Երևան
12 °C
«Մամ, աշխարհում «ամենավատ բանը» գիտես՝ ո՞րն է, որ մայրիկիդ շատ ես սիրում, ու նրան չես կարողանում մերժել». 44-օրյա պատերազմում զոհված 19-ամյա Հենրիկ Էլոյանի մայրը տղայի խոսքերն անընդհատ է հիշում: Մայրը վերջին անգամ որդու հետ խոսել էր 2020-ի հոկտեմբերի 28-ին, և դրանից հետո նրա հետ կապվել չի հաջողվել:
Հենրիկը ծնվել է Կոտայքի մարզի Աբովյան քաղաքում, բանակ զորակոչվել 2019 թվականի հուլիսի 2-ին: Ծառայությունից ընդհանրապես չի դժգոհել: Ընտանիքին միշտ ոգեշնչել ու հավատացրել է՝ ամեն ինչ լավ է. 2 տարի կծառայի ու կվերադառնա տուն:
«Շատ հանգիստ բնավորություն ուներ, համբերատար էր: Ամեն ինչ անում էր, որ ինձ չնեղացնի, միշտ լավ զգամ: Ծառայության մեջ էր ու հորաքրոջից նեղացել էր: Զանգեցի, ասացի՝ Հեն, հորաքրոջդ աղջկա նշանդրեքն է, զանգիր, շնորհավորիր, ասաց՝ չէ: Հետո իմացա, որ զանգել էր, շնորհավորել: Ինձ հետ խոսելիս մի անգամ ասաց՝ քեզ երբեք չեմ ուզում նեղացնել, մա՜մ ջան»,- «Հայկական ժամանակ»-ի հետ զրույցում պատմում է որդեկորույս մայրը՝ Համեստ Էլոյանը:
Հենրիկը ծառայության է անցել Ջաբրայիլում (Ջրական): 44-օրյա պատերազմի ժամանակ սկզբում հենց Ջաբրայիլում էլ պայքար է մղել. «Պատերազմի առաջին օրը տալս զանգահարեց, ասաց՝ Համեստ, պատերա՛զմ է, մեր տղաները.... ու չկարողացավ լացը զսպել: Միանգամից զանգահարեցի Հենրիկին, պատասխան չկար: Հետո իր հրամանատարներից մեկի հետ կապ հաստատեցի, ասաց՝ Հենոն կա, ամեն ինչ կարգին է նրա հետ»,- վերհիշում է տիկին Համեստը:
Մի քանի օր հետո արդեն Հենրիկն ինքն է զանգել ծնողներին, գոտեպնդել ու ուժ է տվել՝ կռվում են՝ առանց նահանջի մասին մտածելու: Ջաբրայիլում 19-ամյա տղան կռվել է մինչև հոկտեմբերի 2-ը, որից հետո երեք օր եղել է շրջափակման մեջ: Հոկտեմբերի 7-ին վիրավորվել ու տեղափոխվել է Սյունիքի մարզի Խնձորեսկ գյուղի հոսպիտալ: Վերքը եղել է ողնաշարի հատվածում, ու Հենրիկին 1 շաբաթով մայրական խնամք են նշանակել:
Հետո ասել են՝ նրան հետ կբերեք Սիսիանի հոսպիտալ՝ ստուգումների, որպեսզի հասկանանք՝ վիրահատելու կարիք կա՞, թե՞ ոչ:
«Բժիշկն ասաց, որ Հենրիկին հետ չեն կարող տանել, բայց ինքը տրամադրված էր, որ հետ գնա, ընկերների մոտ լինի: Մի շաբաթվա ընթացքում էլ անընդհատ հոսպիտալներ էր գնում, ընկերներին էր փնտրում: Հոկտեմբերի 24-ին տարանք Սիսիան, ասացին, որ Երևանում հոկտեմբերի 28-ին կվիրահատեն»,- պատմում է մայրը:
Սակայն Հենրիկն այդպես էլ տուն չի դարձել. հոկտեմբերի 26-ի առավոտյան նրան նորից Արցախ են տարել, ասել է՝ որտեղ ընկերներս, այնտեղ էլ՝ ես: Լիովին չապաքինված՝ գնացել է Շուշիի: Այնտեղ երկու օր մնալուց հետո տեղափոխվել է Մարտունու շրջանի Կարմիր Շուկայի հատված:
«Չէր ուզում հեռախոսով խոսելու ժամանակ շատ բաներ ասել ու երբեմն հանելուկներով էր խոսում: Հորը հարցրել էր՝ ո՞րն է իր սիրելի երգը, ասել էր՝ «չենք տա Շուշին մենք ուրիշին»: Էդտեղից հասկացանք, որ Շուշիում է, հետո հրամանատարներից իմացանք, որ տեղափոխել են Կարմիր Շուկա: Հոկտեմբերի 28-ին խոսում էինք, շատ ուրախ էր ու մեզ ոգեշնչում էր, քրոջն ասաց՝ «հարսանիքդ Բաքվում ենք անելու»: Ժամեր անց այն մեքենան, որով նրան տեղափոխել էին Կարմիր Շուկա, պայթել էր...»,- վերապրում է որդեկորույս մայրը:
Նոյեմբերի 1-ի առավոտյան տիկին Համեստը եկեղեցի է գնացել, Տիրոջը խնդրել, որ որդու մասին ցանկացած լուր լսի: Հենց այդ օրն էլ հրամանատարներից մեկից իմացել են, որ Հենրիկը զոհվել է: Ծնողները որդու մասին հստակ տեղեկություն իմանալու համար դիմել են նաև ՀՀ պաշտպանության նախարարություն, որտեղից էլ հաստատել են, որ նոյեմբերի 22-ին Հենրիկի մարմինը գտել են Կարմիր Շուկայի տարածքից: Դեկտեմբերի 31-ին ԴՆԹ-ի պատասխանով ճանաչել են նրան:
Հենրիկ Էլոյանի մարմինն ամփոփել են «Եռաբլուր»-ում: Մայրը նկատում է՝ որդին հավերժ 19 տարեկան է: Նրա մասին հիշողությունները հարազատները միշտ վառ կպահեն, անգամ՝ նռան պատմությունը, որը Հենրիկի սիրած միրգն էր, սակայն պատերազմի օրերին դարձել է չսիրելին. օրեր շարունակ շրջափակման մեջ մնալու ժամանակ Հենրիկն ու զինակից ընկերները միայն նուռ են կերել...
Մերի Խաչատրյան
«Հայկական Ժամանակ»-ը Telegram-ում
Հաղթահարել ենք գոյատևման օրակարգը, մտել ապագան այսօր վայելելու, ոչ թե հանուն վաղվա տառապելու օրակարգ․ վարչապետ
Ցուցաբերել առավելագույն զգոնություն․ սպասվում է գետերի ջրի ելքերի մեծացում
Քարի արտադրամասում շիրմաքարի հսկայական քարը մեքենայից իջեցնելիս ընկել է աշխատակցի վրա․ տղամարդը մահացել է
Թևանյանը 2024 թվականի ընթացքում ապօրինի կերպով է հավաքել պետական գաղտնիք պարունակող տեղեկությունները․ ՔԿ
Իսրայելի «KAN» ՀԸ-ն ներողություն է խնդրել «Եվրատեսիլ»-ում ՀՀ-ի մասին խոսելիս Ադրբեջանի դրոշը ցուցադրելու համար
Քանի մարդ է մասնակցել Աշտարակի հրապարակում «Ուժեղ Հայաստան»-ի հանրահավաքին
«Ապագա»-ն կամուրջ՝ երիտասարդների ու գործատուների միջև. ամփոփվեց «Կրթությունից աշխատանք՝ մեկ քայլ» ծրագիրը
Կարապետյանը Պուտինի անձնական օլիգարխն է. չի բացառվում, որ արտահոսքն արել է Քոչարյանը. Սարգսյան. տեսանյութ
Ընտրակաշառք վերցնողին մինչև 7 տարի ազատազարկում է սպառնում. Հակակոռուպցիոն կոմիտեն SMS-ներ է ուղարկում
Սահմանափակվել են ֆիշինգային որոշ դոմենների հասանելիությունը և +63 , +212 միջազգային կոդերի ֆիշինգային SMS-ները
622 հազար դոլարի դիմաց փոխանցել է պետական գաղտնիք. Անդրանիկ Թևանյանի գործով նախաձեռնվել է քրեական վարույթ
Հակոբ Արշակյանի գլխավորած պատվիրակությունը Սանկտ Պետերբուրգում մասնակցել է ԱՊՀ ՄԽՎ միջոցառումներին
Քրեական հետապնդում է հարուցվել Կամո Արեյանի, Երվանդ Զախարյանի և այլ պաշտոնյաների նկատմամբ. մանրամասներ
