Երևան
25 °C
30-ամյա Անահիտ Սարգսյանն արդեն 8 ամիս է՝ ծառայության է անցել ՀՀ ոստիկանության Պարեկային ծառայությունում: Ամուսնացած լինելու եւ երկու անչափահաս երեխա ունենալու հանգամանքը նրան չի կաշկանդել մասնակցել Պարեկային ծառայության համար նախատեսված դասընթացներին, ապա աշխատանքի անցնել՝ երկարաժամկետ հեռանկարով: Անահիտը ծառայությունն իրականացնում է մայրաքաղաքում:
Իրավապահ համակարգում կանանց ներգրավվածության, հայ իրականության մեջ կնոջ աշխատել-չաշխատելու վերաբերյալ ընդունված կարծրատիպերի եւ ընտանիքն ու ծառայությունը համատեղելու և այլ հարցերի շուրջ «Հայկական ժամանակ»-ի զրույցը Անահիտի հետ՝ ստորեւ.
- Անահիտ, ինքնակա՞մ որոշեցիք ծառայության անցնել ոստիկանության համակարգում, թե՞ որեւէ մեկից առաջարկ էիք ստացել:
- Ես իրավաբանություն եմ սովորել, ապա՝ քաղաքացիական կյանքից անցել իրավական ոլորտ՝ ծառայության: Մինչ այդ, բավականին երկար եմ մտածել, ծանր ու թեթեւ արել, բայց վերջնական որոշումս հստակ էր: Ընդունվելուց առաջ գիտակցում էի՝ որտեղ եմ ընդունվում, եւ ինձնից ինչ է պահանջվելու: Ծառայությունս սիրով եմ կատարում: Կարծում եմ՝ սա այն գործն է, որ եթե գոնե մի փոքր քիչ սիրես, ապա չի հաջողվի, արդյունքը դրական չի լինի:
- Մեր իրականության մեջ կա ընդունված կարծրատիպ, որ ուժային կառույցներում, այդ թվում՝ ոստիկանությունում, աշխատելը կանանց համար չէ: Բախվո՞ւմ եք այդ կարծրատիպերին: Ձեր ընտանիքում ինչպե՞ս ընդունեցին որոշումը:
- Ընդունվելուց առաջ ամուսնուս հետ եմ խորհրդակցել: Ուրախությամբ պիտի փաստեմ, որ թե՛ նա, թե՛ մյուս բոլոր հարազատներս ողջունել են որոշումս: Ամուսինս էլ ծառայում է ՀՀ պաշտպանության նախարարությունում: Ինձ ինչ-որ չափով ծանոթ էր՝ ինչ է ասել ծառայություն: Անգամ, երբ դեռ ծառայության մեր գրաֆիկին ծանոթ չէի, պատկերացնում էի, որ կարող են տարբեր խնդիրներ առաջանալ: Պատրաստ էի նաեւ նրան, որ հնարավոր է՝ օրեր լինեն ուշ տուն գնալու կամ առհասարակ չգնալու: Ես ամենայն պատասխանատվությամբ եմ մոտեցել այս ամենին՝ հստակ գիտակցելով, որ սա սովորական ժամային գրաֆիկով աշխատանք չէ: 24 ժամ ես հասանելի եմ:
Ինչ վերաբերում է մեր իրականությունում ընդունված կարծրատիպերին, որ կինը ոստիկանությունում կամ ուժային կառույցում տեղ չունի, այո՛, կան այդ կարծրատիպերը: Սակայն պիտի նշեմ, որ Պարեկային ծառայությունում անչափ կարեւորվում է կնոջ ներկայությունը: Ես նաեւ այն կարծիքին եմ, որ այս համակարգում մեր ներգրավվածությունն ինչ-որ առումներով նաեւ զսպող գործոն ունի. դեռ չեմ հիշում դեպք, երբ իրավախախտին մոտենամ, ու նա բորբոքվի: Կարծում եմ՝ այստեղ նաեւ որոշիչ է կին լինելու հանգամանքը:
- Բայց վերջերս հայտնի դարձավ, որ երկու տղամարդ կոնֆլիկտ էին ունեցել պարեկների հետ, բանը հասել էր նրան, որ բռնություն էին գործադրել կին պարեկի նկատմամբ:
