնամարզության հավաքականի գլխավոր մարզիչ Հակոբ Սերոբյանը, մարզիչ Հայկ Նազարյանը, ֆեդերացիայի այլ ներկայացուցիչներ:

ԿԳՄՍ նախարար Ժաննա Անդրեասյանը, ողջունելով հյուրերին, շնորհավորել է վերջին հաջողությունների առթիվ և նշել՝ մարզիկների հաղթանակները շատ ոգևորիչ են և պետության համար մեծ արժեք են ներկայացնում:

5a3c14053e28080eddbdbf8d16c37ed9.jpg (393 KB)

«Չեք էլ կարող պատկերացնել, թե ձեր հաղթանակներով և լավ ելույթներով որքան եք ոգևորում բոլորիս: Համարում եմ, որ ձեր հաղթանակները միայն անձնական նվաճումներ չեն. դրանց շնորհիվ դուք ներկայացնում եք պետություն, բարձրացնում եք երկրի դրոշն ու հնչեցնում օրհներգը: Ձեր հաղթանակը նաև պետության հաղթանակն է: Այս օրերին, երբ մենք անընդհատ բախվում ենք նոր մարտահրավերների, խնդիրների և դժվարությունների, սպորտն այն ոլորտն է, որը նաև մեր ժողովրդին է ոգևորում: Իսկապես, շատ ենք հպարտանում ձեր հաղթանակներով»,- ասել է Ժաննա Անդրեասյանն ու ընդգծել՝ հատկապես ոգևորիչ է, որ մեր երկրի հիմնը հնչում է նաև այն երկրներում, որտեղ դա մեզ համար առանձնահատուկ կարևոր է և խորհրդանշական:

1628cd56c4a6e36e63030d809052d1f2.jpg (374 KB)

Ժաննա Անդրեասյանը նաև փաստել է, որ մարմնամարզության երբեմնի լավ ավանդույթներն ու լեգենդար անուններն այսօր վերականգնվում են. «Պետության պարտքը պետք է լինի հասկանալ, թե ինչպես կարող ենք ավելի խրախուսել, որպեսզի դուք ունենաք բոլոր անհրաժեշտ պայմանները և կենտրոնանաք ձեր մարզումների, առաջիկա մրցաշարերի և մրցելույթների վրա: Պետք է անենք հնարավոր ամեն բան, որպեսզի դուք լավ տրամադրությամբ մեկնեք մրցումների և նոր հաղթանակներ գրանցեք: Ձեր հաղթանակներից հետո մարմնամարզությամբ զբաղվելու ցանկություն ունեցող տղաների և աղջիկների թիվն ավելանում է, ինչը շատ կարևոր է»,- նշել է ԿԳՄՍ նախարարը:

2ef9c97c4bede0e49eb04aa2f5917a08.jpg (404 KB)

Ժաննա Անդրեասյանը, անդրադառնալով Օլիմպիական խաղերի բրոնզե մեդալակիր, աշխարհի ու Եվրոպայի չեմպիոն Արթուր Դավթյանի վերջին հաղթանակին, նշել է՝ Դավթյանն իր բազմաթիվ մեդալներով ապահովում է այն որակական շեմը, որին պետք է ձգտեն ավելի երիտասարդ մարզիկները. «Դուք մեզ սովորեցրել եք մշտապես սպասել հաղթանակների և մեդալների: Թե՛ Դուք, թե՛ Վահագնը, առանձնանում եք կայուն մրցելույթներով և շարունակական առաջընթացով: Շատ ուրախ եմ, որ երիտասարդ սերունդը ևս այսքան լավ և ոգևորիչ արդյունքներ է գրանցում»:

ԿԳՄՍ նախարարի ընդգծմամբ՝ կարևոր է, որ Երևանում 2027 թվականին կայանալիք սպորտային մարմնամարզության Եվրոպայի առաջնությունում երկրպագուները կկարողանան մեր երկրում հետևել հայ մարմնամարզիկների մրցելույթներին: Ժաննա Անդրեասյանը մարմնամարզիկների գրանցած աննախադեպ արդյունքների կապակցությամբ շնորհակալություն է հայտնել նաև մարզիչներին՝ կատարած անգնահատելի աշխատանքի համար:

86f7fb098ab43a7e544499b77171a066.jpg (494 KB)

ԿԳՄՍ նախարարի տեղակալ Կարեն Գիլոյանը ևս շնորհավորել է մարմնամարզիկներին և կարևորել նրանց կայուն հաջողությունները. «Եթե մի քանի տարի առաջ մենք ունենում էինք առկայծումներ ու անակնկալ հաղթանակներ, ապա այսօր այդ հաջողությունները շատ տրամաբանված են: Դրանց հիմքում ընկած են Հակոբ Սերոբյանն ու իր թիմի անդամները՝ իրենց խանդավառությամբ և նվիրված աշխատանքով»:

Հավաքականի գլխավոր մարզիչ Հակոբ Սերոբյանը շնորհակալություն է հայտնել ընդունելության համար՝ ընդգծելով, որ մարզիկները զգում են պետության մշտական աջակցությունը:

ԿԳՄՍ նախարարի հետ հանդիպման ընթացքում մարմնամարզության ֆեդերացիայի ներկայացուցիչները բարձրացրել են մի շարք հարցեր՝ կապված մարզումային պայմանների, մարզագույքի, ինչպես նաև առաջիկա մրցաշարերին նախապատրաստվելու համար անհրաժեշտ լրացուցիչ ֆինանսավորման հետ:

dd1971fcadd4b04ea62815d15c9730ce.jpg (382 KB)

Մարմնամարզիկների խոսքով՝ պետության կողմից տրամադրվող ֆինանսական աջակցությունը՝ սպորտային նպաստների և անվանական թոշակների տեսքով, ստանում են ժամանակին՝ առանց ուշացումների:

Ժաննա Անդրեասյանի խոսքով՝ դեռևս կան չլուծված խնդիրներ՝ մարզումային պայմանների բարելավման հետ կապված: ԿԳՄՍ նախարարը հավաստիացրել է, որ մարզիկների բարձրացրած հարցերը պետության ուշադրության կենտրոնում են և կստանան համապատասխան արձագանք և լուծում:

Հիշեցնենք՝ Հայաստանի սպորտային մարմնամարզության հավաքականը Թուրքիայում անցկացված Եվրոպայի առաջնությունում 1 ոսկե, 1 արծաթե և 1 բրոնզե մեդալ էր նվաճել;

Օլիմպիական խաղերի բրոնզե մեդալակիր, աշխարհի գործող չեմպիոն Արթուր Դավթյանը հռչակվել էր Եվրոպայի կրկնակի չեմպիոն՝ ոսկե մեդալ նվաճելով հենացատկի վարժությունում: Դավթյանը նաև բրոնզե մեդալ է նվաճել նժույգթափեր վարժությունում: Հայաստանի մյուս ներկայացուցիչ Վահագն Դավթյանը Եվրոպայի փոխչեմպիոն է հռչակվել օղակների վարժությունում:

Ավելի վաղ, հայ երիտասարդ մարմնամարզիկները Թուրքիայում անցկացված աշխարհի երիտասարդական առաջնությունում նվաճել էին 2 ոսկե և 1 արծաթե մեդալ: Հայաստանի հավաքականի կազմում երիտասարդական ԱԱ-ի կրկնակի հաղթող էր դարձել Համլետ Մանուկյանը՝ նժույգթափերի և օղակների վարժությունում: Նժույգթափեր վարժության արդյունքներով առաջնության արծաթե մեդալին արժանացել էր Հայաստանի մյուս ներկայացուցիչ Մամիկոն Խաչատրյանը: Թիմային հաշվարկում Հայաստանի հավաքականը զբաղեցրել էր 4-րդ հորիզոնականը:

Տպել
5895 դիտում

Տավուշը նոր դատավոր ունի. ՀՀ նախագահը նշանակում է արել

Նիժնի Նովգորոդ-Երևան չվերթը հետաձգվել է

Կանեփի 72 թուփ է հայտնաբերվել. 36-ամյա տղամարդը ձերբակալվել է (տեսանյութ)

Վերահսկողական միջոցառումներ են ձեռնարկվել ռիսկային համարված ամառային ճամբարներում

Ռազմական ոստիկանությունն ամփոփել է 2024 թվականի առաջին կիսամյակի աշխատանքը

Կառավարությունը վճռական է խաղաղության հասնելու իր ջանքերում ինչպես երկրի ներսում, այնպես էլ տարածաշրջանում. Միրզոյան

Վճռաբեկ դատարանի դատավորի թափուր տեղի համար թեկնածուներ են առաջադրվել

Աշխատել «բոլորի համար Եվրոպա» ստեղծելու ուղղությամբ. Ռոբերտա Մեցոլան վերընտրվել է Եվրախորհրդարանի նախագահի պաշտոնում

Ոսկեհասկում հարևանի շունը հարձակվել է բնակիչների վրա. 5 անձ հիվանդանոցում է, 4-ամյա երեխայի վիճակը ծանր է

Երևանում, Արագածոտնի, Վայոց Ձորի մարզերում գազաբենզալցակայանների գործունեություն է դադարեցվել, Տավուշում՝ ապամոնտաժվել

