ՀՊՏՀ-ից հիմնականում դուրս են մնում ակադեմիական անբավարար առաջադիմություն ունեցող ուսանողները. Դիանա Գալոյան

Հայաստանի պետական տնտեսագիտական համալսարանի ռեկտոր Դիանա Գալոյանի հավաստմամբ՝ ՀՊՏՀ-ն տարածաշրջանի լավագույն բուհը դառնալու ձգտում ունի, և այն կրթական բարեփոխումներով, նոր մոտեցմամբ պատրաստ է դիմավորել ապագա ուսանողներին:

Դիանա Գալոյանի հետ «Հայկական ժամանակ»-ի ամբողջական զրույցը՝ ստորև.

- Տիկին Գալոյան, ՀՊՏՀ-ի ռեկտորի պաշտոնում Ձեր ընտրությունը որոշ ուսանողների և դասախոսների կողմից ոչ միանշանակ ընդունվեց: Սակայն, այնուամենայնիվ, Դուք չթողեցիք այն և շուրջ 2 տարի պաշտոնավարում եք: Այժմ ի՞նչ մթնոլորտ է ձևավորված համալսարանում:

- Ի սկզբանե այդ աղմուկը դրսից է եղել: Ներսում երբեք որևէ աղմուկ չի եղել, մասնավորապես՝ իմ անձի հետ կապված: Իսկ այժմ դրսի աղմուկն էլ է խլացել: Մենք մշտապես նույն եռանդով շարունակում ենք աշխատել:

- Ձեր պաշտոնավարման այս կարճ ժամանակահատվածում ինչպիսի՞ փոփոխություններ են իրականացվել բուհում, և այն դիմորդները, որոնք ցանկանում են կրթություն ստանալ ՀՊՏՀ-ում, նրանց համար ինչպիսի՞ հնարավորություններ կան:

- Փոփոխությունները բավականին շատ են: Կցանկանայի առանձնացնել նրանք, որոնք վերաբերում են դիմորդներին. ապրիլի 15-ից մեկնարկում է ընդունելության գործընթացը բուհ: Այս առումով մեր մասնագիտական կրթական ծրագրերի փոփոխումն ու վերանայումն է կարևոր: Նախորդ տարի մենք ՀՀ կենտրոնական բանկի, Որակի ազգային կենտրոնի և ՀՊՏՀ փորձագետների հետ ամբողջությամբ վերանայեցինք տնտեսագիտություն և ֆինանսներ մասնագիտությունների բակալավրական և մագիստրոսական կրթական ծրագրերը՝ դրանք համապատասխանեցնելով միջազգային չափանիշներին: Ամբողջությամբ վերանայել ենք նաև առարկայական ծրագրերը, ձեռք բերել նոր գրականություն: Այս առումով գործընթացը լինելու է շարունակական: Շուտով կսկսենք իրականացնել նաև կրկնակի դիպլոմ շնորհող միջազգային կրթական ծրագրերը:

Մագիստրոսական կրթական ծրագրերի առումով հարկ է նշել, որ դրանք իրականցվում են ոլորտի առաջատար գործատուների հետ համատեղ: Այս կրթական ծրագրերը տևում են մեկուկես տարի, իսկ դասերը երեկոյան ժամերին են, ինչը շատ գրավիչ է աշխատող ուսանողների համար: Գործատուները մագիստրոսներին հրավիրում են իրենց մոտ փորձաշրջան անցնելու, հետագայում՝ նաև աշխատանքի հնարավորություն են ընձեռում:

Արդեն մեկնարկել են նաև բուհի ակադեմիական կազմի վերապատրաստման, որակավորման բարձրացման դասընթացները: Դրանք իրականացնում ենք թե՛ տեղեկատվական տեխնոլոգիաների, թե՛ լեզուների, թե՛ մասնագիտական ու հետազոտական հմտությունների բարելավման նպատակով: Նոր դիմորդները կարող են վստահ լինել՝ Տնտեսագիտական համալսարանն առաջարկում է միջազգային չափանիշներին համապատասխան կրթական ծրագրեր, որտեղ դասավանդում են առաջատար մասնագետներ: Արդյունքում մեր շրջանավարտները մրցունակ են լինում ոչ միայն Հայաստանի, այլ նաև միջազգային աշխատաշուկայում:

