Պուտինը հայտարարել է Դոնբասում հատուկ գործողության մեկնարկի մասին, Զելենսկին՝ ռազմական դրություն սահմանել երկրում

ՌԴ նախագահ Վլադիմիր Պուտինը ռուսներին ուղղված նոր ուղերձում հայտարարել է, որ որոշվել է հատուկ ռազմական գործողություն իրականացնել Դոնբասում։

«Հանգամանքները պահանջում են մեզանից վճռական և անհապաղ քայլեր ձեռնարկել: Դոնբասի Ժողովրդական Հանրապետությունները դիմել են Ռուսաստանին օգնության խնդրանքով: Դաշնային ժողովի կողմից վավերացված բարեկամության պայմանագրերի և Դոնեցկի ու Լուգանսկի հետ փոխադարձ օգնության համաձայն՝ ես որոշել եմ հատուկ ռազմական գործողություն իրականացնելու հրաման արձակել»,- ասել է Պուտինը ռուսներին ուղղված հեռուստաուղերձում։

Ռազմական գործողության մեկնարկ. Պուտինի ուղերձը

Պետության ղեկավարը նշել է, որ Ռուսաստանի ծրագրերը չեն ներառում Ուկրաինայի օկուպացիան, սակայն Մոսկվան կձգտի դրա ապառազմականացմանը։

«Նպատակն է (ռուսական հատուկ գործողությունները) պաշտպանել մարդկանց, ովքեր ութ տարի ենթարկվել են Կիևի ռեժիմի կողմից բռնությունների և ցեղասպանության, և դրա համար մենք կձգտենք ապառազմականացնել և ապազգայնացնել Ուկրաինան, ինչպես նաև պատասխանատվության ենթարկել նրանց, ովքեր բազմաթիվ հանցագործություններ են կատարել խաղաղ բնակիչների, այդ թվում՝ Ռուսաստանի Դաշնության քաղաքացիների նկատմամբ»,- ասել է Պուտինը։

Երկրի ղեկավարի խոսքով՝ Ռուսաստանի և Ուկրաինայում ազգայնական ուժերի միջև բախումները, որոնք վաղ թե ուշ «պատերազմելու են Ղրիմում», անխուսափելի են։ «Դա միայն ժամանակի հարց է, նրանք պատրաստվում են, սպասում են ճիշտ ժամանակին։ Հիմա նրանք էլ են պնդում, որ ունեն միջուկային զենք։ Մենք նրանց թույլ չենք տա դա անել»,- ասել է Պուտինը։

Ռուսաստանը չի կարող իրեն ապահով զգալ, զարգանալ, գոյություն ունենալ Ուկրաինայից բխող մշտական սպառնալիքի ներքո, նշել է պետության ղեկավարը՝ ասելով, որ Ուկրաինայի զարգացումը Հյուսիսատլանտյան դաշինքի կողմից անընդունելի է։

ՌԴ նախագահը վստահություն է հայտնել, որ ռուս զինվորներն ու սպաները խիզախորեն կկատարեն իրենց պարտականությունները, իսկ գործադիր իշխանությունը կաշխատի անխափան և արդյունավետ։

«Սիրելի հայրենակիցներ, վստահ եմ, որ իրենց երկրին նվիրված Ռուսաստանի զինված ուժերի զինվորներն ու սպաները պրոֆեսիոնալ կերպով և խիզախորեն կկատարեն իրենց պարտքը: Չեմ կասկածում, որ իշխանության բոլոր մակարդակները կգործեն համակարգված և արդյունավետ»,- ասել է նա։

Արյունահեղության պատասխանատվությունը, ըստ Պուտինի, կլինի «Ուկրաինայի իշխող ուժի խղճի վրա»։

Ռազմական դրություն Ուկրաինայում. Զելենսկիի ուղերձը

ՌԴ նախագահի հայտարարություններին ուկրաինական կողմի պաշտոնական պատասխանը ուշացնել չտվեց: Ուկրիանայի նախագահ Վլադիմիր Զելենսկին էլ ուղերձով դիմեց իր հայրենակիցներին՝ հայտարարելով ռազմական դրություն սահմանելու մասին:

«Այսօր առավոտյան նախագահ Պուտինը հայտարարել է Դոնբասում հատուկ ռազմական գործողության մասին։

