Երևան
8 °C
searchclose
today
menuclose
Երևան
8 °C
ՀՀ կրթության, գիտության, մշակույթի և սպորտի նախարարությունում հրավիրված համատեղ ասուլիսում նախարարի տեղակալներ Կարեն Թռչունյանն ու Արթուր Մարտիրոսյանը ներկայացրել են բարձրագույն կրթության, միջազգային համագործակցության, սփյուռքում հայեցի կրթության կազմակերպման և երիտասարդության ոլորտներում 2021 թվականին իրականացված աշխատանքները: Այդ մասին հայտնում է ԿԳՄՍՆ-ն։
‹‹Բարձրագույն կրթության և գիտության մասին›› օրենքի նախագիծը վերստին շրջանառվում է
Բարձրագույն կրթության ոլորտը համակարգող նախարարի տեղակալ Կարեն Թռչունյանը կատարված աշխատանքներից առանձնացրել է ‹‹Բարձրագույն կրթության և գիտության մասին›› օրենքի նախագծի վերստին շրջանառումը: Փոխնախարարի տեղեկացմամբ` Սահմանադրական դատարանի կողմից կասեցված դրույթները նախագծի նոր տարբերակում խմբագրվել և լրամշակվել են: Կարեն Թռչունյանը հույս է հայտնել, որ նախագիծը գարնանը կընդգրկվի ԱԺ նիստերի օրակարգում և կընդունվի` հաշվի առնելով, որ խորհրդարանը մեկ անգամ արդեն քննարկել և հավանություն է տվել օրինագծին:
Կփոխվի ասպիրանտուրայի ընդունելության կարգը
Կարեն Թռչունյանը տեղեկացրել է, որ նախատեսվում է փոփոխություն կատարել ասպիրանտուրայի ընդունելության կարգում, ըստ որի՝ «Համակարգչային հմտություններ» առարկայի քննություն այլևս չի պահանջվելու: Ասպիրանտուրայի դիմորդները քննություն կհանձնեն միայն օտար լեզվից և մասնագիտական առարկայից, քանի որ, ըստ փոխնախարարի, նման քննության կազմակերպումն այսօր ժամանակավրեպ է: Համապատասխան կարգի փոփոխությունը կհաստատվի գալիք տարի:
Դիմորդները տարվա մեջ 2 անգամ ընդունելության քննություն հանձնելու հնարավորություն կստանան
Մյուս կարևոր փոփոխությամբ` բուհերի դիմորդների համար ընդունելության քննություններ կկազմակերպվեն տարվա մեջ երկու անգամ: «Նպատակահարմար ենք գտել դիմորդներին հնարավորություն տալ տարվա մեջ 2 անգամ հանձնելու միասնական քննություն, որոնցից առաջինը կկազմակերպվի հունվարին, մյուսը, ինչպես այժմ է, կլինի ամռանը` հունիսին: Ստուգելով սեփական գիտելիքները` նրանք կորոշեն, թե քննական արդյունքներից որը օգտագործեն ընդունելության մրցույթի ժամանակ»,- տեղեկացրել է Կարեն Թռչունյանը` հավելելով, որ ընդունելության մրցույթի ամփոփման ժամկետները չեն փոխվի: Այս նորարությունը կիրառվելու է 2023 թվականից, այսինքն` գալիք տարվա դիմորդներին չի վերաբերի: Փոխնախարարի խոսքով` նման քայլի գնալով՝ կլուծվի քննությունների սթրեսը հաղթահարելու խնդիրը:
Արցախյան պատերազմի մասնակիցները ստանում են ուսման վարձի հատուցում
Արցախյան պատերազմի մասնակից ուսանողների և նրանց ընտանիքի անդամ համարվող ուսանողների ուսման վարձի փոխհատուցման ծրագիրը շարունակվում է. 2020/2021 ուստարվա և 2021/2022 ուստարվա 1-ին կիսամյակի համար պետության կողմից ուսման վարձի փոխհատուցում է տրամադրվել մարտական գործողությունների մասնակից շուրջ 6330 շահառուի, այդ թվում՝ ուսանող, ամուսին, ծնող, ընդհանուր՝ մոտ 1,4 միլիարդ ՀՀ դրամ: Ծրագիրը կշարունակվի նաև 2022 թ. երկրորդ կիսամյակի և 2022/2023 ուստարվա առաջին կիսամյակի համար` տարածվելով մարտական գործողությունների մասնակից ուսանողների վրա:
Սոցիալական խմբերում ընդգրկվածները ուսման վարձի փոխհատուցում են ստանում՝ ըստ ՄՈԳ-ի