Ակնկալում ենք խորացնել ՀՀ-ԵՄ գործընկերությունը. Ալեն Սիմոնյանը շնորհավորել է Ռոբերտա Մեցոլային

Ընդգծել է Հայաստան-ԱՄՆ երկկողմ հարաբերությունների առաջընթացի կարևորությունը. փոխվարչապետն ընդունել է Ուզրա Զեյային

Ստեփանակերտի նախկին քաղաքապետ Դավիթ Սարգսյանն ազատ է արձակվել

ԱՄՆ կառավարությունն աջակցում է ՀՀ-ում ընթացող հակակոռուպցիոն բարեփոխումներին. Աննա Վարդապետյանն ընդունել է Ուզրա Զեային

«Ռեալ»-ը ցուցադրել է Մբապեի մանկության բացառիկ լուսանկարը Զիդանի հետ (լուսանկար)

«Ռեալ»-ում Մբապեի շնորհանդեսին 80 հազար հանդիսական է եղել․ ինչ համարի մարզաշապիկով կխաղա ֆուտբոլիստն իր երազած ակումբում

Փորձաքննության արդյունքները հայտնի են. ինչ է հայտնաբերվել ընթիքից հետո թունավորված ընտանիքի և մահացած երեխայի սննդում

ԱԽ քարտուղարը կարևորել է ԱՄՆ-ի կողմից Հայաստանի ժողովրդավարական ինստիտուտների զարգացմանն ուղղված աջակցությունը

«Օպել»-ը բախվել է էլեկտրասյանը և գլխիվայր շրջվել. վարորդը տեղում մահացել է

Դոլարը շարունակում է էժանանալ. ինչ փոփոխություններ է արձանագրել տարադրամի շուկան հուլիսի 16-ին

Մհեր Գրիգորյանը արձակուրդ կմեկնի

Ադրբեջանում նոր սկանդա՞լ է հասունանում. ինչ հնչեղ հայտարարություն է արել երկրի բարձրաստիճան պաշտոնյան

Մամիկոն Ասլանյանն ազատ է արձակվել

Երևանի մետրոպոլիտենն ամբողջությամբ կանցնի նոր վճարային համակարգի՝ հրաժարվելով ժետոններից

Ucom-ի ֆիքսված ցանցը հասել է Բյուրեղավան

Երևանի կենտրոնում բացվել է Յունիբանկի «Բայրոն» մասնաճյուղը

ԼՂ-ում բռնի տեղահանման օրերին ՆԳ նախարարի օգնականը յուրացրել է տասնյակ պետական մեքենաներ ու գոլդ համարանիշեր (ցանկ)

Պաշտպանության նախարարը հետևել է սպաների հերթական խմբի ատեստավորման գործընթացին (լուսանկարներ)

Առաջիկա օրերին շրջաններում սպասվում են հորդառատ անձրև, ամպրոպ, քամու ուժգնացում

40 վարպետ Հայաստանից և արտերկրից. արհեստների 2-րդ միջազգային փառատոնը կանցկացվի Դիլիջանում

Նոր ատոմակայանի կառուցման նկատմամբ հետաքրքրություն են ցուցաբերել ԱՄՆ-ը, ՌԴ-ն, Հրվ. Կորեան և Չինաստանը. ՏԿԵ փոխնախարար

Քաղցկեղ և միաժամանակ սրտային պաթոլոգիաներ ունեցող անձինք այսուհետ կբուժվեն Ուռուցքաբանության կենտրոնում (լուսանկարներ)

Նախարարն անակնկալ այց է կատարել ՊՆ լեռնային ուսումնական կենտրոն, զրուցել ժամկետային զինծառայողների հետ (լուսանկարներ)

Առնվազն 17 մարդ զոհվել է Աֆղանստանում ավտոբուսի կիրճն ընկնելու հետևանքով

Միրզոյանը Օմանի նախարարին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

Համաշխարհային բանկը հրապարակել է Հայաստանի տնտեսական զարգացման միամսյա ամփոփագիրը

Հայտնի են Հանրային ռադիոյի տնօրենի թեկնածուները

Թրամփը մահափորձից հետո առաջին անգամ հանրության առաջ հայտնվել է վիրակապված ականջով (լուսանկար)

«Հյուսիսային տերևաթափ» անվանումով ահաբեկչական գործողություն նախապատրաստելու դեպքով նախաքննությունն ավարտվել է

Վիկտոր Օրբանը կոչ է արել Շառլ Միշելին վերականգնել դիվանագիտական ​​հարաբերությունները Ռուսաստանի հետ