Ռուսաստանը հարվածներ է հասցրել մեր ռազմական ենթակառուցվածքներին և մեր սահմանապահներին, սահմանապահ ջոկատներին։ Ուկրաինայի շատ քաղաքներում պայթյուններ են հնչում:

Մենք ռազմական դրություն ենք մտցնում մեր երկրի ամբողջ տարածքում:

Մեկ րոպե առաջ ես զրույց ունեցա նախագահ Բայդենի հետ։ ԱՄՆ-ն արդեն սկսել է միջազգային աջակցություն հավաքել»,- ասել է նա ուղերձում։

Զելենսկին հավելել է, որ  քաղաքացիներից յուրաքանչյուրից հանգստություն է ակնկալում:

«Հնարավորության դեպքում խնդրում ենք մնալ տանը։ Մենք աշխատում ենք։ Բանակը աշխատում է, Ուկրաինայի անվտանգության և պաշտպանության ողջ ոլորտն աշխատում է. ես, Ազգային անվտանգության և պաշտպանության խորհուրդը, Ուկրաինայի նախարարների կաբինետը միշտ կապի մեջ կլինենք ձեզ հետ։ Շուտով նորից կապի մեջ կլինեմ: Ոչ մի խուճապ:

Մենք ուժեղ ենք։ Մենք պատրաստ ենք ամեն ինչի։ Մենք կհաղթենք բոլորին, քանի որ մենք Ուկրաինան ենք։ Փա՛ռք Ուկրաինային»,- եզրափակել է Զելենսկին։

Իրական հրթիռային հարվածներ, չեղարկված թռիչքներ, փոխարժեքի անորոշություն

Ուկրաինայի ներքին գործերի նախարարությունը հայտնում է, որ վաղ առավոտից հրթիռային հարվածներ են հասցվում Կիևում, Խարկովում, Դնեպրում գտնվող հրամանատարակառավարման կենտրոնների, օդանավակայանների, ռազմական պահեստների ուղղությամբ: Սահմանին իրավիճակը լարված է:

Կասեցված են որոշ ուղղություններով թռիչքներ: Դատելով Flightradar24 առցանց ծառայությունից՝ քաղաքացիական ավիացիայի թռիչքներն արդեն դադարեցվել են Ուկրաինայի, Բելառուսի հարավային և կենտրոնական մասերի, Ռուսաստանի արևելյան և կենտրոնական շրջանների, Մոսկվայի հարևան շրջանների վրայով։

Արգելափակված է նաև Մոսկվայի շրջանի մի մասը։ Flightradar24 քարտեզը ցույց է տալիս, որ ինքնաթիռները չեն թռչում Սմոլենսկի, Կալուգայի, Տուլայի, Բրյանսկի, Օրյոլի, Լիպեցկի, Կուրսկի, Տամբովի, Վորոնեժի, Բելգորոդի, Վոլգոգրադի, Ռոստովի մարզերի, Ստավրոպոլի և մասամբ Կրասնոդարի երկրամասերի վրայով։

Ռուսաստանի պաշտպանության նախարարությունը փաստացի հաստատել է Ուկրաինայի տարածքում հարվածների մասին լուրերը:

«Գերճշգրիտ հարվածները խափանում են ռազմական ենթակառուցվածքը, հակաօդային պաշտպանության օբյեկտները, ռազմական օդանավերը և ուկրաինական բանակի ավիացիան»,- հայտարարել է ՌԴ ՊՆ ներկայացուցիչը։

Միաժամանակ գերատեսչությունն ընդգծում է, որ ռուսական զինուժը ոչ մի հրթիռային, օդային կամ հրետանային հարված չի հասցնում Ուկրաինայի քաղաքներին։

«Ուկրաինայի խաղաղ բնակչությանը վտանգ չի սպառնում»,- ասվում է գերատեսչությունում։

Ռուսական ֆինանսական բիրժայում առուվաճառքի գործարքները գրեթե ամբողջությամբ դադարեցված են: Երեկվա առուվաճառքի ավարտից հետո Մոսկվայի բորսայի ինդեքսը նվազել է ավելի քան 11%-ով։

Տպել
2262 դիտում

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)