Ռուսաստանը դադարեցնում է ՆԱՏՕ-ում իր առաքելության աշխատանքը. սառեցվում են դիվանագիտական բոլոր կապերը

Ռուսաստանը դադարեցնում է ՆԱՏՕ-ում իր առաքելության աշխատանքը: Այս մասին հայտարարել է ՌԴ արտգործնախարար Սերգեյ Լավրովը:

Մոսկվայում նաև կդադարեցվի դաշինքի ռազմական առաքելության և դրա տեղեկատվական բյուրոյի գործունեությունը: Սա պատասխան է ՆԱՏՕ-ում Ռուսաստանի առաքելության կրճատմանը: ԶԼՄ-ները ավելի վաղ հայտարարել էին հենց նման պատասխանի մասին:

«Ի պատասխան ՆԱՏՕ-ի գործողությունների՝ մենք դադարեցնում ենք ՆԱՏՕ-ում մեր մշտական առաքելության աշխատանքը, ներառյալ՝ գլխավոր ռազմական ներկայացուցչի աշխատանքը: Հավանաբար դա կլինի նոյեմբերի 1-ից կամ ևս մի քանի օր էլ կտևի, բայց նոյեմբերի սկզբին աշխատանքը կավարտվի»,- ասել է Լավրովը Մոսկվայում կայացած մամուլի ասուլիսում:

«Մենք կասեցնում ենք նաև Մոսկվայում ՆԱՏՕ-ի ռազմական կապի առաքելության գործունեությունը, նրա աշխատակիցների հավատարմագրումը չեղյալ է հայտարարվում այս տարվա նոյեմբերի 1-ից: Եվ բացի այդ, կդադարեցվի ՆԱՏՕ-ի տեղեկատվական բյուրոյի գործունեությունը Մոսկվայում, որը ստեղծվել է Բելգիայի Թագավորության դեսպանատանը»,-«Ինտերֆաքսի» մեջբերմամբ՝ շարունակել է նախարարը:

Ինչո՞ւ կայացվեց նման որոշում

Բանն այն է, որ հոկտեմբերի 6-ին ՆԱՏՕ-ի ղեկավարությունը որոշեց կիսով չափ կրճատել ռուսական առաքելությունը կազմակերպությունում, վտարել 8 ռուս դիվանագետների և վերացնել ևս երկու պաշտոն: Մինչ այդ, Բրյուսելում Ռուսաստանի մշտական ներկայացուցչությունը կազմված էր 20 հոգուց, ուստի այն պետք է կրճատվեր մինչև 10 դիվանագիտական անձնակազմ:

BBC-ն գրում է, որ ՆԱՏՕ-ի խոսնակն այն ժամանակ որպես պարզաբանում ասել է, թե առաքելության 8 աշխատակիցներին զրկել են հավատարմագրումից, քանի որ նրանք ռուսական հետախուզության չհայտարարված անդամներ են:

Հաջորդ օրը ՆԱՏՕ-ի գլխավոր քարտուղար Յենս Ստոլտենբերգը, ըստ էության, հաստատեց խոսնակի խոսքերը.

«Մենք չեղյալ համարեցինք ՆԱՏՕ-ում Ռուսաստանի առաքելության 8 անդամների հավատարմագրումը, որոնք ռուսական հետախուզության չհայտարարված անդամներ էին: Այս որոշումը կապված չէ որևէ կոնկրետ իրադարձության հետ»,- ասել է Ստոլտենբերգը:

Sky News-ը նշում է, որ ՆԱՏՕ-ն կիսով չափ կրճատել է Ռուսաստանի առաքելությունը դաշինքում՝ ի պատասխան Ռուսաստանի կողմից ենթադրյալ թշնամական գործողությունների:

«Կոմերսանտ» -ը, վկայակոչելով իր աղբյուրները, ավելի վաղ էր հայտնել, որ Ռուսաստանը կարող է ամբողջությամբ փակել ՆԱՏՕ-ի իր մշտական առաքելությունը՝ ի պատասխան Բրյուսելից 10 ռուս դիվանագետների վտարման:

Ենթադրելի է, որ պատասխան միջոցները կազդեն Մոսկվայում ՆԱՏՕ-ի ռազմական կապերի առաքելության վրա, որը ստեղծվել է 2002 թվականին և գործում է Բելգիայի դեսպանատան հովանու ներքո: Նրա աշխատակիցներն օժտված են դիվանագիտական անձեռնմխելիությամբ: ՆԱՏՕ-ի կայքում նշվում է, որ առաքելությունը բաղկացած է 13 հոգուց, սակայն, ըստ թերթի, իրականում նրանց կեսից էլ պակասն է աշխատում:

«Եթե ՆԱՏՕ-ում՝ կառույցի ներսում, ՌԴ-ի հետ կապված հրատապ խնդիրներ լինեն, նրանք կարող են դիմել Բելգիայում մեր դեսպանին այդ հարցերով: Դեսպանն ապահովում է երկկողմ հարաբերությունները»,- երկուշաբթի ասել է Լավրովը:

ՌԴ ԱԳՆ կայքում տեղադրված հաղորդագրության մեջ ասվում է, որ դաշինքի հայեցողությամբ Մոսկվայում ՆԱՏՕ-ի անդամ երկրների դեսպաններից ցանկացած մեկը կարող է կատարել կառույցի հետ կապված դիվանագիտական գործառույթներ:

ՆԱՏՕ-ն ի գիտություն է ընդունել Լավրովի խոսքերը՝ դիվանագիտական ներկայացուցչությունների փոխադարձ փակման մասին, սակայն Մոսկվայից դեռ պաշտոնական ծանուցումներ չի ստացել: Այս մասին էլ հայտարարություն է տարածել Հյուսիսատլանտյան դաշինքի մամուլի ծառայությունը:

Մոսկվայում ՆԱՏՕ-ի առաքելությունը կոչված էր նպաստելու Բրյուսելում դաշինքի ռազմական կոմիտեի և Ռուսաստանի պաշտպանության նախարարության երկխոսությանը և փոխազդեցությանը:

Կոնֆլիկտի նախապատմությունը

Ռուսաստանի և ՆԱՏՕ-ի միջև ռազմական համագործակցությունը սառեցվել է դեռ 2014-ի ապրիլին դաշինքի նախաձեռնությամբ, որն այդպիսով արձագանքել էր Ղրիմի «բռնակցմանը» (ըստ կառույցի):

ՆԱՏՕ-ում Ռուսաստանի դիվանագիտական ներկայացուցչությունը ստեղծվել է 1998 թվականին: 2002 թվականի մայիսին ստեղծվել է Ռուսաստան-ՆԱՏՕ խորհուրդը: Այս մարմինների մասնակցությամբ ստորագրվել են մի քանի պայմանագրեր ռազմատեխնիկական համագործակցության և համատեղ վարժանքներ անցկացնելու վերաբերյալ: 

Դաշինքի և Ռուսաստանի միջև հարաբերությունները սկսեցին վատթարանալ 2008 թվականի օգոստոսին՝ Վրաստանում պատերազմի ֆոնին, այնուհետև Ռուսաստան-ՆԱՏՕ խորհրդի գործունեությունը կասեցվեց, բայց հետագայում վերսկսվեց:

2014-ի մարտին՝ Ղրիմի հարցի ի հայտ գալուց հետո, Ռուսաստանի հարաբերությունները ՆԱՏՕ-ի հետ կրկին սրվեցին: Դաշինքը սահմանափակել էր Ռուսաստանի հետ քաղաքացիական և ռազմական համագործակցության բոլոր ձևերը, և 2014-ի սեպտեմբերին՝ սառը պատերազմի ավարտից հետո, առաջին անգամ Ռուսաստանը չհրավիրվեց ՆԱՏՕ-ի գագաթնաժողովին: Դաշինքում Ռուսաստանի մշտական առաքելության թիվը սկսեց կտրուկ նվազել:

2018 թվականին ՆԱՏՕ-ում Ռուսաստանի մշտական ներկայացուցիչ Ալեքսանդր Գրուշկոն ազատվեց զբաղեցրած պաշտոնից, և այդ ժամանակվանից մինչ հիմա ներկայացուցչի պաշտոնը թափուր է մնում:

2018-ի մարտի վերջին Ստոլտենբերգը հայտարարեց ՆԱՏՕ-ում Ռուսաստանի առաքելության յոթ անդամների վտարման և ևս երեքի հավատարմագրման երկարացումը մերժելու մասին: Մինչ այդ ավելի քան 20 երկիր հայտարարել էին տասնյակ ռուս դիվանագետների արտաքսման մասին՝ ի նշան Բրիտանիայի հետ համերաշխության՝ Սերգեյ Սկրիպալի եւ նրա դստեր թունավորման դեպքի հետ կապված:

«Տասը տարի առաջ՝ 2011-ի հունիսին, պաշտպանության նախարարների մակարդակով ՆԱՏՕ-Ռուսաստան խորհրդի նիստից առաջ ՆԱՏՕ-ի այն ժամանակվա գլխավոր քարտուղար Անդերս Ֆոգ Ռասմուսենն ասաց, որ կողմերի ամենակարևոր ձեռքբերումը, որոնց հետ նրանք եկել են այս հանդիպմանը, այն է, որ նրանք դադարել են միմյանց իրար համար սպառնալիք համարել:

Այնուհետ կողմերը պատրաստել են փաստաթուղթ՝ «21-րդ դարի անվտանգության ընդհանուր սպառնալիքների համատեղ վերանայում»: Սա այն պահն էր, երբ կողմերը քննարկել են ոչ միայն Մոսկվային հուզող հարցերը (դաշինքի ընդլայնում և եվրոպական հակահրթիռային պաշտպանություն), այլ նաև սուզանավերի և մարտական ինքնաթիռների մասնակցությամբ համատեղ զորավարժություններ են պլանավորել:

10-ը տարի անց կողմերի հարաբերությունները հավասարվել են 0-ի

ՆԱՏՕ-ի և Ռուսաստանի միջև հարաբերությունների կտրուկ վատթարացում տեղի ունեցավ 2014-ից հետո, այնուհետ Բրյուսելը ամբողջությամբ սառեցրեց ռազմական համագործակցությունը՝ թողնելով միայն դիվանագիտական ուղին: Հարաբերությունները փոքր-ինչ բարելավվեցին 2016 թվականին, երբ վերսկսվեց մշտական ներկայացուցիչների մակարդակով խորհրդի նիստեր անցկացնելու պրակտիկան. անհրաժեշտ էր լուծել Աֆղանստանում և Ուկրաինայում ստեղծված իրավիճակի հրատապ խնդիրները:

Այնուամենայնիվ, փոխադարձ պահանջները ոչ միայն չվերացան, այլ ավելի բարդացան: Մինչև 2030 թվականը դաշինքի նոր ռազմավարությունը, որը կազմվել և ներկայացվել է 2020 թվականի դեկտեմբերին, մասնավորապես ասում է՝ փաստ է, որ Ռուսաստանը «անօրինական կերպով միացրել է Ղրիմը և ներխուժել ու գրավել Ուկրաինայի արևելքը», շարունակում է զբաղեցնել Վրաստանի միջազգայնորեն ճանաչված տարածքի մի մասը և խոչընդոտում է Վրաստանի և Ուկրաինայի մերձեցմանը ՆԱՏՕ-ի հետ, ամրապնդում է իր ուժերը Բալթիկ ծովում, Սև ծովում և Արկտիկայում և, ընդհանրապես, «խորհրդային ժամանակաշրջանի իր տիրապետության վրա հեգեմոնություն է փնտրում»: 