- Այս պահին քանի՞ ուսանող ունի բուհը, և արդյոք եղե՞լ են ուսանողներ, որոնք դուրս են մնացել համալսարանից: Եթե եղել են, ապա ի՞նչ պատճառներով:

- Այս պահին սովորողների ընդհանուր թիվը 7500 սահմանում է: Վերջին երկու տարիներին էապես ավելացել է ՀՊՏՀ և ՀՊՏՀ քոլեջ ընդունվողների թիվը: Այս տարի էլ ակնկալում ենք, որ ընդունելությունը պատշաճ մակարդակի վրա կլինի:

Բուհից դուրս մնալու դեպքերը բազմաթիվ են. ամեն կիսամյակում՝ շուրջ 100-150 ուսանող: Պատճառը հիմնականում ակադեմիական անբավարար առաջադիմությունն է. կա՛մ լուծարքների հետևանքով են դուրս մնում, կա՛մ չեն ներկայանում դասընթացներին: Երբեք որևէ ուսանող Տնտեսագիտական համալսարանից դուրս չի մնացել վարձավճարը չվճարելու պատճառով: Մենք միշտ ընդառաջում ենք մեր ուսանողներին: Հատկապես եթե լավ սովորող ուսանողներ են, ապա զեղչեր և ֆինանսական օգնություններ են գործում նրանց դեպքում:

- Վերջերս համալսարանը անդամակցեց ԱՊՀ ցանցային համալսարանական կոնսորցիումին: Ի՞նչ է նշանակում սա, և ի՞նչ ձեռքբերումներ են սպասվում: Առհասարակ, ի՞նչ հնարավորություններ են ստեղծվում նման համագործակցությունների արդյունքում:

- Այս անդամակցությունը հնարավորություն է տալիս մեր ուսանողներին ԱՊՀ տարածաշրջանի բուհերում սովորել մեկ կիսամյակ կամ ուսումը շարունակել այդ համալսարաններում՝ ցանցի կողմից տրամադրված կրթաթոշակներով: Միևնույն ժամանակ, միջազգային տարբեր կառույցներին ՀՊՏՀ անդամակցությունը մեծացնում է բուհի տեսանելիությունը միջազգային հարթակներում: Մասնավորապես՝ վերջին երկու տարվա ընթացքում մեր համալսարանը ներառվել և վարկանշանավորվել է համաշխարհային ճանաչում ունեցող «QS World University Rankings-ում», իսկ 2021թ. բարելավվել է իր դիրքերն այս վարկանիշում՝ ՀՀ վարկանշանավորված բուհերի ցանկում գրավելով 3-րդ տեղը: ՀՊՏՀ-ն նաև միակ բուհն է, որ վարկանշանավորված է «Times Impact Ranking»-ում: Այս վարակնիշում բոլոր համալսարանները գնահատվում են՝ ըստ ՄԱԿ-ի կայուն զարգացման նպատակների համապատասխանության: Վերջերս Եվրոպական հանձնաժողովի կողմից ՀՊՏՀ-ն ստացել է նաև «Գիտահետազոտական ոլորտի կառավարման գերազանցության աստիճան» (HR Excellence in Research award): Վստահ կարող եմ ասել, որ միջազգայնացումը ՀՊՏՀ հիմնական առաջնահերթություններից է:

- Բարձրագույն ուսումնական հաստատություններում հատկապես կարևոր է հետևել կարգուկանոնի պահմանը, քանի որ պատասխանատու ուսանող կրթելն ու դաստիարակելը առանցքային նշանակություն ունի ուսումական գործընթացում: ՀՊՏՀ-ում ինչպիսի՞ պահանջներ են ներկայացված, որոնց պարտադիր պետք է հետևեն ուսանողները և դասախոսները:

- Մեր կողմից վերջերս մշակվել և հաստատվել են բուհի ներքին կարգապահական կանոնները, որոնք անհրաժեշտ է պահպանել: Ես նույնպես կարծում եմ, որ որակը սկիզբ է առնում կարգապահությունից: Եվ այդ կարգապահությունը ենթադրում է և՛ ժամանակին աշխատանքին ներկայանալը, և՛ ժամանակից շուտ չհեռանալը: Այս առումով համալսարանում վերահսկողությունը շատ խիստ է դրված: Մեզ հաջողվում է պատշաճ կերպով իրականացնել այդ ամենը և անել ամեն ինչ, որպեսզի կարգապահական նորմերը չխախտվեն:

- Իսկ արդյոք եղե՞լ են դասախոսներ, որոնք հեռացվել են բուհից սահմանված կանոնները խախտելու կամ պարտականությունները ոչ բավարար կատարելու պատճառով:

- Ուսանողների բողոքների հիման վրա եղել է, որ դասախոսների հետ լուծարվել են աշխատանքային պայմանագրերը: Կարծում եմ՝ դասախոսական կազմն աշխատում է ողջ եռանդով և ներուժով, սակայն դասախոսի աշխատանքի իրական գնահատականը կարող է տալ միայն ուսանողը: Այդ նպատակով մենք իրականացնում ենք ուսանողական հարցումներ, որոնք անանուն են ու վերբեռնված ՀՊՏՀ Moodle համակարգում: Դասընթացի ավարտից հետո ուսանողները գնահատում են դասախոսին: Այդ հարցումներից ստացված արդյունքների հիման վրա փորձում ենք շտկումներ իրականացնել ամբիոների վարիչների հետ: Որոշակի աշխատանքային պլան ենք մշակում, որով միտում ունենք բարելավել դասախոսի աշխատանքի որակը:

Դասախոսական կազմը բավականին մեծ է. մեր հիմնական աշխատողները 545-ն են, որից 245-ը վարչական են, համատեղությամբ աշխատում են մոտ 135 դասախոս, որոնք հիմնականում գործնական ոլորտից են: Պետք է նշել, որ դժգոհությունների կողքին ուսանողները նաև բավականին գոհ են դասախոսական կազմից: Հարցման արդյունքներով՝ ՀՊՏՀ դասախոսների վարկանիշը միջինում 3.64 միավոր է 4 բալային սանդղակով:  

- Ո՞րն է այն ցանկալի կետը, որին Դուք ուզում եք հասցնել ՀՊՏՀ-ն, և Ձեզ դա կբավարարի:

- Իմ երազած համալսարանը ուսանողակենտրոն այն բուհն է, որը ուսանողին տալիս է որակյալ կրթություն և դարձնում մրցունակ՝ թե՛ ներքին, թե՛ միջազգային աշխատաշուկաներում: Ես երազում եմ Տնտեսագիտական մայր բուհը տեսնել որպես տարածաշրջանի լավագույն բուհ:  

 

Տպել
7296 դիտում

37-ամյա տղամարդը սպանել է կնոջն ու նռնակ պայթեցրել իր թաքստոցը հայտնաբերած ոստիկանների բանակցության ժամանակ

Պրահայում տեղի է ունեցել Նիկոլ Փաշինյանի և Կիրիակոս Միցոտակիսի հանդիպումը (լուսանկարներ)

Պրահայում տեղի է ունենում ՀՀ վարչապետ Նիկոլ Փաշինյանի և Ռեջեփ Թայիփ Էրդողանի հանդիպումը (լուսանկարներ, տեսանյութ)

Քննարկվել են Հայաստանի, Ռուսաստանի և Բելառուսի միջև սպորտի ոլորտում համագործակցության խորացման հեռանկարները

Բարդ իրավիճակից հեշտ ելք չի լինում. անգամ ԱՄՆ-ի հետ պայմանավորվածության գալը որոշակի զիջումներ է պահանջում. քաղաքագետ

2022-ին Աշոցքի 19 բնակավայրում իրականացվում է 6 սուբվենցիոն ծրագիր

«Կյանքը վերափոխող տեխնոլոգիաներ»․ Անահիտ Ավանեսյանը մասնակցել է Գլոբալ ինովացիոն ֆորումին

ԿԳՄՍ նախարար Վահրամ Դումանյանը Կիպրոսում հանդիպել է մի շարք բարձրաստիճան պաշտոնյաների հետ

Պրահայում մեկնարկել է Փաշինյան-Միշել-Մակրոն-Ալիև քառակողմ հանդիպումը (լուսանկարներ)

Շառլ Միշելը Նիկոլ Փաշինյանի հետ հանդիպումից հետո Պրահայում հանդիպել է Ադրբեջանի նախագահի հետ

Երևանում քննարկվել են Հայաստան-ԵՄ օրակարգային կարևոր հարցեր՝ ԵՄ-ում չեխական նախագահության համատեքստում

Տեղի է ունեցել «Հայաստանում Ռուսաստանի հոգևոր մշակույթի օրեր» ծրագրի պաշտոնական բացումը

