Սրանով կլուծվի շատերի անվտանգ տեղաշարժի հարցը․ Խաժակյանը՝ Աբովյան փողոցը շաբաթ-կիրակի օրերին միակողմանի փակելու մասին

Երեւանի ավագանու «Լույս» խմբակցության ղեկավար Դավիթ Խաժակյանն առաջարկում է շաբաթ եւ կիրակի օրերին մայրաքաղաքի Աբովյան փողոցի ամբողջ միակողմանի հատվածը փակել մեքենաների երթեւեկության համար եւ այն ծառայեցնել բացառապես հետիոտնի, հեծանիվների եւ էլեկտրական ինքնագնացների տեղաշարժի նպատակով:

Խաժակյանն այս առաջարկի մասին գրառում է կատարել «Ֆեյսբուք» սոցիալական ցանցի իր էջում եւ հանրային քննարկման ներկայացրել այն: Հատկանշական է, որ առաջարկը հիմնականում արժանացել է մարդկանց հավանությանը, շատերը գրում են, որ հիանալի գաղափար է՝ անգամ առաջարկելով՝ նույն տրամաբանությամբ միակողմանի փակել նաեւ Սարյան փողոցը։

Առաջարկին միանշանակ հավանություն տվող անձանց մեկնաբանությունների կողքին, իհարկե, կան նաեւ հակառակ տեսակետներ ունեցողներ։ Օգտատերերից մեկը նշել է՝ հաշվի առնելով վերջին շրջանում Երեւանում ինչպես աշխատանքային, այնպես էլ հանգստյան օրերին մեքենաների մեծ հոսքն ու խցանումները՝ այդ քայլով երթեւեկությունն է՛լ ավելի կծանրաբեռնվի։ Ի դեպ, բազմաթիվ օգտատերեր էլ նշել են, որ ճիշտ է փակել միայն կիրակի օրերին, քանի որ շաբաթ օրը Հայաստանում շատերի համար աշխատանքային է։

Դավիթ Խաժակյանը, «Հայկական ժամանակի» հետ զրույցում մանրամասնելով առաջարկը, ասում է՝ այդ քայլը որոշակիորեն կնպաստի ինքնագլորների հետ կապված խնդրի լուծմանը։

Նկատենք՝ վերջին մի քանի ամիսներին բազմաթիվ պատահարներ են գրանցվում մայրաքաղաքում ինքնագլորների շատացման հետեւանքով: Անգամ որոշ այգիներ ու սրճարաններ իրենց տարածքում արգելել են ինքնագլորների գործածումը։ Ավելի վաղ խնդրին էր անդրադարձել ԵՊԲՀ ռեկտոր Արմեն Մուրադյանը: Նա նկատել էր, որ մտահոգիչ վիճակագրություն է գրանցվել. միայն վերջին 3 ամսվա ընթացքում էլեկտրական ինքնագլորներից տուժած շուրջ 40 քաղաքացի է տեղափոխվել Համալսարանական հիվանդանոց:

Խաժակյանի խոսքով՝ կարելի է փորձնական դիտարկել փողոցը միայն հանգստյան օրերին փակելը, որպեսզի, նախ, մարդկանց արձագանքը տեսնեն, ապա, թե ինչ արդյունք կտա այդ փոփոխությունը։ Ավագանու անդամի նկատառմամբ՝ նպատակն է քաղաքի փոքր կենտրոնը առավել հարմարավետ դարձնել հետիոտների, ինչպես նաեւ ինքնագլոր ու հեծանիվ քշողների համար։

«Մայրաքաղաքի կենտրոնը չի ծառայում որպես ավտոկայանտեղի, եւ այն մեքենաների երթեւեկության համար չէ։ Մարդիկ անընդհատ բողոքում են՝ ե՛ւ ինքնագլոր վարողները, ե՛ւ հետիոտները։ Մենք, գնահատելով ինքնագլորների խնդիրը, չենք ասում, որ պետք է այն արգելվի, որովհետեւ դա կլինի հակատրամաբանական։ Պետք է իրենց առանձին եւ ապահով հատված հատկացնենք։ Մենք չենք կարող աշխարհի ընդհանուր տրամաբանությանն ու զարգացման ուղղությանը դեմ գնալ։ Ամբողջ աշխարհում, ուր գնում ես, դրանք արդեն տարածված են»,- նկատում է նա։

Նրա փոխանցմամբ՝ ոչ աշխատանքային օրերին Աբովյան փողոցի միակողմանի փակելը առաջին հերթին կունենա ժամանցային կոմպոնենտ, կդառնա հատված, որտեղ հնարավոր կլինի միջոցառումներ իրականացնել ու համերգներ կազմակերպել։ Վերջինիս կարծիքով՝ առաջարկի համակարգային լուծումը պատկերացնում է Աբովյանի ու հարակից որոշ փողոցների աջ կողմում մեքենաների կայանումը արգելելը։

«Եթե մենք մի քանի փողոցի միջոցով կարողանանք այդ ցանցն այնպես համալրել, որ բոլոր ուղղությունները ծածկվեն, կառաջացնենք խնդիր 500-600 մեքենայի կայանման համար, բայց կլուծենք մի քանի հազար հոգու անվտանգ տեղաշարժի խնդիրը»,- կարծիք է հայտնում նա։

Ավագանու անդամը նաեւ ասում է՝ նախքան հրապարակային խոսելը՝ առաջարկի վերաբերյալ նախնական քննարկումներ է ունեցել գործադիրի եւ քաղաքապետարանի տարբեր պաշտոնյաների հետ։ «Ավագանու անդամ իմ լավ ընկերներից մեկի հետ քննարկման արդյունքում էլ որոշեցինք, որ առանց գործընթացը բարդացնելու՝ մի կոմպոնենտ ներկայացնենք հանրության կարծիքին»,- նշում է նա։

Դավիթ Խաժակյանի խոսքով՝ հաջորդ քայլով դիմելու է Երեւանի քաղաքապետարանի Տրանսպորտի վարչություն՝ եզրակացություն ստանալու համար, քննարկումներ են լինելու նաեւ Ճանապարհային ոստիկանության հետ։

«Եթե մենք կարողանանք դա անել շատ արագ, մանավանդ այս զբոսաշրջային ակտիվության ընթացքում, ապա, վստահ եմ, արդյունքը շատ արագ կտեսնենք։ Իմ պատկերացմամբ՝ մեկ ամսում այս քննարկումները վերջնական ի մի կբերվեն»,- եզրափակում է նա։

Առաջարկի վերաբերյալ մեկնաբանություն խնդրեցինք նաեւ Երեւանի քաղաքապետարանից։ Մեզ հայտնեցին, որ Խաժակյանի առաջարկն ընդունվել է ի գիտություն, առաջիկայում հնարավոր են ավելի առարկայական քննարկումներ:

Նշենք, որ հուլիսի 19-ին ոստիկանության պետ, ոստիկանության գեներալ-մայոր Վահե Ղազարյանն ու Երևանի քաղաքապետ Հրաչյա Սարգսյանը ոստիկանությունում ունեցած աշխատանքային խորհրդակցության ընթացքում քննարկել էին նաեւ մոպեդների եւ ինքնագլորների խնդրի կարգավորման հարցը։ Սակայն, թե ի՞նչ է որոշվել քննարկման արդյունքում, առայժմ հայտնի չէ։

Տպել
2393 դիտում

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել