Նիկոլ Փաշինյանն իր դիրքը նշմարել էր մինչ Սոչիի հանդիպումը, միջանցքի հարց հայկական կողմը չի քննարկում. քաղաքագետ

Մոսկվայում այսօր՝ դեկտեմբերի 1-ին, կկայանա Հայաստանի, Ռուսաստանի և Ադրբեջանի փոխվարչապետների համանախագահությամբ եռակողմ աշխատանքային խմբի հանդիպումը:

Եռակողմ աշխատանքային խումբը ստեղծվել է տարածաշրջանում բոլոր տնտեսական և տրանսպորտային կապերն ապաշրջափակելու նպատակով:

Այս հանդիպման մասին դեռևս նոյեմբերի 26-ին Սոչիում կայացած եռակողմ՝ Պուտին- Փաշինյան-Ալիև հանդիպման օրը ՌԴ նախագահ Վլադիմիր Պուտինն էր հայտարարել: Նա նշել էր, որ փոխվարչապետները կհանդիպեն Մոսկվայում՝ մի քանի ամփոփումներ անելու և հայտարարելու ընդունված որոշումների մասին, որոնք երկրների ղեկավարները համաձայնեցրել են նոյեմբերի 26-ի հանդիպմանը:

Հիշեցնենք՝ Սոչիում նոյեմբերի 26-ին կայացավ Հայաստանի, Ռուսաստանի և Ադրբեջանի առաջնորդների հանդիպումը։ Եռակողմ հանդիպումից առաջ Պուտինն առանձնազրույց էր ունեցել Ալիևի հետ։ Բանակցությունները տևել էին երեք ժամ։ Եռակողմ հանդիպմանը հաջորդեց Պուտին-Փաշինյան առանձնազրույցը։ Բանակցությունների արդյունքում ստորագրվեց համատեղ հայտարարություն, որում ասվում էր՝ Հայաստանի Հանրապետության և Ադրբեջանի Հանրապետության միջև պետական սահմանի դելիմիտացիայի և այդուհետ դեմարկացիայի հարցերով երկկողմ՝ կողմերի հայտի հիման Ռուսաստանի Դաշնության խորհրդատվական մասնակցությամբ հանձնաժողով է ստեղծվելու:

«Հայկական ժամանակի» հետ զրույցում քաղաքագետ Դավիթ Ստեփանյանը նշեց՝ փոխվարչապետների այսօրվա հանդիպումից մեծ սպասելիքներ չպետք է ունենալ:

«Կոնկրետ որևէ արդյունք փոխվարչապետների հանդիպումից հետո չի լինելու: Սա լինելու է հանդիպումների շարքի սկիզբ: Հանդիպմանը տեղ են գտնելու այն բոլոր կետերը, որոնք եղել են 3 հայտարարություններում՝ նոյեմբերի 9-ի, հունվարի 11-ի և նոյեմբերի 26-ի: Որքանով որ ես եմ հասկանում, մեզ երկար գործընթացներ են սպասվում, առաջանալու են մի շարք խնդիրներ, գումարվելու են բոլոր այն խնդիրներին, որոնք արդեն կան, բայց կարևոր է, որ գործընթացն արդեն սկսվել է, և այսօր մենք կարող ենք սպասել առաջընթաց սահմանագծման և սահմանազատման գործընթացներին վերաբերող հանձնաժողովի ստեղծման հարցում»:

Խոսելով ստեղծվելիք հանձնաժողովի արդյունավետության մասին՝ քաղաքագետը նշեց՝ եթե մենք ուզում ենք խաղաղություն, ապա այլընտրանք չունենք:

«Այո, ապագան այս գործընթացների մշուշոտ է, բայց մենք պետք է հասկանանք, թե ինչ է կատարվելու մոտ ապագայում, ինչպես է այս գործընթացներին արձագանքելու Թուրքիան: Մենք պետք է հասկանանք, որ այդ եռակողմ հայտարարությունն իրականում քառակողմ է, քանի որ Թուրքիան էլ կա, ուղղակի զուտ չի ստորագրում: Ցանկացած պահի Թուրքիան կարող է հասկանալ, որ այս գործընթացները ձեռնտու չեն իրեն և փորձի դրանք վերացնել: Անակնկալներ կարող են լինել, Ռուսաստանի դիրքն էլ կարող է փոխվել»:

Անդրադառնալով եռակողմ հանդիպումներին և հայկական կողմի՝ այդ հանդիպումների ընթացքում շահեկան դիրքերում հայտնվելու քայլերին՝ Ստեփանյանն ընդգծեց՝ Նիկոլ Փաշինյանն իր դիրքն արդեն նշմարել է:

«Փաշինյանն իր դիրքը նշմարել է մինչ Սոչիի հանդիպումը: Եվ մենք դրա արձագանքին ականատես եղանք: Ադրբեջանն ագրեսիա դրսևորեց ՀՀ-ի դեմ: Խոսվում էր միջանցքի մասին, սակայն հայկական կողմն այն բացառեց, ինչը մեծ քայլ էր ՀՀ-ի կողմից: Հիմա միայն խոսվում է կոմունիկացիաների բացման մասին, ինչը բոլոր հայտարարություններում էլ նշված է եղել: Միջանցքի մասին խոսք երբեք չի եղել, և Թուրքիայի մաքսիմալիզմը մնաց իրենց երազանքներում: Հիմա մնում է կարողանանք հասնել նաև գերիների վերադարձի հարցի լուծմանը: Չնայած եռակողմ հայտարարության մեջ գերիների մասին չկային կետեր, բայց ես վստահ եմ, որ այս ուղղությամբ էլ կան բանակցություններ»:

Դավիթ Ստեփանյանի կարծիքով՝ շատ կարևոր է նաև անկլավների հարցը: «Այս հարցում մենք պետք է նշմարենք մեր կարմիր գծերը: Ո՛չ Տիգրանաշենը, ո՛չ Ոսկեպարը չպետք է անցնեն Ադրբեջանին, քանի որ այդ անկլավները ՀՀ-ի համար ունեն ռազմավարական նշանակություն: Դրանք գտնվում են այնպիսի ճանապարհների վրա, որոնք մեզ կապում են Իրանի և Վրաստանի հետ: Դրանց հանձնումը մեզ համար խոշոր պարտություն կլինի»,- նկատեց նա:

Հարցին՝ հայկական կողմի՝ միջանցքային քաղաքականության բացառման որոշումը կարո՞ղ է բերել նոր պատերազմի, քանի որ մեր հակառակորդի բաղձալի ցանկություններից մեկը հենց դա է, քաղաքագետը պատասխանեց. «Թուրքիան հիմա պատրաստ չէ պատերազմի: Ինչպես գիտեք, հիմա այնտեղ ակցիաներ են: Թուրք ժողովուրդը ցանկանում է Էրդողանի հրաժարականը. 2023-ին Էրդողանը կկորցնի իր իշխանությունը: Թուրքիան այն վիճակում չէ, որ նոր պատերազմ սկսի: Կարծես թե այդ շահագրգռվածությունը չկա էլ, եթե, իհարկե աշխարահաքաղաքական իրավիճակը չփոխվի»:

Անդրադառնալով դեկտեմբերի 15-ին Բրյուսելում սպասվելիք Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպմանը՝ քաղաքագետը նկատեց՝ դա նոյեմբերի 26-ի հանդիպման շարունակությունն է:

«Այս հանդիպումից մաքսիմումը, որ կարող ենք ակնկալել, գերիների մասին հայտարարությունն է: Հնարավոր է լինի որոշ գերիների վերադարձ: Հաշվի առնելով այն, որ Եվրամիությունը փորձում է հումանիտար հարցերով զբաղվել, կարծում եմ՝ Ալիևի կողմից որոշակի ժեստ նրանց ուղղված լինելու է»,- եզրափակեց Դավիթ Ստեփանյանը:

Անյուտա Աթանեսյան

Տպել
1211 դիտում

Տաթև-Կապան ավտոճանապարհին արգելափակումից 23 բեռնատար է դուրս է բերվել

Բարի գալուստ սպորտի, հումորի և մշակույթի կենտրոն. Տյումենից Գյումրի են ժամանել տուր-օպերատորներ և ԶԼՄ ներկայացուցիչներ

Պետական գույքը հանրային սեփականություն է, հանրությունը պիտի տեղյակ լինի՝ ինչպես է կառավարվում այն. Առնակ Ավետիսյան

ՀՀ պաշտպանության նախարար Սուրեն Պապիկյանն այցելել է «Եռաբլուր» զինվորական պանթեոն

Արցախից Երևան տեղափոխված երեխան «Սուրբ Աստվածամայր» ԲԿ-ի վերակենդանացման բաժանմունքում է. վիճակը կայուն ծանր է

ՀՀ-ում կրճատվել է միջմարզային երթուղիների թիվը. աստիճանաբար անցում կկատարվի միասնական երթուղային ցանցի

Մահացել է Հայաստանի վաստակավոր մարզիչ, միջազգային կարգի մրցավար Սամվել Հարությունյանը

Ձեր չարչարանքի և փայլուն աշխատանքի արդյունքում պետությունը 2021-ին ստացել է 600 մլն դրամի շահույթ. Կարեն Անդրեասյան

Նազելի Բաղդասարյանը Շիրակի մարզ է հրավիրել ՀՀ էկոնոմիկայի նախարարի տեղակալին՝ ֆերմերների հետ հանդիպման

Ղազախստանը պատրաստակամ է քննարկել «Քովիդ-19»-ի դեմ իր արտադրած պատվաստանյութը ՀՀ-ին տրամադրելու հարցը

ՀՀ ոստիկանապետը 2022-ը հայտարարել է թմրամիջոցների դեմ պայքարի տարի. տեղի է ունեցել ՀՀ ոստիկանության կոլեգիայի նիստը

ՀՀ արդարադատության նախարարը նոր տեղակալ ունի

Գորիս-Սիսիան ավտոճանապարհին մեքենաներ են բախվել. կան տուժածներ

Հանրային սննդի օբյեկտներ, հյուրանոց, մարզասրահ, գրադարան, թանգարան, թատրոն ու կինո այցելելու նոր պահանջ

ԱԺ փոխնախագահն ընդունել է ԵՄ պատվիրակությանը. անդրադարձ է արվել հայ-թուրքական հարաբերությունների կարգավորման գործընթացին

Կենտրոն վարչական շրջանի տնտեսվարողները տուգանվել են պոլիէթիլենային չթույլատրված տոպրակների օգտագործման համար

Երևանի քաղաքապետարանում անցկացվող ամենշաբաթյա գործակարգավարական խորհրդակցությունները կհեռարձակվեն ուղիղ եթերով

Թաղման բյուրոյի խնդիրների ու խախտումների վերաբերյալ քննարկում է տեղի ունեցել Երևանի դատախազի տեղակալի եւ քաղաքապետի միջև

Հակոբ Հակոբյանն ու Արթուր Մանուկյանն ընտրվել են ՀՌՀ անդամ

Արցախում ավտովթարի հետևանքով ծանր վնասվածք ստացած երեխան ռուս խաղաղապահների ուղղաթիռով այսօր տեղափոխվել է Երևան

UCOM-ը զանգերի սպասարկման նոր կենտրոն կունենա Վանաձորում

Ռուսական կողմը շարունակելու է ջանքերը Հայաստան-Թուրքիա հարաբերությունների կարգավորման ուղղությամբ. Սերգեյ Կոպիրկին

Մայրը և որդին խաբեությամբ հափշտակել են անձանց անվամբ ձևակերպված վարկերի գումարները. գործը դատարանում է

Հայ խաղաղապահները վերադարձել են Հայաստան

Հայտնաբերվել է հակահամաճարակային կանոնների խախտման 18 դեպք

Այսօր ինքնասպանության փորձ կատարած աղջկա վիճակը ծայրահեղ ծանր է

Սյունիքի մարզի Գորիս-Սիսիան ճանապարհահատվածում բուք է

Լոռու մարզում արձանագրվել է բոտուլիզմի 1 դեպք. հիվանդի վիճակը գնահատվում է միջին ծանրության

Շրջակա միջավայրի նախարարի մոտ տեղի է ունեցել խորհրդակցություն անտառային ոլորտի խնդիրների վերաբերյալ (լուսանկարներ)

Վերջին 30 տարում Հայաստանի ՔԿՀ-ներում բարձրագույն կրթություն է ստացել ընդամենը 11 դատապարտյալ

Որդու գերեզմանին ինքնասպանության փորձ կատարած դպրոցի տնօրենը հիվանդանոցում մահացել է

Ռուբեն Հախվերդյանը հրապարակել է իր՝ «Աշնանային էլեգիա» ստեղծագործության տեսահոլովակը

Դոլարի փոխարժեքն աճել է. Կենտրոնական բանկը սահմանել է նոր փոխարժեքներ

«Լադանիվան» եվրոպական հեղինակավոր մրցույթի հաղթողների թվում է

Զարեհ Սինանյանը և Կարեն Ավանեսյանը կգործուղվեն Բելառուսի Հանրապետություն

Վարչապետ Նիկոլ Փաշինյանն առաջիկա օրերին ասուլիս կտա

Մեքենան բախվել է ծառին. վարորդը մահացել է

Ժնևում ընթանում են Լավրով-Բլինքեն բանակցությունները

Վարչապետն ընդունել է Եվրոպական միության պատվիրակությանը (լուսանկարներ)

Կոտայքի մարզպետարանի և Հայաստանի ֆիզիկական կուլտուրայի և սպորտի պետական ինստիտուտի միջև հուշագիր է կնքվել