Դաշինքի նկատմամբ Ռուսաստանի վերաբերմունքն էլ պակաս վատը չէ: Կողմերը զորավարժություններ են անցկացնում, որոնցում նրանք միմյանց դեմ ռազմական գործողություններ են իրականացնում, ռազմական ինքնաթիռներն անընդհատ թռչում են սահմանների մոտ: Ի վերջո, այս ամբողջ առճակատումը հանգեցրեց դիվանագիտական հարաբերությունների իսպառ կասեցմանը:

Միջազգային փորձագետների կարծիքով՝ պետությունների կամ ռազմական դաշինքների միջև անմիջական հաղորդակցության ուղիները կարևոր են առաջին հերթին հակամարտությունների սրումը կանխելու համար: Երկրորդ, դրանք ծառայում են միմյանց մտադրությունների՝ գոնե ինչ-որ մակարդակի հասկացմանը, հակառակ դեպքում կողմերը սկսում են միմյանց նայել միայն այլ տեսադաշտից՝ կասկածելով հակառակորդին պատերազմի պատրաստվելու մեջ և հաշվի առնելով նրա ցանկացած քայլ այս համատեքստում: Այդ իսկ պատճառով մինչև վերջերս կողմերի համար շատ կարևոր էր պահպանել գոնե որոշակի շփումներ:

Թե ինչպիսին կլինի կառույցի և ՌԴ-ի հետագա աշխատանքը, ցույց կտա ժամանակը:

Տպել
2140 դիտում

Սպասվում է առանց տեղումների եղանակ, առավոտյան մառախուղ կլինի

ՀՀ վարչապետն ընդունել է Կարմիր խաչի միջազգային ֆեդերացիայի գլխավոր քարտուղարին

Շուշիի շրջանում ականի պայթյունի հետևանքով 2 ադրբեջանցի է մահացել

ՌՈ-ն հայտնաբերել է գերիների և անհետ կորածների ցանկում կեղծ տվյալի ներառման դեպք. ընտանիքն անհիմն 2.700.000 դրամ է ստացել

Կոռուպցիա, հանցավոր ճանապարհով 2 մլրդ դրամի օրինականացում. մեղադրանք է առաջադրվել Վլադիմիր Գասպարյանին

28-ամյա վարորդը վրաերթի է ենթարկել 2 հետիոտնի. բժիշկները պայքարում են նրանց կյանքի համար

Արցախում գրանցվել է կորոնավիրուսային հիվանդության 53 նոր դեպք, մահացել է մեկ վարակակիր

Վայոց ձորի Արենի գյուղի մոտակայքում բեռնատարներ են բախվել

Շմոլ գազից թունավորված երեխաների բուժման համար «Մուրացան»-ում կներդրվի բարոթերապիայի ծառայություն

Ուղղորդման հետևանքով անվավեր քվեաթերթիկները դարձել են վավեր. ՔՊ-ից հայտնում են՝ ինչու են Աբովյանում վերահաշվարկ պահանջել

Հայաստանի Հանրապետությունը հետևողական կերպով կշարունակի աշխատանքները՝ իրազեկելու անցած ցեղասպանությունների մասին. ԱԳՆ

Ոճային փոփոխություն, ռիթմիկ երգ ու դինամիկ պար. Իվետա Մուկուչյանը նոր երգ ու տեսահոլովակ է ներկայացրել

Դիանա Գասպարյանը ներկայացրել է մի քանի կարևոր արդյունք, որ ստացվել է քաղաքապետարանի աշխատանքի շնորհիվ

«Արևի սքինքեր» ՓԲԸ-ն ազատվել է գերակա ոլորտում մասերի, նյութերի ու հումքի ներմուծման մաքսատուրքից

Բոլոր ռազմագերիների վերադարձը ես համարում եմ խաղաղապահների քաղաքացիական պարտքը. Մուրադով