«Վերջին զանգի» միջոցառումներով պայմանավորված՝ Ոստիկանությունը ուժեղացված ծառայություն կիրականացնի
Օդի ջերմաստիճանը կնվազի 5-7, այնուհետ կբարձրանա 4-5 աստիճանով․ անձրև և ամպրոպ կլինի
Ի վերջո, ինչ կլիներ, եթե չլիներ Նիկոլ Փաշինյանը, ինչ խափանեց նա, և ինչու հասկացավ ու ընդունեց նրան ժողովուրդը
Մարտի 1-ի գործով Ռոբերտ Քոչարյանը պետք ա նստի, ձև չկա․ Փաշինյան․ տեսանյութ
Հայաստանում Խաղաղության կորպուսի կամավորները կաշխատեն դպրոցներում և երիտասարդական կենտրոններում և ՀԿ-ներում
ՌԴ-ն պաշտոնական ծանուցում է ստացել Փաշինյանի՝ ԵԱՏՄ ղեկավարների հանդիպմանը չմասնակցելու վերաբերյալ․ Զախարովա
Տեղի է ունեցել Արթուր Ալեքսանյանի անվան մանկապատանեկան դպրոցի շինաշխատանքների վերամեկնարկի արարողությունը
Կալուգացու պաշտպանը մանկապիղծ Էփշթեյնի փաստաբանն է եղել․ Թորոսյանը նամակագրություն է հրապարակել․ տեսանյութ
Արտասահմանյան հեռախոսահամարներով հաղորդագրություններ են ուղարկվում, անտեսեք․ ՆԳՆ կիբեռոստիկանություն
Յունիսպորտը՝ ֆուտզալի Հայաստանի գավաթակիր
Ընդհանրապես դասալիքները չեն նահատակվում․ ձեր մանկլավիկներին էլ ասեք՝ ոտքի տակ չընկնեն․ Պապիկյանը՝ Կարապետյանին
Վերահաստատեցի Ֆրանսիայի աջակցությունը խաղաղության գործընթացին․ Մակրոն-Ալիև հեռախոսազրույց է տեղի ունեցել
Ամալյան ու Գայանեն 100-նոց են. «Ուժեղ Հայաստան»-ի Ալավերդու պատասխանատուն կաշառք է բաժանել. նոր ձայնագրություն
Հայաստանի Հանրապետության պետական բյուջեից մի լումա տանողը իմ անձնական թշնամին է. Նիկոլ Փաշինյան
Սիրում եմ բոլորիդ․ վարչապետը տեսանյութ է հրապարակել
Մի տղաս զոհվեց, 2-ը հիմա պայմանագրային են, շնորհակալ եմ խաղաղության համար. քաղաքացին՝ Փաշինյանին
Սահմանվել է ՀՀ տարածքից սիգի ձկնկիթի արտահանման ժամանակավոր արգելք
Մինչև 12 տարեկան երեխա ունեցող ծնողները կկարողանան օգտվել «ծնողական ժամից»
Յունիբանկը թողարկել է 3.9 մլրդ դրամի բաժնետոմս
«Ուժեղ Հայաստան» կուսակցության անդամը տեսանյութ է տարածել, որում անհայտ անձը սուտ տեղեկություն է հայտնում. ՊՆ
Հայաստանում ընտրություններից առաջ Կրեմլի օգտին աշխատող ապատեղեկատվական արշավը մեծ ծավալ է ստացել. Euronews
Փոփոխություններ 2026թ. կաթի արտադրության համար սուբսիդավորման տրամադրման կարգում
Սև թութը հասել ա, ով չի վանկարկում, բարձրանալու ա, քաղի. Փաշինյանը՝ թիմակիցներին
ՌԴ պետռեգիստրում Նարեկ Կարապետյանի քաղաքացիության վերաբերյալ տվյալները խմբագրվել են. Factor
Գործակալները և նրանց օտարերկրյա տերերը փորձում են ինչ-որ կերպ մեզ տրամադրել Հայաստանի դեմ. դա նրանց չի հաջողվի
Իրավիճակը կառավարելի է. Հայաստանից ՌԴ ծաղկի արտահանման խնդիրներ չենք ունենա. Գևորգ Պապոյան
Քանի աշակերտ կավարտի դպրոցն այս տարի. Անդրեասյանը մանրամասներ է հայտնել
