Երևան
12 °C
Երգիչ Արսեն Գրիգորյանը կամ, ինչպես նրան դիմում են իր երաժշտության սիրահարները՝ ռոմանսների Արսենը, արդեն չորս տարի է, ինչ երգին ու երաժշտությանը նվիրվելուց զատ, աշխատում է նաև երեխաների հետ: Այս տարի լրացավ «Արսեն Գրիգորյան» ստուդիայի 4-ամյակը:
Ըստ արտիստի՝ «Արսեն Գրիգորյան» դպրոցը շարունակում է կերտել պատմություն: Հունիսին ունեցել է երկրորդ համերգը, որը, նրա խոսքով, բուռն է ընդունվել և մասնագետների բարձր գնահատականին արժանացել:
«Սեպտեմբերից սկսել ենք աշխատել շատ երգերի վրա, սակայն ուզում եմ առանձնացնել մի նախագիծ, որը վաղուց պակասում էր մեզ՝ մեր իրականությանը: Նոր տարվա մասին գեղեցիկ երգ ենք պատրաստել, որը լսելիս, վստահ եմ, յուրաքանչյուր մարդ, անկախ տարիքից, նորից կսկսի հավատալ Ձմեռ պապիկին ու կունենա երջանկության զգացողություն: Երգը կոչվում է «Երազանքի գիշեր», որի և՛ տեքստի, և՛ երաժշտության հեղինակը ես եմ: Այժմ նկարահանման աշխատանքներն են իրականացվում: Դեկտեմբերի կեսերին կհրապարակվի երգի տեսահոլովակը, որը կզարդարի ամանորյա եթերը»,- «Հայկական ժամանակ»-ի հետ զրույցում ասում է Արսենը:
Երաժիշտը նկատում է՝ երեխաներից շատ բան կարելի է սովորել, իսկ նրանց հետ աշխատելը էլ ավելի հաճույքով աշխատելու և ստեղծագործելու խթան է իր համար: «Մենք մի մեծ ընտանիք ենք և աշխատում ենք փոխադարձ հարգանքի ձևաչափով և՛ ծնողների, և՛ սաների հետ: Մանկական երգեր գրելն ավելի բարդ գործ է, որտեղ մի շարք նրբություններ կան: Երգը պետք է լինի երեխաների համար պարզ ու ընկալելի, սակայն՝ ոչ պարզունակ ու հասարակ»,- համոզված է արտիստը:
Այս տարեսկզբին երգիչը ներկայացրեց «Իրարով» երգն ու տեսահոլովակը, որը, իր կարծիքով, այդքան էլ մեծ արձագանք չունեցավ: «Կարծում եմ՝ դադարն էր շատ երկար: Թեև միշտ էլ ստեղծագործել եմ, սակայն երբ էկրաններին սկսում ես քիչ երևալ, բնական է, որ քեզ մոռանում են: Շոու բիզնեսում միշտ պետք է լինել մրցավազքի՝ «գոնկայի» մեջ: Պետք է ավելի շատ ժամանակ տրամադրել դրան: Հիմա այդ ժամանակը նախընտրում եմ ներդնել նոր սերունդներ կրթելու մեջ, քան վազվզոցու մեջ լինել իմ շատ սիրելի կոլեգաների հետ»,- անկեղծանում է նա:
Արսեն Գրիգորյանը լսում է ամենատարբեր երգեր ու երաժիշտների՝ սկսած էլեկտրոնային երաժշտությունից, աշխարհի հայտնի դիջեյներից մինչև ամենադասականները. «Դասական արվեստում իմ կուռքը Սերգեյ Ռախմանինովն է: Ես իր մեծ ֆանատն եմ: Ֆանատ եմ նաև Ստիվի Վանդերի: Աստոր Պիացցոլայի գործերի համար եմ խենթանում: Այնքան տարբեր երաժիշտների ու ժանրեր եմ լսում՝ կախված տրամադրությունից»:
Իսկ ստեղծագործելու համար շարժառիթները կարող են լինել շատ տարբեր, ասում է նա. «Երբ ավելի երիտասարդ էի, երգեր ստեղծելու շարժառիթն ինձ համար աղջիկներն էին՝ սիրահարվածությունը: Հիմա արդեն այլ կարգավիճակում եմ, ունեմ սիրելի կին: Սակայն իմ ամեն բջջով արվեստագետ եմ: Ես սովորական մարդուց ավելի շատ եմ ուրախանում ինչ-որ բանից և ավելի շատ տխրում: Երգեր ստեղծելու շարժառիթներ էլ միշտ լինում են»:
Խոսելով երգիչ Հայկոյին նվիրված երգի մասին, որ կոչվում է «Հավերժի սիրո երգիչը», վերջինս ասում է՝ շարժառիթը լավ ընկերոջ ու երաժշտի կորստի ցավն է եղել: «Հայկոյի հետ շատ խենթություններ ենք արել, և շատ հիշողություններ ունեմ տարբեր երկրների մեր շրջագայություններից: Միշտ սիրով ու ժպիտով եմ հիշում դրանք: Շատ եմ ցավում, առաջին հերթին, որ կորցրել ենք նման երաժշտի: Նա դեռ շատ ֆիլմերի լավ երաժշտություն և մեր սրտերին դիպչող շատ ու շատ երգեր կարող էր գրել: Չէի ուզենա՝ երգս լիներ նրա հիշատակին, բայց քանի որ ցավը մեծ էր, ծնվեց այս երգը»,- ափսոսանքով ասում է Արսենը:
Ամփոփելով 2022 թվականը՝ նա նշում է, որ կիսատ գործեր միշտ էլ լինում են, սակայն ընդհանուր առմամբ տարին հագեցած է եղել ստեղծագործական առումով: Իսկ 2023 թվականի համար բավականին շատ պրոյեկտներ ու ծրագրեր է խոստանում. «Այս տարվա սեպտեմբերին ուզում էի «Արսեն Գրիգորյան» ստուդիայի մասնաճյուղեր բացել մի քանի քաղաքներում, սակայն չհասցրի, քանի որ առնվազն շաբաթը մեկ անգամ պետք է լինեի այդ համայնքներում: Մյուս տարի ուզում եմ գոնե Գյումրի և Վանաձոր քաղաքներում ունենալ:
Այժմ երգիչն աշխատում է «Փառք տղերքին» կոչվող պրոյեկտի վրա: «Սա շարք է, որը ներառում է մի շարք երգեր: Այն նվիրվում է և՛ մեր կողքին, և՛ հավերժի գրկում ապրող բոլոր հերոսներին: Հիմա երգ եմ գրում տաղանդավոր ու հրաշալի սաներիցս մեկի՝ 9-ամյա Մարիամի համար, որն իր եղբորն է կորցրել 44-օրյա պատերազմում: Երգը կոչվում է «Աչքերս փակեմ»։ Սա վերոնշյալ շարքի երրորդ, բայց վերջին երգը չէ»,- շեշտում է երաժիշտը:
Հերմինե Կարապետյան
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