«Մանկական Եվրատեսիլ-2021» երգի մրցույթի առցանց քվեարկությամբ Հայաստանի պատվիրակն առաջինն է

ԱԻՆ-ը Երևանի շենքերից մեկում ռումբի առկայության մասին ահազանգ է ստացել

Նիկոլ Փաշինյանի որոշմամբ՝ Արմավիրի փոխմարզպետի պաշտոնակատարն ազատվել է աշխատանքից

Կառավարության որոշմամբ՝ կհիմնադրվի «ՀԱՅ-ԱԼՄԱՍՏ» փակ բաժնետիրական ընկերություն

Գյումրիում կասֆալտապատվի 37 փողոց, ՀՀ կառավարությունը հավանություն տվեց նախագծին

Մաթեմատիկոս Վազգեն Միքայելյանը և ռադիոֆիզիկոս Արման Աթանեսյանն ազատվեցին պարտադիր զինվորական ծառայությունից

Երևանի 36-ամյա բնակիչը ձերբակալվել է՝ վիճաբանության ընթացքում 35-ամյա համաքաղաքացուն դանակահարելու համար

Սանկցիաներ են լինելու ապօրինի շինարարությունը չկասեցնող համայնքների ղեկավարների նկատմամբ. Անդրեասյան

ԱԺ-ն 61 կողմ ձայնով ընդունեց «ՀՀ 2022 թվականի պետական բյուջեի մասին» նախագիծը

Դեկտեմբերի 10-ին Մոսկվայում տեղի կունենա Հարավային Կովկասի հարցով «3+3» ձևաչափի առաջին հանդիպումը

Հայաստանում գրիպի ծանր տեսակի 12 դեպք է հայտնաբերվել, 7-ը՝ երեխաների, 5-ը՝ հղի կանանց շրջանում

Հաստատվել է կորոնավիրուսի 300 նոր դեպք. 1 օրում վարակի հետևանքով մահացել է 19 մարդ

Բայդենը հանդես է գալիս Եվրոպայում ԱՄՆ-ի երկարաժամկետ ռազմական ներկայության օգտին. Սալիվան

Ադրբեջանական կողմը կրակ է բացել ՀՀ մարտական դիրքերի ուղղությամբ, պատասխան կրակով հակառակորդը լռեցվել է. ՊՆ

ԱՄՆ-ում ՀՀ դեսպան Լիլիթ Մակունցը և կոնգրեսական Յանգ Քիմը քննարկել են 44-օրյա պատերազմից հետո ստեղծված իրավիճակը

Ողբերգական ավտովթար Արարատի մարզում. 2 մեքենաների բախման հետևանքով կա 1 զոհ, 2 վիրավոր

Հայ-ադրբեջանական սահմանին փոխհրաձգության հետևանքով ադրբեջանցի զինծառայող է սպանվել

Համածառայակցի կրակոցից վիրավորում է ստացել ՀՀ ՊՆ զինծառայող, վիճակը ծայրահեղ ծանր է

Էրդողանը կրկին դժգոհել է ԱՄՆ-ից, այս անգամ՝ Սիրիայի քրդերին աջակցելու համար

Ջերմուկ քաղաքում և Գյումրի-Ազատան ավտոճանապարհին մառախուղ է

Երևանում ՍՊԸ-ներից մեկին պատկանող տնակ է հրդեհվել. տուժածներ չկան

Մոտոհրաձգային և տանկային ստորաբաժանումների մասնակցությամբ անցկացվել է գումարտակային մարտավարական զորավարժություն

Ապարանում ավտոմեքենաներ են բախվել, ճանապարհային ոստիկանության ավագ տեսուչը տեղում մահացել է․ shamshyan

Բոլոր տղաների ողջ և առողջ Հայաստան վերադարձի ուղղությամբ տարվող մեր ջանքերը չեն դադարել ու չեն դադարելու․ Ալեն Սիմոնյան

Հայի ինքնության գինն ու մաքառող հավատը. հիշելով Սևակ Բալըքչիին