- Ինձ հետ նմանատիպ դեպք չի եղել: Սակայն չեմ կարող չարձանագրել՝ քանի որ մեր ծառայությունը նոր է, այն հատկապես սկզբնական շրջանում այնքան էլ ընդունելի չէր քաղաքացիների համար: Նրանք զարմացած էին նայում, երբ կին ծառայողն էր մոտենում, վարորդական իրավունք կամ փաստաթղթեր պահանջում: Սկզբում բախվում էինք չհասկացված լինելու խնդրին: Հետպատերազմական իրավիճակում էլ ավելի բարդ էր. շատ քաղաքացիների մոտ ագրեսիվ վարքագիծ էր նկատվում: Մեզ բացատրվել է, ասվել, որ, անկախ ամեն ինչից, պիտի քաղաքացու կողքին լինենք: Երբ հետիոտնային ծառայության եմ դուրս գալիս, փորձում եմ ավելի հաճախ շփվել մեր քաղաքացիների հետ, հասկանալ՝ ինչ տրամադրություն է տիրում: Իհարկե, դժգոհություններ կան, ցավ կա պատերազմից հետո չամոքվող, եւ այդ ցավը մեր բոլորինն է:
- Իսկ աշխատանքը, անձնական եւ ընտանեկան կյանքը համատեղելիս հաճախ ինչպիսի՞ դժվարությունների եք բախվում:
- Փորձում եմ այնպես անել, որ անձնական կյանքս ու երեխաներիս հասանելիք ժամանակը ճիշտ օգտագործեմ: Գրաֆիկն այնպիսին է, որ ստիպված չենք ամբողջ օրը համակարգում լինել՝ 8-ժամյա ծառայություն է: Մնացած ժամանակը փորձում եմ այնպես տնօրինել, որպեսզի կատարեմ իմ պարտականություններն ու լինեմ լիարժեք մայր ու կին, նաեւ՝ որպես հարս, քանի որ ապրում ենք ամուսնուս ծնողների հետ:
- Ասում են՝ կանայք ավելի փխրուն են. Ձեզ համար դժվար չէ՞ դրսում երկար ժամանակ ոտքի վրա կանգնելը կամ հաճախ ոչ տնային պայմաններում պատրաստած սնունդ ուտելը:
- Սովորում ես, նախ, մենք ֆիզիկական պատրաստվածություն ենք անցնում, միշտ մարզվում ենք: Ինչ վերաբերում է սնվելուն, ապա, բնականաբար, ունենք նաեւ ընդմիջման ժամ, եւ, փառք Աստծո, մայրաքաղաքում կան բոլոր պայմանները՝ առողջ սնվելու համար: Այդ առումով չեմ բողոքում: Եվ հետո, սա այն աշխատանքն է, որտեղ թույլ սեռ ասվածը չի գործում:
- Հուլիսին կլրանա Պարեկային ծառայության ձեւավորման 1 տարին: Այս ամիսների ընթացքում կանանց ներգրավվածությունը մեծացե՞լ է համակարգում, թե՞ փոփոխության չի ենթարկվել:
- Մոտ 5 տասնյակ կին պարեկային ծառայողներ ունենք միայն Երեւանում: Գնալով նրանց ներգրավվածությունն ավելանում է: Մեծամասնության անունից կարող եմ վստահ ասել, որ մեզնից յուրաքանչյուրը գիտակցում է իր կատարած աշխատանքի կարեւորությունը: Մենք հանրապետության սրտում՝ Երեւան քաղաքում հասարակական կարգն ենք ապահովում, կարգավորում երթեւեկությունը, օգնում քաղաքացիներին, առաջին բուժօգնություն ցուցաբերում եւ այլն: Կատարվում է լայնածավալ աշխատանք, ինչը բոլորիս համար պատվաբեր ու անչափ պատասխանատու գործ է:
- Անահիտ, քանի որ այսօր ապրիլի 7-ն է, ինչպես ընդունված է ասել՝ Մայրության եւ գեղեցկության տոնը, հետաքրքիր է՝ ինչ եք կարծում՝ կանայք մեր երկրում գնահատվա՞ծ են:
- Իմ օրինակով ասեմ. պարտադիր չէ, որ լինի միամսյակ կամ կանաց տոն, որպեսզի ինձ գնահատված զգամ, ես արժեւորված եմ՝ լինելով սիրված կին ու մայր: Սիրելի ամուսին եւ լավ երեխաներ ունենալն արդեն ամենօրյա տոն է: Բոլորս էլ տեսնում ենք՝ անկախ մեր հորդորներից, որ առանձնահատուկ ոչինչ չենք ուզում, այնուամենայնիվ, մեր երեխաները, ամուսինները ձգտում են այդ օրն առանձնահատուկ մի բան անել, ինչը, բնականաբար, լավ է: Սակայն պիտի կնոջ յուրաքանչյուր օրն ու ժամը գեղեցիկ դարձնել: Իհարկե, դա պիտի փոխադարձ լինի, երկկողմանի սիրո ու գնահատված լինելու զգացողություն պիտի լինի, ինչն էլ մեր կյանքն ավելի ներդաշնակ ու գունեղ է դարձնում:
Ահազանգը չի համապատասխանել իրականությանը. ՆԳՆ-ն՝ Սլավոնական համալսարանում ահաբեկչական սպառնալիքի մասին