Երևանը քաղաք է մարդկա՛նց համար, և քաղաքը պետք է ծառայի այդ թվում՝ երեխաներին․ Տիգրան Ավինյան

Խաղաղություն հաստատելու Մոսկվայի համապարփակ առաջարկները փոխանցվել են Բաքվին և Երևանին. Զախարովա

ԿԳՄՍ նախարար Վահրամ Դումանյանը հանդիպել է մի շարք բարձրաստիճան պաշտոնյաների հետ

Նիկոլ Փաշինյանը մասնակցել է Եվրոպական քաղաքական համայնքի գագաթնաժողովին (լուսանկարներ)

Արթուր Ղազինյանը դադարեցնում է քաղաքական գործունեությունը

Իսպանիայի Կոնգրեսն ընդունել է հայ ժողովրդին զորակցության հայտարարություն (տեսանյութ)

Ադրբեջանական ԶՈՒ-ն կրակ է բացել սահմանին ամրաշինական աշխատանքներ իրականացնող տեխնիկայի ուղղությամբ (տեսանյութ)

Դոլարն ու եվրոն էժանացել են. ՀՀ կենտրոնական բանկը հրապարակել է նոր փոխարժեքներ

Նիկոլ Փաշինյանը Պրահայում կարճ զրույցներ է ունեցել Մակրոնի, Էրդողանի, Ալիևի հետ (լուսանկարներ)

Օհան Դուրյանի 100-ամյակի հանդիսությունների շարքում ներկայացվել են նրա անունը կրող նամականիշը և արծաթե հուշադրամը

Նիկոլ Փաշինյանն աշխատանքային այցով կմեկնի ՌԴ

ՀՀ ՄԻՊ-ը և Հայաստանում Ֆրանսիայի դեսպան Անն Լույոն այցելել են Սյունիքի մարզ (լուսանկարներ)

Վահրամ Դումանյանը «Շրջակա միջավայր Եվրոպայի համար» իններորդ նախարարական համաժողովի շրջանակում հանդես է եկել զեկույցով

Լոռու երեք բուժհաստատությունում հայտնաբերվել են պետությունից գումարներ հափշտակելու դեպքեր. Դատախազություն

Նախագահ Վահագն Խաչատուրյանին հավատարմագրերն է հանձնել Հայաստանում Մալթայի Ինքնիշխան Ուխտի նորանշանակ դեսպանը (տեսանյութ)

Արայիկ Հարությունյանը ներկայացրել է ՔՏՀԱ տեսչական մարմնի նորանշանակ ղեկավարին

Օդի ջերմաստիճանն աստիճանաբար կնվազի. ինչ եղանակ է սպասվում առաջիկայում

Ադրբեջանցի զինծառայողների մարմիններ ադրբեջանական կողմին չեն փոխանցվել. ՀՀ ՊՆ

Կարեն Անդրեասյանը և Երանուհի Թումանյանցն ընտրվեցին Բարձրագույն դատական խորհրդի անդամներ

Պարզվել է 41-ամյա կնոջ սպանությունը կատարած անձի ինքնությունը, դեպքի առթիվ նախաձեռնվել է քրեական վարույթ. ՔԿ (տեսանյութ)

ՖԻՖԱ-ն հրապարակել է ազգային հավաքականների դասակարգման նոր աղյուսակը

Փորձում ենք Արցախին վերադարձնել բանակցությունների սեղան. ԱԺ նախագահ

Գնում եմ այս պատասխանատվությանը՝ առանց մտահոգվելու, որ իշխանությունը կարող է ճնշում գործադրել ինձ վրա. Անդրեասյան

Բարեփոխումներ Արցախից տեղահանված ընտանիքների համար բնակարանային մատչելիության ապահովման պետական աջակցության ծրագրում

Խոշոր ավտովթար Սևան-Գավառ-Մարտունի ավտոճանապարհին․ կա երկու զոհ, 2 տուժած

Պատգամավոր Աննա Մկրտչյանի հայրը՝ Արա Մկրտչյանը, 15 մլն դրամ գրավի դիմաց ազատ է արձակվել

Ինձ կուսակցական չեմ զգում եւ որեւէ պարտավորություն չունեմ այն թիմի հանդեպ, որի անդամը եղել եմ. Անդրեասյան

Տեսչական մարմինը կասեցրել է ավելի քան 2,2 տոննա մսի վաճառքը