Կարևորելով ուսման վարձի փոխհատուցման հասցեականության և կրթության որակի փոխկապակցվածությունը` ՀՀ կառավարության 2021 թվականի հոկտեմբերի 28-ի № 1752-Ն որոշմամբ փոփոխություն է իրականացվել համապատասխան կարգում: Ըստ այդմ` 2021/2022 ուստարվա համար պետությունը ուսման վարձի մասնակի փոխհատուցում է հատկացրել սոցիալական տարբեր խմբերի պատկանող 5722 ուսանողների, որից 2299-ը ընտանիքների անապահովության սահմանային միավորից բարձր միավոր ունեցող ուսանողներ են, 763-ը՝ սոցիալական աջակցություն ստացող սահմանամերձ համայնքների բնակիչներ, 2209-ը՝ մարտական գործողությունների մասնակիցներ, 52-ը՝ երկու և ավելի երեխա ունեցող ուսանողներ, 399-ը՝ ապրիլյան պատերազմի մասնակիցներ: Սոցիալական այս խմբերի ուսման վարձի փոխհատուցման համար հատկացվել է մոտ 1,5 միլիարդ ՀՀ դրամ:
Կարեն Թռչունյանի տեղեկացմամբ` վերոնշյալ փոփոխությամբ` սոցիալական խմբերում ընդգրկված ուսանողները ուսման վարձի փոխհատուցում են ստանում ըստ միջին որակական գնահատականի (ՄՈԳ), նվազագույն շեմ է սահմանվել ՄՈԳ-ի 60 տոկոսը: «Ուսման վարձի փոխհատուցման ժամանակ կարևորում ենք ոչ միայն սոցիալական կարգավիճակը, այլ նաև առաջադիմությունը: Որքան լավ կսովորի ուսանողը, այնքան ավելի շատ փոխհատուցում կստանա: Սա պետության հստակ ուղերձն է` պետք է լավ սովորել` հետագայում լավ մասնագետ դառնալու համար »,- նշել է Կարեն Թռչունյանը` ընդգծելով, որ փոխհատուցման չափը կարող է հասնել մինչև ուսման վարձի 90 տոկոսին` կախված ՄՈԳ-ից:
Պետության համար գերակա նշանակություն ունեցող մասնագիտությունների համար սահմանված է եկամտահարկից ուսման վարձի փոխհատուցման հնարավորություն, որից կարող են օգտվել աշխատող ուսանողները:
Մեկ մասնագիտություն, մեկ մոտեցում. միասնական մոտեցում՝ ընդունելության քննություններ
Ըստ մասնագիտությունների հստակեցվել է միասնական քննությունների ցանկը` որդեգրելով մեկ մասնագիտություն, մեկ մոտեցում սկզբունքը: Եթե նույն մասնագիտությամբ կրթություն է կազմակերպվում երկու և ավելի բուհերում, ապա դիմորդը, անկախ նրանից, թե որ բուհ է դիմում, պետք է հանձնի նույն քննությունները: Այսպիսով` սահմանվել են ընդունելության միասնական չափանիշներ, մուտքային պահանջներ, ինչպես նաև ամրագրվել է, որ դիմորդը բուհ կընդունվի՝ հանձնելով ընդունելության առնվազն 2 քննություն:
Փոխնախարարի տեղեկացմամբ` նախատեսվում է նաև 100-ական տեղերով ավելացնել 2022/2023 և 2023/2024 ուսումնական տարիների՝ բակալավրի կրթական ծրագրով հատկացվող անվճար տեղերի թիվը, որ կհատկացվի բնագիտատեխնիկական (STEM) ոլորտի մասնագիտություններին:
Տարվա ընթացքում կազմակերպվել է նաև «Լավագույն ուսանող» մրցույթը, որի հաղթողները կպարգևատրվեն արդեն 2022 թվականին:
Ասուլիսի ընթացքում ԿԳՄՍ նախարարի տեղակալ Կարեն Թռչունյանը ներկայացրել է նաև ՀՀ-ում գործող 16 պետական և 4 միջպետական բուհերի տվյալների հիման վրա իրականացված հետազոտության արդյունքները:
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»
Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան
Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար
Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան
Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը
Եթե Ստեփանակերտում ոչ թե «քֆուրով» որոշում ընդունող, այլ ադեկվատ իշխանություն լիներ, կսահմաներ ԼՂ շփման գիծը․ Աթանեսյան
Մենք ԵՄ-ի հետ սկսում ենք սերտ համագործակցության նոր ճանապարհ․ Արարատ Միրզոյան
Խաղաղության գործընթացը հիմնականում բաղկացած է որոշումներից, որոնք դուրս են «հակամարտելու» տրամաբանությունից․ Թորոսյան
Շուտով հայտնի ուժերը «մետոձիչկաները» կստանան, ու 10 կոպեկանոց լացի նոր եթերաշրջանը կհամարենք բացված․ Ալեքսանյան
Հայաստանը կստանա հնարավորություն սահմանազատման գործընթացը կազմակերպել քաղաքակիրթ և լեգիտիմ ընթացքով․ Ղազարյան
Աշխարհի գավաթ․ մարմնամարզիկ Վահագն Դավթյանը Փարիզի Օլիմպիական խաղերի ուղեգիր է նվաճել
Կողմերը կառաջնորդվեն Ալմա Աթայի 1991թ. հռչակագրով, մի բան, որից Ադրբեջանը արդեն տևական ժամանակ խուսափում էր․ Եղոյան
Հուսանք՝ այցից հետո կհայտնվի մեր հարաբերությունների զարգացման «ճանապարհային քարտեզ»․ Միրզոյանի հարցազրույցը Arab News-ին
Վկան գլխի ճակատային մասով 3 անգամ հարվածել է աշխատասեղանին․ ինչ է կատարվել Շենգավիթի քննչական բաժնում
Սահմանազատման հանձնաժողովների հրապարակած փաստաթղթում երկու բավականին դրական և հուսադրող միտում տեսա․ Արամ Սարգսյան
Առաջին անգամ կա հնարավորություն ունենալ սահմանազատված պետական սահման, որտեղ կտեղակայվեն սահմանապահներ. Հովհաննիսյան
Ողջունում ենք Հարավային Կովկասի վերաբերյալ «Մեծ յոթնյակի» երկրների ԱԳ ղեկավարների հայտարարությունը․ Արարատ Միրզոյան
Սեփական տան լոգարանում հայտնաբերվել է ՊՆ N զորամասի ջոկատի հրամանատարի 31-ամյա տեղակալի դին
Եթե հայ-ադրբեջանական հանձնաժողովի ձեռք բերած պայմանավորվածությունը կյանքի կոչվի, կլինի լուրջ հաջողություն. Իոաննիսյան
Հանձնաժողովների պայմանավորվածության մեջ չափազանց կարևոր է Ալմա-Աթայի սկզբունքի շուրջ համաձայնությունը. Խանդանյան
Կապան-Քաջարան ճանապարհահատվածում հարկադիր քարաթափում է իրականացվել
«Մեծ յոթնյակը» պետք է հրաժարվի Հայաստանի և Ադրբեջանի նկատմամբ հավասարական մոտեցումներից․ Գարդման-Շիրվան-Նախիջևան
Տավուշի մարզի ոչ մի սանտիմետր չի կարող տրվել որևէ մեկին, ՀՀ տարածքային ամբողջականությունը պաշտպանված է․ Կոնջորյան
Պետք է արդյունավետ հավասարակշռություն գտնենք արհեստական բանականության ընձեռած հնարավորությայն և ռիսկերի միջև. Ջուլհակյան
Պապոյանը ՀԱՀ ընկերություններին հրավիրել է մասնակցելու Հայաստանում պետական աջակցությամբ իրականացվող տնտեսական ծրագրերին
ՊՎԾ-ն ամփոփել է վարչապետի հանձնարարությամբ քաղշինկոմիտեում և ԿԳՄՍՆ-ում իրականացված ուսումնասիրությունների արդյունքները
էկոնոմիկայի նախարարությունը նոր գլխավոր քարտուղար ունի․ վարչապետը որոշում է ստորագրել (լուսանկար)
Սահմանազատման սկզբնական փուլում Հայաստանն ու Ադրբեջանը նախնական համաձայնեցրել են սահմանագծի առանձին հատվածները․ ԱԳՆ
Օլաֆ Շոլցը և Ադրբեջանի նախագահը բանակցություններ կվարեն Բեռլինում
Առաջին անգամ Հայաստանի և Ադրբեջանի միջև, 4 գյուղի հատվածում, կլինի սահմանազատված պետական սահման. քարտեզ
Ռոստովի մարզում ձերբակալվել են Ադրբեջանի քաղաքացին և ևս 2 անձ․ Շահին Աբբասովը կասկածվում է սպանության մեջ
Ալիևը կմեկնի Մոսկվա՝ Պուտինի հետ բանակցությունների
Թուրքիայում կրկին երկրաշարժ է տեղի ունեցել
Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 19-ին