«Արմավիր» ՔԿՀ-ում խցերից բջջային հեռախոսներ, տարատեսակ պարագաներ և արգելված այլ իրեր են հայտնաբերվել
Դեպի Ռուսաստան տանող Վերին Լարսի անցակետը փակվել է բեռնատարների համար
Վեճի ժամանակ սպանել է տարեց տղամարդուն, դիակը այրել և թաղել իր այգում. գտել են անհետ կորած տղամարդու մարմինը
Վարչապետը կարևորել է Հայաստանի և Գերմանիայի միջև համագործակցության շարունակական զարգացումը
Նաիրա Պետրոսյանը որոնվում է որպես անհետ կորած
Հայտնի է՝ երբ այս տարի կնշվի Վարդավառը
Սուրեն Շահվերդյանը դիմել է ոստիկանություն՝ հայտնելով, որ «Պոնչ»-ն իրեն սպառնում է, մեղադրում թրաֆիքինգի համար
Տեսա՞ք` ձուկը ոնց էին վաճառում, սաղ ազգն էսօր զինվոր ունի, բոլորս դուրս գանք փողոցում առևտուր անե՞նք. Գյուրզադյան
Ամբողջությամբ ապատեղեկատվություն է. Պետդեպը՝ Բրյուսելում ՀՀ-ի հետ ռազմական փաստաթուղթ ստորագրելու պնդումների մասին
«Սասուն Միքաելյանին զանգե՞մ, իմ մոտիկ ընկերն է», «Ում ուզում ես՝ զանգի». առևտրական ու պաշտոնյա
Ադրբեջանը հիմնահատակ քանդել է Շուշիի Կանաչ ժամ եկեղեցին՝ խախտելով ՄԱԿ-ի Արդարադատության դատարանի որոշումը
Նոր նշանակում ՀՀ քննչական կոմիտեում
Արուսյակ Մանավազյանը և Տաթևիկ Գասպարյանը մասնակցել են ԱՄՀ և ՀԲ խմբի խորհրդարանական համաշխարհային ֆորումին (լուսանկարներ)
Մարտին բնապահպանական խախտումների համար կասեցվել է 13 տնտեսվարող սուբյեկտի գործունեություն
Երևանի քաղաքապետարանը աշխատանք է առաջարկում փողոցային առևտրով զբաղվողներին. մայթերից հավաքվում է վաճառվող ապրանքը
Ողբերգական դեպք Երևանում. հայտնաբերվել է տղամարդու մարմին
Փոխվարչապետ Մհեր Գրիգորյանն ազատել է իր օգնականին և նշանակել խորհրդական
Սլավոնական համալսարանում ահաբեկչական սպառնալիքի մասին ահազանգ է ստացվել
Վճարված հարկի յուրաքանչյուր դրամը բումերանգի էֆեկտով վերադառնում է հարկ վճարողներին. ՊԵԿ նախագահի ուղերձը
Հայաստանում մի շարք ծառայություններ ամբողջ բնակչության համար պետպատվերով են. ԱՆ-ն հայտնել է՝ որոնք են դրանք
1 օրում ՀՀ ճանապարհներին տեղի է ունեցել 7 պատահար. 1 մարդ զոհվել է, 10-ը՝ վնասվածք ստացել
Ստավրոպոլի մարզում ռուսական ռազմական ինքնաթիռ է կործանվել, անձնակազմի մեկ անդամը կորել է (տեսանյութ)
Անհրաժեշտ է երաշխավորել կանանց և տղամարդկանց իրավահավասարությունը. ՄԻՊ
7-10 ժամ գազ չի լինի Երևանի, Վանաձորի, Գյումրիի և Օձունի որոշ հասցեներում
Հայաստանին է վերադարձվել Աղավնաձոր բնակավայրին հարող՝ ընդհանուր 1 հա մակերեսով հողամասը. դատախազություն
Մանկապարտեզներում երկարօրյա խմբեր կգործեն նույնիսկ մեկ երեխայի համար (տեսանյութ)
Ղազախստանում բեռնատար գնացքը դուրս է եկել ռելսերից
Մի քանի ժամով կհոսանքազրկվեն Երևանի և 7 մարզի բազմաթիվ հասցեներ
Վրաերթ Երևանում. հետիոտնը տեղում մահացել է
«Լիվերպուլը» հաղթել է «Ատալանտային», սակայն՝ դուրս մնացել Եվրոպայի լիգայից
Լոռու մարզում պահեստ է հրդեհվել
Իսրայելը հրթիռային հարվածներ է հասցրել Իրանին. ինչ է հայտնի
«Օպել»-ը բախվել է մայթեզրին ու գլխիվայր շրջվել. ուղևորները տեղափոխվել են հիվանդանոց
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
© 2024 Հայկական ժամանակ